ಮತ್ತಾಯ 3:9 - ಕೊಡವ ಬೈಬಲ್

⁹ ಅಬ್ರಹಾಮ ನಂಗಡ ಅಪ್ಪಾಂದ್ ಎಣ್ಣುವಕ್ ಗೇನ ಮಾಡತಿ. ದೇವಕ್ ಇಲ್ಲಿ ಉಳ್ಳ ಕಲ್ಲಿಂಜ ಸಹ ಅಬ್ರಹಾಮಂಗ್ ಮಕ್ಕಳ ಪುಟ್ಟ್‌ಚಿಡ್‌ವಕ್ ಕಯ್ಯೂಂದ್ ನಾನ್ ನಿಂಗಕ್ ಎಣ್ಣ್‌ವಿ.

ಮತ್ತಾಯ 3:9 ပူးပေါင်းရင်းမြစ်များ

ಮಾರ್ಕ 7:21

ಎನ್ನಂಗೆಣ್ಣ್‌ಚೇಂಗಿ ನಾನಾತರ ಕೆಟ್ಟ ಗೇನ, ನೀತಿ ಇಲ್ಲತ ಕೆಲಸ, ದರೋಡೆ, ಕೊಲೆ, ವ್ಯಬಿಚಾರ,

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:17

ಅಕ್ಕ ಅಂವೊ: ನಾನ್ ಎಂತ ಮಾಡಡ್? ನಾಕ್ ಬೊಳ್ಂದ ಎಲ್ಲಾ ಬೊಳೆನ ಬೆಪ್ಪಕ್ ಜಾಗ ಇಲ್ಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:24

ಅಕ್ಕ ಐಶ್ವರ್ಯವಂತಂವೊ: ಅಪ್ಪನಾನ ಅಬ್ರಹಾಮನೇ, ನಾಕ್ ಕನಿಕರ ಕಾಟ್! ಲಾಜರನ ಇಲ್ಲಿ ಅಯಿಚಿತ್, ಅಂವೊ ಅಂವೊಂಡ ತುದಿ ಬೆರತ್‌ನ ನೀರ್‌ಲ್ ಮುಕ್ಕಿತ್ ನಾಡ ನಾವ್‌ನ ತಣಿಚಿಡಡ್, ಈ ಉರಿಲ್ ನಾನ್ ಕಷ್ಟಪಟ್ಟಂಡ್ ಉಳ್ಳ್‌ಂದ್ ಕೂತ್ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:40

ಅದ್ಂಗ್ ಯೇಸು: ಅಯಿಂಗ ಮುಂಡತೆ ಇಂಜತೇಂಗಿ ಇಲ್ಲಿ ಉಳ್ಳ ಕಲ್ಲ್ ಸಹ ಕೂತ್ ಕೊಡ್‍ಪಕ್ ಸುರು ಮಾಡ್‌ವಾಂದ್ ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:8

ಆಚೇಂಗಿ ನಿಂಗ ನೇರಾಯಿತ್ ಪಶ್ಚಾತಾಪ ಪಟ್ಟಿತ್ ಬದ್‍ಲಾಯಿತ್ ಉಳ್ಳಿರಾಂದ್, ನಿಂಗಡ ಬದ್‍ಕ್‍ಲ್ ಪಿಂಞ ಕ್ರಿಯೇಲ್ ಕಾಟಿ; ಅಬ್ರಹಾಮ ನಂಗಡ ಅಪ್ಪಾಂದ್ ನಿಂಗ ಎಣ್ಣುವಕ್ ಸುರು ಮಾಡತಿ; ದೇವಕ್ ಇಲ್ಲಿ ಉಳ್ಳ ಕಲ್ಲಿಂಜ ಸಹ ಅಬ್ರಹಾಮಂಗ್ ಮಕ್ಕಳ ಪುಟ್ಟ್‌ಚಿಡ್‌ವಕ್ ಕಯ್ಯೂಂದ್ ನಾನ್ ನಿಂಗಕ್ ಎಣ್ಣ್‌ವಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:22

ಅಕ್ಕಣೆಕೆ ಯೇಸುಕ್ ಈ ಮನುಷ್ಯಂಗ ಎಂತ ಗೇನ ಮಾಡಿಯಂಡುಂಡ್‍ೕಂದ್ ಗೊತ್ತಾಯಿತ್, ಅಯಿಂಗಳ ನೋಟಿತ್: ನಿಂಗಡ ಹೃದಯತ್‍ಲ್ ಎನ್ನಂಗ್ ಇಂತದೆಲ್ಲ ಗೇನ ಮಾಡ್‌ವಿರಾಂದ್ ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:39

