ಮತ್ತಾಯ 7:15 - ಕೊಡವ ಬೈಬಲ್

¹⁵ ಕಳ್ಳ ಪ್ರವಾದಿಯಂಗಡ ವಿಷಯತ್ ಎಚ್ಚರತ್‍ಲ್ ಇರಿ. ಅಯಿಂಗ ಪೊರಮೆ ಸಾದು ಕೊರಿರನೆಕೆ ವೇಷ ಇಟ್ಟಂಡ್ ಬಪ್ಪ. ಆಚೇಂಗಿ, ಹೃದಯತ್‍ಲ್ ಅಯಿಂಗ, ಕೀತ್‍ವ ತೋಳರನೆಕೆ ಇಪ್ಪ.

ಮತ್ತಾಯ 7:15 ပူးပေါင်းရင်းမြစ်များ

ಮತ್ತಾಯ 10:17

ಇದ್‍ಲ್ಲತೆ ಜನಡ ಕೂಡೆ ಎಚ್ಚರತ್‍ಲ್ ಇರಿ. ಅಯಿಂಗ ನಿಂಗಳ ನ್ಯಾಯಾಲಯಕ್ ಬಲ್‍ಚಂಡ್ ಪೋಯಿತ್, ಅಯಿಂಗಡ ಆಲೋಚನೆ ಸಬೇಲ್ ಒಪ್ಪ್‌ಚಿಟ್ಟಿತ್ ಅಯಿಂಗಡ ಸಬಾಮಂದಿರತ್‍ಲ್ ನಿಂಗಳ ಚಾಟಿಲ್ ಪೊಯ್ಯುವ.

ಮತ್ತಾಯ 16:11

ನಾನ್ ಒಟ್ಟಿರ ವಿಷಯತ್‍ನ ತಕ್ಕ್ ಪರ್‌ಂದಿತ್‌ಲ್ಲೇಂದ್ ಎನ್ನಂಗ್ ಇಂಞು ಅರ್ಥ ಆಯಂಡಿಲ್ಲೆ. ನಿಂಗ ಫರಿಸಾಯ ಪಿಂಞ ಸದ್ದುಕಾಯಂಗಡ ಈಸ್ಟ್‌ರ ವಿಷಯತ್ ಎಚ್ಚರವಾಯಿತಿರಂಡೂಂದ್ ನಾನ್ ಎಣ್ಣಿಯೆ.

ಮತ್ತಾಯ 16:6

ಯೇಸು ಅಯಿಂಗಕ್: ಫರಿಸಾಯ ಪಿಂಞ ಸದ್ದುಕಾಯಂಗಡ ಈಸ್ಟ್‌ರ ವಿಷಯತ್ ಎಚ್ಚರತ್ ಇರೀಂದ್ ಎಣ್ಣ್‌ಚಿ.

ಮತ್ತಾಯ 24:11

ದುಂಬ ಕಳ್ಳ ಪ್ರವಾದಿಯಂಗಡ ಕೂಟ ಬೊಳ್ಂದಿತ್ ದುಂಬ ಜನಳ ಮೋಸ ಮಾಡ್‌ವ.

ಮತ್ತಾಯ 7:14

ಆಚೇಂಗಿ ನಿತ್ಯ ಜೀವಕ್ ಪೋಪ ಬಟ್ಟೇರ ಬಾಯಿಕಂಡಿ, ಇರ್‍ಂಗನದು ದುಂಬ ಕಷ್ಟವಾನದು ಆಯಿತುಂಡ್. ಅದ್‍ನ ಚೆನ್ನ ಜನ ಮಾತ್ರ ಕಂಡ್‍ಪುಡಿಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:15

ಎಲ್ಲಾ ತರ ಅತಿ ಆಸೆರ ವಿಷಯತ್‍ಲ್ ಎಚ್ಚರತ್ ಇರಿ. ನೇರಾನ ಜೀವ ನಿಂಗಡ ದುಂಬ್‍ನ ಆಸ್ತಿಯಿಂಜ ಬಪ್ಪುಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:26

ಜನ ನಿಂಗಳ ದುಂಬ ಹೊಗಳಿಯಂಡುಂಡೇಂಗಿ ನಿಂಗಕ್ ಅಯ್ಯೋ! ಪೂರ್ವ ಕಾಲತ್‍ರ ಅಪ್ಪಂಗಳು, ಕಳ್ಳ ಪ್ರವಾದಿಯಂಗಕ್ ಅನ್ನನೆ ಪರ್ಂದತ್.

