ಮತ್ತಾಯ 5:16 - ಕೊಡವ ಬೈಬಲ್

¹⁶ ಆನಗುಂಡ್ ನಿಂಗಡಲ್ಲಿ ಉಳ್ಳ ಬೊಳಿ, ಜನಡ ಮಿಂಞತ್ ಪ್ರಕಾಶವಾಯಿತ್ ಕಾಂಗಡ್, ನಿಂಗ ಮಾಡ್‌ವ ನಲ್ಲ ಕೆಲಸತ್‍ನ ಕಂಡಿತ್ ಪರಲೋಕತ್‍ಲ್ ಉಳ್ಳ ನಿಂಗಡ ಅಪ್ಪನ ತುದಿಪಕ್ ಕಾರಣ ಆಪ.

ಮತ್ತಾಯ 5:16 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 4:18

ನೀತಿವಂತಂಯಿಂಗಡ ಬಟ್ಟೆ ಪೊಲಾಕತ್‌ರ ಬೊಳೀರನೆಕೆ ಇಪ್ಪ, ಅದ್‌ ಎನ್ನನೆ ಎಣ್ಣ್‌ಚೇಂಗಿ ಮಜ್ಜಣತ್‌ರ ಬೊಳಿ ಪ್ರಕಾಶ ಆಯಂಡೇ ಇಪ್ಪನೆಕೆ ಜಾಸ್ತಿ ಆಯಿತ್‌ ಇಪ್ಪ.

ಮತ್ತಾಯ 23:5

ಅಯಿಂಗ ಮಾಡ್‌ವದೆಲ್ಲ ಜನ ನೋಟ್‍ವಕಾಯಿತ್ ಮಾಡ್‌ವ. ಅಯಿಂಗ ಬಟ್ಟೇಕ್ ಕೆಟ್ಟ್‌ವ ಜ್ಞಾಪಕ ಪಟ್ಟಿನ ಅಗಲ ಮಾಡ್‌ವ.

ಮತ್ತಾಯ 23:9

ಈ ಲೋಕತ್‍ಲ್ ದಾರ್‌ನು ನಿಂಗ ಅಪ್ಪಾಂದ್ ಎಣ್ಣಂಡ; ಪರಲೋಕತ್‍ಲ್ ಉಳ್ಳ ಒಬ್ಬನೇ ನಿಂಗಕ್ ಆತ್ಮೀಯ ಅಪ್ಪನಾಯಿತುಂಡ್.

ಮತ್ತಾಯ 5:45

ಅನ್ನನೆ ಮಾಡ್‍ಚೇಂಗಿ ನಿಂಗ ಪರಲೋಕತ್‍ಲ್ ಉಳ್ಳ ದೇವಡ ಮಕ್ಕಡನೆಕೆ ನಡ್‍ಪಿರ. ಅಂವೊ ನಲ್ಲಯಿಂಗಕು ಕೆಟ್ಟಯಿಂಗಕೂ ಸೂರ್ಯತ್‍ನ ಉದಿಪ್‍ಚಿಟ್ಟಿತ್ ಬೊಳಿನ ಕೊಡ್‍ಪ ಪಿಂಞ ನೀತಿವಂತಯಿಂಗಕು ಅನೀತಿವಂತಯಿಂಗಕು ಮಳೆ ತಪ್ಪ.

ಮತ್ತಾಯ 6:16

ನಿಂಗ ಪಟ್ಟಣಿ ನಿಂದಕ, ಕಪಟಿಯರನೆಕೆ ಮೂಡ್‍ನ ಬಾಡ್‌ಚಿಡತಿ. ಅಯಿಂಗ ಪಟ್ಟಣಿ ನಿಪ್ಪದ್‌ನ ಜನ ಕಾಂಗಂಡೂಂದ್ ತಂಗಡ ಮೂಡ್‍ನ ಚಪ್ಪೆಯಾಯಿತ್ ಬೆಚ್ಚವ. ಅಯಿಂಗಕ್ ತಂಗಡ ಫಲ ಪೂರ್ತಿಯಾಯಿತ್ ಕ್‍ಟ್ಟ್‌ಚೀಂದ್ ನಿಂಗಕ್ ನೇರಾಯಿತು ಎಣ್ಣ್‌ವಿ.