ಯೇಸುನ ಮನೆಕ್ ಕಾಕ್‍ನ ಫರಿಸಾಯ, ಇದ‌ನ್ನೆಲ್ಲ ನೋಟಿತ್, ಈ ಮನುಷ್ಯ ಒರ್ ಪ್ರವಾದಿಯಾಯಿತ್ಂಜತೇಂಗಿ, ತಾಂಡ ಕಾಲ್‌ನ ಮುಟ್ಟುವ ಈ ಪೊಣ್ಣಾಳ್ ದಾರ್‍ೕಂದ್ ಗೊತ್ತಾಪಕಿಂಜತ್; ಎನ್ನಂಗೆಣ್ಣ್‌ಚೇಂಗಿ, ಇವ ಒರ್ ಪಾಪೀಂದ್ ಅಂವೊಂಡೊಳ್‌ಲೇ ಗೇನ ಮಾಡ್‍ಚಿ.

ಯೋಹಾನ 8:33

ಅದ್ಂಗ್ ಅಯಿಂಗ: ನಂಗ ಅಬ್ರಹಾಮಂಡ ಸಂತಾನಕಾರಂಗ, ನಂಗ ಏದ್ ಸಮಯತ್‍ಲು ದಾರ್‌ಕು ಅಡಿಯಾಳಾಯಿತ್ ಇಂಜಿತ್‌ಲ್ಲೆ; ಅನ್ನನೆ ಇಪ್ಪಕ, ನಿಂಗ ಬುಡ್‍ಗಡೆ ಆಪಿರಾಂದ್ ಎನ್ನನೆ ಎಣ್ಣುವಿಯಾಂದ್ ಕ್‍ೕಟತ್.

ಯೋಹಾನ 8:37

ನಿಂಗ ಅಬ್ರಹಾಮಂಡ ಸಂತಾನಕಾರಂಗಾಂದ್ ನಾಕ್ ಗೊತ್ತುಂಡ್; ಆಚೇಂಗಿಯು, ನಾಡ ಬೋದನೆ ನಿಂಗಡ ಹೃದಯತ್‍ಲ್ ನಿಕ್ಕತೆಗುಂಡ್, ನನ್ನ ಕೊಲ್ಲ್‌ವಕ್ ಪೇಚಾಡ್‌ವಿರ.

ಯೋಹಾನ 8:53

ನಂಗಡ ಮುತ್ತಜ್ಜನಾನ ಅಬ್ರಹಾಮಕಿಂಜ ನೀನ್ ಬಲ್ಯಂವೊನಾ? ಅಂವೊ ಚತ್ತ್ ಪೋಚಿ, ಪ್ರವಾದಿಯಂಗಳು ಚತ್ತ್ ಪೋಚಿ; ಅಕ್ಕ ನೀನ್ ನಿನ್ನ ಏದ್ ತರ ಮನುಷ್ಯನಾಯಿತ್ ಮಾಡಿಯೋವಿಯಾಂದ್ ತರ್ಕ ಮಾಡ್‍ಚಿ.

ಅಪೊಸ್ತಲ 13:26

ಅಣ್ಣತಮ್ಮಣಂಗಳೇ, ಅಬ್ರಹಾಮಂಡ ಸಂತಾನಕಾರಳೇ, ದೇವನ ಆರಾದನೆ ಮಾಡ್‌ವ ಯೆಹೂದ್ಯ ಅಲ್ಲತ ಜನಳೇ, ಈ ರಕ್ಷಣೆರ ಬೋದನೆನ ನಂಗಕಾಯಿತೇ ಅಯಿಚತ್.

ಅಪೊಸ್ತಲ 15:14

ದೇವ ಅಂವೊಂಡ ಪೆದಕಾಯಿತ್, ಯೆಹೂದ್ಯ ಅಲ್ಲತ ಬೋರೆ ಜನಡ ಮದ್ಯತ್ಂಜ ಒರ್ ಗುಂಪ್‍ನ ಗೊತ್ತ್ ಮಾಡಿತ್, ಆದ್ಯವಾಯಿತ್ ಅಯಿಂಗಡ ಮೇಲೆ ದೇವ ಕಾಟ್‍ನ ಅಕ್ಕರೆನೆ ಸಿಮೆಯೋನ ನಂಗಕ್ ಚಾಯಿತೆ ವಿವರಿಚಿಟ್ಟತ್ತಲ್ಲ.

ರೋಮ್ 4:1

ನಂಗಡ ಜನಾಂಗತ್‍ರ ಮುತ್ತಜ್ಜನಾನ ಅಬ್ರಹಾಮಂಡ ವಿಷಯತ್‍ಲ್ ನಂಗಕ್ ಎಂತ ಎಣ್ಣ್‌ವಕ್ ಕಯ್ಯು? ಅಂವೊ ಎನ್ನನೆ ನೀತಿವಂತವೊನಾಚಿ?