ಮತ್ತಾಯ 8:14 - ಕೊಡವ ಬೈಬಲ್

¹⁴ ಯೇಸು ಪೇತ್ರಂಡ ಮನೆಕ್ ಬಪ್ಪಕ, ಅಂವೊಂಡ ಮಾಂವಿಕ್ ಪನಿ ಬಂದಿತ್ ಸೌಕ್ಯಯಿಲ್ಲತೆ ಕಟ್ಟ್‌ಲ್ ಬುದ್ದಂಡಿಂಜತ್.

ಮತ್ತಾಯ 8:14 ပူးပေါင်းရင်းမြစ်များ

ಮತ್ತಾಯ 17:25

ಪೇತ್ರ ಮನೆಕ್ ಪೋನ ಪಿಂಞ ಅಂವೊ ತಕ್ಕ್ ಪರಿಯುವಕ್ ಮಿಂಞಲೇ ಯೇಸು ಅಂವೊನ ನೋಟಿತ್: ಈ ಲೋಕತ್‍ರ ರಾಜಂಗ ದಾಡ ಕೈಯಿಂಜ ಕಂದಾಯ ಎಡ್‍ತಂಡುಂಡ್? ತಾಂಡ ಮಕ್ಕಡ ಕೈಯಿಂಜಾ ಅಥವ ಬೋರೆಯಿಂಗಡ ಕೈಯಿಂಜಾ? ನೀನ್ ಎಂತ ಗೇನ ಮಾಡ್‌ವಿಯಾಂದ್ ಕ್‍ೕಟತ್.

ಮತ್ತಾಯ 8:15

ಆಚೇಂಗಿ ಯೇಸು ಅವಡ ಕೈಯಿನ ಮುಟ್ಟ್‌ವಕ ಅವಡ ಪನಿ ಪೋಚಿ. ಅವ ಎದ್ದಿತ್ ಅಯಿಂಗಕ್ ಸೇವೆ ಮಾಡ್‍ಚಿ.

ಮತ್ತಾಯ 8:20

ಅದ್ಂಗ್ ಯೇಸು: ಕುರ್‌ಕಂಗ ವಾಸ ಮಾಡ್‌ವಕ್ ತೂತ ಉಂಡ್, ಬಾನತ್‍ರ ಪಕ್ಷಿಯಕ್ ಗೂಡ್ ಉಂಡ್, ಆಚೇಂಗಿ ಮನುಷ್ಯಕುಮಾರಂಗ್ ಮಂಡೆ ಬೆಪ್ಪಕ್ ಜಾಗ ಇಲ್ಲೇಂದ್ ಎಣ್ಣ್‌ಚಿ.

1 ಕೊರಿಂಥ 9:5

ಬೋರೆ ಅಪೊಸ್ತಲಂಗಳು, ಒಡೆಯಂಡ ತಮ್ಮಣಂಗಳು, ಪೇತ್ರನು ಮಾಡ್‌ವನೆಕೆ, ಕ್ರಿಸ್ತಂಡ ಮೇಲೆ ನಂಬಿಕೆ ಉಳ್ಳ ನಂಗಡ ಪೊಣ್ಣ್‌ನ ನಂಗಡ ಕೂಡೆ ಕಾಕಿಯಂಡ್ ಪೋಪಕ್ ನಂಗಕ್ ಅದಿಕಾರ ಇಲ್ಲೆಯ?

1 ತಿಮೊಥೆಯ 3:2

ಸಬೆರ ಪೆರಿಯಯಿಂಗ, ಒರ್ ತಪ್ಪ್ ಇಲ್ಲತಯಿಂಗಳಾಯಿತಿರಂಡು. ಒರೇ ಒರ್ ಪೊಣ್ಣ್‌ಕ್ ವಡಿಯನಾಯಿತಿರಂಡು. ಅಂವೊಂಡ ಆಸೇನ ಅಡಕತ್‍ಲ್ ಬೆಪ್ಪಂವೊನಾಯಿತ್, ತನ್ನಡಕ್ಕ ಉಳ್ಳಂವೊನಾಯಿತ್, ಅಂವೊಂಗ್ ಮರ್ಯಾದೆ ಕ್‍ಟ್ಟ್‌ವನೆಕೆ ನಡ್‍ಪಂವೊನಾಯಿತ್, ಸತ್ಕಾರ ಮಾಡ್‌ವಂವೊನಾಯಿತ್, ನಲ್ಲ ಬೋದಕನಾಯಿತ್ ಇರಂಡು.

1 ತಿಮೊಥೆಯ 4:3

ಮಂಗಲ ಆಪಕ್ಕಾಗಾಂದ್ ಪಿಂಞ ಯೇಸುನ ನಂಬ್‍ನಯಿಂಗಳು, ಸತ್ಯತ್‍ನ ಗೊತ್ತುಳ್ಳಯಿಂಗಳು, ದೇವಕ್ ವಂದನೆ ಮಾಡಿತ್ ಕುಶೀಲ್ ತಿಂಗಂಡೂಂದ್ ದೇವ ಸೃಷ್ಟಿ ಮಾಡ್‍ನ ವಸ್ತುನೆಲ್ಲಾ, ತಿಂಬಕ್ಕಾಗಾಂದ್ ಆ ಪೊಟ್ಟ್‌ಮಾರಿಯಂಗ ಎಣ್ಣ್‌ವ.

ಇಬ್ರಿಯ 13:4

ಮಂಗಲತ್‍ನ ಎಲ್ಲಾರು ಗನಪಡ್‌ತಂಡು, ಮಂಗಲ ಕಯಿಚಯಿಂಗ ಅಯಿಂಗಯಿಂಗಡ ವಡಿಯ ಪೊಣ್ಣ್‌ಕ್ ನಂಬಿಕಸ್ತಯಿಂಗಳಾಯಿತ್ ಇಕ್ಕಂಡು; ವೇಶಿಯಳ ಪಿಂಞ ವ್ಯಬಿಚಾರ ಮಾಡ್‌ವಯಿಂಗಳ ದೇವ ನ್ಯಾಯತೀರ್ಪ.