ಮತ್ತಾಯ 5:19 - ಕೊಡವ ಬೈಬಲ್

¹⁹ ಆನಗುಂಡ್ ಒಬ್ಬ, ನ್ಯಾಯಪ್ರಮಾಣತ್‍ಲ್ ಉಳ್ಳ ಒರ್ ಚೆರಿಯ ವಿಷಯಕ್ ಸಹ ಬಗ್ಗಿತ್ ನಡ್‍ಕತೆ ಪೋಯಿತ್, ಅನ್ನನೆ ಬೋರೆಯಿಂಗಕು ಬೋದನೆ ಮಾಡ್‌ವಂವೊ ಪರಲೋಕ ರಾಜ್ಯತ್‍ಲ್ ಎಲ್ಲಾರ್ಕಿಂಜ ಚೆರಿಯವಂವೊನಾಯಿತ್‌ಪ್ಪ. ಇದ್‍ನೆಲ್ಲ ಮಾಡಿತ್ ಅನ್ನನೆ ಬೋದನೆ ಮಾಡ್‌ವಂವೊ ಪರಲೋಕ ರಾಜ್ಯತ್‍ಲ್ ಎಲ್ಲಾರ್ಕಿಂಜ ಬಲ್ಯಂವೊನಾಯಿತ್‌ಪ್ಪ.

ಮತ್ತಾಯ 5:19 ပူးပေါင်းရင်းမြစ်များ

ಮತ್ತಾಯ 11:11

ಇಕ್ಕಕತ್ತನೆ ಪುಟ್ಟ್‌ನಯಿಂಗಡಡೆಲ್ ದೀಕ್ಷಾಸ್ನಾನ ತಪ್ಪ ಯೋಹಾನಕಿಂಜ ಬಲ್ಯಂವೊ ದಾರೂ ಇಲ್ಲೆ, ಆಚೇಂಗಿಯು ಪರಲೋಕ ರಾಜ್ಯತ್‍ಲ್ ಚೆರಿಯಂವೊನಾಯಿತುಳ್ಳಂವೊ ಅಂವೊಗಿಂಜ ಬಲ್ಯಂವೊನಾಯಿತುಂಡ್‍ೕಂದ್ ನಾನ್ ನಿಂಗಕ್ ನೇರಾಯಿತು ಎಣ್ಣ್‌ವಿ.

ಮತ್ತಾಯ 19:28

ಅದ್ಂಗ್ ಯೇಸು: ಮನುಷ್ಯಕುಮಾರ ಪುದಿಯ ಲೋಕತ್‍ನ ಮಾಡಿತ್ ತಾಂಡ ಮಹಿಮೇರ ಸಿಂಹಾಸನತ್‍ಲ್ ಅಳ್‌ಪಕಾಪಕ, ನಾಡ ಬೋದನೆನ ಕ್‍ೕಟಿತ್ ನಾಡ ಬಯ್ಯ ಬಂದ ನಿಂಗ ಇಸ್ರಾಯೇಲ್‍ರ ಪನ್ನೆರಂಡ್ ಕುಲತ್‍ನ ನ್ಯಾಯತೀರ್ಪ್ ಕೊಡ್‍ಪಕ್ ಪನ್ನೆರಂಡ್ ಸಿಂಹಾಸನತ್‍ರ ಮೇಲೆ ಅಳ್‌ಪಿರಾಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಮತ್ತಾಯ 20:26

ಆಚೇಂಗಿ ನಿಂಗಡ ಒಳ್‍ಲ್ ಅನ್ನನೆ ಇಪ್ಪಕ್ಕಾಗ. ನಿಂಗಡಲ್ಲಿ ದಾರ್‌ಕ್ ಬಲ್ಯಂವೊನಾಯಿತ್ ಇಪ್ಪಕ್ ಕುಶಿಯುಂಡೋ ಅಂವೊ ಎಲ್ಲಾರ್‌ಕು ಅಡಿಯಾಳಾಯಿತ್ ಸೇವೆ ಮಾಡ್‌ವನೆಕೆ ಇಕ್ಕಂಡು.