ಯೋಹಾನ 10:12

ಕೊರಿಕಾಪಂವೊನಲ್ಲತಂವೊ ಪಿಂಞ ಕೊರಿಡ ಎಜಮಾನ ಅಲ್ಲತಂವೊ, ತೋಳ ಬಪ್ಪದ್‍ನ ಕಾಂಬಕ, ಅಂವೊ ಕೊರಿಯಳ ಬುಟ್ಟಿತ್ ಓಡಿ ಪೋಪ; ಅಕ್ಕ ತೋಳ ಕೊರಿಯಳ ಪುಡ್‌ಚಿತ್ ಅಯಿಂಗಳ ಚದ್‍ರಿಚಿಡುವ.

ಅಪೊಸ್ತಲ 13:40

ಇನ್ನನೆ ಇಪ್ಪಕ, ಪ್ರವಾದಿಯಂಗಡ ಪುಸ್ತಕತ್‍ಲ್ ಎಣ್ಣಿತುಳ್ಳ ಒಂದು ನಿಂಗಡ ಮೇಲೆ ಬಕ್ಕತನೆಕೆ ನೋಟಿಯೊಳಿ. ಅದ್ ಎಂತ ಎಣ್ಣ್‌ಚೇಂಗಿ:

ಅಪೊಸ್ತಲ 13:6

ಅಯಿಂಗ ದ್ವೀಪತ್‍ರ ಬಟ್ಟೇಲ್ ಪಾಫೋಸ್ ಎಣ್ಣುವ ಪೇಟೇಕ್ ಬಪ್ಪಕ, ಅಲ್ಲಿ ಬಾರ್‌ಯೇಸು ಎಣ್ಣುವ ಕಳ್ಳ ಪ್ರವಾದಿಯು ಮಂತ್ರವಾದಿಯು ಆಯಿತ್ಂಜ ಒರ್ ಯೆಹೂದ್ಯನ ಕಂಡತ್.

ಗಲಾತ್ಯ 2:4

ಆಚೇಂಗಿ, ಈ ವಿಷಯತ್‍ಲ್ ಯೇಸುನ ನಂಬ್‍ನಯಿಂಗಾಂದ್ ಎಣ್ಣುವ ಚೆನ್ನ ಕಳ್ಳಂಗ ತರ್ಕ ಮಾಡ್‍ಚಿ. ಅಯಿಂಗ ದಾರ್ ಎಣ್ಣ್‌ಚೇಂಗಿ; ದಾರ್‌ಕು ಗೊತ್ತಿಲ್ಲತೆ ನಂಗಡ ಒಳ್‍ಕ್ ಕೂಡ್‍ನ ಅಣ್ಣತಮ್ಮಣಂಗಳೇ. ಯೇಸು ಕ್ರಿಸ್ತನಗುಂಡ್ ನಂಗಕುಳ್ಳ ಸ್ವಾತಂತ್ರತ್‍ನ, ನಂಗಡಿಂಜ ಎಡ್‍ಪಕ್ ನೋಟಿತ್, ಯೆಹೂದ್ಯಂಗಡ ನ್ಯಾಯಪ್ರಮಾಣಕ್ ಅಡಿಯಾಳ್‌ರನೆಕೆ ನಂಗ ಇರಂಡೂಂದ್ ಅಯಿಂಗ ಒತ್ತಾಯ ಮಾಡ್‍ಚಿ.

ಎಫೆಸ 4:14

ನಂಗ ಇಂಞು ಮಿಂಞಕ್ ಕುಂಞಿಯರನೆಕೆ ಇಕ್ಕತೆ, ಮನುಷ್ಯಂಗಡ ಕಪಟ ಪಿಂಞ ವಂಚನೆ ಮಾಡ್‌ವ ತಂತ್ರವುಳ್ಳ ಬೋದನೆಯಾನ, ನಾನಾತರ ಗಾಳಿರಗುಂಡ್ ಅಲ್ಲಾಡಿಯಂಡಿಪ್ಪ, ಅಲೆರನೆಕೆ ಅಪ್ಪರ ಇಪ್ಪರ ಪೋಯಂಡಿಪ್ಪಯಿಂಗಳಾಯಿತ್ ಇರತಿ.

ಎಫೆಸ 5:6

ದಾರೂ ನಿಂಗಳ ಪ್ರಯೋಜನ ಇಲ್ಲತ ತಕ್ಕ್‌ರ ಮೂಲಕ ವಂಚನೆ ಮಾಡ್‌ವಕ್ ಬುಡತಿ. ಇಂತ ಪಾಪಕಾಯಿತೇ ದೇವಡ ಬಲ್ಯ ಚೆಡಿ, ಅಂವೊಂಗ್ ತಗ್ಗಿತ್ ನಡ್‌ಕತಯಿಂಗಡ ಮೇಲೆ ಬಪ್ಪ.

