ಮತ್ತಾಯ 5:30 - ಕೊಡವ ಬೈಬಲ್

³⁰ ನೀಡ ಬಲ್‌ತೆ ಕೈ ಪಾಪ ಮಾಡ್‌ವಕ್ ಕಾರಣವಾಚೇಂಗಿ, ಅದ್‍ನ ಕೆತ್ತಿತ್ ಆ ಕೈಯಿನ ಚಾಡಿರ್. ನೀಡ ಪೂರ್ತಿ ತಡೀನ ನರಕತ್‍ಲ್ ತಳ್ಳ್‌ವಕಿಂಜ, ನೀಡ ತಡೀರ ಒರ್ ಬಾಗ ಇಲ್ಲತಿಪ್ಪದ್ ನಲ್ಲದ್.

ಮತ್ತಾಯ 5:30 ပူးပေါင်းရင်းမြစ်များ

ಮತ್ತಾಯ 11:6

ನಾಡ ಮೇಲೆ ಅನುಮಾನ ಇಲ್ಲತಂವೊ ಆಶೀರ್ವಾದ ಪಡ್ಂದವೋಂದ್ ಅಯಿಂಗಕ್ ಎಣ್ಣ್‌ಚಿ.

ಮತ್ತಾಯ 13:21

ಆಚೇಂಗಿ, ಕಲ್ಲ್ ಜಾಗತ್‍ಲ್ ಬೇರೂರತೆ ಉಳ್ಳಗುಂಡ್, ಅದ್ ದುಂಬ ದಿವಸ ಇಪ್ಪುಲೆ. ಇನ್ನನೆ ದೇವಡ ವಾಕ್ಯತ್‍ರಗುಂಡ್ ಕಷ್ಟ, ಹಿಂಸೆ ಬಪ್ಪಕ ಅಯಿಂಗ ಕ್‍ೕಟಾನ ಬೆರಿಯ ಬುಟ್ಟ್‌ರ್‌ವ.

ಮತ್ತಾಯ 16:23

ಆಚೇಂಗಿ, ಯೇಸು ಅಂವೊಂಡ ಪಕ್ಕ ತಿರಿತ್, ನಾಡ ಬಯ್ಯಕ್ ಪೋ ಸೈತಾನೇ, ನಾನ್ ದೇವಡ ಚಿತ್ತತ್‍ನ ಮಾಡ್‌ವಕ್ ನೀನ್ ತಡೆ ಮಾಡ್‌ವಿಯ, ಇಕ್ಕ, ನೀನ್ ದೇವಡ ಚಿತ್ತತ್‍ರನೆಕೆ ಗೇನ ಮಾಡತೆ, ಮನುಷ್ಯಂಗಡ ಚಿತ್ತತ್‍ರನೆಕೆ ಗೇನ ಮಾಡ್‌ವಿಯಾಂದ್ ಎಣ್ಣ್‌ಚಿ.

ಮತ್ತಾಯ 17:27

ಆಚೇಂಗಿಯು, ನಂಗಡ ವಿಷಯತ್‍ಲ್ ಅಯಿಂಗ ಬೇಜಾರ್ ಮಾಡಂಡ. ನೀನ್ ಸಮುದ್ರಕ್ ಪೋಯಿತ್ ಮೀನ್‌ಕ್ ಗಾಣ ಇಡ್, ಅಕ್ಕ ಒರ್ ಮೀನ್ ಕ್‍ಟ್ಟುವ. ಅದ್ಂಡ ಬಾಯಿರ ಒಳ್‍ಲ್ ಒರ್ ಬೊಳ್ಳಿ ಉರುಪಿಯ ಕ್‍ಟ್ಟುವ; ಅದ್‍ನ ನಾಕಾಯಿತ್, ನೀಕಾಯಿತ್, ಈ ದೇವಾಲಯತ್‍ರ ಕಂದಾಯ ಎಡ್‌ಪಯಿಂಗಡ ಪಕ್ಕ ಕೊಡ್‍ೕಂದ್ ಯೇಸು ಎಣ್ಣ್‌ಚಿ.

ಮತ್ತಾಯ 18:8

ನೀಡ ಕೈ ಅಥವ ಕಾಲ್ ಪಾಪ ಮಾಡ್‌ವಕ್ ಕಾರಣವಾಯಿತ್ ಇಂಜತೇಂಗಿ, ಅದ್‍ನ ಕೆತ್ತಿತ್ ಚಾಡಿರ್. ದಂಡ್ ಕೈ ದಂಡ್ ಕಾಲ್ ಉಳ್ಳಂವೊನಾಯಿತ್ ನಿನ್ನ ನಿತ್ಯ ತಿತ್ತ್‌ಕ್ ತಳ್ಳ್‌ವಕಿಂಜ, ಒರ್ ಕೈ ಒರ್ ಕಾಲ್ ಉಳ್ಳಂವೊನಾಯಿತ್ ನಿತ್ಯ ಜೀವಕ್ ಪ್ರವೇಶ ಮಾಡ್‍ವದ್ ನಲ್ಲದ್.

