ಮತ್ತಾಯ 5:25 - ಕೊಡವ ಬೈಬಲ್

²⁵ ದಾರೇಂಗಿ ನಿಂಗಡ ಪಕ್ಕ ಬಂದಿತ್ ನಿಂಗ ತಪ್ಪ್‌ಮಾಡಿತುಳ್ಳಿರಾಂದ್ ನಿಂಗಳ ನ್ಯಾಯಾದಿಪತಿರ ಪಕ್ಕ ಕಾಕಿಯಂಡ್ ಪೋಪಕ, ಆ ವಿಷಯತ್‍ನ ಬಟ್ಟೇಲೇ ಸಮಾದಾನ ಮಾಡಿಯೊಳಿ. ಇಲ್ಲತಪೋಚೇಂಗಿ ನೀಡ ವಿರೋದಿ ನಿನ್ನ ನ್ಯಾಯಾದಿಪತಿಕ್ ಒಪ್ಪ್‌ಚಿಟ್ಟಿತ್, ಪಿಂಞ ಅಂವೊ ನಿನ್ನ ಅದಿಕಾರಿಕ್ ಒಪ್ಪ್‌ಚಿಟ್ಟಿತ್, ನಿನ್ನ ಜೈಲ್‌ಕ್ ಇಡ್‌ವ.

ಮತ್ತಾಯ 5:25 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 25:8

ನ್ಯಾಯಾಲಯತ್‌ ಪೋಪಕ್‌ ಆತುರ ಪಡತೆ. ಕಡೇಕ್‌ ನೀಡ ನೆರೆಮನೆಕಾರ ನೀನ್‌ ಎಣ್ಣ್‌ವದ್‌ ಪೊಟ್ಟ್‌ಂದ್‌ ಅವಮಾನ ಪಡ್‌ತ್‌ಚೇಂಗಿ ನೀನ್‌ ಎಂತ್‌ ಮಾಡುವಿಯಾ?

ಮತ್ತಾಯ 26:58

ಆಚೇಂಗಿ ಪೇತ್ರ ಚೆನ್ನ ದೂರತ್ಂಜ ಯೇಸುರ ಬಯ್ಯಕ್ ಪೋಯಿತ್, ಮಹಾ ಯಾಜಕಂಡ ಅರಮನೆರ ಕಯ್ಯಾಲೆಕತ್ತನೆ ಬಂತ್, ಒಳ್‍ಕ್ ಪೋಯಿತ್, ಆಕೀರ್‌ಕ್, ಯೇಸುಕ್ ಎಂತ ಆಪಾಂದ್ ನೋಟ್‍ವಕ್ ಸಿಪಾಯಿಯಡ ಕೂಡೆ ಅಳ್‌ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:3

ಅಲ್ಲಿ ಒರ್ ವಿದವೆ ಇಂಜತ್. ಅವ ಅಂವೊಂಡ ಪಕ್ಕ ಅಕ್ಕಕ್ಕ ಪೋಯಿತ್: ನಾಕು ನಾಡ ವಿರೋದಿಕೂ ತೊಂದರೆ ಉಳ್ಳ ವಿಷಯತ್‍ಲ್ ನಾಕ್ ನ್ಯಾಯ ಕ್‍ಟ್ಟ್‌ವನೆಕೆ ಮಾಡ್‍ೕಂದ್, ಆ ನ್ಯಾಯಾದಿಪತಿನ ಬೋಡ್‍ಚಿ.

2 ಕೊರಿಂಥ 6:2

ನಾಡ ಸರಿಯಾನ ಕಾಲತ್‍ಲ್ ನೀಕ್ ಕೆಮಿ ಕೊಡ್‌ತಿತ್, ರಕ್ಷಣೆ ಮಾಡ್‌ವ ದಿವಸತ್‍ಲ್ ನಾನ್ ನೀಕ್ ಸಹಾಯ ಮಾಡಿಯೇಂದ್ ಅಂವೊ ಎಣ್ಣಿತುಂಡಲ್ಲ! ನೋಟಿ, ಇಕ್ಕಲೆ ಸರಿಯಾನ ಕಾಲ, ಇಕ್ಕಲೆ ರಕ್ಷಣೆರ ಸಮಯ.

ಇಬ್ರಿಯ 12:17

ಎನ್ನಂಗೆಣ್ಣ್‌ಚೇಂಗಿ, ಬಯ್ಯಕ್ ಅಂವೊ ಈ ಆಶೀರ್ವಾದತ್‍ನ ಪಡೆಯುವಕ್ ಕುಶಿಪಟ್ಟತೇಂಗಿಯು ಅಂವೊನ ತಿರಸ್ಕಾರ ಮಾಡಿರ್‌ತ್. ಕಣ್ಣೀರ್ ಬುಟ್ಟಿತ್ ಆ ಆಶೀರ್ವಾದತ್‍ನ ತ್‍ೕಡ್‍ಚೇಂಗಿಯು, ಪಶ್ಚಾತಾಪ ಪಡುವಕ್ ಬಟ್ಟೆ ಇಲ್ಲತೆ ಪೋಚಿ.

ಇಬ್ರಿಯ 3:13

ನಿಂಗಡಲ್ಲಿ ಒಬ್ಬಂಡ ಹೃದಯ ಸಹ, ಪಾಪತ್‍ರ ವಂಚನೆರಗುಂಡ್ ಕಲ್ಲ್‌ರನೆಕೆ ಆಪಕ್ಕಾಗ. ಆಚೇಂಗಿ, ಅದ್ಂಡ ಬದ್‍ಲ್, ಇಂದ್ ಎಣ್ಣುವ ತಕ್ಕ್ ಇಪ್ಪಕತ್ತನೆ, ನಿಂಗ ಒಬ್ಬಂಗ್ ಒಬ್ಬ ಎಕ್ಕಾಲು ಪುರ್‌ಡ್ ಕೊಡ್‍ತಂಡಿರಂಡು.

ಇಬ್ರಿಯ 3:7

ಆನಗುಂಡ್, ಪವಿತ್ರಾತ್ಮ ಎಣ್ಣುವನೆಕೆ: ಇಂದ್ ಅಂವೊಂಡ ಸದ್ದ್‌ನ ಕ್‍ೕಟತೇಂಗಿ,