ಫಿಲಿಪ್ಪಿ 3:2

ನಿಂಗ ಸುನ್ನತಿ ಮಾಡಂಡೂಂದ್, ನಾಯಿಯಡನೆಕೆ ನಿಂಗಳ ತೊಂದರೆ ಮಾಡ್‌ವ ಕಳ್ಳ ಬೋದನೆಕಾರಂಗಡ ವಿಷಯತ್‍ಲ್ ನಿಂಗ ಎಚ್ಚರ ಎಡ್‌ತೊಳಿ.

ಕೊಲೊಸ್ಸೆ 2:8

ಈ ಒಂದು ಇಲ್ಲತ ವಂಚನೆ ಮಾಡ್‌ವ ಶಾಸ್ತ್ರತ್‍ರ ಮೂಲಕ ಪಿಂಞ ಈ ಲೋಕತ್‍ರ ಆತ್ಮೀಯ ಅದಿಕಾರತ್ಂಜ ದಾರೂ ನಿಂಗಳ ಚಿಕ್ಕಿಚಿಡತೆ ಇಪ್ಪಕ್, ಎಚ್ಚರತ್‍ಲ್ ಇರಿ. ಅದೆಲ್ಲಾ, ಪ್ರಯೋಜನ ಇಲ್ಲತ ವಂಚನೆ ಮಾಡ್‌ವ ಮನುಷ್ಯಂಗಡ ಪದ್ದತಿಯು, ಈ ಲೋಕತ್‍ರ ಪದ್ದತಿರ ಜ್ಞಾನವು ಅಲ್ಲತೆ ಕ್ರಿಸ್ತಂಡಿಂಜ ಬಪ್ಪ ಜ್ಞಾನ ಅಲ್ಲ.

2 ತಿಮೊಥೆಯ 3:13

ಆಚೇಂಗಿ, ದುಷ್ಟಂಗ ಪಿಂಞ ವಂಚಕಂಗ, ಮೋಸ ಮಾಡಿಯಂಡ್, ಅಯಿಂಗಳು ಮೋಸ ಪೋಯಂಡ್, ಇಕ್ಕ ಉಳ್ಳ ಸ್ತತಿಯಿಂಜ ಇಂಞು ಪಾಳಾಯಿ ಪೋಪ.

2 ತಿಮೊಥೆಯ 4:3

ಎನ್ನಂಗೆಣ್ಣ್‌ಚೇಂಗಿ, ಅಯಿಂಗ ಆರೋಗ್ಯವಾನ ಬೋದನೆನ ಕ್‍ೕಪಕ್ ಮನಸ್ಸಿಲ್ಲತೆ, ಅಯಿಂಗಡ ಸ್ವಾರ್ಥ ಆಸೆಕ್ ತಕ್ಕಂತ, ಅಯಿಂಗಡ ಕೆಮಿಕ್ ಎಂತ ಕುಶಿಯುಂಡೋ ಅದ್‍ನ ತಕ್ಕ್ ಪರಿಯುವಂತ ಬೋದನೆಕಾರಂಗಳ ದುಂಬ ಕೂಟಿಯಂಡ್ ಬಪ್ಪ ಕಾಲ ಬಪ್ಪ.

2 ಪೇತ್ರ 3:17

ಆನಗುಂಡ್, ನಾಡ ಪ್ರೀತಿರ ಜನಳೇ, ಇನ್ನತಾನದೆಲ್ಲ, ನಿಂಗಕ್ ಮಿಂಞಲೇ ಗೊತ್ತಾನಗುಂಡ್, ದುಷ್ಟಂಗಡ ವಂಚನೆಲ್ ನಿಂಗ ಜಾರಿತ್, ನಿಂಗಡ ಸ್ತಿರವಾನ ಸ್ತಾನತ್ಂಜ ಬುದ್ದಿತ್ ಪೋಕತನೆಕೆ ಎಚ್ಚರತ್‍ಲ್ ಇರಿ.

1 ಯೋಹಾನ 4:1

ನಾಡ ಪ್ರೀತಿರ ಜನಳೇ, ಈ ಲೋಕತ್‍ಲ್ ದುಂಬ ಕಳ್ಳ ಪ್ರವಾದಿಯ ಉಂಡ್. ಆನಗುಂಡ್ ನಿಂಗ ಎಲ್ಲಾ ಆತ್ಮತ್‌ನ ನಂಬತೆ, ಆ ಆತ್ಮ ದೇವಡ ಕಡೇಯಿಂಜ ಬಾತಾಂದ್ ನಿಂಗ ಪರೀಕ್ಷೆ ಮಾಡಿತ್ ನೋಟಂಡು.

