ಮತ್ತಾಯ 3:2 - ಕೊಡವ ಬೈಬಲ್

² ನಿಂಗ ನಿಂಗಡ ಪಾಪಕಾಯಿತ್ ಪಶ್ಚಾತಾಪ ಪಟ್ಟಿತ್ ದೇವಡ ಪಕ್ಕ ಬಾರಿ, ಎನ್ನಂಗೆಣ್ಣ್‌ಚೇಂಗಿ ಪರಲೋಕ ರಾಜ್ಯ ಬೆರಿಯ ಬಪ್ಪಾಂದ್ ಬೋದನೆ ಮಾಡ್‌ವಕ್ ಸುರ್ ಮಾಡ್‍ಚಿ.

ಮತ್ತಾಯ 3:2 ပူးပေါင်းရင်းမြစ်များ

ಮತ್ತಾಯ 10:7

ಅಲ್ಲಿಕ್ ಪೋಯಿತ್, ಪರಲೋಕ ರಾಜ್ಯ ಬೆರಿಯ ಬಪ್ಪಾಂದ್ ಎಣ್ಣಿ.

ಮತ್ತಾಯ 11:20

ಯೇಸು ವಾಸ ಮಾಡಿಯಂಡಿಂಜ ಪಟ್ಟಣತ್‍ರ ಜನ ಅಂವೊ ಮಾಡ್‍ನ ದುಂಬ ಅದ್ಬುತ ಕಾರ್ಯತ್‍ನ ಕಂಡತೇಂಗಿಯು, ಅಯಿಂಗಡ ಪಾಪಕಾಯಿತ್ ಪಶ್ಚಾತಾಪ ಪಟ್ಟಿತ್ ಬಂದಿತ್‌ಲ್ಲೆ. ಆನಗುಂಡ್ ಯೇಸು ಆ ಜನಕ್ ಗದರಿಚಿಟ್ಟತ್.

ಮತ್ತಾಯ 12:41

ನ್ಯಾಯತೀರ್ಪ್ ದಿವಸತ್‍ಲ್ ನಿನೆವೆ ಪಟ್ಟಣತ್‍ರ ಜನ ಈ ಸಂತಾನಕಾರಡ ಕೂಡೆ ನಿಂದಿತ್ ಈಂಗಳ ಕುತ್ತ ಪರಿಯುವ. ಎನ್ನಂಗೆಣ್ಣ್‌ಚೇಂಗಿ, ಯೋನಂಡ ಬೋದನೆನ ಕ್‍ೕಟಿತ್ ನಿನವೆ ಪಟ್ಟಣತ್‍ರ ಜನ ದೇವಡ ಪಕ್ಕ ತಿರ್‍ಗ್‍ಚಿ. ಇಕ್ಕ, ಯೋನಕಿಂಜ ಬಲ್ಯಂವೊ ಇಲ್ಲಿ ಉಂಡ್ ಆಚೇಂಗಿ ನಿಂಗ ಅಂವೊಂಡ ಬೋದನೆನ ಕ್‍ೕಟಿತ್‌ಲ್ಲೆ.

ಮತ್ತಾಯ 13:11

ಅಯಿಂಗಕ್ ಅಂವೊ: ಪರಲೋಕ ರಾಜ್ಯತ್‍ರ ಗುಟ್ಟ್ ನಿಂಗಕ್ ಗೊತ್ತಾಪನೆಕೆ ಮಾಡಿತುಂಡ್. ಆಚೇಂಗಿ ಪೊರಮೆ ಉಳ್ಳಯಿಂಗಕ್ ಈ ಬಾಗ್ಯ ಕ್‍ಟ್ಟಿತ್‌ಲ್ಲೆ.

ಮತ್ತಾಯ 13:24

ಇಂಞೊರ್ ಕಥೇರ ರೂಪತ್‍ನ ಯೇಸು ಅಯಿಂಗಕ್ ಎಣ್ಣ್‌ಚಿ: ಪರಲೋಕ ರಾಜ್ಯತ್‍ನ ಇನ್ನನೆ ಎಣ್ಣ್‌ವಕ್ ಕಯ್ಯು: ಒರ್ ಮನುಷ್ಯ, ನಲ್ಲ ಗೋದಿ ಕಾಳ್‌ನ ಬೇಲ್‌ಲ್ ಬಿತ್ತುವ.

