ಮತ್ತಾಯ 6:30 - ಕೊಡವ ಬೈಬಲ್

³⁰ ಅಲ್ಪ ನಂಬಿಕೆ ಉಳ್ಳಯಿಂಗಳೇ, ಇಂದ್ ಇಂಜಿತ್ ನಾಳೆ ಪೋಪ ಪೂವ್‍ನ ದೇವ ಇಚ್ಚಕ್ ಚಾಯಿತೆ ನೋಟ್‍ಚೇಂಗಿ, ನಿಂಗಳ ನೇರಾಯಿತು ಎಚ್ಚಕ್ ಚಾಯಿತೆ ನೋಟ್‌ವ?

ಮತ್ತಾಯ 6:30 ပူးပေါင်းရင်းမြစ်များ

ಮತ್ತಾಯ 14:31

ಯೇಸು ಒಡನೆ ಕೈಯಿನ ನೀಟುವಂಜಿ ಅಂವೊನ ಪುಡ್‌ಚಿತ್: ಓ ಅಲ್ಪ ನಂಬಿಕೆ ಉಳ್ಳಂವೊನೇ, ಎನ್ನಂಗ್ ನಾಡ ಮೇಲೆ ಅನುಮಾನ ಪಟ್ಟಿಯಾಂದ್ ಕ್‍ೕಟತ್.

ಮತ್ತಾಯ 16:8

ಯೇಸುಕ್ ಇದ್ ಗೊತ್ತಾಯಿ ಪೋಚಿ. ಅಂವೊ ಅಯಿಂಗಳ ನೋಟಿತ್: ಅಪನಂಬಿಕೆಕಾರಳೇ, ನಿಂಗ ಎನ್ನಂಗ್ ಒಟ್ಟಿ ಎಡ್‌ತ ಬರತಾಂಗ್ ತಕ್ಕ್ ಪರಿವಿರ?

ಮತ್ತಾಯ 17:17

ಯೇಸು ಅಲ್ಲಿ ಕೂಡಿತ್ಂಜ ಜನಳ ನೋಟಿತ್: ನಂಬಿಕೆ ಇಲ್ಲತ ಮೋಸವಾನ ಸಂತಾನಕಾರಳೇ, ನಿಂಗಡ ಕೂಡೆ ಎಚ್ಚಕ್ ಕಾಲ ನಾನ್ ತಾಳ್ಮೆಯಾಯಿತ್ ಇಪ್ಪಕ್ ಕಯ್ಯು? ನೀಡ ಮೋಂವೊನ ಇಲ್ಲಿ ಕಾಕಿಯಂಡ್ ಬಾಂದ್ ಆ ಕ್‍ಣ್ಣಂಡ ಅಪ್ಪಂಗ್ ಎಣ್ಣ್‌ಚಿ.

ಮತ್ತಾಯ 8:26

ಅದ್ಂಗ್ ಯೇಸು: ಅಲ್ಪ ನಂಬಿಕೆ ಉಳ್ಳಯಿಂಗಳೇ, ಎನ್ನಂಗ್ ನಿಂಗಕ್ ಅಚ್ಚಕ್ ಪೋಡಿ ಆಚೀಂದ್ ಕ್‍ೕಟಿತ್, ಏವಂಜಿ, ಗಾಳಿಕೂ ಅಲೆಕೂ ಮುಂಡತ್‌ಪ್ಪಕ್ ಆಜ್ಞೆ ಮಾಡ್‍ಚಿ. ಬಯ್ಯ ದುಂಬ ಶಾಂತವಾಚಿ.

ಮಾರ್ಕ 4:40

ಯೇಸು ಅಂವೊಂಡ ಶಿಷ್ಯಂಗಕ್ ನಿಂಗಕ್ ಇಂಞು ನಂಬಿಕೆ ಬಂದಿತ್‌ಲ್ಲೆಯಾ? ಎನ್ನಂಗ್ ನಿಂಗಕ್ ಅಚ್ಚಕ್ ಪೋಡಿ ಆಚೀಂದ್ ಕ್‍ೕಟತ್.

