ಮತ್ತಾಯ 7:28 - ಕೊಡವ ಬೈಬಲ್

²⁸ ಯೇಸು ಇನ್ನನೆಯೆಲ್ಲಾ ಬೋದನೆ ಕೊಡ್‍ತ ಪಿಂಞ ಜನಯೆಲ್ಲಾ ದುಂಬ ಆಶ್ಚರ್ಯ ಪಟ್ಟತ್.

ಮತ್ತಾಯ 7:28 ပူးပေါင်းရင်းမြစ်များ

ಮತ್ತಾಯ 11:1

ಯೇಸು ಇನ್ನನೆ ತಾಂಡ ಪನ್ನೆರಂಡ್ ಶಿಷ್ಯಂಗಕ್ ಆಜ್ಞೆ ಕೊಡ್‍ತ ಪಿಂಞ, ಬೋದನೆ ಮಾಡ್‌ವಕು, ಪ್ರಚಾರ ಮಾಡ್‌ವಕು ಪಕ್ಕತ್‌ಲುಳ್ಳ ಅಯಿಂಗಡ ಪಟ್ಟಣಕ್ ಪೋಚಿ.

ಮತ್ತಾಯ 19:1

ಯೇಸು ಇನ್ನನೆ ಎಲ್ಲಾ ಎಣ್ಣಿತ್ ಆನ ಪಿಂಞ, ಗಲಿಲಾಯ ಪ್ರಾಂತ್ಯತ್‍ನ ಬುಟ್ಟಿತ್ ಯೊರ್ದನ್ ಕೆರೆರ ಆಬರಿಲ್ ಉಳ್ಳ ಯೆಹೂದ್ಯ ಪ್ರಾಂತ್ಯಕ್ ಬಾತ್.

ಮತ್ತಾಯ 22:33

ಜನಡ ಗುಂಪ್‌ಕ್ ಈ ಬೋದನೇನೆಲ್ಲಾ ಕ್‍ೕಪಕ, ಅಯಿಂಗಕ್ ದುಂಬ ಆಶ್ಚರ್ಯ ಆಚಿ.

ಮತ್ತಾಯ 26:1

ಇದೆಲ್ಲಾ ಎಣ್ಣಿತಾನ ಪಿಂಞ, ಯೇಸು ತಾಂಡ ಶಿಷ್ಯಂಗಕ್:

ಮತ್ತಾಯ 7:27

ದುಂಬ ಮಳೆ ಬಂದಿತ್, ನೀರ್ ಉಕ್ಕಿ ಬಂದಿತ್, ಆ ಮನೆರ ಮೇಲೆ ಗಾಳಿ ಬೀಜ್‌ವಕ, ಆ ಮನೆ ಬುದ್ದಿತ್ ಪೋಪ. ಬುದ್ದಿತ್, ಎಲ್ಲಾ ಪಾಳಾಯಿ ಪೋಪಾಂದ್ ಎಣ್ಣ್‌ಚಿ.

ಮತ್ತಾಯ 7:29

ಎನ್ನಂಗೆಣ್ಣ್‌ಚೇಂಗಿ ಯೇಸು, ನ್ಯಾಯಪ್ರಮಾಣತ್‍ರ ಉಪಾದ್ಯಂಗಡನೆಕೆ ಬೋದನೆ ಮಾಡತೆ, ಅದಿಕಾರ ಉಳ್ಳಂವೊನನೆಕೆ ಬೋದನೆ ಮಾಡ್‍ಚಿ.

ಮಾರ್ಕ 1:22

ಜನ ಅಂವೊ ಮಾಡ್‌ವ ಬೋದನೆನ ಕ್‍ೕಟಿತ್, ಆಶ್ಚರ್ಯ ಪಟ್ಟತ್. ಇಂವೊ ನ್ಯಾಯಪ್ರಮಾಣತ್‍ರ ಉಪಾದ್ಯಂಗಡನೆಕೆ ಬೋದನೆ ಮಾಡತೆ, ಅದಿಕಾರ ಉಳ್ಳಯಿಂಗಡನೆಕೆ ಬೋದನೆ ಮಾಡ್‌ವಾಂದ್ ಎಣ್ಣ್‌ಚಿ.

ಮಾರ್ಕ 11:18

ಮುಕ್ಯ ಯಾಜಕಂಗ ಪಿಂಞ ನ್ಯಾಯಪ್ರಮಾಣತ್‍ರ ಉಪಾದ್ಯಂಗ ಯೇಸು ತಕ್ಕ್ ಪರಿವಾನ ಕ್‍ೕಟತ್. ಅಂದಕ ಅಯಿಂಗ ಎಂತಾಚೇಂಗಿಯು ಮಾಡಿತ್ ಯೇಸುನ ಕೊಲ್ಲುವಕ್ ನೋಟಿಯಂಡ್ ಇಂಜತ್. ಆಚೇಂಗಿ ಜನಕೆಲ್ಲಾ ಯೇಸುರ ಬೋದನೆ ಕ್‍ೕಟಿತ್ ದುಂಬ ಆಶ್ಚರ್ಯ ಆನಗುಂಡ್ ಅಯಿಂಗ ಯೇಸುನ ಕಂಡಿತ್ ಬೊತ್ತ್‌ವಯಿಂಜತ್.