ಮತ್ತಾಯ 28:20

ನಾನ್ ನಿಂಗಕ್ ಎಂತೆಲ್ಲಾ ಆಜ್ಞೆ ಮಾಡಿತುಂಡೋ ಅದ್‍ಂಗೆಲ್ಲಾ ಬಗ್ಗಿತ್ ನಡ್‍ಪಕ್ ಈ ಪುದಿಯ ಶಿಷ್ಯಂಗಕ್ ಎಣ್ಣಿ ಕೊಡಿ. ಇದಾ, ಈ ಲೋಕತ್‍ರ ಕಡೇಕತ್ತನೆ ನಾನ್ ನಿಂಗಡ ಕೂಡೆ ಎಕ್ಕಾಲು ಇಪ್ಪೀಂದ್ ಯೇಸು ಶಿಷ್ಯಂಗಕ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:15

ಅಂವೊ ದೇವಡ ದೃಷ್ಟಿಲ್ ಬಲ್ಯ ಮನುಷ್ಯನಾಯಿತ್‌ಪ್ಪ. ಅಂವೊ ದ್ರಾಕ್ಷಿರಸ ಪಿಂಞ ಕಳ್ಳ್ ಕುಡಿಪಕ್ಕಾಗ. ಅಂವೊ ತಾಂಡ ಅವ್ವಂಡ ಕೆಲತ್‌ಲ್ ಇಪ್ಪಕಲೆ ಪವಿತ್ರಾತ್ಮತ್‍ಲ್ ದುಂಬಿತ್‌ಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:42

ಫರಿಸಾಯಂಗಳೇ, ನಿಂಗಕ್ ಅಯ್ಯೋ! ನಿಂಗ ಪುದಿನ ತೊಪ್ಪು, ಮರುಗ ಪಿಂಞ ಎಲ್ಲಾ ತರತ್‍ರ ಗಿಡ ಮೂಲಿಕೆಲ್‌ ಪತ್ತ್‌ಲ್ ಒರ್ ಪಾಲ್‍ನ ದೇವಕ್ ಕೊಡ್‍ಪಿರ, ಆಚೇಂಗಿ ದೇವಡ ಪ್ರೀತಿ ಪಿಂಞ ನ್ಯಾಯತ್‍ನ ಬುಡ್‍ವಿರ, ಇದ್‍ನ ಸಹ ನಿಂಗ ಮಾಡಂಡು ಅದ್‍ನ ಸಹ ನಿಂಗ ಬುಡ್‌ವಕ್ಕಾಗ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:48

ದಾರ್ ಈ ಕುಂಞಿನ ನಾಡ ಪೆದತ್‍ಲ್ ಸ್ವೀಕಾರ ಮಾಡ್‌ವ ಅಯಿಂಗ ನನ್ನ ಸ್ವೀಕಾರ ಮಾಡ್‌ವ. ನನ್ನ ಸ್ವೀಕಾರ ಮಾಡ್‌ವಂವೊ ನನ್ನ ಮಾತ್ರ ಅಲ್ಲ, ನನ್ನ ಅಯಿಚಂವೊನ ಸ್ವೀಕಾರ ಮಾಡ್‌ವಾಂದ್ ಎಣ್ಣ್‌ಚಿ. ನಿಂಗಡಲ್ಲಿ ದಾರ್ ಚೆರಿಯಂವೊನಾಯಿತಿಪ್ಪ ಅಂವೊ ನಿಂಗಕೆಲ್ಲಾ ಬಲ್ಯಂವೊನಾಯಿತಿಪ್ಪಾಂದ್ ಎಣ್ಣ್‌ಚಿ.

ಅಪೊಸ್ತಲ 1:1

ಓ ಥೆಯೊಫಿಲನೇ, ಯೇಸು, ಅಂವೊ ಗೊತ್ತ್ ಮಾಡ್‍ನ ಅಪೊಸ್ತಲಂಗಕ್ ಪವಿತ್ರಾತ್ಮತ್ಂಜ ಆಜ್ಞೆ ಮಾಡ್‍ನ ಪಿಂಞ,

ರೋಮ್ 3:8

ನಲ್ಲದ್ ಕ್‍ಟ್ಟುವಕಾಯಿತ್ ಕೆಟ್ಟದ್ ಮಾಡಂಡೂಂದ್ ಎಣ್ಣುವನೆಕೆ ಆಪ ಅಲ್ಲ? ನಂಗ ಅನ್ನನೆ ಬೋದನೆ ಮಾಡ್‌ವಯಿಂಗಾಂದ್ ಚೆನ್ನ ಜನ ನಂಗಳ ದೂಷಣೆ ಮಾಡಿಯಂಡ್ ಉಂಡ್. ಅಯಿಂಗಕ್ ಕಂಡಿತವಾಯಿತ್ ದೇವಡ ಶಿಕ್ಷೆ ಕ್‍ಟ್ಟಂಡು.

ರೋಮ್ 6:1

ಆನಗುಂಡ್ ನಂಗ ಎಂತ ಎಣ್ಣಡ್? ದೇವಡ ಕೃಪೆ ದುಂಬ ಕ್‍ಟ್ಟಂಡೂಂದ್, ನಂಗ ಪಾಪತ್‍ಲೇ ಬದ್‍ಕಿಯಂಡಿರೊಂಡುವ?