ಮಾರ್ಕ 9:19

ಅದ್ಂಗ್ ಯೇಸು: ನಂಬಿಕೆ ಇಲ್ಲತ ಸಂತಾನಕಾರಳೇ, ನಿಂಗಡ ಕೂಡೆ ಎಚ್ಚಕ್ ಕಾಲ ನಾನ್ ತಾಳ್ಮೆಯಾಯಿತ್ ಇಪ್ಪಕ್ ಕಯ್ಯು? ನೀಡ ಮೋಂವೊನ ಇಲ್ಲಿ ಕಾಕಿಯಂಡ್ ಬಾಂದ್ ಆ ಕ್‍ಣ್ಣಂಡ ಅಪ್ಪಂಗ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:28

ಇನ್ನನೆ ಇಪ್ಪಕ, ಅಲ್ಪ ನಂಬಿಕೆ ಉಳ್ಳಯಿಂಗಳೇ, ಇಂದ್ ಇಂಜಿತ್ ನಾಳೆ ಪೋಪ ಪೂವ್‍ನ ದೇವ ಇಚ್ಚಕ್ ಚಾಯಿತೆ ನೋಟ್‍ಚೇಂಗಿ, ನಿಂಗಳ ನೇರಾಯಿತು ಎಚ್ಚಕ್ ಚಾಯಿತೆ ನೋಟುವ?

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:41

ಯೇಸು ಶಿಷ್ಯಂಗಕ್: ನಂಬಿಕೆ ಇಲ್ಲತ ಮೋಸವಾನ ಸಂತಾನಕಾರಳೇ, ನಿಂಗಡ ಕೂಡೆ ಎಚ್ಚಕ್ ಕಾಲ ನಾನ್ ತಾಳ್ಮೆಯಾಯಿತ್ ಇಪ್ಪಕ್ ಕಯ್ಯು? ನೀಡ ಮೋಂವೊನ ಇಲ್ಲಿ ಕಾಕಿಯಂಡ್ ಬಾಂದ್ ಆ ಕ್‍ಣ್ಣಂಡ ಅಪ್ಪಂಗ್ ಎಣ್ಣ್‌ಚಿ.

ಯೋಹಾನ 20:27

ಪಿಂಞ ಯೇಸು ತೋಮನ ಕಾಕಿತ್: ನೀಡ ಕೈ ಬೆರತ್‌ನ ಇಲ್ಲಿ ನ್‍ೕಟಿತ್ ನಾಡ ಕೈಯಿನ ನೋಟ್, ನೀಡ ಕೈಯಿನ ನೀಟುವಂಜಿ ನಾಡ ಬಗ್ಗ್‌ರೀಲ್ ಇಡ್. ನೀಡ ಅಪನಂಬಿಕೇನ ಬುಡ್, ನನ್ನ ನಂಬ್‍ೕಂದ್ ಯೇಸು ಎಣ್ಣ್‌ಚಿ.

ಇಬ್ರಿಯ 3:12

ನಾಡ ಅಣ್ಣತಮ್ಮಣಂಗಳೇ, ಎಕ್ಕಾಲು ಬದ್‍ಕಿಯಂಡುಳ್ಳ ದೇವನ ಬುಟ್ಟಿತ್ ಪೋಪಕುಳ್ಳ ಏದ್ ಪಾಪವು, ಅಪನಂಬಿಕೇರ ಹೃದಯವು ನಿಂಗಡ ಒಳ್‍ಲ್ ಬಕ್ಕತನೆಕೆ ಎಚ್ಚರತ್‍ಲ್ ಇರಿ.

1 ಪೇತ್ರ 1:24

ಎನ್ನಂಗೆಣ್ಣ್‌ಚೇಂಗಿ, ಎಲ್ಲಾ ಮನುಷ್ಯಂಗಳು ಪಿಲ್ಲ್‌ರನೆಕೆ, ಅಯಿಂಗಡ ಮಹಿಮೆಯೆಲ್ಲ ಕಾಡ್‍ಲ್ ಉಳ್ಳ ಪೂವ್‍ರನೆಕೆ; ಪಿಲ್ಲ್ ಬಾಡಿ ಪೋಪ, ಪೂ ಬುದ್ದ್ ಪೋಪ.