ಮತ್ತಾಯ 4:11 - ಕೊಡವ ಬೈಬಲ್

¹¹ ಅಕ್ಕ ಸೈತಾನ ಯೇಸುನ ಬುಟ್ಟಿತ್ ಪೋಚಿ; ದೇವದೂತಂಗ ಬಂತ್ ಅಂವೊಂಗ್ ಸೇವೆ ಮಾಡ್‍ಚಿ.

ಮತ್ತಾಯ 4:11 ပူးပေါင်းရင်းမြစ်များ

ಮತ್ತಾಯ 26:53

ನಾನ್ ಇಕ್ಕ ನಾಡ ಅಪ್ಪಂಡ ಪಕ್ಕ ಬೋಡ್‍ಚೇಂಗಿ, ಅಂವೊ ಇಕ್ಕಲೆ ಪನ್ನೆರಂಡ್ ಗುಂಪ್‌ಕಿಂಜ ಜಾಸ್ತಿ ದೂತಂಗಳ ನಾಕ್ ಅಯಿಪಕಯ್ಯುಲೇಂದ್ ನೀನ್ ಗೇನ ಮಾಡ್‌ವಿಯಾ?

ಮತ್ತಾಯ 4:6

ನೀನ್ ದೇವಡ ಮೋಂವೊನಾಚೇಂಗಿ ಇಲ್ಲಿಂಜ ಅಡಿಕ್ ಪಾರ್, ಎನ್ನಂಗೆಣ್ಣ್‌ಚೇಂಗಿ: ನಿನ್ನ ಕ‌ಪಾಡಂಡೂಂದ್ ನೀಕಾಯಿತ್ ದೇವದೂತಂಗಕ್ ದೇವ ಆಜ್ಞೆ ತಪ್ಪಾಂದೂ, ನೀಡ ಕಾಲ್‍ರ ಬೆರ ಕಲ್ಲ್‌ಲ್ ಮುಟ್ಟತನೆಕೆ, ಅಯಿಂಗ ನಿನ್ನ ಕೈಯಿಲ್ ಪೋರ್ಪಾಂದ್ ಒಳ್‌ದಿತುಂಡಲ್ಲಾಂದ್ ಎಣ್ಣ್‌ಚಿ.

ಮಾರ್ಕ 1:13

ಅಲ್ಲಿ ಅಂವೊ ನಾಪದ್ ದಿವಸ ಕಾಡ್ ಪ್ರಾಣಿಯಡ ಕೂಡೆ ಇಂಜತ್. ಅಲ್ಲಿ ಸೈತಾನ ಅಂವೊನ ಸೋದನೆ ಮಾಡ್‍ಚಿ. ದೇವದೂತಂಗ ಅಂವೊಂಗ್ ಸೇವೆ ಮಾಡಿಯಂಡ್ ಇಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:43

ಅಕ್ಕ ಒರ್ ದೇವದೂತ ಬಂದಿತ್ ಅಂವೊನ ಬಲಪಡ್‍ತ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:53

ನಾನ್ ದಿನಾಲು ದೇವಾಲಯತ್‍ಲ್ ಇಂಜಲ್ಲ, ಅಕ್ಕ ನಿಂಗ ನನ್ನ ಪುಡಿಪಕ್ ಕಯಿಂಜಿತ್‌ಲ್ಲೆ; ಆಚೇಂಗಿ, ಇರ್‌ಟ್ ಆಳಿಯಂಡುಳ್ಳಗುಂಡ್, ಇದ್ ನಿಂಗ ಕ್ರಿಯೆ ಮಾಡ್‌ವಕುಳ್ಳ ಕಾಲಾಂದ್ ಯೇಸು ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:13

ಸೈತಾನ ಇನ್ನನೆ ಎಲ್ಲಾ ಪರಿಕ್ಷೆಯು ಮಾಡ್‍ನ ಪಿಂಞ ಯೇಸುನ ಚೆನ್ನ ಕಾಲ ಬುಟ್ಟಿತ್ ಪೋಚಿ.

ಯೋಹಾನ 14:30

ಇಂಞು ಮಿಂಞಕ್ ನಾನ್ ನಿಂಗಡ ಕೂಡೆ ದುಂಬ ತಕ್ಕ್ ಪರಿಯುವಕ್ ಕಯ್ಯುಲೆ. ಎನ್ನಂಗೆಣ್ಣ್‌ಚೇಂಗಿ, ಈ ಲೋಕತ್‍ರ ಅದಿಪತಿ ಬಂದಂಡುಂಡ್. ನಾಡ ಮೇಲೆ ಅಂವೊಂಗ್ ಏದ್ ಶಕ್ತಿಯು ಇಲ್ಲೆ.

1 ತಿಮೊಥೆಯ 3:16

ಏದ್ ಅನುಮಾನವು ಇಲ್ಲತನೆಕೆ, ನಂಗಕ್ ಕಾಂಬ್‍ಚಿಟ್ಟಿತುಳ್ಳ ಸತ್ಯತ್‍ರ ಗುಟ್ಟ್ ದುಂಬ ಬಲ್ಯದ್. ಅದ್ ಎಂತ ಎಣ್ಣ್‌ಚೇಂಗಿ: ಕ್ರಿಸ್ತ, ತಡೀಲ್ ಪುಟ್ಟ್‌ಚಿ. ಪವಿತ್ರಾತ್ಮ ಅಂವೊನ ನೀತಿ ಉಳ್ಳಂವೋಂದ್ ಎಣ್ಣ್‌ಚಿ. ದೇವದೂತಂಗ ಅಂವೊನ ಕಂಡತ್. ಅನ್ಯ ಜನ ಅಂವೊಂಡ ವಿಷಯತ್‍ನ ಕ್‍ೕಟತ್. ಲೋಕತ್‍ರ ಜನ ಅಂವೊನ ನಂಬ್‍ಚಿ. ಮಹಿಮೆಲ್ ಪರಲೋಕಕ್ ಪೋಚಿ.

ಇಬ್ರಿಯ 1:14

ಆನಗುಂಡ್, ರಕ್ಷಣೆ ಕ್‍ಟ್ಟ್‌ವಯಿಂಗಕ್ ಸೇವೆ ಮಾಡ್‌ವಕಾಯಿತ್ ದೇವದೂತಂಗ ಎಲ್ಲಾರು, ದೇವ ಅಯಿಚ ಸೇವೇರ ಆತ್ಮವಾಯಿತುಂಡಲ್ಲಾ?

ಇಬ್ರಿಯ 1:6

ಇಂಞು, ದೇವ ತಾಂಡ ಆದ್ಯ ಮೋಂವೊನ ಈ ಲೋಕತ್‍ಲ್ ಅಯಿಪಕ, ದೇವದೂತಂಗ ಎಲ್ಲಾರು ಅಂವೊನ ಆರಾದನೆ ಮಾಡಂಡೂಂದ್ ಎಣ್ಣ್‌ಚಿ.