ಮತ್ತಾಯ 22:13

ಅಕ್ಕ ರಾಜ ಅಂವೊಂಡ ಆಳ್‍ವಕ್, ಅಂವೊಂಡ ಕೈಕಾಲ್ ಕೆಟ್ಟ್‌ವಂಜಿ ಅಂವೊನ ಪೊರಮೆ ಇರ್‌ಟ್‌ಲ್ ಇಡಿ, ಅಲ್ಲಿ ಅಂವೊ ಪಲ್ಲ್‌ಕಡ್‌ಚಂಡ್ ಗೋಳಾಡಿಯಂಡ್ ಇಪ್ಪಾಂದ್ ಯೇಸು ಎಣ್ಣ್‌ಚಿ.

ಮತ್ತಾಯ 25:20

ಅಂಜ್ ಬಾಗ ಕ್‍ಟ್ಟ್‌ನಂವೊ ಮಿಂಞ ಬಂದಿತ್, ಸ್ವಾಮೀ, ನೀನ್ ನಾಕ್ ಅಂಜ್ ಬಾಗ ತಂದಿಯ, ಇದಾ ಅದ್‍ಲ್ ಇಂಞು ಅಂಜ್ ಬಾಗತ್‍ನ ಸಂಪಾದನೆ ಮಾಡಿಯೇಂದ್ ಎಣ್ಣ್‌ಚಿ.

ಮತ್ತಾಯ 26:31

ಅಕ್ಕ ಯೇಸು ಅಯಿಂಗಳ ನೋಟಿತ್: ಇಂದ್ ಬಯಿಟ್ ನನ್ನಗುಂಡ್ ನಿಂಗ ಓಡಿ ಪೋಪಿರ; ಎನ್ನಂಗೆಣ್ಣ್‌ಚೇಂಗಿ, ನಾನ್ ಕೊರಿ ಕಾಪಂವೊನ ಕೊಲ್ಲುವಿ, ಕೊರಿಯಳು ಚದ್‌ರಿ ಪೋಪಾಂದ್ ದೇವಡ ವಾಕ್ಯ ಎಣ್ಣುವ.

ಮತ್ತಾಯ 5:22

ಆಚೇಂಗಿ ನಾನ್ ಎಣ್ಣ್‌ವಿ, ನಿಂಗ ನಿಂಗಡ ಅಣ್ಣತಮ್ಮಣನಂಗಡ ಕೂಡೆ ಚೆಡಿಲ್ ಉಂಡೇಂಗಿ ನ್ಯಾಯತೀರ್ಪ್‌ಕ್ ಒಳಪಡ್‍ವಿರ; ನಿಂಗಡ ಏದೋರ್ ಅಣ್ಣತಮ್ಮಣನಂಗಕ್: ನೀನ್ ಒಂದಾಂಗು ಲಾಯಕ್ ಇಲ್ಲೇಂದ್ ಎಣ್ಣ್‌ಚೇಂಗಿ ಯೆಹೂದ್ಯಂಗಡ ಆಲೋಚನೆ ಸಬೇಕ್ ಮಿಂಞತ್ ನಿಪ್ಪಿರ. ನಿಂಗಡ ಅಣ್ಣತಮ್ಮಣನಂಗಳ ನಿಂಗ ಮುಠಾಳಂಗಾಂದ್ ಎಣ್ಣ್‌ಚೇಂಗಿ, ನಿಂಗ ನರಕ ಲೋಕತ್‍ಲ್ ಉಳ್ಳ ತಿತ್ತ್‌ಕ್ ಪೋಪಕ್ ಬಟ್ಟೆ ಮಾಡ್‌ವಿರ.

ಮತ್ತಾಯ 5:29

ನೀಡ ಬಲ್‌ತೆ ಕಣ್ಣ್ ಪಾಪ ಮಾಡ್‌ವಕ್ ಕಾರಣವಾಚೇಂಗಿ, ಅದ್‍ನ ಬಲ್‍ಚಿತ್ ಕನ್‍ಚಿರ್. ನೀಡ ಪೂರ್ತಿ ತಡೀನ ನರಕತ್‍ಲ್ ತಳ್ಳ್‌ವಕಿಂಜ, ನೀಡ ತಡೀರ ಒರ್ ಬಾಗ ಇಲ್ಲತಿಪ್ಪದ್ ನಲ್ಲದ್.

ಮಾರ್ಕ 9:43

ಅನ್ನನೆ ನಿಂಗಡ ಕೈ ಪಾಪ ಮಾಡ್‌ವಕ್ ಕಾರಣವಾಚೇಂಗಿ ಆ ಕೈಯಿನ ಕೆತ್ತಿತ್ ಚಾಡಿರ್. ದಂಡ್ ಕೈಯಿನ ಬೆಚ್ಚಂಡ್ ಎಕ್ಕಾಲು ಕೆಡತ ತಿತ್ತ್ ಇಪ್ಪ ನರಕಕ್ ಪೋಪಗಿಂಜ ಒರ್ ಕೈ ಉಳ್ಳಂವೊನಾಯಿತ್ ಪರಲೋಕಕ್ ಪೋಪದ್ ನಲ್ಲದ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:5

