ಮತ್ತಾಯ 5:46 - ಕೊಡವ ಬೈಬಲ್

⁴⁶ ನಿಂಗಳ ಪ್ರೀತಿ ಮಾಡ್‌ವಯಿಂಗಳ ಮಾತ್ರ ನಿಂಗ ಪ್ರೀತಿ ಮಾಡ್‍ಚೇಂಗಿ ಎಂತ ಫಲ? ಕಂದಾಯ ಎಡ್‌ಪಯಿಂಗಳು ಅನ್ನನೆ ಮಾಡ್‌ವಲ್ಲ?

ಮತ್ತಾಯ 5:46 ပူးပေါင်းရင်းမြစ်များ

ಮತ್ತಾಯ 11:19

ಮನುಷ್ಯಕುಮಾರ ತಿಂದಂಡ್ ಕುಡಿಚಂಡಿಂಜತ್, ಅದ್ಂಗ್ ಅಯಿಂಗ: ಅಂವೊ ತೀನಿಮಾರಿಯು, ಕುಡ್‌ಕನು, ಕಂದಾಯ ಎಡ್‌ಪಯಿಂಗಡ ಪಿಂಞ ಸಮಾಜ ಪಾಪಿಯಂಗಾಂದ್ ಎಣ್ಣುವ ಜನಡ ಸ್ನೇಹಿತಾಂದ್ ಎಣ್ಣ್‌ಚಿ. ಆಚೇಂಗಿ, ದೇವಡ ಜ್ಞಾನ, ಅಂವೊನ ನಂಬುವಯಿಂಗ ಮಾಡ್‌ವ ಕ್ರಿಯೆರ ಮೂಲಕ ಸತ್ಯವಾಪಾಂದ್ ಯೇಸು ಎಣ್ಣ್‌ಚಿ.

ಮತ್ತಾಯ 18:17

ಅಯಿಂಗಕ್ ಸಹ ಅಂವೊ ಒತ್ತತೆ ಪೋನಕ, ಅಂವೊಂಡ ವಿಷಯತ್‍ನ ಸಬೇಕ್ ಎಣ್ಣ್. ಆ ಸಬೇಕ್ ಒತ್ತತೆ ಪೋನಕ, ಅಂವೊನ ದೇವನ ನಂಬತಂವೊಂಡನೆಕೆ ಕಾಂಗಂಡು, ಅಥವ ಒರ್ ಪಾಪಿರನೆಕೆ ನೋಟಂಡು.

ಮತ್ತಾಯ 5:47

ನಿಂಗ ನಿಂಗಡ ಸ್ನೇಹಿತಂಗಡ ಕೂಡೆ ಮಾತ್ರ ಕುಶೀಲ್ ಇಂಜತೇಂಗಿ, ನಿಂಗಕು, ಬೋರೆಯಿಂಗಕು ಎಂತ ವೆತ್ಯಾಸ? ದೇವನ ಗೊತ್ತಿ‌ಲ್ಲತಯಿಂಗಳೂ ಅನ್ನನೆ ಮಾಡ್‌ವಲ್ಲ?

ಮತ್ತಾಯ 6:1

ನಿಂಗ ಮಾಡ್‌ವ ದರ್ಮ ಕಾರ್ಯತ್‍ನ ಎಲ್ಲಾರು ಕಂಡಿತ್ ಮೆಚ್ಚ್‌ವನೆಕೆ ಮಾಡ್‌ವಕ್ಕಾಗ. ಅನ್ನನೆ ಮಾಡ್‍ಚೇಂಗಿ ಪರಲೋಕತ್‍ಲ್ ಉಳ್ಳ ನಿಂಗಡ ಅಪ್ಪಯಿಂಜ ಕ್‍ಟ್ಟ್‌ವಕುಳ್ಳ ಫಲತ್‍ನ ನಿಂಗ ಕಳೆಂದ್‍ರ್‍ವಿರ.

ಮಾರ್ಕ 2:15

ಬಯ್ಯಂಜಿ ಯೇಸುಕ್ ಲೇವಿರ ಮನೆಲ್ ಗದ್ದಾಳ ಇಂಜತ್. ಲೇವಿರ ಮನೆಲ್ ದುಂಬ ಕಂದಾಯ ಎಡ್‌ಪ ಜನ ಪಿಂಞ ಸಮಾಜ ಪಾಪೀಂದ್ ಎಣ್ಣ್‌ವಂತ ಜನ ಅಲ್ಲಿಕ್ ಬಂದಿತ್ ಅಂವೊಂಡ ಕೂಡೆ ಪಿಂಞ ಶಿಷ್ಯಂಗಡ ಕೂಡೆ ಉಂಬಕಿಂಜತ್.