ಮಾರ್ಕ 6:2

ಸಬ್ಬತ್ ದಿನ ಬಪ್ಪಕ ಸಬಾಮಂದಿರತ್‍ಲ್ ಬೋದನೆ ಮಾಡ್‌ವಕ್ ಸುರು ಮಾಡ್‍ಚಿ. ದುಂಬ ಜನ ಕೂಡಿತ್ಂಜತ್. ಅಯಿಂಗಕ್ ಇಂವೊಂಡ ಉಪದೇಶತ್‍ನ ಕ್‍ೕಟಿತ್ ದುಂಬ ಆಶ್ಚರ್ಯ ಆಚಿ. ಇನ್ನತ ಉಪದೇಶವೆಲ್ಲ ಇಂವೊಂಗ್ ಎಲ್ಲಿಂಜ ಕ್‍ಟ್ಟ್‌ಚಿ? ಎಲ್ಲಿಂಜ ಈ ತರ ಜ್ಞಾನ ಕ್‍ಟ್ಟ್‌ಚಿ? ಇಂವೊ ಎನ್ನನೆ ಈ ತರ ಅದ್ಬುತ ಕಾರ್ಯ ಮಾಡಿಯಂಡುಂಡ್?

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:48

ಜನ ಎಲ್ಲ ಅಂವೊಂಡ ಒರ್ ಬೋದನೆನ ಸಹ ಬುಡತೆ ಚಾಯಿತೆ ಕ್‍ೕಟಂಡ್ ಇಂಜಗುಂಡ್ ಅಯಿಂಗಕ್ ಎನ್ನನೆ ಮಾಡಂಡೂಂದ್ ಗೊತ್ತ್‌ಂಜಿತ್‌ಲ್ಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:47

ಅಂವೊಂಡ ತಕ್ಕ್ ಕ್‍ೕಟ ಎಲ್ಲಾರ್‌ಕು ಅಂವೊಂಡ ಬುದ್ದಿನ ಪಿಂಞ ಅಂವೊ ಎಣ್ಣ್‌ನ ಉತ್ತರತ್‍ನ ಕ್‍ೕಟಿತ್ ಆಶ್ಚರ್ಯ ಆಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:22

ಅಲ್ಲಿ ಉಳ್ಳ ಜನಯೆಲ್ಲ ಅಂವೊಂಗ್ ನಲ್ಲ ಪೆದ ಕೊಡ್‌ತಿತ್, ಅಂವೊಂಡ ಕರುಣೆಯುಳ್ಳ ತಕ್ಕ್‌ನ ಕ್‍ೕಟಿತ್ ಆಶ್ಚರ್ಯ ಆಯಿತ್: ಇಂವೊ ಯೋಸೇಫಂಡ ಮೋಂವೊನಲ್ಲಾಂದ್ ಅಯಿಂಗಯಿಂಗಳೇ ತಕ್ಕ್ ಪರ್ಂದತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:32

ಅಂವೊಂಡ ಬೋದನೆ ಅದಿಕಾರ ಉಳ್ಳದಾಯಿತ್ಂಜಗುಂಡ್ ಅಲ್ಲಿಯತ್‍ರ ಜನಯೆಲ್ಲ ಆಶ್ಚರ್ಯ ಪಟ್ಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:1

ಯೇಸು ಅಂವೊಂಡ ವಾಕ್ಯತ್‍ನ ಜನಕ್ ಬೋದನೆ ಮಾಡ್‍ನ ಪಿಂಞ ಕಪೆರ್ನೌಮ್‍ಕ್ ಪೋಚಿ.

ಯೋಹಾನ 7:15

ಯೇಸು ಬೋದನೆ ಮಾಡ್‌ವಾನ ಕ್‍ೕಟಿತ್, ಇಂವೊ ಪಡಿಚಿತ್‌ಲ್ಲೆ, ಆಚೇಂಗಿಯು, ದೇವಡ ವಾಕ್ಯತ್‍ನ ಇಚ್ಚಕ್ ಚಾಯಿತೆ ಎನ್ನನೆ ಬೋದನೆ ಮಾಡ್‌ವಾಂದ್ ಯೆಹೂದ್ಯಂಗಡ ಅದಿಕಾರಿಯಂಗ ದುಂಬ ಆಶ್ಚರ್ಯತ್‍ಲ್ ಕ್‍ೕಟತ್.

ಯೋಹಾನ 7:46

ಅದ್ಂಗ್ ಸಿಪಾಯಿಯಂಗ: ಆ ಮನುಷ್ಯ ತಕ್ಕ್ ಪರಿಯುವನೆಕೆ ದಾರೂ ಇಲ್ಲಿಕತ್ತನೆ ತಕ್ಕ್ ಪರ್‌ಂದಿತ್‌ಲ್ಲೇಂದ್ ಎಣ್ಣ್‌ಚಿ.