19 ನಿಂಗಡ ಐಶ್ವರ್ಯತ್ನ ಈ ಬೂಲೋಕತ್ಲ್ ಕೂಟಿ ಬೆಕ್ಕತಿ. ಇಲ್ಲಿ ಕೆದ ಪಿಂಞ ಕಿಲ್ಂಬ್ ಅದ್ನ ಪಾಳ್ ಮಾಡ್ವ; ಪಿಂಞ ಕಳ್ಳಂಗ ಪಡಿನ ಪೊಳ್ಚಿತ್ ಕಟ್ಟಂಡ್ ಪೋಯಿರುವ.
ದೇವಡ ಚೆಡಿ ಬಪ್ಪಕ ನೀಡ ಐಶ್ವರ್ಯ ಒಂದಂಗು ಪ್ರಯೋಜನ ಆಪುಲೆ, ಆಚೇಂಗಿ ನೀತಿರ ಬದ್ಕ್ ಚಾವ್ಯಿಂಜ ಕಾಪಾಡುವ.
ಪೊನ್ನ್ನ ಸಂಪಾದನೆ ಮಾಡ್ವಕಿಂಜಿ ಜ್ಞಾನತ್ನ ಸಂಪಾದನೆ ಮಾಡ್ವದ್ ಎಚ್ಚಕ್ ನಲ್ಲದ್! ಬೊಳ್ಳಿನ ಸಂಪಾದನೆ ಮಾಡ್ವಕಿಂಜಿ ಬುದ್ದಿನ ಸಂಪಾದನೆ ಮಾಡ್ವದ್ ನಲ್ಲದ್!
ಅದ್ಂಗ್ ಯೇಸು: ನೀನ್ ಒರ್ ಕುತ್ತವು ಇಲ್ಲತೆ ಬದ್ಕಂಡೂಂದ್ ನೀಕ್ ಆಸೆ ಉಂಡೇಂಗಿ, ಮನೆಕ್ ಪೋಯಿತ್, ನೀಡ ಪಕ್ಕ ಉಳ್ಳ ಆಸ್ತಿನೆಲ್ಲ ಮಾರ್ವಂಜಿ ಆ ಪಣತ್ನ ಗರೀಬಂಗಕ್ ಕೊಡ್, ಅಕ್ಕ ಪರಲೋಕತ್ಲ್ ನೀಕ್ ಐಶ್ವರ್ಯ ದುಂಬಿತ್ ಕ್ಟ್ಟುವ, ಪಿಂಞ ನಾಡ ಬಯ್ಯ ಬಾಂದ್ ಯೇಸು ಎಣ್ಣ್ಚಿ.
ಅದ್ಂಡ ಬದ್ಲ್ ನಿಂಗಡ ಐಶ್ವರ್ಯತ್ನ ಪರಲೋಕತ್ಲ್ ಕೂಟಿ ಬೆಯ್ಯಿರಿ. ಅದ್ನ ಕೆದ ತಿಂಬದು ಇಲ್ಲೆ, ಕಿಲ್ಂಬ್ ಪುಡಿಪದು ಇಲ್ಲೆ, ಪಿಂಞ ಕಳ್ಳಂಗ ಕಟ್ಟಂಡ್ ಪೋಪದು ಇಲ್ಲೆ.
ಅಕ್ಕು, ಈ ಲೋಕತ್ರ ಐಶ್ವರ್ಯತ್ನ ಪರಲೋಕತ್ಲ್ ಉಳ್ಕೆ ಮಾಡತೆ ಅಯಿಂಗಕಾಯಿತ್ ಉಳ್ಕೆ ಮಾಡ್ವಯಿಂಗಕ್ ಇನ್ನನೆ ಆಪಾಂದ್ ಎಣ್ಣ್ಚಿ.
