ಮತ್ತಾಯ 4:12 - ಕೊಡವ ಬೈಬಲ್

¹² ಯೋಹಾನನ ಜೈಲ್‍ಲ್ ಇಟ್ಟಿತುಂಡ್‍ೕಂದ್ ಕ್‍ೕಟ ಪಿಂಞ ಯೇಸು ಗಲಿಲಾಯಕ್ ಪುನಃ ಪೋಚಿ.

ಮತ್ತಾಯ 4:12 ပူးပေါင်းရင်းမြစ်များ

ಮತ್ತಾಯ 11:2

ಅಕ್ಕ ಜೈಲ್‍ಲ್ ಇಂಜ ಯೋಹಾನ, ಯೇಸು ಕ್ರಿಸ್ತ ಮಾಡಿಯಂಡುಳ್ಳ ಎಲ್ಲಾ ಅದ್ಬುತ ಕಾರ್ಯತ್‍ನ ಕ್‍ೕಟಿತ್ ಅಂವೊಂಡ ಶಿಷ್ಯಂಗಳ ಯೇಸುರ ಪಕ್ಕ ಅಯಿಚಿತ್:

ಮತ್ತಾಯ 14:3

ಹೆರೋದ, ಅಂವೊಂಡ ಅಣ್ಣ ಫಿಲಿಪ್ಪಂಡ ಪೊಣ್ಣ್ ಹೆರೋದ್ಯಳಗುಂಡ್ ಯೋಹಾನನ ಬಂದಿಚಿಟ್ಟಿತ್ ಜೈಲ್‌ಕ್ ಇಟ್ಟಿತ್ಂಜತ್.

ಮಾರ್ಕ 1:14

ಯೋಹಾನನ ಜೈಲ್‌ಕ್ ಇಟ್ಟ ಪಿಂಞ ಯೇಸು ಗಲಿಲಾಯಕ್ ಪೋಯಿತ್, ಅಲ್ಲಿ ಜನಕ್ ದೇವಡ ನಲ್ಲ ಸುದ್ದಿನ ಪ್ರಚಾರ ಮಾಡ್‍ಚಿ.

ಮಾರ್ಕ 6:17

ಈ ಹೆರೋದ ಅಂವೊಂಡ ಅಣ್ಣ ಫಿಲಿಪ್ಪಂಡ ಪೊಣ್ಣ್ ಹೆರೋದ್ಯನ ಮಂಗಲ ಕಯಿಚಗುಂಡ್, ನೀನ್ ನೀಡ ಅಣ್ಣಂಡ ಪೊಣ್ಣ್‌ನ ಮಂಗಲ ಮಾಡ್‍ನದ್ ನ್ಯಾಯವಲ್ಲಾಂದ್ ಯೋಹಾನ, ರಾಜ ಹೆರೋದಂಗ್ ಎಣ್ಣಿಯಂಡ್ ಇಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:5

ಆಚೇಂಗಿ ಅಯಿಂಗ ಇಂಞು ಜೋರಾಯಿತ್: ಇಂವೊ ಗಲಿಲಾಯತ್ಂಜ ಇಲ್ಲಿಕತ್ತನೆ ಯೂದಾಯ ಸೀಮೆಯೆಲ್ಲ ಇಂವೊಂಡ ಬೋದನೆಲ್ ಜನಡ ಮನಸ್ಸ್‌ನ ಕಲಹ ಮಾಡ್‌ವಕಾಯಿತ್ ಪಾಳ್ ಮಾಡಿಯಂಡ್ ಉಂಡ್‍ೕಂದ್ ಎಣ್ಣಿಯಂಡಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:20

ಹೆರೋದ ದುಂಬ ಕೆಟ್ಟ ಕೆಲಸ ಮಾಡ್‍ನದ್ ಅಲ್ಲತೆ, ಹೆರೋದ್ಯಳಗುಂಡ್ ಯೋಹಾನನ ಜೈಲ್‌ಕ್ ಇಡ್‌ವಂಜಿ ಇಂಞೊರ್ ಕೆಟ್ಟ ಕೆಲಸವು ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:14

ಪಿಂಞ ಯೇಸು ಪವಿತ್ರಾತ್ಮತ್‍ರ ಶಕ್ತಿಲ್ ಗಲಿಲಾಯಕ್ ಪುನಃ ಪೋಚಿ. ಅಂವೊಂಡ ಸುದ್ದಿ ಸುತ್ತ್‌ಲ್ ಉಳ್ಳ ಎಲ್ಲಾ ಜಾಗಕು ಹರಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:31

ಪಿಂಞ ಯೇಸು ಕಪೆರ್ನೌಮ್ ಎಣ್ಣುವ ಒರ್ ಪಟ್ಟಣಕ್ ಪೋಯಿತ್, ಅಲ್ಲಿ ಅಂವೊ ಸಬ್ಬತ್ ದಿವಸವೆಲ್ಲಾ, ಜನಕ್ ಬೋದನೆ ಮಾಡ್‌ವಕ್ ಸುರು ಮಾಡ್‍ಚಿ.

ಯೋಹಾನ 1:43

ಪಿತ್ಯಾಂದ್ ಗಲಿಲಾಯಕ್ ಪೋಪಕ್ ಯೇಸು ತೀರ್ಮಾನ ಮಾಡ್‍ಚಿ. ಅಲ್ಲಿ ಎತ್ತ್‌ವಕ, ಫಿಲಿಪ್ಪಾಂದ್ ಒಬ್ಬನ ಕಂಡಿತ್, ನಾಡ ಬಯ್ಯಕ್ ಬಾಂದ್ ಎಣ್ಣ್‌ಚಿ.

ಯೋಹಾನ 2:11

ಇನ್ನನೆ, ಯೇಸು ತಾಂಡ ಆದ್ಯ ಅದ್ಬುತ ಕಾರ್ಯತ್‍ನ ಗಲಿಲಾಯ ಪ್ರಾಂತ್ಯತ್‍ರ ಕಾನಾ ಎಣ್ಣುವ ಊರ್‌ಲ್ ಮಾಡಿತ್, ತಾಂಡ ಮಹಿಮೆನ ಕಾಂಬ್‍ಚಿಟ್ಟತ್. ಅಂವೊಂಡ ಶಿಷ್ಯಂಗ ಯೇಸುನ ನಂಬ್‍ಚಿ.

ಯೋಹಾನ 3:24

ಈ ಘಟನೆಯೆಲ್ಲ ಯೋಹಾನನ ಜೈಲ್‌ಕ್ ಇಡ್‌ವಕ್ ಮಿಂಞ ಆನದ್.

ಯೋಹಾನ 4:43

ದಂಡ್ ದಿವಸ ಕಯಿಂಜ ಪಿಂಞ ಯೇಸು ಅಲ್ಲಿಂಜ ಗಲಿಲಾಯಕ್ ಪೋಚಿ.

ಯೋಹಾನ 4:54

ಯೂದಾಯತ್ಂಜ ಗಲಿಲಾಯಕ್ ಬಂದ ಪಿಂಞ ಇದ್ ಯೇಸು ಮಾಡ್‍ನ ದಂಡನೆ ಅದ್ಬುತ ಕಾರ್ಯವಾಯಿತ್ಂಜತ್.