ರೋಮ್ 6:15

ಆನಗುಂಡ್ ಎಂತ? ನಂಗ ನ್ಯಾಯಪ್ರಮಾಣತ್‍ರ ಅಡಿಕ್ ಬರತೆ, ಕೃಪೇರ ಅಡಿಕ್ ಬಂದಗುಂಡ್ ಪಾಪ ಮಾಡಂಡುವ? ಮಾಡ್‌ವಕ್ಕಾಗ.

1 ತಿಮೊಥೆಯ 6:11

ಆಚೇಂಗಿ, ದೇವಡ ಮನುಷ್ಯನಾನ ನೀನ್ ಇದ್‍ನೆಲ್ಲಾ ಬುಟ್ಟಿತ್ ಓಡಿ ಪೋಯಿತ್, ನೀತಿನ, ದೇವಡ ಬಕ್ತಿನ, ನಂಬಿಕೇನ, ಪ್ರೀತಿನ, ತಾಳ್ಮೆನ, ಶಾಂತ ಗುಣತ್‍ನ ಸಂಪಾದನೆ ಮಾಡ್‌ವಕ್ ಪೇಚಾಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:8

ಇಲ್ಲಿಕತ್ತನೆ ನಾನ್ ಎಣ್ಣ್‌ನದ್ ಸತ್ಯತ್‍ರ ತಕ್ಕ್. ದೇವಡ ಮೇಲೆ ನಂಬಿಕೆ ಉಳ್ಳಯಿಂಗ, ನಲ್ಲ ಕೆಲಸ ಮಾಡ್‌ವಕ್ ಅರ್ಪಿಚಿಟ್ಟಯಿಂಗಳಾಯಿತ್ ಇರಂಡೂಂದ್ ಉಳ್ಳ ಈ ತಕ್ಕ್‌ನ ನೀನ್ ಕಂಡಿತವಾಯಿತ್ ಬೋದನೆ ಮಾಡಂಡೂಂದ್ ನಾಡ ಆಸೆ. ಈ ತರ ಬೋದನೆ ಸರಿಯಾನದು, ಎಲ್ಲಾರ್‌ಕು ಪ್ರಯೋಜನವಾಯಿತು ಉಂಡ್.

1 ಪೇತ್ರ 5:4

ಅನ್ನನೆ ಮಾಡ್‍ಚೇಂಗಿ, ದೇವಡ ಮಕ್ಕಳ ಕೊರಿ ಕಾಪಂವೊಡನೆಕೆ ನೋಟಿಯಂಡುಳ್ಳ ಬಲ್ಯಂವೊ ಬಪ್ಪಕ, ನಿಂಗ ಅಂವೊಂಡಿಂಜ ಮಾಜ್ ಪೋಕತ ಮಹಿಮೇರ ಕಿರೀಟತ್‍ನ ಪಡೆಯುವಿರ.

1 ಯೋಹಾನ 3:4

ಆಚೇಂಗಿ, ಪಾಪ ಮಾಡ್‌ವ ಎಲ್ಲಾರು ನ್ಯಾಯಪ್ರಮಾಣತ್‍ನ ಮೀರ್‌ವ. ಎನ್ನಂಗೆಣ್ಣ್‌ಚೇಂಗಿ ನ್ಯಾಯಪ್ರಮಾಣತ್‍ನ ಮೀರ್‌ವದೆ ಪಾಪ.

ಪ್ರಕಟನೆ 2:20

ಆಚೇಂಗಿಯು, ನೀಡ ಮೇಲೆ ಚೆನ್ನ ವಿಷಯತ್ ನಾಕ್ ಕುತ್ತ ಪರಿಯುವನೆಕೆ ಉಂಡ್; ಅದ್ ಎಂತ ಎಣ್ಣ್‌ಚೇಂಗಿ, ಯೆಜೆಬೇಲಾಂದ್ ಎಣ್ಣುವ ಒರ್ ಪೊಣ್ಣಾಳ್, ನಾನೇ ಪ್ರವಾದೀಂದ್ ಎಣ್ಣಿಯಂಡ್, ನಾಡ ಸೇವಕಂಗ ವ್ಯಬಿಚಾರ ಪಾಪ ಮಾಡ್‌ವಕು, ವಿಗ್ರಹಕ್ ಅರ್ಪಿಚಿಟ್ಟದ್‍ನ ತಿಂಬಕು ಬೋದನೆ ಮಾಡಿತ್, ಅಯಿಂಗಳ ವಂಚನೆ ಮಾಡ್‌ವಕ್ ನೀನ್ ಜಾಗ ಕೊಡ್‍ತಂಡುಂಡ್.