ಮತ್ತಾಯ 6:25 - ಕೊಡವ ಬೈಬಲ್

²⁵ ಆನಗುಂಡ್ ನಿಂಗ ಬದ್‍ಕ್‍ವಕಾಯಿತ್ ಎಂತ ಉಂಬಿರ, ಎಂತ ಕುಡಿಪಿರ, ಇಲ್ಲತೆಪೋಚೇಂಗಿ ನಿಂಗಡ ಶರೀರಕಾಯಿತ್ ಎಂತ ಇಡ್‌ವಿರಾಂದ್ ವ್ಯಸನ ಪಡತೀಂದ್ ನಾನ್ ನಿಂಗಕ್ ಎಣ್ಣ್‌ವಿ. ಆಹಾರಕಿಂಜ ಜೀವವು, ಬಟ್ಟೇಕಿಂಜ ತಡಿಯು ಮುಕ್ಯವಾಯಿತುಂಡಲ್ಲ?

ಮತ್ತಾಯ 6:25 ပူးပေါင်းရင်းမြစ်များ

ಮತ್ತಾಯ 10:19

ಆಚೇಂಗಿ ನಿಂಗಳ ಬಂದಿಚಿಡ್‌ವಕ, ನಿಂಗ ಎಂತ ಎಣ್ಣಂಡೂಂದ್, ಎನ್ನನೆ ಎಣ್ಣಂಡೂಂದ್ ಬೇಜಾರ್ ಮಾಡಂಡ. ಏದ್ ಸಮಯತ್‍ಲ್ ಎಂತ ತಕ್ಕ್ ಪರಿಯಂಡೂಂದ್ ನಿಂಗಕ್ ಗೊತ್ತ್ ಮಾಡ್‌ವ.

ಮತ್ತಾಯ 13:22

ಮುಳ್ಳ್‌ರ ಪೊದೆಲ್ ಬುದ್ದ ಕುರು ಎನ್ನನೇಂದ್ ಎಣ್ಣ್‌ಚೇಂಗಿ, ಅಯಿಂಗ ದೇವಡ ವಾಕ್ಯತ್‍ನ ಕ್‍ೕಪ. ಆಚೇಂಗಿ ಈ ಬದ್‍ಕ್‍ರ ವಿಷಯತ್ ಬೇಜಾರ್ ಮಾಡಿಯಂಡ್, ಪಣತ್‍ರ ಮೇಲೆ ಉಳ್ಳ ಆಸೆರಗುಂಡ್, ಇದೆಲ್ಲ, ಅಯಿಂಗ ಕ್‍ೕಟ ದೇವಡ ವಾಕ್ಯತ್‍ನ ನೆರ್‌ಕಿತ್, ಅಯಿಂಗ ಫಲ ಕೊಡ್‍ಕತೆ ಪೋಪ.

ಮತ್ತಾಯ 6:31

ಆನಗುಂಡ್, ನಂಗ ಎಂತ ತಿಂಬ, ಎಂತ ಕುಡಿಪ ಪಿಂಞ ಎಂತ ಇಡ್‍ವಾಂದ್ ಗೇನ ಮಾಡಿತ್ ವ್ಯಸನ ಪಡಂಡ.

ಮತ್ತಾಯ 6:34

ಆನಗುಂಡ್ ನಾಳೆಕಾಯಿತ್ ವ್ಯಸನ ಪಡಂಡ. ನಾಳೆತ್‍ರ ದಿವಸ ಅದ್ಂಗಾಯಿತ್ ವ್ಯಸನ ಪಡ್‌ವ. ಓರೋರ್ ದಿವಸಕೂ ಅದ್ಂಗ್ ಉಳ್ಳ ಕಷ್ಟ ಮದಿ.

ಮಾರ್ಕ 13:11

ನಿಂಗಳ ಜೈಲ್‌ಕ್ ಇಟ್ಟಕ ನ್ಯಾಯಲಾಯಕ್ ಕಾಕಿಯಂಡ್ ಪೋನಕ ನಿಂಗ ಎಂತ ಎಣ್ಣಂಡು, ಎಂತ ತಕ್ಕ್ ಪರಿಯಂಡು ಎಣ್ಣಿಯಂಡ್ ಬೇಜಾರ್ ಮಾಡಂಡ. ಆ ಸಮಯ ಬಪ್ಪಕ ನಿಂಗಕ್ ಎಂತ ಗೇನ ಬಪ್ಪ ಅದ್‍ನ ಎಣ್ಣಿ. ಅಕ್ಕ ನಿಂಗ ಎಂತ ತಕ್ಕ್ ಪರಿವಿರ, ಅದ್ ನಿಂಗ ತಕ್ಕ್ ಪರಿಯುವದ್ ಅಲ್ಲ, ಅದ್ ಪವಿತ್ರಾತ್ಮಂಡ ತಕ್ಕಾಯಿತ್ ಇಪ್ಪ

