ಮತ್ತಾಯ 5:20 - ಕೊಡವ ಬೈಬಲ್

²⁰ ನಾನ್ ನಿಂಗಕ್ ಎಣ್ಣ್‌ವಿ: ನಿಂಗಡ ನೀತಿ ಫರಿಸಾಯಂಗಡ ಪಿಂಞ ನ್ಯಾಯಪ್ರಮಾಣತ್‍ರ ಉಪಾದ್ಯಂಗಡ ನೀತಿಗಿಂಜ ಬಲ್ಯದಾಯಿತ್ ಇಲ್ಲತೆಪೋಚೇಂಗಿ ನೇರಾಯಿತು ನಿಂಗ ಪರಲೋಕ ರಾಜ್ಯತ್‍ಲ್ ಪ್ರವೇಶ ಮಾಡುಲೆ.

ಮತ್ತಾಯ 5:20 ပူးပေါင်းရင်းမြစ်များ

ಮತ್ತಾಯ 16:12

ಅಲ್ಲಿಂಜ, ಯೇಸು ಒಟ್ಟಿಕ್ ಇಡ್‌ವ ಈಸ್ಟ್‌ರ ವಿಷಯತ್ ತಕ್ಕ್ ಪರಿಯತೆ ಫರಿಸಾಯ ಪಿಂಞ ಸದ್ದುಕಾಯಂಗಡ ಬೋದನೆರ ವಿಷಯತ್ ಎಚ್ಚರವಾಯಿತ್ ಇಪ್ಪಕ್ ಎಣ್ಣ್‌ಚೀಂದ್ ಶಿಷ್ಯಂಗಕ್ ಗೊತ್ತಾಚಿ.

ಮತ್ತಾಯ 18:5

ಇನ್ನನೆ ಒರ್ ಕುಂಞಿನ ದಾರ್ ನಾಕಾಯಿತ್ ಸ್ವೀಕಾರ ಮಾಡ್‌ವ, ಅಂವೊ ನನ್ನ ಸ್ವೀಕಾರ ಮಾಡ್‍ನನೆಕೆ.

ಮತ್ತಾಯ 3:10

ಇಕ್ಕಲೆ ಮರತ್‍ರ ಬೇರ್‌ರ ಪಕ್ಕ ಕೊಡಲಿನ ಬೆಚ್ಚಿತುಂಡ್. ಆನಗುಂಡ್ ನಲ್ಲ ಪಣ್ಣ್ ತರತ ಮರತ್‌ನೆಲ್ಲಾ ಕೆತ್ತಿತ್ ತಿತ್ತ್‌ಕ್ ಇಡ್‌ವ.

ಮತ್ತಾಯ 7:21

ನನ್ನ, ಒಡೆಯನೇ, ಒಡೆಯನೇಂದ್ ಕಾಕ್‍ವ ಎಲ್ಲಾರು ಪರಲೋಕಕ್ ಪೋಪುಲೆ, ಆಚೇಂಗಿ ದಾರ್ ಪರಲೋಕ ರಾಜ್ಯತ್‍ಲ್ ಉಳ್ಳ ನಾಡ ಅಪ್ಪಂಡ ಚಿತ್ತತ್‍ನ ನೆರೆವೇರಿಚಿಡ್‍ವ ಅಯಿಂಗ ಮಾತ್ರ ಪರಲೋಕಕ್ ಪೋಪ.

ಮಾರ್ಕ 10:15

ದಾರಾಚೇಂಗಿಯು ಚೆರಿಯ ಮಕ್ಕಡನೆಕೆ ದೇವಡ ರಾಜ್ಯತ್‍ನ ಸ್ವೀಕಾರ ಮಾಡತೆ ಪೋಚೇಂಗಿ, ಅಯಿಂಗ ಅದ್ಂಡ ಒಳ್‍ಕ್ ಪೋಪ್‌ಲೇಂದ್ ನಾನ್ ನಿಂಗಕ್ ನೇರಾಯಿತ್ ಎಣ್ಣ್‌ವೀಂದ್ ಎಣ್ಣಿತ್,

ಮಾರ್ಕ 10:25

ಪಣಕಾರಂಗ ದೇವಡ ರಾಜ್ಯಕ್ ಪೋಪಗಿಂಜ ಚೂದ್‌ರ ಕಣ್ಣ್‌ಲ್ ಒರ್ ಒಂಟೆ ನುಗ್ಗ್‌ವದ್ ಎಚ್ಚಕೋ ಸುಲಬ ಆಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:44

ಕಪಟಿಯಾನ ನ್ಯಾಯಪ್ರಮಾಣತ್‍ರ ಉಪಾದ್ಯಂಗಳೇ, ಫರಿಸಾಯಂಗಳೇ ನಿಂಗಕ್ ಅಯ್ಯೋ! ನಿಂಗ ಒರ್ ಗುರ್‌ತ್ ಇಲ್ಲತ ಸಮಾದಿರನೆಕೆ ಉಳ್ಳಿರ, ಜನಕ್ ಅದ್ ಎಂತ್‍ೕಂದ್ ಗೊತ್ತಿಲ್ಲತೆ ಅದ್ಂಡಮೇಲೆ ನಡ್‍ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:1