ಮತ್ತಾಯ 13:31

ಯೇಸು ಇಂಞೊರ್ ಕಥೇರ ರೂಪತ್‍ನ ಎಣ್ಣ್‌ಚಿ. ಪರಲೋಕ ರಾಜ್ಯ ಒರ್ ಕಡು ಕುರುರನೆಕೆ. ಒರ್ ಮನುಷ್ಯ ಆ ಕಡು ಕುರುನ ತಾಂಡ ಬೇಲ್‌ಲ್ ಬಿತ್ತುವ.

ಮತ್ತಾಯ 13:33

ಯೇಸು ಇಂಞೊರ್ ಕಥೇರ ರೂಪತ್‍ನ ಎಣ್ಣ್‌ಚಿ. ಪರಲೋಕ ರಾಜ್ಯ ಎನ್ನನೆ ಎಣ್ಣ್‌ಚೇಂಗಿ, ಒರ್ ಪೊಣ್ಣಾಳ್, ಮೂಂದ್ ಸೇರ್ ಪೊಡಿಕ್, ಚೆನ್ನ ಈಸ್ಟ್‌ನ ದುಂಬ ಮುದ್ದೆಕ್ ಕಲ್‍ಕ್‍ನನೆಕೆ. ಕಡೇಕ್ ಎಲ್ಲಾ ಮುದ್ದೆಯು ಪುಳಿಯಾಪ.

ಮತ್ತಾಯ 13:47

ಪರಲೋಕ ರಾಜ್ಯ ಎಣ್ಣ್‌ವದ್, ಸಮುದ್ರತ್‍ಲ್ ಚಾಡಿತ್, ನಾನಾ ತರತ್‍ರ ಮೀನ್‌ನ ಒಟ್ಟ್ ಕೂಟ್‌ವ ಬಲೇಕ್ ಸಮವಾಯಿತುಂಡ್.

ಮತ್ತಾಯ 13:52

ಅಕ್ಕ ಅಂವೊ ಅಯಿಂಗಳ ನೋಟಿತ್: ಇದ್ಂಡ ಅರ್ಥ ನ್ಯಾಯಪ್ರಮಾಣತ್‌ರ ಉಪಾದ್ಯಂಗ, ಪರಲೋಕ ರಾಜ್ಯತ್‍ರ ಶಿಷ್ಯಂಗಳಾಯಿತ್ ಬಪ್ಪಕ, ಅಯಿಂಗ ಮನೆರ ಎಜಮಾನಂಡನೆಕೆ, ಮನೆರ ಪತ್ತಾಯ ಕೋಂಬರೆಯಿಂಜ ಪುದಿಯ ಪಿಂಞ ಪಳೆಯ ನಿದಿನ ಎಡ್‌ತ ಬಂದನೆಕೆ ಇಪ್ಪಾಂದ್‌ ಎಣ್ಣ್‌ಚಿ.

ಮತ್ತಾಯ 18:23

ಎನ್ನನೆ ಎಣ್ಣ್‌ಚೇಂಗಿ, ಪರಲೋಕ ರಾಜ್ಯತ್‍ರ ವಿಷಯ ಇನ್ನನೆ ಉಂಡ್. ಒರ್ ರಾಜ ತಾಂಡ ಆಳ್‍ವಳ ಕಾಕಿತ್ ಅಯಿಂಗಡ ಲೆಕ್ಕಚಾರ ನೋಟ್‍ವಕ್ ಸುರು ಮಾಡ್‍ಚಿ.

ಮತ್ತಾಯ 20:1

ಪರಲೋಕ ರಾಜ್ಯ ಎನ್ನನೆ ಎಣ್ಣ್‌ಚೇಂಗಿ, ಒರ್ ಮನೆರ ಎಜಮಾನ, ಅಂವೊಂಡ ತೋಟತ್‍ಲ್ ಪಣಿಕ್ ಆಳ್‍ವಳ ಕಾಕಿಯಂಡ್ ಬಪ್ಪಕ್ ಪೊಲಾಕಲೆ ಪೋಚಿ.

ಮತ್ತಾಯ 22:2

ಪರಲೋಕ ರಾಜ್ಯ ಎನ್ನನೆ ಎಣ್ಣ್‌ಚೇಂಗಿ, ಒರ್ ರಾಜ ತಾಂಡ ಮೋಂವೊಂಡ ಮಂಗಲಕ್ ಗದ್ದಾಳ ತಯಾರ್ ಮಾಡ್‍ನನೆಕೆ.

