8 ಶುದ್ದ ಹೃದಯ ಉಳ್ಳಯಿಂಗ ಆಶೀರ್ವಾದ ಪಡ್ಂದಯಿಂಗ; ಅಯಿಂಗ ದೇವನ ಕಾಂಬ.
ಅಕ್ಕ ಯಾಕೋಬ: ನಾನ್ ದೇವಡ ಮೂಡ್ನ ನೋಟ್‌ನ ಆಚೇಂಗಿಯು, ನಾಡ ಜೀವ ಉಳ್‌ಂಜತಲ್ಲಾಂದ್‌ ಎಣ್ಣಿತ್‌ ಆ ಜಾಗಕ್‌ ಪೆನೀಯೇಲ್‌ಂದ್‌ ಪೆದ ಬೆಚ್ಚತ್.
ಶುದ್ದ ಹೃದಯತ್ನ ಕುಶಿ ಪಡುವಂವೊಂಡ ತಕ್ಕ್‌ ಸುಕವಾಯಿತ್‌ ಇಪ್ಪ; ರಾಜ ಅಂವೊಂಗ್‌ ಸ್ನೇಹಿತನಾಯಿತ್‌ ಕ್‌ಟ್ಟುವ.
ಇದ್‍ಲ್ಲತೆ ನಂಗಕು ಅಯಿಂಗಕು ಪಕ್ಷಪಾತ ಮಾಡತೆ, ಅಯಿಂಗಡ ಹೃದಯತ್ನ ನಂಬಿಕೇರ ಮೂಲಕ ಪವಿತ್ರ ಮಾಡ್‍ಚಿ.
ಇಕ್ಕ, ನಂಗಡ ಬದ್‍ಕ್‍ನ, ಒರ್ ಕನ್ನಡಿಲ್ ಕಾಂಬನೆಕೆ ನೆಳನ ನೋಟಿಯಂಡುಂಡ್. ಅಕ್ಕ ನಂಗ ಚಾಯಿತೆ ನೇರಾನದ್‌ನ ಕಾಂಬ. ಇಕ್ಕ ನಾನ್ ನೋಟಿಯಂಡುಳ್ಳದ್ ಪರಿಪೂರ್ಣವಾನದ್ ಅಲ್ಲ, ಆಚೇಂಗಿ, ದೇವಕ್ ನನ್ನ ಪೂರ್ತಿ ಗೊತ್ತುಳ್ಳನೆಕೆ, ನಾನು ಎಲ್ಲಾನ ಚಾಯಿ ಅರ್ಥ ಮಾಡ್‌ವಕ್ ಅಕ್ಕ ಕಯ್ಯು.
ಪ್ರೀತಿರ ಜನಳೇ, ಇನ್ನತಾನ ವಾಗ್ದಾನವೆಲ್ಲ ನಂಗಕ್ ಉಳ್ಳಗುಂಡ್, ತಡಿ ಪಿಂಞ ಆತ್ಮತ್‌ನ ಅಶುದ್ದ ಮಾಡ್‌ವ ಎಲ್ಲಾನ ಕಳೆಂದಿತ್ ಶುದ್ದಮಾಡಿಯಂಡ್, ಪವಿತ್ರವಾಪದ್‍ಲ್, ದೇವಡ ಮೇಲೆ ಉಳ್ಳ ಪೋಡಿಲ್ ಪೂರ್ತಿಯಾಯಿತ್ ಬೊಳಿಯನ.
ದೇವಡ ಮಕ್ಕಳಾಯಿತ್ ಹೃದಯತ್‍ಲ್ ಶುದ್ದವಾಯಿತುಳ್ಳಯಿಂಗಕ್ ಎಲ್ಲಾ ಶುದ್ದವಾಯಿತ್‌ಪ್ಪ. ಆಚೇಂಗಿ, ಹೃದಯತ್‍ಲ್ ಅಶುದ್ದವಾಯಿತ್ ದೇವಡ ಮೇಲೆ ನಂಬಿಕೆ ಬೆಕ್ಕತಯಂಗಕ್ ಏದು ಶುದ್ದವಾಯಿತ್ ಇಪ್ಪುಲೆ. ಅಯಿಂಗಡ ಬುದ್ದಿ ಪಿಂಞ ಮನಸಾಕ್ಷಿ ಅಶುದ್ದವಾಯಿತೇ ಇಪ್ಪ.
ಆನಗುಂಡ್, ದೇವಡ ಪಕ್ಕ, ನೇರಾನ ಹೃದಯ ಉಳ್ಳಯಿಂಗಳಾಯಿತ್, ನಂಬಿಕೇರ ಪೂರ್ತಿ ನಿಶ್ಚಯ ಉಳ್ಳಯಿಂಗಳಾಯಿತ್ ಪೋಕ. ನಂಗಡ ಪಾಳಾಯಿ ಪೋನ ಮನಸಾಕ್ಷಿನ ಕಳೆಂದಿತ್ ಶುದ್ದ ಆಪಕಾಯಿತ್ ಕ್ರಿಸ್ತಂಡ ಚೋರೆನ ತಳಿಚತ್, ಶುದ್ದವಾನ ನೀರ್‌ಲ್ ನಂಗಡ ತಡೀನ ಕತ್ತ್‌ನಯಿಂಗಳಾಯಿತ್ ಪೋಕ.
