ಮತ್ತಾಯ 5:42 - ಕೊಡವ ಬೈಬಲ್

⁴² ನೀಡ ಪಕ್ಕ ಉಳ್ಳದ್‍ನ ಬೋಂಡೂಂದ್ ಕ್‍ೕಪಂವೊಂಗ್ ಕೊಡ್, ಸಾಲ ಕ್‍ೕಪಯಿಂಗಕ್ ಒಂದು ಗೇನ ಮಾಡತೆ ಸಾಲ ಕೊಡ್.

ಮತ್ತಾಯ 5:42 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 19:17

ಗರಿಬಂಗ್‌ ದಯೆ ಕಾಟ್‌ವಂವೊ ಯೆಹೋವಂಗ್‌ ಸಾಲ ಕೊಡ್‌ಪ. ಅಂವೊ ಮಾಡ್‌ನ ಕಾರ್ಯಕ್‌ ಯೆಹೋವ ಬಹುಮಾನತ್‌ನ ತಿರಿತ್‌ ತಪ್ಪ.

ಜ್ಞಾನತ್‌ರ ಪಡಿಮ 21:26

ಅಂವೊ ದಿವಸಯೆಲ್ಲಾ ಕುಶಿಲ್‌ ಆಸೆಪಟ್ಟಂಡೇ ಉಂಡ್. ಆಚೇಂಗಿ ನೀತಿವಂತ ತಾಂಗಾಯಿತ್‌ ಬೆಕ್ಕತೆ ಉದಾರವಾಯಿತ್‌ ಕೊಡ್‌ಪ.

ಮತ್ತಾಯ 5:41

ಒಬ್ಬ ಅಂವೊಂಡ ಚೀಲತ್‍ನ ಒರ್ ಕಿಲೋಮೀಟರ್‌ಕ್ ಎಡ್‍ತಂಡ್ ಪೋಂಡೂಂದ್ ನಿನ್ನ ಒತ್ತಾಯ ಮಾಡ್‍ಚೇಂಗಿ, ನೀನ್ ಆ ಚೀಲತ್‍ನ ದಂಡ್ ಕಿಲೋಮೀಟರ್‌ಕ್ ಎಡ್‍ತಂಡ್ ಪೋ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:41

ನಿಂಗ ನಿಂಗಡದ್‍ೕಂದ್ ಗೇನಮಾಡಿಯಂಡುಳ್ಳದ್‍ನ ಗರೀಬಂಗಕ್ ಕೊಡಿ, ಅಕ್ಕ ಎಲ್ಲಾ ನಿಂಗಕ್ ಶುದ್ದ ಆಪ.

ರೋಮ್ 12:20

ಅದಲ್ಲತೆ, ನೀಡ ವಿರೋದಿಕ್ ಕೆಲ ಪಯಿಚಂಡಿಂಜತೇಂಗಿ, ಅಂವೊಂಗ್ ಕೂಳ್ ಕೊಡ್; ಅಂವೊ ಬಾಯರಿಕೆಲ್ ಇಂಜತೇಂಗಿ ಅಂವೊಂಗ್ ಕುಡಿಪಕ್ ಕೊಡ್. ನೀನ್ ಇನ್ನನೆ ಮಾಡ್‍ಚೇಂಗಿ, ನೀನ್ ಅಂವೊಂಡ ಮಂಡೆಕ್ ಕತ್ತಿಯಂಡುಳ್ಳ ತಿತ್ತ್ ಕಂಡ ಕೂಟ್‌ವನೆಕೆ, ಮಾಡ್‌ವಿಯ.

ಇಬ್ರಿಯ 13:16

ಅದಲ್ಲತೆ, ನಲ್ಲದ್ ಮಾಡ್‌ವಕು, ದಾನದರ್ಮ ಮಾಡ್‌ವಕು ಮರ್ಂದ್ ಪೋಕತಿ; ಇನ್ನನೆ ಮಾಡ್‌ವ ಬಲೀಲ್ ದೇವ ಕುಶಿಪಡ್‍ವಂವೊನಾಯಿತುಂಡ್.

ಇಬ್ರಿಯ 6:10

ಎನ್ನಂಗೆಣ್ಣ್‌ಚೇಂಗಿ, ನಿಂಗಡ ಸೇವೆ, ದೇವಡ ಮಕ್ಕಕ್ ನಿಂಗ ಮಾಡ್‍ನ ಪಿಂಞ ಇಕ್ಕ ಮಾಡಿಯಂಡುಳ್ಳ ಪ್ರೀತಿರ ಸೇವೇರ ಮೂಲಕ ಕಾಂಬ್‌ಚಿಡುವ ದೇವಡ ಮೇಲೆ ಉಳ್ಳ ಪ್ರೀತಿನ ದೇವ ಮರ್ಂದ್ ಪೋಪುಲೆ. ದೇವ ನೀತಿ ಉಳ್ಳಂವೊವನಾಯಿತುಂಡ್.

ಯಾಕೋಬ 1:27

ತಬ್ಬಲಿ ಮಕ್ಕ ಪಿಂಞ ವಿದವೆಯಿಂಗಡ ಕಷ್ಟತ್‍ಲ್ ಸಹಾಯ ಮಾಡ್‍ವದ್ ಪಿಂಞ ಈ ಲೋಕತ್‍ರ ಪಾಪ ಅಂವೊನ ದೋಷ ಮಾಡತನೆಕೆ ಕಾಪಾಡಿಯಂಡ್ ಬದ್‍ಕ್‍ವದ್ ಇನ್ನತಾನ ವಿಷಯವೇ, ಅಪ್ಪನಾನ ದೇವಡ ಮಿಂಞತ್ ಶುದ್ದವಾನ ಕಳಂಗ ಇಲ್ಲತ ಬಕ್ತಿಯಾಯಿತ್‌ಪ್ಪ.