ಮತ್ತಾಯ 23:13

ಕಪಟಿಯಾನ ನ್ಯಾಯಪ್ರಮಾಣತ್‍ರ ಉಪಾದ್ಯಂಗಳೇ, ಫರಿಸಾಯಂಗಳೇ ನಿಂಗಕ್ ಅಯ್ಯೋ. ಜನ ಪ್ರವೇಶ ಮಾಡತನೆಕೆ ಪರಲೋಕ ರಾಜ್ಯತ್‍ರ ಪಡಿನ ಬೀಗ ಇಡ್‍ವಿರ. ನಿಂಗಳು ಅದ್ಂಡ ಒಳ್‍ಕ್ ಪೋಪುಲೆ, ಪೋಪಯಿಂಗಳ ಪೋಪಕ್ ಬುಡ್‍ವದು ಇಲ್ಲೆ.

ಮತ್ತಾಯ 25:1

ಅಕ್ಕ ಪರಲೋಕ ರಾಜ್ಯ, ತಂಗಡ ಬೊಳ್‌ಚತ್‍ನ ಎಡ್‍ತಂಡ್ ಮಂಗಲಕಾರನ ಕಾಂಬಕ್ ಪೊರಟ ಪತ್ತ್ ಕನ್ನಿ ಮೂಡಿಯಂಗಡನೆಕೆ ಇಪ್ಪ.

ಮತ್ತಾಯ 25:14

ಇಂಞು ಪರಲೋಕ ರಾಜ್ಯ, ದೂರ ದೇಶಕ್ ಪೋಪ ಒರ್ ಎಜಮಾನ ಅಂವೊಂಡ ಆಳ್‍ವಳ ಕಾಕುವಂಜಿ ತಾಂಡ ಆಸ್ತಿನ ನೋಟ್‍ವಕ್ ಪಾಲ್ ಮಾಡಿತ್ ಒಪ್ಪ್‌ಚಿಡುವನೆಕೆ ಉಂಡ್.

ಮತ್ತಾಯ 4:17

ಅಕ್ಕಯಿಂಜ ಯೇಸು: ನಿಂಗ ನಿಂಗಡ ಪಾಪಕಾಯಿತ್ ಪಶ್ಚಾತಾಪ ಪಟ್ಟಿತ್ ದೇವಡ ಪಕ್ಕ ಬಾರಿ, ಪರಲೋಕ ರಾಜ್ಯ ಬೆರಿಯ ಬಂದಂಡುಂಡ್‍ೕಂದ್ ಬೋದನೆ ಮಾಡ್‌ವಕ್ ಸುರ್ ಮಾಡ್‍ಚಿ.

ಮತ್ತಾಯ 4:23

ಪಿಂಞ ಯೇಸು, ಗಲಿಲಾಯ ನಾಡ್‍ಕೆಲ್ಲಾ ಪೋಯಿತ್, ಅಯಿಂಗಡ ಸಬಾಮಂದಿರತ್‍ಲ್ ಬೋದನೆ ಮಾಡಿಯಂಡ್, ದೇವಡ ರಾಜ್ಯತ್‍ರ ನಲ್ಲ ಸುದ್ದಿನ ಪ್ರಚಾರ ಮಾಡಿಯಂಡ್, ಅಲ್ಲಿಯತ್‍ರ ಜನಡ ಎಲ್ಲಾ ಕಾಯಿಲೆನ ಪಿಂಞ ರೋಗತ್‍ನ ವಾಸಿ ಮಾಡ್‍ಚಿ.

ಮತ್ತಾಯ 5:10

ನೀತಿಕಾಯಿತ್ ಹಿಂಸೆನ ಸಹಿಸುವಯಿಂಗ ಆಶೀರ್ವಾದ ಪಡ್ಂದಯಿಂಗ; ಪರಲೋಕ ರಾಜ್ಯ ಅಯಿಂಗಡದಾಯಿತ್‌ಪ್ಪ.

ಮತ್ತಾಯ 5:3

ಆತ್ಮತ್‍ಲ್ ಗರೀಬ ಆಯಿತುಳ್ಳಯಿಂಗ ಆಶೀರ್ವಾದ ಪಡ್ಂದಯಿಂಗ; ಪರಲೋಕ ರಾಜ್ಯ ಅಯಿಂಗಡದಾಯಿತ್‌ಪ್ಪ.

