ಮತ್ತಾಯ 6:16 - ಕೊಡವ ಬೈಬಲ್

¹⁶ ನಿಂಗ ಪಟ್ಟಣಿ ನಿಂದಕ, ಕಪಟಿಯರನೆಕೆ ಮೂಡ್‍ನ ಬಾಡ್‌ಚಿಡತಿ. ಅಯಿಂಗ ಪಟ್ಟಣಿ ನಿಪ್ಪದ್‌ನ ಜನ ಕಾಂಗಂಡೂಂದ್ ತಂಗಡ ಮೂಡ್‍ನ ಚಪ್ಪೆಯಾಯಿತ್ ಬೆಚ್ಚವ. ಅಯಿಂಗಕ್ ತಂಗಡ ಫಲ ಪೂರ್ತಿಯಾಯಿತ್ ಕ್‍ಟ್ಟ್‌ಚೀಂದ್ ನಿಂಗಕ್ ನೇರಾಯಿತು ಎಣ್ಣ್‌ವಿ.

ಮತ್ತಾಯ 6:16 ပူးပေါင်းရင်းမြစ်များ

ಎಸ್ತೆರ್‌ 4:16

ನೀನ್‌ ಪೋಯಿತ್‌ ಶೂಷನ್‌ ಪಟ್ಟಣತ್‌ಲ್‌ ಕ್‌ಟ್ಟುವ ಎಲ್ಲಾ ಯೆಹೂದ್ಯಂಗಳ ಕೂಟಿತ್, ನಾಕಾಯಿತ್‌ ಬಯಿಟ್ ಪಿಂಞ ಪೊಲಾಕ ಎಣ್ಣ್‌ಚೇಂಗಿ ಮೂಂದ್‌ ದಿವಸ ಕೂಳ್‌ ನೀರ್‌ ಬುಟ್ಟಿತ್‌ ಪಟ್ಟಣಿ ನಿಕ್ಕಂಡು. ಅನ್ನನೆ ನಾನ್‌ ಪಿಂಞ ನಾಡ ಪಣಿಕಾರ್ತಿಯ ಪಟ್ಟಣಿ ನಿಪ್ಪ. ಇದಾನಪಿಂಞ ಕಾನೂನ್‌ಕ್‌ ವಿರುದ್ದವಾಯಿತ್‌ ಇಂಜತೇಂಗಿಯು ನಾನ್‌ ರಾಜಂಡ ಪಕ್ಕ ಪೋಪಿ. ಚಾವದಾವೇಂಗಿ ಚಾವೀಂದ್‌ ಎಣ್ಣಿತ್‌ ಅಯಿಚತ್.

ಮಲಾಕಿ 3:14

ದೇವಂಗ್‌ ಸೇವೆ ಮಾಡ್‌ವದ್‌ ವ್ಯರ್ತ. ಅಂವೊಂಡ ಆಜ್ಞೆರ ಪ್ರಕಾರ ನಡ್‌ಂದಿತ್, ನಂಗ ಮಾಡ್‌ನ ಪಾಪಕಾಯಿತ್‌ ಸೇನೇನ ಒಡಯನಾನ ಯಹೋವಂಡ ಮಿಂಞತ್‌ ದುಃಖ ಪಟ್ಟಂಡುಳ್ಳಗುಂಡ್‌ ಎಂತ ಪ್ರಯೋಜನಾಂದ್‌ ನಿಂಗ ಎಣ್ಣಿಯಂಡುಳ್ಳಿರ.

ಮತ್ತಾಯ 6:1

ನಿಂಗ ಮಾಡ್‌ವ ದರ್ಮ ಕಾರ್ಯತ್‍ನ ಎಲ್ಲಾರು ಕಂಡಿತ್ ಮೆಚ್ಚ್‌ವನೆಕೆ ಮಾಡ್‌ವಕ್ಕಾಗ. ಅನ್ನನೆ ಮಾಡ್‍ಚೇಂಗಿ ಪರಲೋಕತ್‍ಲ್ ಉಳ್ಳ ನಿಂಗಡ ಅಪ್ಪಯಿಂಜ ಕ್‍ಟ್ಟ್‌ವಕುಳ್ಳ ಫಲತ್‍ನ ನಿಂಗ ಕಳೆಂದ್‍ರ್‍ವಿರ.

