ಮತ್ತಾಯ 6:12 - ಕೊಡವ ಬೈಬಲ್

¹² ನಂಗಕ್ ವಿರೋದವಾಯಿತ್ ಪಾಪ ಮಾಡ್‍ನಯಿಂಗಳ ನಂಗ ಮನ್ನಿಚಿಡ್‌ವನೆಕೆ, ನಂಗಡ ಪಾಪತ್‍ನ ಮನ್ನಿಚಿಡ್;

ಮತ್ತಾಯ 6:12 ပူးပေါင်းရင်းမြစ်များ

ಮತ್ತಾಯ 26:28

ಇದ್, ಪಾಪಕ್ ಮನ್ನಿಪ್ ಕ್‍ಟ್ಟ್‌ವಕ್, ದುಂಬ ಜನಕಾಯಿತ್ ಬೂಕ್‌ವ ಪುದಿಯ ಒಪ್ಪಂದತ್‍ರ ನಾಡ ಚೋರೆಯಾಯಿತುಂಡ್.

ಮತ್ತಾಯ 9:2

ಚೆನ್ನ ಜನ ಅಲ್ಲಿಕ್, ಪಾರ್ಶ್ವವಾಯುಲ್ ನರಳಿಯಂಡಿಂಜ ಒರ್ ಮನುಷ್ಯನ, ಕಡ್‌ಕೆರ ಮೇಲೆ ಬುದ್ದಾಕ್‌ಚಿಟ್ಟಿತ್ ಕಾಕಿಯಂಡ್ ಬಾತ್. ಯೇಸು ಅಯಿಂಗಡ ನಂಬಿಕೇನ ಕಂಡಿತ್: ನಾಡ ಮೋಂವೊನೇ, ದೈರ್ಯ ಎಡ್‌ತ, ನೀಡ ಪಾಪಕ್ ಮನ್ನಿಪ್ಪ್ ಕ್‍ಟ್ಟ್‌ಚೀಂದ್ ಎಣ್ಣ್‌ಚಿ.

ಮಾರ್ಕ 11:25

ನಿಂಗ ನಿಂದಂಡ್ ಪ್ರಾರ್ಥನೆ ಮಾಡ್‌ವಕ ನಿಂಗಕ್ ದಾರಾಚೇಂಗಿಯು ಪಾಪ ಮಾಡಿತುಂಡೇಂಗಿ ಅಯಿಂಗಳ ಮನ್ನಿಚಿಡಿ, ಅಕ್ಕ ಪರಲೋಕತ್‍ಲ್ ಉಳ್ಳ ನಿಂಗಡ ದೇವನಾನ ಅಪ್ಪ ನಿಂಗ ಮಾಡ್‍ನ ಪಾಪತ್‍ನ ಸಹ ಮನ್ನಿಚಿಡುವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:4

ನಂಗಕ್ ವಿರೋದವಾಯಿತ್ ತಪ್ಪ್ ಮಾಡ್‍ನಯಿಂಗಳ ನಂಗ ಮನ್ನಿಚಿಡ್‌ವನೆಕೆ, ನಂಗಡ ಪಾಪತ್‍ನ ಮನ್ನಿಚಿಡ್; ನಂಗ ಸೋದನೆಕ್ ಒಳಪಡತನೆಕೆ ನಂಗಳ ಕ್‍ೕಡ್‌ಂಜ ಕಾಪಾಡ್‍ೕಂದ್ ಪ್ರಾರ್ಥನೆ ಮಾಡ್‌ವಕ್ ಎಣ್ಣಿ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:4

ಅನ್ನನೆ: ಸಿಲೊವಾಮ್‌ಲ್ ಗೋಪುರ ಬುದ್ದಿತ್ ಪದನೆಟ್ಟ್ ಜನ ಚತ್ತ್ ಪೋಚಲ್ಲ! ಅದ್ಂಗ್ ಎಂತ ಎಣ್ಣುವಿರ? ಆ ಜನ ಯೆರೂಸಲೇಮ್‍ಲ್ ಉಳ್ಳ ಎಲ್ಲಾ ಜನಕಿಂಜ ದುಂಬ ಪಾಪ ಮಾಡ್‌ನಯಿಂಗಾಂದ್ ಗೇನ ಮಾಡ್‌ವಿರ?

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:37

ನಿಂಗ ದಾರ್‌ನು ತೀರ್ಪ್ ಮಾಡತಿ, ಅಕ್ಕ ದೇವ ನಿಂಗಳ ಸಹ ತೀರ್ಪ್ ಮಾಡುಲೆ; ನಿಂಗ ದಾರ್‌ನು ಕಂಡನೆ ಮಾಡತಿ, ಅಕ್ಕ ದೇವ ನಿಂಗಳ ಸಹ ಕಂಡನೆ ಮಾಡುಲೆ; ಮನ್ನಿಚಿಡಿ, ಅಕ್ಕ ದೇವ ನಿಂಗಳ ಮನ್ನಿಚಿಡುವ.

ಅಪೊಸ್ತಲ 13:38

ಆನಗುಂಡ್ ನಾಡ ಅಣ್ಣತಮ್ಮಣಂಗಳೇ, ಈ ಯೇಸುರ ಮೂಲಕ ನಿಂಗಡ ಪಾಪಕ್ ಮನ್ನಿಪ್ ಕ್‍ಟ್ಟ್‌ವಾಂದ್ ನಿಂಗಕ್ ಗೊತ್ತ್ ಮಾಡ್‌ವಕಾಯಿತೇ ನಂಗ ಎಣ್ಣಿಯಂಡುಂಡ್.

ಎಫೆಸ 1:7

ಅಂವೊಂಡ ಕೃಪೇರ ಐಶ್ವರ್ಯತ್‍ರಗುಂಡ್, ಅಂವೊಂಡ ಮೋಂವೊಂಡ ಚೋರೆರ ಮೂಲಕ ನಂಗಡ ಪಾಪಕ್ ಮನ್ನಿಪ್ ಕ್‍ಟ್ಟಿತ್, ವಿಮೋಚನ ಕ್‍ಟ್ಟ್‌ಚಿ.

ಎಫೆಸ 4:32

ಒಬ್ಬಂಡ ಮೇಲೆ ಒಬ್ಬ ದಯೆ ಕಾಟಿತ್, ಕರುಣೆ ಉಳ್ಳಯಿಂಗಳಾಯಿತ್, ಕ್ರಿಸ್ತಂಡ ಮೂಲಕ ದೇವ ನಿಂಗಕ್ ಮನ್ನಿಚಿಟ್ಟನೆಕೆ, ನಿಂಗಳು ಒಬ್ಬಂಗ್ ಒಬ್ಬ ಮನ್ನಿಚಿಡಿ.

ಕೊಲೊಸ್ಸೆ 3:13

ನಿಂಗ ಒಬ್ಬೊಬ್ಬನ ಸಹಿಸಿಯಂಡ್, ಒಬ್ಬಂಡ ಮೇಲೆ ಒಬ್ಬಂಗ್ ಉಳ್ಳ ಪುಕಾರ್‍ನ, ಕ್ರಿಸ್ತ ನಿಂಗಡ ಪಾಪತ್‍ನ ಮನ್ನಿಚಿಟ್ಟನೆಕೆ ನಿಂಗ ಒಬ್ಬೊಬ್ಬನ ಮನ್ನಿಚಿಡಂಡು.