ಮತ್ತಾಯ 6:10

ನೀಡ ರಾಜ್ಯ ಬೂಲೋಕಕ್ ಬರಡ್; ನೀಡ ಚಿತ್ತ ಪರಲೋಕತ್‍ಲ್ ಆಪನೆಕೆ ಬೂಲೋಕತ್‌ಲು ಆಡ್;

ಮತ್ತಾಯ 6:33

ಆಚೇಂಗಿ ಎಲ್ಲಾಕಿಂಜ ಮಿಂಞ ದೇವಡ ರಾಜ್ಯತ್‍ನ, ನೀತಿನ ತ್‍ೕಡಿ, ಅಕ್ಕ ಇದ್‍ನೆಲ್ಲ ನಿಂಗಕ್ ಕೂಟಿ ತಪ್ಪ.

ಮಾರ್ಕ 1:15

ಕಾಲ ಪೂರ್ತಿ ಆಚಿ, ದೇವಡ ರಾಜ್ಯ ಬೆರಿಯ ಬಪ್ಪ. ನಿಂಗಡ ಪಾಪಕಾಯಿತ್ ಪಶ್ಚಾತಾಪ ಪಟ್ಟಿತ್, ದೇವಡ ನಲ್ಲ ಸುದ್ದಿನ ನಂಬೀಂದ್ ಎಣ್ಣ್‌ಚಿ.

ಮಾರ್ಕ 1:4

ಯೋಹಾನ: ನಿಂಗಡ ಪಾಪಕ್ ಮನ್ನಿಪ್ ಕ್‍ಟ್ಟ್‌ವಕಾಯಿತ್ ದೇವಡ ಪಕ್ಕ ತಿರಿತ್ ದೀಕ್ಷಾಸ್ನಾನ ಎಡ್‌ಕೊಂಡು, ದೇವ ನಿಂಗಡ ಪಾಪತ್‍ನ ಮನ್ನಿಪ್ಪಾಂದ್ ಜನಕ್ ಮಣಬೂಮಿಲ್ ಬೋದನೆ ಮಾಡಿಯಂಡಿಂಜತ್.

ಮಾರ್ಕ 6:12

ಆ ಶಿಷ್ಯಂಗ ಪೊರಮೆ ಪೋಪಂಜಿ ಜನಕ್: ನಿಂಗ ದೇವಡ ಪಕ್ಕ ನಿಂಗಡ ಪಾಪಕಾಯಿತ್ ಪಶ್ಚಾತಾಪ ಪಟ್ಟಿತ್ ಬಾರೀಂದ್ ಬೋದನೆ ಕೊಡ್‌ತಂಡ್ ಪೋಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:16

ಅಂವೊ ಇಸ್ರಾಯೇಲ್ ಸಂತಾನಕಾರಂಗಡಡೆಲ್ ದುಂಬ ಜನಳ ಅಯಿಂಗಡ ದೇವನಾನ ಒಡೆಯಂಡ ಪಕ್ಕ ಪುನಃ ಬಪ್ಪಕ್ ಮಾಡ್‌ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:20

ನಾನ್ ದೇವಡ ಶಕ್ತಿಲ್ ಕೂಳಿಯಳ ಬುಡ್‌ತಿಯಂಡುಂಡೇಂಗಿ, ದೇವಡ ರಾಜ್ಯ ಇಕ್ಕಲೆ ನಿಂಗಡಲ್ಲಿ ಬಂದಿತುಂಡ್‍ೕಂದ್ ಗೊತ್ತಾಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:3

ಅನ್ನೆನೆ ಅಲ್ಲ! ನಿಂಗ ಪಾಪ ಮಾಡ್‌ವಾನ ಬುಟ್ಟಿತ್, ದೇವಡ ಪಕ್ಕ ಪಶ್ಚಾತಾಪ ಪಟ್ಟಿತ್ ಬಂದಿತ್‌ಲ್ಲೇಂಗಿ ನಿಂಗೆಲ್ಲಾರು ಇನ್ನನೆ ಪಾಳಾಯಿ ಪೋಪಿರಾಂದ್ ನಾನ್ ನಿಂಗಕ್ ಎಣ್ಣ್‌ವಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:5