ಮತ್ತಾಯ 6:2

ಆನಗುಂಡ್ ನಿಂಗ ದರ್ಮ ಕಾರ್ಯ ಮಾಡ್‌ವಕ, ಕಪಟಿಯಂಗ ಮಾಡ್‌ವನೆಕೆ ಸಬಾಮಂದಿರತ್‍ಲ್ ಪಿಂಞ ರಸ್ತೆಲ್ ಪೋಪಯಿಂಗಕ್, ಅಯಿಂಗ ಮಾಡ್‌ವ ದರ್ಮ ಕಾರ್ಯ ಗೊತ್ತಾಡ್‍ೕಂದು ಅಯಿಂಗ ನಿಂಗಳ ಕೊಂಡಾಡಂಡೂಂದು ಕೊಂಬ್ ಊದ್‍ವನೆಕೆ ನಿಂಗ ಮಾಡಂಡ. ಅಯಿಂಗಕ್ ಕ್‍ಟ್ಟ್‌ವಕುಳ್ಳ ಎಲ್ಲಾ ಫಲವು ಕ್‍ಟ್ಟ್‌ಚೀಂದ್ ನಾನ್ ನೇರಾಯಿತು ನಿಂಗಕ್ ಎಣ್ಣ್‌ವಿ.

ಮತ್ತಾಯ 6:5

ನಿಂಗ ಪ್ರಾರ್ಥನೆ ಮಾಡ್‌ವಕಾಪಕ ಕಪಟಿಯರನೆಕೆ ಮಾಡಂಡ. ಎಲ್ಲಾರು ಕಾಂಗಂಡೂಂದ್ ಎದ್ದ್ ನಿಂದಿತ್ ಸಬಾಮಂದಿರತ್‍ಲ್, ಬೀದಿ ಮೂಲೆಲ್ ಪ್ರಾರ್ಥನೆ ಮಾಡ್‌ವಕ್ ಅಯಿಂಗ ಕುಶಿ ಪಡ್‍ವ. ಪೂರ್ತಿಯಾಯಿತ್ ಅಯಿಂಗಕ್ ಫಲ ಕ್‍ಟ್ಟ್‌ಚೀಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ

ಮಾರ್ಕ 2:18

ದೀಕ್ಷಾಸ್ನಾನ ತಪ್ಪ ಯೋಹಾನಂಡ ಶಿಷ್ಯಂಗ ಪಿಂಞ ಫರಿಸಾಯಂಗ ಪಟ್ಟಣಿ ನಿಂದತ್. ಚೆನ್ನ ಜನ ಯೇಸುರ ಪಕ್ಕ ಬಂತ್, ದೀಕ್ಷಾಸ್ನಾನ ತಪ್ಪ ಯೋಹಾನಂಡ ಶಿಷ್ಯಂಗ ಪಿಂಞ ಫರಿಸಾಯಂಗಡ ಶಿಷ್ಯಂಗ ಪಟ್ಟಣಿ ನಿಂದತಲ್ಲ, ಆಚೇಂಗಿ ನೀಡ ಶಿಷ್ಯಂಗ ಪಟ್ಟಣಿ ನಿಂದಿತ್‌ಲ್ಲೆಲ್ಲಾಂದ್ ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:12

ವಾರಕ್ ದಂಡ್ ದಿನ ಪಟ್ಟಣಿ ನಿಪ್ಪಿ. ನಾಡ ಸಂಪಾದನೆರ ಪತ್ತ್ ಪಾಲ್‍ನ ದೇವಕ್ ಕೊಡ್‍ತಂಡುಂಡ್‍ೕಂದ್ ಪ್ರಾರ್ಥನೆ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:37

ಇಕ್ಕ ಅವಕ್ ಎಂಬತನಾಲ್ ವಯಸಾಯಿತ್ಂಜತ್. ಅವ ಎಲ್ಲಿಯು ಪೋಕತೆ ದೇವಾಲಯತ್‍ಲ್ ವಾಸ ಮಾಡಿಯಂಡ್, ಪೊಲಾಕ ಬೈಟ್ ದೇವನ ಆರಾದನೆ ಮಾಡಿಯಂಡ್, ಪಟ್ಟಣಿ ನಿಂದಂಡ್, ಪ್ರಾರ್ಥನೆ ಮಾಡಿಯಂಡಿಂಜತ್.