ಮಾರ್ಕ 2:16

ಯೇಸು ಕಂದಾಯ ಎಡ್‌ಪಂವೊ ಪಿಂಞ ಸಮಾಜ ಪಾಪೀಂದ್ ಎಣ್ಣ್‌ವ ಜನಡ ಕೂಡೆ ಉಂಬದ್‌ನ ನ್ಯಾಯಪ್ರಮಾಣತ್‍ರ ಉಪಾದ್ಯಾಂಗಳಾನ ಫರಿಸಾಯಂಗ ನೋಟಿತ್, ಯೇಸುರ ಶಿಷ್ಯಂಗಡ ಪಕ್ಕ: ಎನ್ನಂಗ್ ಅಂವೊ ಕಂದಾಯ ಎಡ್‍ಪಯಿಂಗ ಪಿಂಞ ಸಮಾಜ ಪಾಪಿಯಿಂಗಾಂದ್ ಎಣ್ಣುವ ಜನಡ ಕೂಡೆ ಉಂಬಾಂದ್ ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:1

ಒರ್ ದಿವಸ ಯೇಸುರ ಉಪದೇಶತ್‍ನ ಕ್‍ೕಪಕಾಯಿತ್ ಚೆನ್ನ ಕಂದಾಯ ಎಡ್‌ಪಯಿಂಗಳು, ಸಮಾಜ ಪಾಪಿಯಂಗಾಂದ್ ಎಣ್ಣುವ ಜನಳು ಬಂದಿತ್ಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:13

ಕಂದಾಯ ಎಡ್‌ಪಂವೊ ದೂರತ್‍ಲ್ ನಿಂದಿತ್, ಬಾನತ್‍ನ ಸಹ ನೋಟತೆ, ಎದೆನ ಬಡ್‍ಚಂಡ್: ದೇವ! ನಾನ್ ಪಾಪ ಮಾಡ್‍ನಂವೊ, ನಾಡ ಮೇಲೆ ಕರುಣೆ ಕಾಟ್‍ೕಂದ್ ಪ್ರಾರ್ಥನೆ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:2

ಅಲ್ಲಿ, ಜಕ್ಕಾಯ ಎಣ್ಣುವ ಒಬ್ಬ ಇಂಜತ್. ಅಂವೊ ಕಂದಾಯ ಎಡ್‌ಪಯಿಂಗಡಲ್ಲಿ ಮುಕ್ಯಸ್ತನು ಪಿಂಞ ಐಶ್ವರ್ಯವಂತಂವೊನು ಆಯಿತ್ಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:7

ಅಲ್ಲಿಯತ್‍ರ ಜನ ಇದ್‍ನ ಕಂಡದು ಪಾಪ ಮಾಡ್‍ನಂವೊಂಡ ಮನೆಕ್ ಬೆಂದ್‌ವಾಯಿತ್ ಪೋಪಲ್ಲಾಂದ್ ಗೊಣಗ್‍ವಕ್ ಸುರು ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:12

ಕಂದಾಯ ಎಡ್‌ಪಯಿಂಗಳು ದೀಕ್ಷಾಸ್ನಾನ ಎಡ್‍ಪಕ್ ಅಂವೊಂಡ ಪಕ್ಕ ಬಂದಿತ್: ಉಪಾದ್ಯನೇ, ನಂಗ ಎಂತ ಮಾಡಂಡೂಂದ್ ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:29

ಬಯ್ಯಂಜಿ ಯೇಸುಕ್ ಲೇವಿರ ಮನೆಲ್ ಗದ್ದಾಳ ಇಂಜತ್. ಲೇವಿರ ಮನೆಲ್ ದುಂಬ ಕಂದಾಯ ಎಡ್‌ಪ ಜನ ಪಿಂಞ ಬೋರೆ ಜನ ಇಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:30

ಚೆನ್ನ ಫರಿಸಾಯಂಗ ಪಿಂಞ ನ್ಯಾಯಪ್ರಮಾಣತ್‍ರ ಉಪಾದ್ಯಂಗ, ಯೇಸುರ ಶಿಷ್ಯಂಗಡ ಪಕ್ಕ ಬಂತ್: ನಿಂಗ ಎನ್ನಂಗ್ ಕಂದಾಯ ಎಡ್‍ಪಯಿಂಗ ಪಿಂಞ ಸಮಾಜ ಪಾಪಿಯಿಂಗಾಂದ್ ಎಣ್ಣುವ ಜನಡ ಕೂಡೆ ಉಂಡಂಡ್ ಕುಡಿಚಂಡ್ ಉಂಡ್‍ೕಂದ್ ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:29

ಎಲ್ಲಾರು ಯೋಹಾನಂಡ ಬೋದನೆನ ಕ್‍ೕಟತ್. ಮುಕ್ಯವಾಯಿತ್ ಕಂದಾಯ ಎಡ್‌ಪ ಜನಳು ಯೋಹಾನಂಡ ಉಪದೇಶತ್‍ನ ಕ್‍ೕಟಿತ್, ದೀಕ್ಷಾಸ್ನಾನ ಎಡ್‍ತಿತ್ ದೇವ ನೀತಿಯುಳ್ಳಂವೋಂದ್ ಅರಿಕೆ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:34

ಮನುಷ್ಯಕುಮಾರ ತಿಂದಂಡ್ ಕುಡಿಚಂಡಿಂಜತ್, ಅದ್ಂಗ್ ನಿಂಗ: ಅಂವೊ ತೀನಿಮಾರಿಯು, ಕುಡುಕನು, ಕಂದಾಯ ಎಡ್‌ಪಯಿಂಗಡ ಪಿಂಞ ಸಮಾಜ ಪಾಪಿಯಂಗಾಂದ್ ಎಣ್ಣುವ ಜನಡ ಸ್ನೇಹಿತಾಂದ್ ಎಣ್ಣಿರ.