ಮತ್ತಾಯ 8:13 - ಕೊಡವ ಬೈಬಲ್

¹³ ಪಿಂಞ ಯೇಸು ಆ ಅದಿಕಾರಿಕ್: ಪೋ! ನೀನ್ ನಂಬ್‍ನನೆಕೆ ನೀಕ್ ಆಪಾಂದ್ ಎಣ್ಣ್‌ಚಿ. ಅದೇ ಸಮಯತ್‍ಲ್ ಅಂವೊಂಡ ಆಳ್‍ಕ್ ವಾಸಿಯಾಚಿ.

ಮತ್ತಾಯ 8:13 ပူးပေါင်းရင်းမြစ်များ

ಮತ್ತಾಯ 15:28

ಅವಕ್‌ ಯೇಸು: ನೀಡ ನಂಬಿಕೆ ದುಂಬ ಬಲ್ಯದ್: ನೀಕ್ ಎಂತ ಕುಶಿ ಉಂಡೋ ಅದ್ ಆಡ್‍ೕಂದ್ ಯೇಸು ಆ ಪೊಣ್ಣಾಳ್‌ಕ್ ಎಣ್ಣ್‌ಚಿ. ಅದೇ ಕ್ಷಣತ್‍ಲ್ ಅವಡ ಮೋವಕ್ ವಾಸಿ ಆಚಿ.

ಮತ್ತಾಯ 17:20

ಅದ್ಂಗ್ ಯೇಸು: ನಿಂಗಕ್ ನಾಡ ಮೇಲೆ ಬೋಂಡಿಯಾನ ನಂಬಿಕೆ ಇಲ್ಲೆ; ನಿಂಗಕ್ ನಾಡ ಮೇಲೆ ಕಡು ಕುರುರಚ್ಚಕ್ ನಂಬಿಕೆ ಉಂಡೇಂಗಿ, ನಿಂಗ ಈ ಕುಂದ್‌ಕ್ ನೀನ್ ಇಲ್ಲಿಂಜ ಪೋಯಿತ್ ಅಲ್ಲಿ ಇರ್‍ೕಂದ್ ಎಣ್ಣ್‌ಚೇಂಗಿ ಆ ಕುಂದ್ ಅಲ್ಲಿಕ್ ಪೋಪ; ನಿಂಗಕ್ ಮಾಡ್‌ವಕ್ ಕಯ್ಯತದ್‍ೕಂದ್ ಒಂದು ಇಲ್ಲೇಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಮತ್ತಾಯ 8:4

ಅಕ್ಕ ಯೇಸು ಅಂವೊಂಗ್: ಈ ವಿಷಯತ್‍ನ ದಾರ್‌ಕು ಎಣ್ಣತೆ, ನೀನ್ ಯಾಜಕಂಡ ಪಕ್ಕ ಪೋಯಿತ್ ನಿನ್ನ ಕಾಂಬ್‍ಚಿಡ್, ಅಂವೊ ನಿನ್ನ ಪರೀಕ್ಷೆ ಮಾಡಡ್; ಪಿಂಞ ನೀನ್ ವಾಸಿ ಆಯಿತುಳ್ಳಾಂಗ್ ಎಲ್ಲಾರ್‌ಕು ಸಾಕ್ಷಿಯಾಯಿತ್ ನ್ಯಾಯಪ್ರಮಾಣತ್‍ಲ್ ಎಣ್ಣಿತ್ತುಳ್ಳ ಕಾಣಿಕೆನ ಕೊಡ್‍ೕಂದ್ ಎಣ್ಣ್‌ಚಿ.

ಮತ್ತಾಯ 9:22

ಯೇಸು ತಿರಿತ್ ಅವಳ ನೋಟಿತ್: ನಾಡ ಮೋಳೆ, ದೈರ್ಯ ಎಡ್‌ತ, ನೀಡ ನಂಬಿಕೆ ನಿನ್ನ ವಾಸಿ ಮಾಡ್‍ಚೀಂದ್ ಎಣ್ಣ್‌ಚಿ. ಆ ಕ್ಷಣತ್‍ಲ್ ಅವಡ ರೋಗ ವಾಸಿ ಆಚಿ.

ಮಾರ್ಕ 7:29

ಅಕ್ಕ ಯೇಸು: ನೀನ್ ಈ ತರ ಉತ್ತರ ಕೊಡ್‍ತಾಂಗ್ ನೀನ್ ಮನೆಕ್ ಪೋ, ನೀಡ ಮೋವಡ ಕೂಳಿ ಅವಳ ಬುಟ್ಟ್ ಪೋಯಿತಿಪ್ಪಾಂದ್ ಎಣ್ಣ್‌ಚಿ.

ಮಾರ್ಕ 9:23

ಯೇಸು ಅಂವೊಂಗ್: ನೀಕ್ ನಂಬಿಕೆ ಉಂಡೇಂಗಿ ಆಪ, ನಂಬಿಕೆ ಉಳ್ಳಂವೊಂಗ್ ಎಲ್ಲಾ ಆಪಾಂದ್ ಎಣ್ಣ್‌ಚಿ.

ಯೋಹಾನ 4:50

ಅದ್ಂಗ್ ಯೇಸು: ನೀನ್ ಪೋ, ನೀಡ ಮೋಂವೊ ಬದ್‌ಕ್‌ವಾಂದ್ ಎಣ್ಣ್‌ಚಿ. ಆ ಮನುಷ್ಯ ಯೇಸು ಎಣ್ಣ್‌ನದ್‍ನ ಅನ್ನನೆ ನಂಬಿತ್, ವಾಪಸ್ ಪೋಚಿ.