ಅಪೊಸ್ತಲ 10:30

ಅದ್ಂಗ್ ಕೊರ್ನೇಲ್ಯ: ನಾನ್ ನಾಲ್ ದಿವಸಕ್ ಬಯ್ಯ ಈ ಸಮಯತ್‍ಲ್ ಸುಮಾರ್ ಮೂಂದ್ ಗಂಟೆಕ್ ನಾಡ ಮನೆಲ್ ಪ್ರಾರ್ಥನೆ ಮಾಡಿಯಂಡಿಂಜ್. ಮಿನ್ನುವಂತ ವಸ್ತ್ರ ಇಟ್ಟಿತ್ಂಜ ಒರ್ ಮನುಷ್ಯ ನಾಡ ಮಿಂಞತ್ ನಿಂದಂಡ್:

ಅಪೊಸ್ತಲ 14:23

ಇದ್‍ಲ್ಲತೆ ಓರೋರ್ ಸಬೇಲು ಪೆರಿಯಯಿಂಗಳ ನೇಮಿಚಿಟ್ಟಿತ್, ಪಟ್ಟಣಿ ನಿಂದಿತ್ ಪ್ರಾರ್ಥನೆ ಮಾಡಿತ್, ಅಯಿಂಗ ನಂಬ್‍ನ ದೇವಡ ಕೈಕ್ ಅಯಿಂಗಳ ಒಪ್ಪ್‌ಚಿಟ್ಟತ್.

1 ಕೊರಿಂಥ 7:5

ಪ್ರಾರ್ಥನೆಲ್ ಚೆನ್ನ ಕಾಲ ಇರಂಡೂಂದ್ ನಿಂಗ ದಂಡಾಳು ತೀರ್ಮಾನ ಮಾಡಿತ್ ದಂಡಾಳು ಒತ್ತತೇಂಗಿ ಮಾತ್ರ ಚೆನ್ನ ಕಾಲ ಬೋರೆ ಬೋರೆಯಾಯಿತ್ ಇಪ್ಪಕ್ ಆಪ. ನಿಂಗಕ್ ತನ್ನಡಕ ಇಲ್ಲತಗುಂಡ್ ಬೋರೆಯಿಂಗಡ ಕೂಡೆ ತಪ್ಪ್ ಮಾಡ್‌ವನೆಕೆ ಸೈತಾನ ನಿಂಗಳ ಸೋದನೆ ಮಾಡತನೆಕೆ ಪುನಃ ಕೂಡಿ ಬಂದಿತ್ ಒಕ್ಕಚೆ ಇರಂಡು.

2 ಕೊರಿಂಥ 11:27

ಪ್ರಯತ್ನತ್‍ಲ್, ಕಷ್ಟತ್‍ಲ್, ದುಂಬ ಕುರಿ ವರಿಯತೆ, ಕೆಲ ಪಯಿಚಿತ್, ಬಾಯರಿಕೆಲ್, ದುಂಬ ಕುರಿ ಪಟ್ಟಣಿಲ್, ಕುಳ್‍ರ್‌ಲ್, ಸರಿಯಾನ ಬಟ್ಟೆ ಇಲ್ಲತಂವೊನಾಯಿತ್ ನಾನ್ ಇಂಜ.

2 ಕೊರಿಂಥ 6:5

ನಂಗಳ ಜನ ಪೊಜ್ಜಿತುಂಡ್, ಜೈಲ್‍ಲ್ ಇಟ್ಟಿತುಂಡ್, ಕಲಹ ಮಾಡ್‌ವ ಗುಂಪ್‌ಲ್ ನಂಗಳ ಚಿಕ್ಕಿಚಿಟ್ಟಿತುಂಡ್, ಕಷ್ಟವಾಯಿತುಳ್ಳ ಕೆಲಸತ್‍ನ ಮಾಡಿತುಂಡ್, ಬಯಿಟ್ ವರಿಯಕ್ ಕಯ್ಯತೆ ಇಂಜಿತುಂಡ್, ಕೆಲ ಪಯಿಚಿತ್ ಇಂಜಿತುಂಡ್.