ಮತ್ತಾಯ 5:17 - ಕೊಡವ ಬೈಬಲ್

¹⁷ ನ್ಯಾಯಪ್ರಮಾಣ ಅಥವ ಪ್ರವಾದಿಯಂಗಡ ಬೋದನೆನ ನಾಶ ಮಾಡ್‌ವಕಾಯಿತ್ ನಾನ್ ಬಂದಿಯೇಂದ್ ನಿಂಗ ಗೇನ ಮಾಡತಿ. ನಾಶ ಮಾಡ್‌ವಕಾಯಿತ್ ಅಲ್ಲ ಆಚೇಂಗಿ ಅದ್‍ನ ನೆರೆವೇರಿಚಿಡ್‌ವಕಾಯಿತ್ ಬಂದಿಯೆ.

ಮತ್ತಾಯ 5:17 ပူးပေါင်းရင်းမြစ်များ

ಮತ್ತಾಯ 3:15

ಅದ್ಂಗ್ ಯೇಸು: ಇಕ್ಕ ಇದ್‍ನ ಇನ್ನನೆ ಮಾಡ್‌ವಕ್ ಬುಡ್. ಇನ್ನನೆ ಮಾಡ್‌ವಕ ನಂಗ ದೇವಡ ಎಲ್ಲಾ ನೀತಿ ಕಾರ್ಯತ್‍ನ ಪೂರ್ತಿ ಮಾಡ್‌ವಾಂದ್ ಎಣ್ಣ್‌ನಾಂಗ್ ಯೋಹಾನ ಒತ್ತಂಡತ್.

ಮತ್ತಾಯ 7:12

ಆನಗುಂಡ್, ಬೋರೆಯಿಂಗ ನಿಂಗಕ್ ಎಂತ ಮಾಡಂಡೂಂದ್ ಕುಶಿ ಪಡ್‌ವಿರೋ ಅದ್‍ನ ನಿಂಗ ಬೋರೆಯಿಂಗಕು ಮಾಡಿ. ಇದೇ ನ್ಯಾಯಪ್ರಮಾಣ ಪಿಂಞ ಪ್ರವಾದಿಯಡ ಬೋದನೆಯು ಆಯಿತುಂಡ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:17

ಆಚೇಂಗಿ, ನ್ಯಾಯಪ್ರಮಾಣತ್‍ರ ಪಿಂಞ ಪ್ರವಾದಿಯಂಗಡ ಪುಸ್ತಕತ್‍ಲ್ ಉಳ್ಳ ಒರ್ ಒಳ್‍ತ್‍ಲ್‌ ಚೆನ್ನಂಗು ಅದ್ಂಡ ಅದಿಕಾರತ್‍ನ ಕಳೆಂದ್‌ತ್ತ್‌ಲ್ಲೆ. ನ್ಯಾಯಪ್ರಮಾಣತ್‍ರ ಒರ್ ಚೆರಿಯ ಅಂಷ ಪಾಳಾಯಿಪೋಪಕಿಂಜ ಬಾನವು ಬೂಮಿಯು ಪಾಳಾಯಿಪೋಪದ್ ದುಂಬ ಸುಲಬವಾಯಿತ್‌ಪ್ಪ.

ಯೋಹಾನ 8:5

ನ್ಯಾಯಪ್ರಮಾಣತ್‍ರ ಪ್ರಕಾರ ಅಂತ ಪೊಣ್ಣಾಳ್‌ಕ್, ಕಲ್ಲ್ ಕನ್‍ಚಿತ್ ಕೊಲ್ಲಂಡೂಂದ್ ಉಂಡಲ್ಲಾ? ಇಕ್ಕ ನೀನ್ ಎಂತ ಎಣ್ಣ್‌ವಿಯಾಂದ್ ಕ್‍ೕಟತ್.

ಅಪೊಸ್ತಲ 18:13

ಈ ಮನುಷ್ಯ ನ್ಯಾಯಪ್ರಮಾಣಕ್ ವಿರೋದವಾಯಿತ್ ಮಾಡ್‌ವನೆಕೆ ಬೋರೆ ರೀತಿಲ್ ದೇವನ ಆರಾದನೆ ಮಾಡ್‌ವಕ್ ಒತ್ತಾಯ ಮಾಡಿಯಂಡುಂಡ್‍ೕಂದ್ ಕುತ್ತ ಪರ್ಂದತ್.