ಆಚೇಂಗಿ ನಿಂಗ ದಾರ್‌ಕ್ ಬೊತ್ತಂಡೂಂದ್ ನಾನ್ ಕಾಟಿತಪ್ಪಿ: ಕೊಲ್ಲೊದ್ ಮಾತ್ರ ಅಲ್ಲ ಆಚೇಂಗಿ ಕೊಂದ ಪಿಂಞ ನರಕತ್‍ಲ್ ತಳ್ಳ್‌ವಕೂ ಅದಿಕಾರವುಳ್ಳ ದೇವಕ್ ಮಾತ್ರ ಬೊತ್ತಿ. ಅಕ್ಕು, ದೇವಕ್ ಮಾತ್ರ ನಿಂಗ ಬೊತ್ತೀಂದ್ ಎಣ್ಣ್‌ವಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 17:2

ನಾಡ ಮೇಲೆ ನಂಬಿಕೆಯುಳ್ಳ ಈ ಚೆರಿಯಯಿಂಗಳ ದಾರ್ ನಾಡ ಮೇಲೆ ನಂಬಿಕೆ ಇಲ್ಲತ್ತನೆಕೆ ಮಾಡ್‌ವ, ಅಯಿಂಗಡ ಬೋಳೆಕ್ ಬಲ್ಯೊರ್ ಬೀಜುವ ಕಲ್ಲ್‌ನ ಕೆಟ್ಟಿತ್ ಸಮುದ್ರತ್‍ಲ್ ಚಾಡ್‌ಚೇಂಗಿ ಅಂವೊಂಗ್ ನಲ್ಲದ್.

ರೋಮ್ 9:33

ಇದ್: ನೋಟಿ, ತಡ್‍ಪಕುಳ್ಳ ಕಲ್ಲ್‌ನ ಪಿಂಞ ಬೂವಕ್ ಮಾಡ್‌ವ ಬಂಡೆ ಕಲ್ಲ್‌ನ ಚೀಯೋನ್‌ ಪಟ್ಟಣತ್‍ಲ್ ಬೆಚ್ಚಿಯೆ; ಅಂವೊಂಡ ಮೇಲೆ ನಂಬಿಕೆ ಬೆಪ್ಪಂವೊ ದಾರಾಯಿತ್ ಇಂಜತೇಂಗಿಯು ಅಂವೊಂಗ್ ಞಾಣ ಆಪುಲೇಂದ್ ಒಳ್‍ದಿತುಳ್ಳನೆಕೆ ಇದ್ ಆಚಿ.

1 ಕೊರಿಂಥ 8:13

ಆನಗುಂಡ್, ಯೇಸುನ ನಂಬ್‍ನ ಅಣ್ಣತಮ್ಮಣಂಗ ಪಾಪ ಮಾಡ್‌ವಕ್ ನಾನ್ ಆಹಾರ ತಿಂಬದ್ ಕಾರಣವಾಯಿತ್ ಇಂಜತೇಂಗಿ, ಅಯಿಂಗ ಕ್ರಿಸ್ತಂಡ ಮೇಲೆ ನಂಬಿಕೆ ಇಡ್‌ವಕ್ ನಾನ್ ತಡೆಯಾಯಿತ್ ಇಕ್ಕತನೆಕೆ ನಾನ್ ಎಕ್ಕಾಲು ಯರ್ಚಿ ತಿಂಬದೇ ಇಲ್ಲೆ.

ಗಲಾತ್ಯ 5:11

ನಾಡ ಅಣ್ಣತಮ್ಮಣಂಗಳೇ, ಸುನ್ನತಿ ಮಾಡಂಡೂಂದ್ ನಾನ್ ಇಂಞು ಬೋದನೆ ಮಾಡಿಯಂಡಿಂಜತೇಂಗಿ ಎನ್ನಂಗಾಯಿತ್ ನಾಕ್ ಇಕ್ಕಲು ತೊಂದರೆ ಬಂದಂಡುಂಡ್? ಅನ್ನನೆ ಆಚೇಂಗಿ, ಕ್ರಿಸ್ತಂಡ ಶಿಲುಬೇರ ವಿಷಯತ್ಂಜ ಬಪ್ಪ ನಿಂದನೆ ಇಲ್ಲತೆ ಪೋಯಿತ್‌ಪ್ಪ್‌ಲೆಯಾ?

1 ಪೇತ್ರ 2:8

ಆ ಕಲ್ಲ್ ಮನುಷ್ಯಂಗಳ ತಡ್‍ಪಕು ಬೂವಕು ಮಾಡ್‌ವ ಬಂಡೆಯಾಯಿತ್ ಆಚಿ. ಅಯಿಂಗ ದೇವಡ ಉಪದೇಶಕ್ ಬಗ್ಗ್‌ಚಿಡತಗುಂಡ್ ಅದ್ ತಡ್‍ತಂಡುಂಡ್, ಅದ್ಂಗೇ ಅಯಿಂಗಳ ನೇಮಿಚಿಟ್ಟಯಿಂಗಳಾಯಿತುಂಡ್.