ಮತ್ತಾಯ 5:26 - ಕೊಡವ ಬೈಬಲ್

²⁶ ನೀಡ, ಕಡೆ ಕಾಸ್‍ನ ಕೊಡ್‌ಪಕತ್ತನೆ ನಿಂಗ ಜೈಲಿಂಜ ಪೊರಮೆ ಬಪ್ಪ್‌ಲೇಂದ್ ನಿಂಗಕ್ ನಾನ್ ನೇರಾಯಿತು ಎಣ್ಣ್‌ವಿ.

ಮತ್ತಾಯ 5:26 ပူးပေါင်းရင်းမြစ်များ

ಮತ್ತಾಯ 10:29

ಗುಬ್ಬಚ್ಚಿನ ಚೆನ್ನ ಗೇನ ಮಾಡಿಯೊಳಿ, ಅದ್ಂಡ ಕ್ರಯ ದುಂಬ ಕಮ್ಮಿ. ಒರ್ ನಾಣ್ಯಕ್ ದಂಡ್ ಗುಬ್ಬಚ್ಚಿನ ಎಡ್‍ಪಕಯ್ಯು. ಆಚೇಂಗಿಯು ದೇವಡ ಚಿತ್ತ ಇಲ್ಲತೆ ಒರ್ ಗುಬ್ಬಚಿ ಸಹ ಅಡಿಕ್ ಬೂವ್‌ಲೆ.

ಮತ್ತಾಯ 18:34

ರಾಜಂಗ್ ಚೆಡಿ ಬಾತ್, ನೀನ್ ನಾಡ ಸಾಲನೆಲ್ಲ ತ್‍ೕಪಕತ್ತನೆ ಜೈಲ್‍ಲ್ ಇರಂಡೂಂದ್ ಎಣ್ಣ್‌ಚಿ.

ಮತ್ತಾಯ 25:41

ಪಿಂಞ ರಾಜ ತಾಂಡ ಎಡ್‍ತೆ ಬರಿಲ್ ಉಳ್ಳಯಿಂಗಳ ನೋಟಿತ್: ದೇವಡ ಶಾಪ ಪಡ್ಂದಯಿಂಗಳೇ, ನನ್ನ ಬುಟ್ಟಿತ್, ಸೈತಾನಂಗು ಅಂವೊಂಡ ದೂತಂಗಕು ತಯಾರ್ ಮಾಡಿತುಳ್ಳ ನಿತ್ಯ ತಿತ್ತ್‌ಕ್ ಪೋಯಿ.

ಮತ್ತಾಯ 25:46

ಅಕ್ಕ ಈಂಗ ನಿತ್ಯ ಶಿಕ್ಷೆಕು, ನೀತಿವಂತಯಿಂಗ ನಿತ್ಯ ಜೀವಕು ಪೋಪ.

ಮಾರ್ಕ 12:42

ಕಡೇಕ್ ಒರ್ ಗರೀಬತಿಯಾನ ವಿದವೆ ಬಂದಿತ್ ಒರ್ ಪಣಕ್ ಸಮವಾನ ದಂಡ್ ತಾಂಬ್ರ ದುಡ್ಡ್‌ನ ಇಟ್ಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:58

ನೀಡ ಮೇಲೆ ಆರೋಪ ಮಾಡ್‍ನಂವೊಂಡ ಕೂಡೆ ನ್ಯಾಯಲಾಯಕ್ ಪೋಪಕ್ ಮಿಂಞಲೇ ಬಟ್ಟೇಲೇ ಸಮಾದಾನ ಮಾಡಿತ್ ಸೆರಿಮಾಡ್‍ವಕ್ ಪೇಚಾಡಿ. ಇಲ್ಲತೆಪೋಚೇಂಗಿ ಅಂವೊ ನಿನ್ನ ನ್ಯಾಯಾದಿಪತಿರ ಮಿಂಞಕ್ ಬಲ್‍ಚಂಡ್ ಪೋಪ. ನ್ಯಾಯಾದಿಪತಿ ನಿನ್ನ ಜೈಲ್ ಕಾಪಂವೊಂಡ ಪಕ್ಕ ಕೊಡ್‍ಪ, ಅಂವೊ ನಿನ್ನ ಜೈಲ್‌ಕ್ ಇಡ್‌ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:59

ಅನ್ನನೆ ಆಚೇಂಗಿ, ನೀಡ, ಕಡೆ ಕಾಸ್‍ನ ಕೊಡ್‌ಪಕತ್ತನೆ ನೀನ್ ಜೈಲಿಂಜ ಪೊರಮೆ ಬಪ್ಪ್‌ಲೇಂದ್ ನಾನ್ ಎಣ್ಣುವೀಂದ್ ಯೇಸು ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:26

ಇಂಞು, ಇಲ್ಲಿಂಜ ಅಲ್ಲಿಕ್, ಅಲ್ಲಿಂಜ ಇಲ್ಲಿಕ್ ದಾರೂ ದಾಟ್‍ವಕ್ ಆಕತನೆಕೆ ಅಗಲವಾನ ಆಳವಾನ ಕುಂಡ್ ಉಂಡ್‍ೕಂದ್ ಎಣ್ಣ್‌ಚಿ.

2 ಥೆಸಲೊನೀಕ 1:9

ಅಯಿಂಗ ಎಕ್ಕಾಲು ಕಷ್ಟಪಡ್‌ವನೆಕೆ ನಿತ್ಯವಾಯಿತ್ ಪಾಳಾಪ ಶಿಕ್ಷೆ ಕೊಡ್‌ತಿತ್, ಕಾಲಕಾಲಕು ಒಡೆಯಂಡ ಸನ್ನಿದಾನತ್ಂಜ ದೂರಮಾಡಿತ್, ಅಂವೊಂಡ ಮಹಿಮೇರ ಶಕ್ತಿನ ಕಾಂಬಕಯ್ಯತನೆಕೆ ಮಾಡ್‌ವ.

ಯಾಕೋಬ 2:13

ಈ ಲೋಕತ್‍ಲ್ ಜನಕ್ ಕರುಣೆ ಕಾಟತಯಿಂಗಕ್, ದೇವ ತೀರ್ಪ್ ತಪ್ಪ ದಿವಸತ್‍ಲ್, ಅಂವೊ ಕರುಣೆ ಕಾಟುಲೆ; ಆಚೇಂಗಿ, ನಿಂಗ ಕರುಣೆಯುಳ್ಳಯಿಂಗಳಾಯಿತ್ ಇಂಜತೇಂಗಿ, ದೇವ ನಿಂಗಳ ತೀರ್ಪ್ ಮಾಡ್‌ವ ದಿವಸತ್‍ಲ್ ನಿಂಗಕ್ ಕರುಣೆಯುಳ್ಳಂವೊನಾಯಿತಿಪ್ಪಾಂದ್ ನಿಂಗಕ್ ಗೊತ್ತಿರಂಡು.