ಇಲ್ಲೆ, ಆಚೇಂಗಿ ನಿಂಗಡ ಪಾಪಕಾಯಿತ್ ನಿಂಗ ಪಶ್ಚಾತಾಪ ಪಟ್ಟಿತ್‌ಲ್ಲೇಂಗಿ, ನಿಂಗಳು ಪಾಳಾಯಿ ಪೋಪಿರಾಂದ್ ನಾನ್ ಪುನಃ ನಿಂಗಕ್ ಎಣ್ಣ್‌ವಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:10

ಅನ್ನನೆ ಒರೇ ಒರ್ ಪಾಪ ಮಾಡ್‍ನ ಮನುಷ್ಯ ದೇವಡ ಕಡೇಕ್ ತಿರ್‌ಗ್‍ಚೇಂಗಿ ಪರಲೋಕತ್‍ಲ್ ಉಳ್ಳ ದೇವದೂತಂಗಡ ಮಿಂಞತ್‍ಲ್ ಸಂತೋಷ ಉಂಟಾಪಾಂದ್ ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:7

ಅನ್ನನೆ, ಪಶ್ಚಾತಾಪ ಪಡಂಡೂಂದ್ ಇಲ್ಲತ ತೊಂಬತ್‌ತೊಯಿಂಬದ್ ನೀತಿವಂತಯಿಂಗಕಿಂಜ ಪಶ್ಚಾತಾಪ ಪಟ್ಟಿತ್ ದೇವಡ ಕಡೇಕ್ ತಿರ್‌ಗ್‌ವ ಒರ್ ಪಾಪಿರ ವಿಷಯತ್ ಪರಲೋಕತ್‍ಲ್ ದುಂಬ ಕುಶಿ ಇಪ್ಪಾಂದ್ ನಾನ್ ನಿಂಗಕ್ ಎಣ್ಣ್‌ವಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:30

ಆಚೇಂಗಿ ಆ ಐರ್ಶ್ವಯವಂತಂವೊ: ಅನ್ನನೆಯಲ್ಲ ಅಪ್ಪನಾನ ಆಬ್ರಹಾಮನೇ, ಅದ್ಂಡ ಬದ್‍ಲಾಯಿತ್, ಚತ್ತಯಿಂಗ ದಾರೇಂಗಿ ಅಯಿಂಗಡ ಪಕ್ಕ ಪೋನಕ, ಅಯಿಂಗ, ಅಂವೊ ಎಣ್ಣುವ ವಿಷಯ ನೇರ್ಂದ್ ನಂಬಿತ್, ಪಾಪತ್‍ನ ಬುಟ್ಟಿತ್ ಪಶ್ಚಾತಾಪ ಪಟ್ಟಿತ್ ದೇವಡ ಪಕ್ಕ ಬಪ್ಪಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:31

ಅನ್ನನೆ ಈ ತರತ್‍ರ ಘಟನೆಯೆಲ್ಲ ನಿಂಗ ಕಾಂಬಕಾಪಕ ದೇವಡ ರಾಜ್ಯ ಬಪ್ಪಕಾಚೀಂದ್ ನಿಂಗಕ್ ಗೊತ್ತಾಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:47

ಇಂಞು: ಯೆರೂಸಲೇಮ್ಂಜ ಎಲ್ಲಾ ದೇಶತ್‍ರ ಜನಕ್ ಪಾಪಕ್ಷಮೆ ಕ್‍ಟ್ಟ್‌ವಕ್ ದೇವಡ ಪಕ್ಕ ತಿರಿಗಿತ್ ಬರಂಡೂಂದ್ ನಾಡ ಅದಿಕಾರತ್‍ಲ್ ಪ್ರಚಾರ ಮಾಡೀಂದ್ ಎಣ್ಣಿ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:20

ಅಕ್ಕ ಯೇಸು, ಅಂವೊಂಡ ಶಿಷ್ಯಂಗಳ ನೋಟಿತ್: ಗರೀಬಂಗಳಾಯಿತುಳ್ಳ ನಿಂಗ ಆಶೀರ್ವಾದ ಪಡ್ಂದಯಿಂಗ, ದೇವಡ ರಾಜ್ಯ ನಿಂಗಡ‌ದ್!

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:2

ದೇವಡ ರಾಜ್ಯತ್‍ರ ವಿಷಯತ್‍ನ ಬೋದನೆ ಮಾಡ್‌ವಕು ಕಾಯಿಲಸ್ತಂಗಳ ವಾಸಿ ಮಾಡ್‌ವಕು ಅಯಿಂಗಳ ಅಯಿಚತ್.

