ಮತ್ತಾಯ 5:24 - ಕೊಡವ ಬೈಬಲ್

²⁴ ನಿಂಗಡ ಕಾಣಿಕೆನ ಬಲಿಪೀಠತ್‍ರ ಪಕ್ಕ ಬುಟ್ಟಿತ್, ನಿಂಗ ಅಂವೊಂಡ ಪಕ್ಕ ಪೋಯಿತ್, ಅಂವೊಂಡ ಕೂಡೆ ಸಮಾದಾನ ಆಯಿತ್, ಬಯ್ಯ ಬಂತ್ ನಿಂಗಡ ಕಾಣಿಕೆನ ಅರ್ಪಣೆ ಮಾಡಂಡು.

ಮತ್ತಾಯ 5:24 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 25:9

ನೀನ್‌ ನೀಡ ನೆರೆಮನೆಕಾರಂಡ ಕೂಡೆ ಮಾತ್‌ರ ನಿಂಗಡ ವಿಷಯತ್‌ ವಾದ ಮಾಡ್. ಬೋರೆ ಒಬ್ಬಂಡಪಕ್ಕ ಗುಟ್ಟ್‌ನ ಎಣ್ಣಂಡ.

ಮತ್ತಾಯ 23:23

ಕಪಟಿಯಾನ ನ್ಯಾಯಪ್ರಮಾಣತ್‍ರ ಉಪಾದ್ಯಂಗಳೇ, ಫರಿಸಾಯಂಗಳೇ, ನಿಂಗಕ್ ಅಯ್ಯೋ, ನಿಂಗ ಪುದಿನ ತೊಪ್ಪು, ತೊಳ್‌ಸಿ ಪಿಂಞ ಜೀರಿಗೆನ ಪತ್ತ್‌ಲ್ ಒರ್ ಪಾಲ್ ಕೊಡ್‍ಪಿರ, ಆಚೇಂಗಿ ದರ್ಮಶಾಸ್ತ್ರ ಪುಸ್ತಕತ್‍ಲ್ ದುಂಬ ಮುಕ್ಯವಾನ ನೀತಿನ, ಕನಿಕರತ್‍ನ, ನಂಬಿಕೇನ ಬುಟ್ಟಿತುಳ್ಳಿರ. ಇದ್‍ನೆಲ್ಲಾ ನಿಂಗ ಮಾಡಂಡು, ಅದ್‍ನೂ ಬುಡ್‌ವಕ್ಕಾಗ.

ಮತ್ತಾಯ 5:23

ಆನಗುಂಡ್ ನಿಂಗ ನಿಂಗಡ ಕಾಣಿಕೆನ ಬಲಿಪೀಠಕ್ ಎಡ್‌ತ ಬಪ್ಪಕ, ನಿಂಗಡ ಮೇಲೆ ನಿಂಗಡ ಅಣ್ಣತಮ್ಮಣಂಗಕ್ ವಿರೋದ ಉಂಡ್‍ೕಂದ್ ನಿಂಗಕ್ ಗೇನ ಬಾತೇಂಗಿ,

ಮಾರ್ಕ 9:50

ಉಪ್ಪ್ ನಲ್ಲದ್, ಆಚೇಂಗಿ ಉಪ್ಪ್‌ರ ಸತ್ವ ಪೋಚೇಂಗಿ, ಪುನಃ ನಿಂಗಕ್ ಉಪ್ಪ್‌ನ ಎನ್ನನೆ ಸತ್ವ ಮಾಡ್‌ವಕಯ್ಯು? ನಿಂಗ ಉಪ್ಪ್ ಉಳ್ಳಯಿಂಗಳಾಯಿತ್ ಇರಿ, ಎಲ್ಲಾಡ ಕೂಡೆ ಸಮಾದಾನತ್‍ಲ್ ಬದ್‍ಕ್‍ವಿರ.

1 ಕೊರಿಂಥ 11:28

ಆನಗುಂಡ್ ಈ ಒಟ್ಟಿನ ತಿಂಬಂವೊ, ಈ ಪಾತ್ರತ್‍ಲ್ ಕುಡಿಪಂವೊ, ಅದ್‍ನ ಮಾಡ್‌ವಕ್ ಮಿಂಞ ಅಂವೊ ಅಂವೊನ ಪರೀಕ್ಷೆ ಮಾಡಂಡು.

1 ತಿಮೊಥೆಯ 2:8

ಅದಲ್ಲತೆ, ಎಲ್ಲಾ ಆಣಾಳ್‍ವ ಚೆಡಿ ಇಲ್ಲತೆ, ತರ್ಕ ಇಲ್ಲತೆ, ಪವಿತ್ರವಾನ ಕೈಯಿನ ನೇತಿತ್, ಎಲ್ಲಾ ಜಾಗತ್‍ಲು ಪ್ರಾರ್ಥನೆ ಮಾಡಂಡೂಂದ್ ನಾಕ್ ಆಸೆ ಉಂಡ್.

ಯಾಕೋಬ 5:16

ಆನಗುಂಡ್ ನಿಂಗಡ ಕಾಯಿಲೆ ವಾಸಿ ಆಪನೆಕೆ ನಿಂಗಡ ಪಾಪತ್‍ನ ಒಬ್ಬಂಗೊಬ್ಬ ಅರಿಕೆ ಮಾಡಿತ್, ಒಬ್ಬಂಗೊಬ್ಬ ಪ್ರಾರ್ಥನೆ ಮಾಡಂಡು. ನೀತಿವಂತಂವೊ ಮಾಡ್‌ವ ನಂಬಿಕೇರ ಪ್ರಾರ್ಥನೆ ದುಂಬ ಶಕ್ತಿ ಉಳ್ಳದಾಯಿತಿಪ್ಪ.