ಎಕ್ಕಾಲು ಎಲ್ಲಾ ಜನಡ ಕೂಡೆಯು ಸಮಾದಾನತ್‍ಲ್ ಬದ್‌ಕಿತ್ ಪವಿತ್ರವಾಯಿತ್ ಇಪ್ಪಕ್ ಪ್ರಯತ್ನ ಪಡಿ; ಪವಿತ್ರವಾಯಿತ್ ಇಲ್ಲತ ಒಬ್ಬನು ಒಡೆಯನ ಕಾಂಬಕ್ ಕಯ್ಯುಲೆ.
ಅನ್ನನೆ ಆಚೇಂಗಿ, ನಿತ್ಯ ಆತ್ಮತ್‍ರಗುಂಡ್, ಅಂವೊನ ಅಂವೊನಾಯಿತೇ ಒರ್ ಕುತ್ತವು ಇಲ್ಲತ ಬಲಿಯಾಯಿತ್ ದೇವಕ್ ಅರ್ಪಿಚಿಟ್ಟ ಕ್ರಿಸ್ತಂಡ ಚೋರೆ, ಜೀವವಾಯಿತುಳ್ಳ ದೇವಕ್ ಸೇವೆ ಮಾಡ್‌ವಕ್ ನಿಂಗಡ ಮನಸಾಕ್ಷಿನ ಪಾಪತ್‍ರ ಕ್ರಿಯೇಯಿಂಜ ಶುದ್ದ ಮಾಡ್‍ವದ್ ಎಚ್ಚಕ್ ನಿಶ್ಚಯವಾಯಿತುಂಡ್.
ಆಚೇಂಗಿ ಪರಲೋಕತ್ಂಜ ಬಪ್ಪ ಜ್ಞಾನ, ಆದ್ಯವಾಯಿತ್, ನಂಗಳ ಶುದ್ದ ಮಾಡ್‌ವ, ಅದ್ ಸಮಾದಾನ ಉಳ್ಳದಾಯಿತು ಅಡಕ ಉಳ್ಳದಾಯಿತು ಕುಶಿ ಉಳ್ಳದಾಯಿತು ಇಪ್ಪ. ಅದ್‍ಲ್ ಕರುಣೆ ಪಿಂಞ ನಲ್ಲ ಫಲ ದುಂಬಿತ್, ಎಲ್ಲಾ ಮನುಷ್ಯಂಗಕು ಒರೇ ತರ ಮರ್ಯಾದೆ ಮಾಡಿತ್, ಕಪಟ ಇಲ್ಲತ ಶುದ್ದ ನಂಬಿಕೆ ಉಳ್ಳದಾಯಿತಿಪ್ಪ.
ನಿಂಗ ದೇವಡ ಪಕ್ಕ ಬಾರಿ, ಅಕ್ಕ ದೇವ ನಿಂಗಡ ಪಕ್ಕ ಬಪ್ಪ. ಪಾಪಿಯಳೇ, ನಿಂಗಡ ಕೈಯಿನ ಕತ್ತಿಯೊಳಿ; ದೇವಡ ವಿಷಯತ್ ದಂಡ್ ಮನಸ್ಸ್ ಉಳ್ಳಯಿಂಗಳೇ, ನಿಂಗಡ ಹೃದಯತ್ನ ಶುದ್ದ ಮಾಡಿ.
ಆನಗುಂಡ್, ನಿಂಗ ಕಪಟ ಇಲ್ಲತ ಯೇಸುನ ನಂಬ್‍ನಯಿಂಗಡ ಪ್ರೀತಿಲ್ ಇಪ್ಪಕಾಯಿತ್ ಪಿಂಞ ಒಬ್ಬೊಬ್ಬಂಗಡ ಮೇಲೆ ನೇರಾಯಿತ್ ಹೃದಯತ್ಂಜ ಪ್ರೀತಿ ಮಾಡ್‌ವಕಾಯಿತ್, ಇಕ್ಕ ನಿಂಗ ಸತ್ಯಕ್ ಬಗ್ಗಿತ್ ನಡ್‍ಪನೆಕೆ ಇಕ್ಕ ನಿಂಗಳ ಶುದ್ದ ಮಾಡಿರ. ಶುದ್ದ ಹೃದಯತ್ಂಜ, ನಿಂಗ ನೇರಾಯಿತ್ ಒಬ್ಬೊಬ್ಬನ ಪ್ರೀತಿ ಮಾಡಿ.
ಅಯಿಂಗ ದೇವಡ ಮೂಡ್ನ ಕಾಂಬ, ಅಯಿಂಗಡ ನೆತ್ತಿರ ಮೇಲೆ ಅಂವೊಂಡ ಪೆದ ಒಳ್‍ದಿತ್ ಇಪ್ಪ.
