ಮತ್ತಾಯ 6:27 - ಕೊಡವ ಬೈಬಲ್

²⁷ ವ್ಯಸನ ಪಟ್ಟಂಡ್ ನಿಂಗಡಲ್ಲಿ ದಾರ್ ಅಯಿಂಗಡ ಬದ್‍ಕ್‍ಲ್ ಒರ್ ಕ್ಷಣತ್‌ನ ಕೂಟ್‌ವಕಯ್ಯು?

ಮತ್ತಾಯ 6:27 ပူးပေါင်းရင်းမြစ်များ

ಮತ್ತಾಯ 5:36

ನೀಡ ಮಂಡೆರ ಮೇಲೆ ಸಹ ಆಣೆ ಇಡಂಡ. ಎನ್ನಂಗೆಣ್ಣ್‌ಚೇಂಗಿ, ನೀನ್ ಒರ್ ತಲ್‌ಮಿನ ಕೂಡೆ ಕರ್ತಿತ್ ಅಥವ ಬೊಳ್‌ತಿತ್ ಮಾಡ್‌ವಕಯ್ಯುಲೆ.

ಮತ್ತಾಯ 6:25

ಆನಗುಂಡ್ ನಿಂಗ ಬದ್‍ಕ್‍ವಕಾಯಿತ್ ಎಂತ ಉಂಬಿರ, ಎಂತ ಕುಡಿಪಿರ, ಇಲ್ಲತೆಪೋಚೇಂಗಿ ನಿಂಗಡ ಶರೀರಕಾಯಿತ್ ಎಂತ ಇಡ್‌ವಿರಾಂದ್ ವ್ಯಸನ ಪಡತೀಂದ್ ನಾನ್ ನಿಂಗಕ್ ಎಣ್ಣ್‌ವಿ. ಆಹಾರಕಿಂಜ ಜೀವವು, ಬಟ್ಟೇಕಿಂಜ ತಡಿಯು ಮುಕ್ಯವಾಯಿತುಂಡಲ್ಲ?

ಮತ್ತಾಯ 6:28

ನಿಂಗ ಇಡ್‍ವಕುಳ್ಳ ಬಟ್ಟೇಕಾಯಿತ್ ಎನ್ನಂಗ್ ವ್ಯಸನ ಪಡ್‌ವಿರ? ಕಾಡ್ ಪೂ ಎನ್ನನೆ ಬೊಳಿಯುವಾಂದ್ ಚಾಯಿತೆ ನೋಟಿ. ಅದ್ ಕೆಲಸ ಮಾಡ್‌ವದು ಇಲ್ಲೆ, ಇಡ್‌ವಕ್ ಬಟ್ಟೆ ಪೊಲ್ಲ್‌ಚಿಡ್‍ವದು ಇಲ್ಲೆ.

ಮತ್ತಾಯ 6:31

ಆನಗುಂಡ್, ನಂಗ ಎಂತ ತಿಂಬ, ಎಂತ ಕುಡಿಪ ಪಿಂಞ ಎಂತ ಇಡ್‍ವಾಂದ್ ಗೇನ ಮಾಡಿತ್ ವ್ಯಸನ ಪಡಂಡ.

ಮತ್ತಾಯ 6:34

ಆನಗುಂಡ್ ನಾಳೆಕಾಯಿತ್ ವ್ಯಸನ ಪಡಂಡ. ನಾಳೆತ್‍ರ ದಿವಸ ಅದ್ಂಗಾಯಿತ್ ವ್ಯಸನ ಪಡ್‌ವ. ಓರೋರ್ ದಿವಸಕೂ ಅದ್ಂಗ್ ಉಳ್ಳ ಕಷ್ಟ ಮದಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:41

ಅದ್ಂಗ್ ಯೇಸು: ಮಾರ್ಥ, ಮಾರ್ಥ, ನೀನ್ ದುಂಬ ವಿಷಯತ್‍ನ ಗೇನ ಮಾಡಿಯಂಡ್ ಬೇಜಾರ್ ಮಾಡಿಯಂಡ್ ಉಳ್ಳಿಯ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:11

ನಿಂಗಳ ಸಬಾಮಂದಿರತ್‍ರ ಪಿಂಞ ನ್ಯಾಯಲಾಯತ್‍ರ ಅದಿಕಾರಿಯಂಗಡ ಮಿಂಞಕ್ ಕಾಕಿಯಂಡ್ ಪೋನಕ, ನಿಂಗ ನಿಂಗಳ ಎನ್ನನೆ ಕಾಪಾಡಂಡೂಂದ್ ಪಿಂಞ ಎಂತ ಎಣ್ಣಂಡೂಂದ್ ಬೇಜಾರ್ ಮಾಡಂಡ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:22

ಪಿಂಞ ಯೇಸು ಅಂವೊಂಡ ಶಿಷ್ಯಂಗಳ ನೋಟಿತ್: ನಿಂಗ ಬದ್‍ಕ್‍ವಕಾಯಿತ್ ಎಂತ ಉಂಬಿರ, ಎಂತ ಕುಡಿಪಿರ, ಇಲ್ಲತೆಪೋಚೇಂಗಿ ನಿಂಗಡ ಶರೀರಕಾಯಿತ್ ಎಂತ ಉಡ್‌ಪಿರಾಂದ್ ವ್ಯಸನ ಪಡತೀಂದ್ ನಾನ್ ನಿಂಗಕ್ ಎಣ್ಣ್‌ವಿ.

1 ಕೊರಿಂಥ 12:18

ನಂಗಡ ತಡೀಲ್ ನಾನ ತರತ್‍ರ ಬಾಗ ಉಂಡ್. ಆಚೇಂಗಿ ದೇವ ಅಂವೊಂಡ ಚಿತ್ತತ್‍ರನೆಕೆ ಓರೋರ್ ಬಾಗತ್‍ನ ತಡೀಲ್ ಕೂಟಿತುಂಡ್.

ಫಿಲಿಪ್ಪಿ 4:6

ನಿಂಗ ಒರ್ ವಿಷಯಕು ಬೇಜಾರ್ ಮಾಡಂಡ, ಅದ್ಂಡ ಬದ್‍ಲ್ ಎಲ್ಲಾ ವಿಷಯಕ್ ದೇವನ ತುದಿಚಂಡ್ ನಿಂಗಡ ಪ್ರಾರ್ಥನೆಲ್ ನಿಂಗಕ್ ಎಂತ ಬೋಂಡೂಂದ್ ಅಂವೊನ ಬೋಡಿತ್ ಕ್‍ೕಳಿ.

1 ಪೇತ್ರ 5:7

ಅಂವೊ ನಿಂಗಳ ಚಾಯಿ ನೋಟ್‍ವಂವೊನಾಯಿತುಳ್ಳಗುಂಡ್, ನಿಂಗಡ ಬೇಜಾರತ್‍ನ ಅಂವೊಂಡ ಮೇಲೆ ಬುಡಿ.