ಮತ್ತಾಯ 6:9

ಆನಗುಂಡ್, ನಿಂಗ ಇನ್ನನೆ ಪ್ರಾರ್ಥನೆ ಮಾಡಂಡು: ಪರಲೋಕತ್‍ಲ್ ಉಳ್ಳ ನಂಗಡ ಅಪ್ಪನೇ, ನೀಡ ಪೆದ ಎಕ್ಕಾಲು ಪವಿತ್ರವಾಯಿತಿರಡ್;

ಮತ್ತಾಯ 9:8

ಇದ್‍ನ ನೋಟಿತ್ ಜನಕ್ ಪೋಡಿ ಆಚಿ. ಮನುಷ್ಯಂಗ್ ಇನ್ನನೆ ಮಾಡ್‌ವಕ್ ಅದಿಕಾರ ಕೊಡ್‍ತ ದೇವನ ತುದಿಚತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:2

ಅದ್ಂಗ್ ಅಂವೊ: ನಿಂಗ ಪ್ರಾರ್ಥನೆ ಮಾಡ್‌ವಕ: ಪರಲೋಕತ್‍ಲ್ ಉಳ್ಳ ನಂಗಡ ಅಪ್ಪನೇ, ನೀಡ ಪೆದ ಎಕ್ಕಾಲು ಪವಿತ್ರವಾಯಿತಿರಡ್; ನೀಡ ರಾಜ್ಯ ಬೂಲೋಕಕ್ ಬರಡ್;

ಯೋಹಾನ 15:8

ನಿಂಗ ದುಂಬ ಫಲ ತಪ್ಪಯಿಂಗಳಾಯಿತ್ ಇಂಜತೇಂಗಿ, ನಾಡ ಅಪ್ಪಂಗ್ ಮಹಿಮೆ ಕ್‍ಟ್ಟುವ, ನಾಕ್ ಸಹ ನಿಂಗ ಶಿಷ್ಯಂಗಳಾಯಿತ್‌ಪ್ಪಿರ.

ಅಪೊಸ್ತಲ 9:36

ಯೊಪ್ಪ ಎಣ್ಣುವ ಒರ್ ಊರ್‌ಲ್ ತಬಿಥಾ ಎಣ್ಣುವ ಒಬ್ಬ ಯೇಸುನ ನಂಬ್‍ನವಳಾಯಿತ್ ಇಂಜತ್. ಗ್ರೀಕ್ ತಕ್ಕ್‌ಲ್ ಅವಡ ಪೆದಕ್ ದೊರ್ಕ. ಅವ ಎಕ್ಕಲೂ ನಲ್ಲ ಕ್ರಿಯೆ ಮಾಡಿಯಂಡ್ ಗರೀಬಯಿಂಗಕ್ ಸಹಾಯ ಮಾಡಿಯಂಡಿಂಜತ್.

1 ಕೊರಿಂಥ 14:25

ಅಕ್ಕ ಅಂವೊ ಮಾಡ್‍ನ ಪಾಪ ದಾರ್‌ಕು ಗೊತ್ತ್‌ಲ್ಲೇಂದ್ ಗೇನ ಮಾಡ್‍ನದ್ ದೇವಕ್ ಗೊತ್ತುಂಡೂಂದ್ ಅರ್ಥ ಮಾಡಿಯಂಡ್, ದೇವಡ ಕಾಲ್‌ಕ್ ಬೂವಂಜಿ ಆರಾದನೆ ಮಾಡ್‌ವ ಪಿಂಞ ನೇರಾಯಿತು ದೇವ ನಿಂಗಡ ಮದ್ಯತ್‍ಲ್ ಉಂಡ್‍ೕಂದ್ ಎಣ್ಣುವ.

2 ಕೊರಿಂಥ 9:13

ಅಯಿಂಗ ಈ ಪಣದಾನತ್‍ರ ಸಹಾಯತ್‍ನ ಅನುಬವಿಚಿಟ್ಟಿತ್, ನಿಂಗ ಕ್ರಿಸ್ತಂಡ ನಲ್ಲ ಸುದ್ದಿಕ್ ತಗ್ಗಿತ್ ಅರಿಕೆ ಮಾಡ್‍ನಗುಂಡ್, ಅಯಿಂಗಕು ಬೋರೆ ಎಲ್ಲಾರ್‌ಕು ನಿಂಗ ದಾರಾಳವಾಯಿತ್ ದಾನ ಮಾಡ್‍ನಂಗಾಯಿತ್ ದೇವನ ತುದಿಪ.

ಗಲಾತ್ಯ 1:24

ನಾಕಾಯಿತ್ ಅಯಿಂಗ ದೇವನ ತುದಿಚತ್.