ಅಕ್ಕ, ಆಯಿರಾಯಿರ ಜನ ಬಂದಿತ್ ಒಬ್ಬಂಡ ಮೇಲೆ ಇಂಞೊಬ್ಬ ಚೌಟಿಯಂಡ್ ಇಪ್ಪಕ ಯೇಸು ಆದ್ಯವಾಯಿತ್ ಅಂವೊಂಡ ಶಿಷ್ಯಂಗಕ್ ಫರಿಸಾಯಂಗಡ ಈಸ್ಟ್‌ರನೆಕೆ ಉಳ್ಳ ಕಪಟ ಬೋದನೆರ ವಿಷಯತ್ ಎಚ್ಚರತ್‍ಲ್ ಇರೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:17

ದಾರಾಚೇಂಗಿಯು ಚೆರಿಯ ಮಕ್ಕಡನೆಕೆ ದೇವಡ ರಾಜ್ಯತ್‍ನ ಸ್ವೀಕಾರ ಮಾಡತೆ ಪೋಚೇಂಗಿ, ಅದ್ಂಡ ಒಳ್‍ಕ್ ಪೋಪ್‌ಲೇಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

2 ಕೊರಿಂಥ 3:9

ಕಂಡನೆ ಮಾಡ್‌ವ ಸೇವೆ ಮಹಿಮೆ ತಪ್ಪದಾಯಿತ್ಂಜತೇಂಗಿ, ನೀತಿನ ತಪ್ಪ ಸೇವೆ ಇಂಞು ದುಂಬ ಮಹಿಮೆ ತಪ್ಪದಾಯಿತ್‌ಪ್ಪ ಅಲ್ಲ.

2 ಕೊರಿಂಥ 5:17

ಇನ್ನನೆ ಇಪ್ಪಕ, ಒಬ್ಬ ಕ್ರಿಸ್ತಂಡ ಕೂಡೆ ಐಕ್ಯತ್‍ಲ್ ಇಂಜತೇಂಗಿ ಅಂವೊ ಪುದಿಯ ಸೃಷ್ಟಿಯಾಯಿತುಂಡ್. ಪಳೆಯದೆಲ್ಲ ಕಾಂಗತೆ ಆಯಿಪೋಚಿ, ಎಲ್ಲಾ ಪುದಿಯದಾಚಿ.

ಫಿಲಿಪ್ಪಿ 3:9

ಕ್ರಿಸ್ತನ ನಾಕ್ ಸ್ವಂತವಾಯಿತ್ ಮಾಡ್‌ವಕ್, ನ್ಯಾಯಪ್ರಮಾಣತ್‍ರ ಪ್ರಕಾರ ನಾಕ್ ಕ್‍ಟ್ಟುವ ನೀತಿನ ಎಡ್‍ಕತೆ, ಕ್ರಿಸ್ತಂಡ ಮೇಲೆ ಬೆಪ್ಪ ನಂಬಿಕೇರಗುಂಡ್ ದೇವ ನಾಕ್ ತಪ್ಪ ನೀತಿನ ಎಡ್‍ತೊವಿ.

ಇಬ್ರಿಯ 12:14

ಎಕ್ಕಾಲು ಎಲ್ಲಾ ಜನಡ ಕೂಡೆಯು ಸಮಾದಾನತ್‍ಲ್ ಬದ್‌ಕಿತ್ ಪವಿತ್ರವಾಯಿತ್ ಇಪ್ಪಕ್ ಪ್ರಯತ್ನ ಪಡಿ; ಪವಿತ್ರವಾಯಿತ್ ಇಲ್ಲತ ಒಬ್ಬನು ಒಡೆಯನ ಕಾಂಬಕ್ ಕಯ್ಯುಲೆ.

ಪ್ರಕಟನೆ 21:27

ಕೊರಿಕುಟ್ಟಿಯಾನವೊಂಡ ಜೀವ ಪುಸ್ತಕತ್‍ಲ್ ಪೆದ ಒಳ್‍ದಿತುಳ್ಳಯಿಂಗ ಅಲ್ಲತೆ ಬೋರೆ ದಾರೂ ಅದ್ಂಡ ಒಳ್‍ಕ್ ಪೋಪಕ್ ಕಯ್ಯುಲೆ; ಅಶುದ್ದವಾನದ್ ಒಂದು ಅಲ್ಲಿಕ್ ಪೋಪುಲೆ, ಹೇಸಿಗೆಯಾನದ್‌ನ ಅಥವ ಕಳ್ಳತನ ಮಾಡ್‌ವ ದಾರೂ ಅಲ್ಲಿಕ್ ಎತ್ತುಲೆ.