ಮಾರ್ಕ 4:19

ಈ ಬದ್‍ಕ್‍ರ ದುಃಖ, ಐಶ್ವರ್ಯತ್‍ರ ಬೋದ ಪಿಂಞ ಬೋರೆ ಬೋರೆ ತರತ್‍ರ ಇಚ್ಛೆಯು ದೇವಡ ವಾಕ್ಯತ್‍ನ ಇರ್‌ಕುವಗುಂಡ್ ಫಲ ಕ್‍ಟ್ಟುಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:11

ನಿಂಗಳ ಸಬಾಮಂದಿರತ್‍ರ ಪಿಂಞ ನ್ಯಾಯಲಾಯತ್‍ರ ಅದಿಕಾರಿಯಂಗಡ ಮಿಂಞಕ್ ಕಾಕಿಯಂಡ್ ಪೋನಕ, ನಿಂಗ ನಿಂಗಳ ಎನ್ನನೆ ಕಾಪಾಡಂಡೂಂದ್ ಪಿಂಞ ಎಂತ ಎಣ್ಣಂಡೂಂದ್ ಬೇಜಾರ್ ಮಾಡಂಡ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:14

ಮುಳ್ಳ್‌ರ ಪೊದೆಲ್ ಬಿತ್ತ್‌ನ ಜನ ದೇವಡ ವಾಕ್ಯತ್‍ನ ಕ್‍ೕಪ, ಅಕ್ಕಣೆ ಪೋಯಿತ್, ಈ ಬದ್‍ಕ್‍ರ ದುಃಖ, ಐಶ್ವರ್ಯತ್‍ರ ಬೋಗ ಪಿಂಞ ಬೋರೆ ಬೋರೆ ತರತ್‍ರ ಇಚ್ಛೆಯಿಂಜ ನೆರಿಂಗಿತ್ ಫಲ ಕೊಡ್‍ಕತೆ ಇಪ್ಪ.

ರೋಮ್ 8:32

ದೇವ ತಾಂಡ ಸ್ವಂತ ಮೋಂವೋಂದ್ ಸಹ ನೋಟತೆ, ನಂಗ ಎಲ್ಲಾರ್‍ಕಾಯಿತ್ ಅಂವೊನ ಒಪ್ಪ್‌ಚಿಟ್ಟಕ, ಅಂವೊಂಡ ಕೂಡೆ ಬೋರೆ ಎಲ್ಲಾನ ಸಹ ಕೃಪೆಯಾಯಿತ್ ನಂಗಕ್ ತರತೆ ಇಪ್ಪದ್ ಎನ್ನನೆ?

1 ಕೊರಿಂಥ 7:32

ನಿಂಗ ಒರ್ ಬೇಜಾರವು ಇಲ್ಲತಯಿಂಗಳಾಯಿತ್ ಬದ್‍ಕಂಡೂಂದ್ ನಾನ್ ಇನ್ನನೆ ಕುಶೀಲ್ ಎಣ್ಣ್‌ವಿ. ಮಂಗಲ ಕಯಿಕತ ಮನುಷ್ಯ, ಒಡೆಯನ ಎನ್ನನೆ ಇಂಞು ಕುಶಿ ಪಡ್‍ತ್‍ವಕ್ ಕಯ್ಯೂಂದ್ ಒಡೆಯಂಡ ವಿಷಯತ್‍ನ ಗೇನ ಮಾಡಿಯಂಡಿಪ್ಪ.

ಫಿಲಿಪ್ಪಿ 4:6

ನಿಂಗ ಒರ್ ವಿಷಯಕು ಬೇಜಾರ್ ಮಾಡಂಡ, ಅದ್ಂಡ ಬದ್‍ಲ್ ಎಲ್ಲಾ ವಿಷಯಕ್ ದೇವನ ತುದಿಚಂಡ್ ನಿಂಗಡ ಪ್ರಾರ್ಥನೆಲ್ ನಿಂಗಕ್ ಎಂತ ಬೋಂಡೂಂದ್ ಅಂವೊನ ಬೋಡಿತ್ ಕ್‍ೕಳಿ.

2 ತಿಮೊಥೆಯ 2:4

ಸೈನಿಕನಾಯಿತ್ ಸೇವೆ ಮಾಡಿಯಂಡುಳ್ಳ ಒಬ್ಬ ತಾಂಡ ಸ್ವಂತ ಬದ್‍ಕ್‍ರ ಕೆಲಸತ್‍ಲ್ ಚಿಕ್ಕಿ ಪೋಕತೆ, ಅಂವೊಂಗ್ ಹುಕುಮ್ ತಪ್ಪ ಅದಿಕಾರಿನ ಮಾತ್ರ ಕುಶಿ ಪಡ್‍ತ್‍ವಕ್ ನೋಟ್‍ವ.

1 ಪೇತ್ರ 5:7

ಅಂವೊ ನಿಂಗಳ ಚಾಯಿ ನೋಟ್‍ವಂವೊನಾಯಿತುಳ್ಳಗುಂಡ್, ನಿಂಗಡ ಬೇಜಾರತ್‍ನ ಅಂವೊಂಡ ಮೇಲೆ ಬುಡಿ.