ಅಪೊಸ್ತಲ 11:18

ಇದ್‍ನೆಲ್ಲ ಅಯಿಂಗ ಕ್‍ೕಪಕ: ಅನ್ನನೆ ಆಚೇಂಗಿ, ದೇವ ಯೆಹೂದ್ಯರಲ್ಲತ ಬೋರೆ ಜಾತಿಯಂಗಕು, ಅಯಿಂಗ ತಂಗಡ ಪಾಪತ್ಂಜ ತಿರ್‌ಗಿತ್, ಯೇಸುನ ನಂಬ್‍ಚೇಂಗಿ, ನಿತ್ಯ ಜೀವತ್‍ನ ಪಡೆಯುವಕ್ ಒರ್ ಅವಕಾಶ ಕೊಡ್‍ತಿತುಂಡ್‍ೕಂದ್ ಎಣ್ಣಿತ್ ಒಂದು ಎಣ್ಣತೆ ದೇವನ ತುದಿಚತ್.

ಅಪೊಸ್ತಲ 17:30

ಜನಕ್ ನೇರಾಯಿತು ಗೊತ್ತಿಲ್ಲತ ಕಾಲತ್‍ಲ್ ಇನ್ನನೆ ಮಾಡ್‌ನಾನ ದೇವ ಲೆಕ್ಕ ಬೆಚ್ಚಿತ್‌ಲ್ಲೆ. ಆಚೇಂಗಿ ಇಕ್ಕ, ಎಲ್ಲಾ ಜಾಗತು, ಎಲ್ಲಾ ಜನಳು ಅಯಿಂಗಡ ಪಾಪಕಾಯಿತ್ ಪಶ್ಚಾತಾಪ ಪಟ್ಟಿತ್ ದೇವಡ ಪಕ್ಕ ತಿರ್‌ಗಂಡೂಂದ್ ಹುಕುಮ್ ಕೊಡ್‍ತಂಡುಂಡ್.

ಅಪೊಸ್ತಲ 2:38

ಪೇತ್ರ ಅಯಿಂಗಕ್: ನಿಂಗಡ ಪಾಪಕ್ ಪರಿಹಾರ ಕ್‍ಟ್ಟ್‌ವಕಾಯಿತ್ ನಿಂಗ ಒಬ್ಬೊಬ್ಬನು ದೇವಡ ಪಕ್ಕ ಪಶ್ಚಾತಾಪ ಪಟ್ಟಿತ್, ಯೇಸುರ ಪೆದತ್‍ಲ್ ದೀಕ್ಷಾಸ್ನಾನ ಎಡ್‌ತೊಳಿ. ಅಕ್ಕ ನಿಂಗ ಪವಿತ್ರಾತ್ಮಂಡ ವರತ್‍ನ ಪಡೆಯುವಿರ.

ಅಪೊಸ್ತಲ 20:21

ಪಾಪತ್‍ನೆಲ್ಲ ಬುಟ್ಟಿತ್ ದೇವಡ ಪಕ್ಕ ಕಂಡಿತವಾಯಿತ್ ತಿರ್‍ಗಂಡೂಂದು, ಒಡೆಯನಾನ ಯೇಸು ಕ್ರಿಸ್ತಂಡ ಮೇಲೆ ನಂಬಿಕೆ ಇಡಂಡೂಂದು, ಯೆಹೂದ್ಯಂಗಕು ಯೆಹೂದ್ಯ ಅಲ್ಲತ ಜನಕು ಸಾಕ್ಷಿಯಾಯಿತ್ ಬೋದನೆ ಮಾಡ್‍ನಂವೊನಾಯಿತ್ಂಜ್.