ನಿಂಗಡ ಪಕ್ಕ ಉಳ್ಳ ಐಶ್ವರ್ಯತ್ನ ಮಾರಿತ್, ಬಂದ ಪಣತ್ನ ಗರೀಬಂಗಕ್ ದಾನಮಾಡಿ, ಇದ್ ನಿಂಗಕ್ ಪರಲೋಕತ್ಲ್ ಆಸ್ತಿ ಕೂಟಿ ಬೆಚ್ಚನೆಕೆ. ಪರಲೋಕತ್ಲ್ ಉಳ್ಳ ಪಣಚೀಲಕ್ ತೂತ ಇಲ್ಲೆ. ಅಲ್ಲಿ ಉಳ್ಳ ನಿಂಗಡ ಐಶ್ವರ್ಯತ್ನ ಕಳ್ಳಂಗ ಕಟ್ಟಂಡ್ ಪೋಪದು ಇಲ್ಲೆ, ಪುಳು ತಿಂಬದು ಇಲ್ಲೆ. ಅದ್ ಬದ್ರವಾಯಿತ್ ಇಪ್ಪ.
ನಿಂಗಕ್ ಗೊತ್ತಿರಡ್, ಕಳ್ಳ ಎಚ್ಚಕ್ ನೇರಕ್ ಬಪ್ಪಾಂದ್ ಆ ಮನೆರ ಎಜಮಾನಂಗ್ ಗೊತ್ತ್ಂಜತೇಂಗಿ, ಆ ಕಳ್ಳ ಮನೇಯಿಂಜ ಕಟ್ಟಂಡ್ ಪೋಪಕ್ ಬುಡುಲೆ.
ಯೇಸು ಇದ್ನೆಲ್ಲ ಕ್ೕಪದು: ಇಂಞು ಒಂದ್ ನೀನ್ ಮಾಡ್ವಕುಂಡ್. ನೀಡ ಪಕ್ಕ ಉಳ್ಳದ್ನೆಲ್ಲ ಮಾರ್ವಂಜಿ ಆ ಪಣತ್ನ ಗರೀಬಂಗಕ್ ಕೊಡ್, ಅಕ್ಕ ಪರಲೋಕತ್ಲ್ ನೀಕ್ ಐಶ್ವರ್ಯ ದುಂಬಿತ್ ಕ್ಟ್ಟುವ, ಪಿಂಞ ನಾಡ ಬಯ್ಯ ಬಾಂದ್ ಯೇಸು ಎಣ್ಣ್ಚಿ.
ಅಂವೊ ದುಂಬ ದುಃಖ ಆನದ್ನ ಯೇಸು ನೋಟಿತ್, ಪಣಕಾರಂಗ ದೇವಡ ರಾಜ್ಯತ್ಲ್ ಎತ್ತ್ವಕ್ ಎಚ್ಚಕ್ ಕಷ್ಟ ಉಂಡ್.
ಈ ಲೋಕತ್ಲ್ ಐಶ್ವರ್ಯತ್ಲ್ ಉಳ್ಳಯಿಂಗ ಗರ್ವತ್ಲ್ ಇಕ್ಕತನೆಕೆ ಪಿಂಞ ಸ್ತಿರಯಿಲ್ಲತ ಅಯಿಂಗಡ ಐಶ್ವರ್ಯತ್ರ ಮೇಲೆ ನಂಬಿಕೆ ಬೆಕ್ಕತನೆಕೆ ಅಯಿಂಗಕ್ ಆಜ್ಞೆ ಮಾಡ್. ಅದ್ಂಡ ಬದ್ಲ್, ನಂಗ ಅನುಬವಿಚಿಡ್ವಕ್, ಎಲ್ಲಾ ನಲ್ಲದ್ನ ನಂಗಕ್ ಪೂರ್ತಿಲ್ ಕೊಡ್ಪ ಜೀವವುಳ್ಳ ದೇವಡ ಮೇಲೆ ನಂಬಿಕೆ ಬೆಪ್ಪಕ್ ಎಚ್ಚರ ಮಾಡ್.
ನಿಂಗ ಪಣ ಆಸೆ ಇಲ್ಲತಯಿಂಗಳಾಯಿತ್ ಬದ್ಕಿತ್, ನಿಂಗಕ್ ಉಳ್ಳದ್ ಮದೀಂದ್ ಗೇನ ಮಾಡಂಡು; ನಾನ್ ನಿನ್ನ ಬುಟ್ಟಿತ್ ಪೋಪದು ಇಲ್ಲೆ, ನಿನ್ನ ಕೈ ಬುಡ್ವದು ಇಲ್ಲೇಂದ್ ದೇವ ಎಣ್ಣಿಯಂಡುಂಡಲ್ಲ!