ಎಫೆಸ 2:10

ಎನ್ನನೆ ಎಣ್ಣ್‌ಚೇಂಗಿ, ನಲ್ಲ ಕೆಲಸ ಮಾಡ್‌ವಕಾಯಿತ್ ನಂಗಳ ಪುದಿಯದಾಯಿತ್ ಕ್ರಿಸ್ತ ಯೇಸುರಲ್ಲಿ ಸೃಷ್ಟಿ ಮಾಡ್‍ನ ದೇವಡ ಕ್ರಿಯೇಯಾಯಿತುಂಡ್; ಅದ್‍ಲ್ ನಂಗ ನಡ್‍ಕಂಡೂಂದ್ ದೇವ ಮಿಂಞಲೇ ತಯಾರ್ ಮಾಡಿತುಂಡ್.

ಎಫೆಸ 5:8

ಪಂಡ್ ನಿಂಗ ಇರ್‌ಟ್‌ಲ್ ಇಂಜಿರ, ಆಚೇಂಗಿ ಇಕ್ಕ ನಿಂಗ ಒಡೆಯಂಡಲ್ಲಿ ಉಳ್ಳಗುಂಡ್ ಬೊಳಿಲ್ ಉಳ್ಳಿರ; ಆನಗುಂಡ್ ಬೊಳಿರ ಮಕ್ಕಡನೆಕೆ ನಡ್‌ಕಂಡು.

1 ಥೆಸಲೊನೀಕ 2:12

ದೇವ ಅಂವೊಂಡ ರಾಜ್ಯಕು, ಮಹಿಮೆಕು, ನಿಂಗ ಪಾಲ್‍ದಾರಂಗಳಾಯಿತ್ ಇಪ್ಪಕ್ ನಿಂಗಳ ಕಾಕ್‍ನಗುಂಡ್, ನಂಗ ನಿಂಗಕ್ ಬುದ್ದಿ ಎಣ್ಣಿಯಂಡ್, ಸಮಾದಾನ ಮಾಡಿಯಂಡ್, ದೇವಡ ಮಕ್ಕ ಎನ್ನನೆ ಇರಂಡುವೋ ಅನ್ನನೆ ಬದ್‍ಕಂಡೂಂದ್ ನಿಂಗಳ ಬೋಡಿಯಂಡಿಂಜತ್.

1 ತಿಮೊಥೆಯ 2:10

ಆಚೇಂಗಿ, ದೇವಡ ಮೇಲೆ ಬಕ್ತಿ ಉಂಡ್‍ೕಂದ್ ಎಣ್ಣುವ ಪೊಣ್ಣಾಳ್, ಅಯಿಂಗ ಮಾಡ್‌ವ ನಲ್ಲ ಕೆಲಸತ್‍ಲ್ ಅಲಂಕಾರ ಮಾಡಂಡು.

1 ತಿಮೊಥೆಯ 5:10

ಮಕ್ಕಳ ಚಾಯಿತೆ ಚಾಕ್‍ನವ, ಮನೆಕ್ ಬಂದಯಿಂಗಳ ಚಾಯಿತೆ ಸತ್ಕಾರ ಮಾಡ್‍ನವ, ಯೇಸುನ ನಂಬ್‍ನಯಿಂಗಕ್ ಸೇವೆ ಮಾಡ್‍ನವ, ಕಷ್ಟತ್‍ಲ್ ಉಳ್ಳಯಿಂಗಕ್ ಸಹಾಯ ಮಾಡ್‍ನವ, ಎಲ್ಲಾ ನಲ್ಲ ಕೆಲಸತ್‍ನ ಎಚ್ಚರತ್‍ಲ್ ಮಾಡ್‍ನವ, ನಲ್ಲ ಕೆಲಸ ಮಾಡ್‍ನವ, ಈ ಎಲ್ಲಾಂಗು ನಲ್ಲ ಪೆದ ಎಡ್‍ತವಳಾಯಿತ್ ಉಳ್ಳವಳ ನೀನ್ ಈ ಕೂಟ್‍ಕ್ ಕೂಟಂಡು.

1 ತಿಮೊಥೆಯ 5:25

ಅನ್ನನೆ ಚೆನ್ನ ಜನಡ ನಲ್ಲ ಕಾರ್ಯ ಎಲ್ಲಾರು ಕಾಂಬನೆಕೆ ಇಪ್ಪ. ಅನ್ನನೆ ಕಾಂಗತೆ ಇಪ್ಪದು, ಸಮಯ ಬಪ್ಪಕ ಎಲ್ಲಾರ್‌ಕು ಗೊತ್ತಾಪ.