ಯೂದ ಒಳ್‍ದ್‍ನ ಕಾಗದ 1:4

ಎನ್ನಂಗೆಣ್ಣ್‌ಚೇಂಗಿ, ದೇವಡ ಮೇಲೆ ದಂಗೆ ಮಾಡ್‌ವ ಚೆನ್ನ ಜನ ನಿಂಗಕ್ ಗೊತ್ತಿಲ್ಲತೆ ನಿಂಗಡ ಸಬೇಲ್ ನುಗ್ಗಿತ್, ದೇವಡ ಕೃಪೆ ನಂಗಳ ಕಾಮಾಬಿಲಾಷೆ ಪಾಪ ಮಾಡ್‌ವಕ್ ಅನುಮತಿ ಕೊಡ್‍ತಿತುಂಡ್‍ೕಂದ್ ಎಣ್ಣಿಯಂಡ್, ಯೇಸು ಕ್ರಿಸ್ತ ಒಬ್ಬನೇ ನಂಗಡ ಮೇಲೆ ಎಲ್ಲಾ ಅದಿಕಾರ ಉಳ್ಳ ಒಡೆಯಾಂದ್ ಉಳ್ಳಾನ ಒತ್ತಂಡಿಲ್ಲೆ. ಅಯಿಂಗಡ ತೀರ್ಪ್‌ನ ಪಂಡೇ ದೇವ ಒಳ್‍ದಿ ಬೆಚ್ಚಿತುಂಡ್.

ಪ್ರಕಟನೆ 16:13

ಆ ಸಮಯತ್‍ಲ್, ಘಟಸರ್ಪತ್‍ರ ಬಾಯಿಂಜ, ಮೃಗತ್‍ರ ಬಾಯಿಂಜ, ಪಿಂಞ ಕಳ್ಳ ಪ್ರವಾದಿಯಡ ಬಾಯಿಂಜ ಕಪ್ಪೇರನೆಕೆ ಉಳ್ಳ ಮೂಂದ್ ಕೂಳಿಯ ಪೊರಟಿತ್ ಬಪ್ಪಾನ ಕಂಡಿಯೆ.

ಪ್ರಕಟನೆ 17:6

ಆ ಪೊಣ್ಣಾಳ್ ದೇವಡ ಮಕ್ಕಡ ಚೋರೆನ, ಯೇಸುಕ್ ಸಾಕ್ಷಿ ಕೊಡ್‍ತ ಮಕ್ಕಡ ಚೋರೆನ ಕುಡಿಚ ಬೋಗತ್‍ಲ್ ಇಪ್ಪದ್‍ನ ಕಂಡಿಯೆ. ಅವಳ ಕಾಂಬಕ ನಾಕ್ ದುಂಬ ಆಶ್ಚರ್ಯ ಆಚಿ.

ಪ್ರಕಟನೆ 19:20

ಅಕ್ಕ ಆ ಮೃಗತ್‍ನ ಪುಡ್‍ಚತ್; ಅದ್ಂಡ ಮಿಂಞತ್‍ಲ್ ಮಾಡ್‍ನ ಅದ್ಬುತ ಕಾರ್ಯತ್‍ನಗುಂಡ್, ಅದ್ಂಡ ಮುದ್ರೆನ ಇಟ್ಟಯಿಂಗಳ, ಅದ್ಂಡ ವಿಗ್ರಹತ್‍ನ ಆರಾದನೆ ಮಾಡ್‍ನಯಿಂಗಳ ಪಿಂಞ ಮೋಸ ಮಾಡ್‍ನ ಕಳ್ಳ ಪ್ರವಾದಿನ ಸಹ ಪುಡ್‌ಚಿರ್‌ತ್. ಜೀವತ್‍ಲ್ ಇಪ್ಪಕಲೆ ಈ ದಂಡಾಳ್‌ನ ಗಂಧಕ ಕತ್ತಿಯಂಡುಳ್ಳ ತಿತ್ತ್‌ರ ಕಡಲ್‍ಲ್ ಇಟ್ಟತ್.

ಪ್ರಕಟನೆ 20:10

ಇದ್‍ಲ್ಲತೆ, ಅಯಿಂಗಳ ಮರ್‍ಳ್ ಮಾಡ್‍ನ ಸೈತಾನನ, ಮೃಗತ್‍ನ, ಕಳ್ಳ ಪ್ರವಾದಿನ ಪ್ರವಾದಿ ಬೆಚ್ಚಿತ್ಂಜ ತಿತ್ತ್ ಕತ್ತಿಯಂಡ್ ಉಳ್ಳ ಗಂಧಕತ್‍ರ ಕಡಲ್‍ಲ್ ಇಟ್ಟಿರುವ. ಅಯಿಂಗ ಅಲ್ಲಿ ಪೋಲ್ ಬಯಿಟಾಯಿತ್ ಎಕ್ಕಾಲು ಹಿಂಸೆ ಪಟ್ಟಂಡಿಪ್ಪ.