ಮತ್ತಾಯ 4:13 - ಕೊಡವ ಬೈಬಲ್

¹³ ಆಚೇಂಗಿ ಯೇಸು ನಜರೇತ್‍ಲ್ ವಾಸ ಮಾಡ್‌ವಕ್ ಬದ್‍ಲ್ ಕಪೆರ್ನೌಮ್‍ಕ್ ಪೋಚಿ. ಆ ಪೇಟೆ, ಗಲಿಲಾಯ ಕೆರೆಕ್ ಪಕ್ಕತ್‍ಲ್ ಜೆಬುಲೋನ್ ಪಿಂಞ ನೆಫ್ತಲೀಮ್ ಪ್ರಾಂತ್ಯತ್‍ಲ್ ಇಂಜತ್.

ಮತ್ತಾಯ 4:13 ပူးပေါင်းရင်းမြစ်များ

ಮತ್ತಾಯ 11:23

ಬಾನಕತ್ತನೆ ಪೋಪೀಂದ್ ಗೇನ ಮಾಡಿಯಂಡುಳ್ಳ ಕಪೆರ್ನೌಮ್ ಪಟ್ಟಣವೇ, ನೀನ್ ಅನ್ನನೆ ಆಪುಲೆ, ನಿಂಗ ಪಾತಾಳತ್‌ರಚ್ಚಕ್ ಅಡಿಕ್ ಪೋಪಿರ. ನೀಡ ಪಕ್ಕ ಮಾಡ್‍ನ ಬಲ್ಯ ಅದ್ಬುತ ಕಾರ್ಯತ್‍ನೆಲ್ಲ ಸೊದೋಮ್ ಪಟ್ಟಣತ್‍ಲ್ ಮಾಡಿತ್ಂಜತೇಂಗಿ, ಅದ್ ಇಕ್ಕಕತ್ತನೆ ಪಾಳಾಕತನೆಕೆ ಇಪ್ಪಕಿಂಜತ್.

ಮತ್ತಾಯ 17:24

ಅಯಿಂಗ ಕಪೆರ್ನೌಮ್‍ಕ್ ಬಪ್ಪಕ, ದೇವಾಲಯತ್‍ರ ಕಂದಾಯ ಎಡ್‍ಪಯಿಂಗ ಪೇತ್ರಂಡ ಪಕ್ಕ ಬಂದಿತ್: ನಿಂಗಡ ಉಪಾದ್ಯ ದೇವಾಲಯತ್‍ರ ಕಂದಾಯ ಕೆಟ್ಟಿಯಂಡ್ ಉಂಡಾಂದ್ ಕ್‍ೕಟತ್; ಅದ್ಂಗ್ ಪೇತ್ರ: ಅಕ್ಕು ಅಂವೊ ಕೆಟ್ಟಿಯಂಡುಂಡ್‍ೕಂದ್ ಎಣ್ಣ್‌ಚಿ.

ಮತ್ತಾಯ 4:14

ಕಡಕರೆ ಪಕ್ಕತ್‍ಲ್ ಉಳ್ಳಯಿಂಗಳಾನ, ಯೆಹೂದ್ಯಂಗಲ್ಲತ ಬೋರೆ ಜನ ವಾಸ ಮಾಡ್‌ವ ಯೊರ್ದನ್ ಪೊಳೆರ ಆ ಬರಿಲುಳ್ಳ

ಮತ್ತಾಯ 4:15

ಜೆಬುಲೋನ್ ಪಿಂಞ ನೆಫ್ತಲೀಮ್ ನಾಡಾನ ಗಲಿಲಾಯ ಪ್ರಾಂತ್ಯತ್‍ಲ್ ಉಳ್ಳ,

ಮತ್ತಾಯ 9:1

ಅಕ್ಕ ಯೇಸು ಹಡಗ್‍ಲ್ ಅಳ್‌ತಂಡ್ ಕೆರೆರ ಆಬರಿಕ್ ಅಂವೊಂಡ ಪಟ್ಟಣಕ್ ಪೋಚಿ.

ಮಾರ್ಕ 1:21

ಯೇಸು ಪಿಂಞ ಅಂವೊಂಡ ಶಿಷ್ಯಂಗ ಕಪೆರ್ನೌಮ್ ಎಣ್ಣ್‌ವ ಪಟ್ಟಣಕ್ ಪೋಚಿ. ಸಬ್ಬತ್ ದಿವಸ ಬಪ್ಪಕ ಅಂವೊ ಸಬಾಮಂದಿರತ್‍ಲ್ ಪ್ರವೇಶ ಮಾಡಿತ್, ಬೋದನೆ ಮಾಡ್‌ವಕ್ ಸುರು ಮಾಡ್‍ಚಿ.