1 ತಿಮೊಥೆಯ 6:18

ನಲ್ಲದ್ ಮಾಡ್‌ವದ್‍ಲ್, ಸಹಾಯ ಮಾಡ್‌ವದ್‍ಲ್ ಐಶ್ವರ್ಯವಂತಂಗಳಾಯಿತ್, ಉದಾರ ಮನಸ್ಸ್‌ಲ್ ಕೊಡ್‍ಪಯಿಂಗಳಾಯಿತ್, ಅಯಿಂಗಡದ್‍ನ ಕಷ್ಟತ್‍ಲ್ ಉಳ್ಳಯಿಂಗಕ್ ಕೊಡ್‍ಪಕ್ ಎಣ್ಣ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:14

ಅಂವೊ, ನಂಗಳ, ನಂಗಡ ಎಲ್ಲಾ ಪಾಪತ್ಂಜ ಬುಡ್‍ಗಡೆ ಮಾಡಿತ್, ಅಂವೊಂಡ ಸ್ವಂತ ಜನವಾಯಿತ್ ಮಾಡ್‌ವಕಾಯಿತ್, ಎಲ್ಲಾ ನಲ್ಲ ಕೆಲಸತ್‍ನ ಕುಶೀಲ್ ಮಾಡ್‌ವಕ್ ಅರ್ಪಿಚಿಟ್ಟಯಂಗಳಾಯಿತ್ ಪಿಂಞ ನಂಗಳ ಶುದ್ದ ಮಾಡ್‌ವಕಾಯಿತ್ ಅಂವೊನ ಅಂವೊನೇ ನಂಗಕಾಯಿತ್ ಒಪ್ಪ್‌ಚಿಟ್ಟತ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:7

ನೀನ್ ನಲ್ಲದ್ ಮಾಡಿತ್, ಎಲ್ಲಾ ವಿಷಯತ್‍ಲ್ ಉದಾರಣೆಯಾಯಿತ್ ಅಯಿಂಗಕ್ ಇರಂಡು. ನೀನ್ ಬೋದನೆ ಮಾಡ್‌ವಕ ನೇರಾನ ಸತ್ಯವಾನ ಬೋದನೆನ ನೇರಾನಂವೊನಾಯಿತ್, ಗೌರವತ್‍ಲ್ ಮಾಡ್‌ವಂವೊನಾಯಿತ್ ಇರಂಡು.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:14

ನಂಗಡ ಜನ, ನೇರಾಯಿತ್ ಕೊರತೆ ಉಳ್ಳಯಿಂಗಕ್ ಬೋಂಡಿಯಾನದ್‍ನ ಪೂರೈಚಿಡುವ ನಲ್ಲ ಕಾರ್ಯತ್‍ನ ಮಾಡ್‌ವಕ್ ಪಡಿಕಡ್. ಅಕ್ಕ ಅಯಿಂಗಡ ಬದ್‍ಕ್ ಪ್ರಯೋಜನ ಇಲ್ಲತೆ ಪೋಪುಲೆ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:4

ಆಚೇಂಗಿ, ನಂಗಡ ರಕ್ಷಕನಾನ ದೇವಡ ದಯೆ ಪಿಂಞ ಅಂವೊಂಗ್ ಜನಡಮೇಲೆ ಉಳ್ಳ ಪ್ರೀತಿ ಪೊರಮೆ ಕಾಂಬನೆಕೆ ಪ್ರತ್ಯಕ್ಷ ಆಪಕ,

ಇಬ್ರಿಯ 10:24

ನಂಗ ಒಬ್ಬೊಬ್ಬಂಗ್ ಪ್ರೀತಿಲ್ ಪಿಂಞ ನಲ್ಲ ಕೆಲಸ ಮಾಡ್‌ವದ್‍ಲ್ ಎನ್ನನೆ ಸಹಾಯ ಮಾಡ್‌ವಕ್ ಕಯ್ಯೂಂದ್ ಗೇನ ಮಾಡಿಯಂಡ್ ಇರಂಡು.

1 ಪೇತ್ರ 2:12

ದೇವಡ ಮೇಲೆ ನಂಬಿಕೆ ಇಲ್ಲತ ಜನ, ನಿಂಗ ತಪ್ಪ್ ಮಾಡ್‌ನಯಿಂಗಾಂದ್ ಕುತ್ತ ಪರ್ಂದತೇಂಗಿಯು, ಅಯಿಂಗ ನಿಂಗಡ ನಲ್ಲ ಕ್ರಿಯೇನ ಕಂಡಿತ್, ಅಂವೊ ನಂಗಳ ಕಾಂಬ ದಿವಸತ್‍ಲ್ ಅಯಿಂಗ ದೇವನ ತುದಿಪನೆಕೆ, ಅಯಿಂಗಡ ಮದ್ಯತ್‍ಲ್ ನಲ್ಲ ನಡತೆ ಉಳ್ಳಯಿಂಗಳಾಯಿತ್ ಬದ್‍ಕಂಡು.