ಅಪೊಸ್ತಲ 21:28

ಅಯಿಂಗ ಬಲ್ಯ ಸ್ವರತ್‍ಲ್: ಇಸ್ರಾಯೇಲ್ ಜನಳೇ, ಸಹಾಯ ಮಾಡಿ, ನಂಗಡ ಜನಾಂಗಕು ನ್ಯಾಯಪ್ರಮಾಣಕು ಈ ದೇವಾಲಯಕು ವಿರೋದವಾಯಿತ್ ಎಲ್ಲಾ ಜಾಗತ್‍ಲ್ ಪಿಂಞ ಎಲ್ಲಾ ಜನಕ್ ಬೋದನೆ ಮಾಡ್‌ವ ಮನುಷ್ಯ ಇಂವೊನೇ; ಇದ್‍ಲ್ಲತೆ, ಇಂವೊ ಯೆಹೂದ್ಯ ಅಲ್ಲತ ಜನತ್‍ನ ದೇವಾಲಯತ್‍ರ ಒಳ್‍ಕ್ ಕೂಟಿಯಂಡ್ ಬಂದಿತ್, ಈ ಪವಿತ್ರವಾನ ದೇವಾಲಯತ್‍ನ ಅಶುದ್ದ ಮಾಡ್‍ಚೀಂದ್ ಕೂತ್ ಕೊಡ್‍ತತ್.

ಅಪೊಸ್ತಲ 6:13

ಅಲ್ಲಿಕ್ ಪೊಟ್ಟ್ ಸಾಕ್ಷಿ ಪರಿಯುವಯಿಂಗಳ ಕಾಕಿಯಂಡ್ ಬಂತ್ ನಿಪ್ಪ್‌ಚಿಟ್ಟತ್. ಆ ಸಾಕ್ಷಿಕಾರಂಗ: ಈ ಮನುಷ್ಯ, ಈ ಪವಿತ್ರವಾನ ಜಾಗಕ್ ವಿರೋದವಾಯಿತ್, ನ್ಯಾಯಪ್ರಮಾಣಕ್ ವಿರೋದವಾಯಿತ್ ಎಕ್ಕಾಲು ತಕ್ಕ್ ಪರ್ಂದಂಡ್,

ರೋಮ್ 10:4

ನಂಬುವ ಏದ್ ಮನುಷ್ಯಂಗು, ನೀತಿ ಉಳ್ಳಯಿಂಗಳಾಪಕ್, ಕ್ರಿಸ್ತ ನ್ಯಾಯಪ್ರಮಾಣತ್‍ರ ಅಂತ್ಯವಾಯಿತುಂಡ್.

ರೋಮ್ 3:31

ಅನ್ನನೆ ಆಚೇಂಗಿ, ನಂಬಿಕೇರಗುಂಡ್ ನ್ಯಾಯಪ್ರಮಾಣತ್‍ನ ನಂಗ ಅಲ್ಲಗೆಳೆಯುವದಾ? ಅನ್ನನೆ ಅಲ್ಲ, ನ್ಯಾಯಪ್ರಮಾಣತ್‍ನ ನಂಗ ಸ್ತಿರಪಡ್‌ತಿಯಂಡುಂಡ್.

ರೋಮ್ 8:4

ಪಾಪತ್‍ರ ಗುಣ ಕಾಟಿತಪ್ಪ ಬಟ್ಟೇಲ್ ನಂಗ ನಡ್‍ಕತೆ, ಪವಿತ್ರಾತ್ಮ ಕಾಟಿತಪ್ಪ ಬಟ್ಟೇಲ್ ನಡ್‍ಪ ನಂಗಕ್, ನ್ಯಾಯಪ್ರಮಾಣತ್‍ರ ನೀತಿ ನೆರೆವೇರುವನೆಕೆ ದೇವ ಇನ್ನನೆ ಮಾಡ್‍ಚಿ.