ಮಾರ್ಕ 2:1

ಚೆನ್ನ ದಿವಸ ಕಯಿಂಜ ಪಿಂಞ ಯೇಸು ಕಪೆರ್ನೌಮ್‍ಕ್ ಪೋಚಿ. ಅಂವೊ ಮನೆಲ್ ಉಂಡ್‍ೕಂದ್ ಎಲ್ಲಾರ್‌ಕು ಗೊತ್ತಾಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:15

ಬಾನಕತ್ತನೆ ಪೋಪೀಂದ್ ಗೇನ ಮಾಡಿಯಂಡುಳ್ಳ ಕಪೆರ್ನೌಮ್ ಪಟ್ಟಣವೇ, ನೀನ್ ಅನ್ನನೆ ಆಪುಲೆ, ನಿಂಗ ಪಾತಾಳತ್‌ರಚ್ಚಕ್ ಅಡಿಕ್ ಪೋಪಿರ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:23

ಯೇಸು ಅಲ್ಲಿ ಉಳ್ಳ ಜನಕ್: ವೈದ್ಯ! ನೀಡ ಕಾಯಿಲೆನ ನೀನೇ ವಾಸಿ ಮಾಡಿಯ ಎಣ್ಣುವ ಈ ಗಾದೆನ ನಾಕ್ ನಿಂಗ ಎಣ್ಣಿತ್, ನಾನ್ ಕಪೆರ್ನೌಮ್‌ಲ್ ಮಾಡ್‌ನಾನ ನಿಂಗ ಕ್‍ೕಟದ್‍ನ ನೀಡ ಸ್ವಂತ ಊರ್‌ಲ್ ಸಹ ಮಾಡ್‍ೕಂದ್ ನಿಂಗ ನಾಕ್ ನೇರಾಯಿತ್ ಎಣ್ಣುವಿರ.

ಯೋಹಾನ 2:12

ಇದಾನ ಪಿಂಞ ಯೇಸು, ಅಂವೊಂಡ ಅವ್ವ, ಅಂವೊಂಡ ತಮ್ಮಣಂಗ ಪಿಂಞ ಅಂವೊಂಡ ಶಿಷ್ಯಂಗ ಎಲ್ಲಾರು ಕಪೆರ್ನೌಮ್ ಪಟ್ಟಣಕ್ ಪೋಯಿತ್, ಅಲ್ಲಿ ಚೆನ್ನ ದಿವಸ ಒಳಿಂಜತ್.

ಯೋಹಾನ 4:46

ಪಿಂಞ ಯೇಸು ನೀರ್‌ನ ದ್ರಾಕ್ಷಿ ರಸವಾಯಿತ್ ಬದ್‍ಲ್ ಮಾಡ್‍ನ ಗಲಿಲಾಯತ್‍ಲ್ ಉಳ್ಳ ಕಾನಾ ಊರ್‌ಕ್ ಪುನಃ ಬಾತ್. ಅಕ್ಕ ಕಪೆರ್ನೌಮ್ ಪಟ್ಟಣತ್‍ಲ್ ಉಳ್ಳ ರಾಜಂಡ ಒರ್ ಬಲ್ಯ ಅದಿಕಾರಿಯಡ ಮೋಂವೊ ಕಾಯಿಲೆಲ್ ಇಂಜತ್.

ಯೋಹಾನ 6:17

ದೋಣಿಲ್ ಅಳ್‌ತಂಡ್ ಕೆರೆರ ಆಬರಿಲ್ ಉಳ್ಳ ಕಪೆರ್ನೌಮ್ ಪಟ್ಟಣಕ್ ಪೋಪಕ್ ಸುರು ಮಾಡ್‍ಚಿ. ಅಕ್ಕ ಇರ್‍ಟಾಯಿತ್ಂಜತ್. ಯೇಸು ಸಹ ಇಲ್ಲಿಕತ್ತನೆ ಬಂದಿತ್‌ಲ್ಲೆ.

ಯೋಹಾನ 6:24

ಅಯಿಂಗ ಅಲ್ಲಿ ಬಪ್ಪಕ ಯೇಸು ಪಿಂಞ ಅಂವೊಂಡ ಶಿಷ್ಯಂಗ ಅಲ್ಲಿ ಇಲ್ಲೇಂದ್ ಗೊತ್ತಾಚಿ. ಅಕ್ಕ ಜನ ಎಲ್ಲಾರು ಯೇಸುನ ತ್‍ೕಡಿಯಂಡ್ ಕಪೆರ್ನೌಮ್‍ಕ್ ಬಾತ್.

ಯೋಹಾನ 6:59

ಯೇಸು ಇದ್‍ನೆಲ್ಲ ಕಪೆರ್ನೌಮ್‌ಲ್ ಇಂಜ ಸಬಾಮಂದಿರತ್‍ಲ್ ಬೋದನೆ ಮಾಡ್‌ವಕ ಎಣ್ಣ್‌ಚಿ.