1 ಪೇತ್ರ 2:9

ಆಚೇಂಗಿ ನಿಂಗ, ನಿಂಗಳ ಇರ್‌ಟ್‌ಂಜ ತಾಂಡ ಅದ್ಬುತವಾನ ಬೊಳಿಕ್ ಕಾಕ್‌ನಂವೊಂಡ ತುದಿನ ಅರಿಚಿಡ್‌ವಕ್, ದೇವ ಗೊತ್ತ್ ಮಾಡ್‍ನಯಿಂಗಳಾಯಿತ್, ರಾಜಕೀಯ ಯಾಜಕಂಗಳಾಯಿತ್, ಪವಿತ್ರವಾನ ರಾಜ್ಯತ್‍ರ ಮಕ್ಕಳಾಯಿತ್ ಪಿಂಞ ದೇವಡ ಸ್ವಂತ ಜನವಾಯಿತ್ ಉಳ್ಳಿರ.

1 ಪೇತ್ರ 3:1

ಅನ್ನನೆ, ಪೊಣ್ಣಾಳುವಳೇ, ನಿಂಗ ನಿಂಗಡ ಸ್ವಂತ ವಡಿಯಂಗಡ ಪಕ್ಕ ಅಡಕತ್‍ಲ್ ಇರಂಡು. ಅಕ್ಕ, ಅಯಿಂಗಡಲ್ಲಿ, ದಾರೇಂಗಿಯು ದೇವಡ ವಾಕ್ಯತ್‍ನ ನಂಬತಯಿಂಗಳಾಯಿತ್ ಇಂಜತೇಂಗಿ, ನಿಂಗಡ ತಕ್ಕ್‌ರಗುಂಡ್ ಅಲ್ಲ, ನಿಂಗಡ ಗುಣತ್‍ರಗುಂಡ್,

1 ಪೇತ್ರ 3:16

ನಲ್ಲ ಮನಸಾಕ್ಷಿಲ್ ಇರಿ, ಅಕ್ಕ, ನಿಂಗಕ್ ಕ್ರಿಸ್ತಂಡ ಐಕ್ಯತ್‍ಲ್ ಉಳ್ಳ ನಲ್ಲ ನಡತೇನ ದೂಷಣೆ ಮಾಡಿತ್, ನಿಂಗಳ ಕೆಟ್ಟಯಿಂಗಾಂದ್ ಎಣ್ಣುವಯಿಂಗಕ್ ಞಾಣ ಆಪ.

1 ಪೇತ್ರ 4:11

ಒಬ್ಬ ಬೋದನೆ ಮಾಡ್‌ವದಾಚೇಂಗಿ, ಅಂವೊ ಚಾಯಿತೆ ದೇವಡ ವಾಕ್ಯತ್‍ರ ಪ್ರಕಾರ ಬೋದನೆ ಮಾಡಂಡು. ಒಬ್ಬ ಸೇವೆ ಮಾಡ್‌ವದಾಚೇಂಗಿ ದೇವ ಅಂವೊಂಗ್ ಕೊಡ್‍ತಿತುಳ್ಳ ಶಕ್ತಿರನೆಕೆ ಮಾಡಂಡು, ಅಕ್ಕ ನಿಂಗ ಎಂತ ಮಾಡ್‍ಚೇಂಗಿಯು, ಯೇಸು ಕ್ರಿಸ್ತಂಡ ಮೂಲಕ ದೇವಕ್ ಮಹಿಮೆ ಕ್‍ಟ್ಟುವನೆಕೆ ಮಾಡ್‌ವಕಾಪ. ಅಂವೊಂಗ್ ಎಕ್ಕಾಲು ಮಹಿಮೆ, ಶಕ್ತಿ ಬರಡ್. ಆಮೆನ್.

1 ಪೇತ್ರ 4:14

ಕ್ರಿಸ್ತಂಡ ಪೆದಕಾಯಿತ್ ಜನ ನಿಂಗಳ ಏಜುವದಾಚೇಂಗಿ, ನಿಂಗ ಆಶೀರ್ವಾದ ಪಡ್ಂದಯಿಂಗ, ಮಹಿಮೇರ ಆತ್ಮವಾನ ದೇವಡ ಆತ್ಮ ನಿಂಗಡ ಮೇಲೆ ವಾಸ ಮಾಡ್‌ವ.