ಮತ್ತಾಯ 7:2 - ಕೊಡವ ಬೈಬಲ್

² ಎನ್ನಂಗೆಣ್ಣ್‌ಚೇಂಗಿ, ನಿಂಗ ಬೋರೆ ಜನತ್‍ನ ಎನ್ನನೆ ತೀರ್ಪ್ ಮಾಡ್‍ವಿರೋ ಅನ್ನನೆ ದೇವ ನಿಂಗಕು ತೀರ್ಪ್ ಮಾಡ್‌ವ. ಏದ್ ಅಳ್‌ತೆಲ್ ನಿಂಗ ತೀರ್ಪ್ ಮಾಡ್‌ವಿರ, ಅದೇ ಅಳ್‌ತೆಲ್ ದೇವ ನಿಂಗಳ ಸಹ ತೀರ್ಪ್ ಮಾಡ್‌ವ.

ಮತ್ತಾಯ 7:2 ပူးပေါင်းရင်းမြစ်များ

ಮತ್ತಾಯ 6:14

ನಿಂಗಕ್ ವಿರೋದವಾಯಿತ್ ಪಾಪ ಮಾಡ್‍ನಯಿಂಗಳ ಮನ್ನಿಚಿಟ್ಟತೇಂಗಿ, ನಿಂಗಡ ಪರಲೋಕತ್‍ರ ಅಪ್ಪ ನಿಂಗಳ ಮನ್ನಿಚಿಡ್‌ವ.

ಮಾರ್ಕ 4:24

ಇಂಞು ಅಯಿಂಗಳ ಅಂವೊ ನೋಟಿತ್ ಎಣ್ಣ್‌ಚಿ; ನಿಂಗ ಜಾಗ್ರತೆಲ್ ಕ್‍ೕಳಿ, ಏದ್ ಅಳ್‌ತೆಲ್ ನಿಂಗ ತೀರ್ಪ್ ಮಾಡ್‌ವಿರ, ಅದೇ ಅಳ್‌ತೆಲ್ ದೇವ ನಿಂಗಳ ಸಹ ತೀರ್ಪ್ ಮಾಡ್‌ವ, ಇಂಞು ದುಂಬ ಮ‌ಡುವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:38

ಕೊಡಿ, ಅಕ್ಕ ದೇವ ನಿಂಗಕು ಕೊಡ್‍ಪ; ಅಮ್‌ಕಿ, ಕುಲ್‍ಕಿ, ತುಳ್‌ಕಿ ನಿಂಗಡ ಮಡ್‌ಲ್ ಚಾಯಿತೆ ಅಳ್‌ತೆ ಮಾಡಿತ್ ಕೊಡ್‍ಪ; ನಿಂಗ ಏದ್ ಅಳ್‌ತೆಲ್ ಅಳ್‍ಪಿರ ಅದೇ ಅಳ್‌ತೆಲ್ ನಿಂಗಕು ಅಳ್‌ಪ.

2 ಕೊರಿಂಥ 9:6

ಚೆನ್ನ ಬಿತ್ತ್ ಇಡ್‌ವಂವೊ ಚೆನ್ನ ಕೊಯ್ಯುವ, ದುಂಬ ಬಿತ್ತ್ ಇಡ್‌ವಂವೊ, ದುಂಬ ಕೊಯ್ಯುವಾಂದ್ ಉಳ್ಳದ್‍ನ ಗೇನ ಮಾಡಿಯೊಳಿ.

ಯಾಕೋಬ 2:13

ಈ ಲೋಕತ್‍ಲ್ ಜನಕ್ ಕರುಣೆ ಕಾಟತಯಿಂಗಕ್, ದೇವ ತೀರ್ಪ್ ತಪ್ಪ ದಿವಸತ್‍ಲ್, ಅಂವೊ ಕರುಣೆ ಕಾಟುಲೆ; ಆಚೇಂಗಿ, ನಿಂಗ ಕರುಣೆಯುಳ್ಳಯಿಂಗಳಾಯಿತ್ ಇಂಜತೇಂಗಿ, ದೇವ ನಿಂಗಳ ತೀರ್ಪ್ ಮಾಡ್‌ವ ದಿವಸತ್‍ಲ್ ನಿಂಗಕ್ ಕರುಣೆಯುಳ್ಳಂವೊನಾಯಿತಿಪ್ಪಾಂದ್ ನಿಂಗಕ್ ಗೊತ್ತಿರಂಡು.

ಪ್ರಕಟನೆ 18:6

ಅವ ನಿಂಗಕ್ ಮಾಡ್‍ನನೆಕೆ ಅವಕ್ ನಿಂಗ ಬದ್‍ಲ್ ಮಾಡಿ; ಅವಡ ಕೆಲಸಕ್ ತಕ್ಕಂತದ್‍ನ ಅವಕ್ ದಂಡ್‍ರಚ್ಚಕ್ ಅಳ್‌ತೆಲ್ ನಿಂಗ ಮಾಡಂಡು; ಅವ ನಿಂಗಕ್ ಕಲ್‍ಕಿತ್ ಕೊಡ್‍ತ ಪಾತ್ರತ್‍ಲ್, ಅವಕ್ ದಂಡ್ ಪಾಲ್ ಜಾಸ್ತಿ ಕಲ್‍ಕಿತ್ ಕೊಡಿ.