ಅಪೊಸ್ತಲ 26:20

ಅಕ್ಕ, ಆದ್ಯವಾಯಿತ್ ದಮಸ್ಕತ್‍ಲ್, ಅಲ್ಲಿಂಜ ಯೆರೂಸಲೇಮ್‍ಲ್, ಯೂದಾಯತ್‍ಲ್ ಎಲ್ಲಾ ಸೀಮೆಲ್ ಪಿಂಞ ಯೆಹೂದ್ಯಂಗಲ್ಲತಯಿಂಗಕ್ ಸಹ ಪೋಯಿತ್ ಬೋದನೆ ಮಾಡ್‍ನ. ಅಯಿಂಗ ಪಾಪತ್ಂಜ ತಿರಿತ್, ದೇವಡ ಪಕ್ಕ ಪಶ್ಚಾತಾಪ ಪಟ್ಟಿತ್ ಬರಂಡೂಂದು, ಪಿಂಞ ಅಯಿಂಗ ದೇವಡ ಪಕ್ಕ ತಿರಿರ್‌ತ್‍ೕಂದ್ ಕಾಂಬ್‍ಚಿಡುವನೆಕೆ, ಯೋಗ್ಯವಾನ ಬದ್‍ಕ್ ಬದ್‍ಕಂಡೂಂದ್ ಅಯಿಂಗಕ್ ಎಣ್ಣಿಯೆ.

ಅಪೊಸ್ತಲ 3:19

ಆನಗುಂಡ್, ನಿಂಗಡ ಪಾಪವೆಲ್ಲ ಅಳಸಿ ಪೋಪಕಾಯಿತ್ ಪಶ್ಚಾತಾಪ ಪಟ್ಟಿತ್, ನಿಂಗ ದೇವಡ ಪಕ್ಕ ತಿರಿಗಿ. ಪಿಂಞ ಒಡೆಯಂಡಿಂಜ, ನಿಂಗಕ್ ಆರಾಮ್‍ರ ಕಾಲ ಕ್‍ಟ್ಟ್‌ವನೆಕೆ ಮಾಡ್‌ವ.

2 ಕೊರಿಂಥ 7:10

ದೇವಕಾಯಿತ್ ಉಳ್ಳ ದುಃಖ ಪಶ್ಚಾತಾಪ ಪಡುವನೆಕೆ ಮಾಡಿತ್ ರಕ್ಷಣೆನ ತಪ್ಪ. ಅದ್‍ಲ್ ದುಃಖ ಪಡುವನೆಕೆ ಒಂದು ಇಲ್ಲೆ. ಆಚೇಂಗಿ ಲೋಕತ್‍ರ ದುಃಖ ಚಾವ್‍ನ ಉಂಟ್ ಮಾಡ್‌ವ.

ಕೊಲೊಸ್ಸೆ 1:13

ಪಿಂಞ ಇರ್‌ಟ್‌ರ ಅದಿಕಾರತ್ಂಜ ನಂಗಳ ಬುಡುಗಡೆ ಮಾಡಿತ್, ತಾಂಡ ಪ್ರೀತಿರ ಮೋಂವೊಂಡ ರಾಜ್ಯಕ್ ಕೊಂಡ್ ಬಂದ ಅಪ್ಪನಾನ ದೇವಕ್ ವಂದನೆ ಎಣ್ಣಿಯಂಡಿರಿ.

2 ತಿಮೊಥೆಯ 2:25

ನೀಡ ಬೋದನೆಕ್ ಎದ್‍ರ್ ನಿಪ್ಪಯಿಂಗಕ್ ಸಮಾದಾನತ್‍ಲ್ ಅಯಿಂಗಡ ತಪ್ಪ್‌ನ ಎಣ್ಣಿ ಕೊಡ್‍ಪಂವೊನಾಯಿತಿರಂಡು. ಎನ್ನಂಗೆಣ್ಣ್‌ಚೇಂಗಿ ಒರ್ ಸಮಯ ಅಯಿಂಗ ಪಶ್ಚಾತಾಪ ಪಟ್ಟಿತ್, ಸತ್ಯತ್‍ನ ಅರಿಂಜಂಡ್ ಪುನಃ ದೇವಡ ಪಕ್ಕ ಬಪ್ಪಕ್ ದೇವ ಒರ್ ಸನ್ನಿವೇಶ ಕೊಡ್‍ಪ.

ಇಬ್ರಿಯ 6:1

ಆನಗುಂಡ್, ಕ್ರಿಸ್ತಂಡ ವಿಷಯತ್ ನಿಂಗ ಕ್‍ೕಟಿತುಳ್ಳ ಅಡಿಪಾಯತ್‍ರ ಬೋದನಲೇ ನಂಗ ನಿಂದಂಡಿಪ್ಪಕ್ಕಾಗ. ಅದ್ಂಡ ಬದ್‍ಲ್, ನಂಗಳ ಚಾವ್‍ಕ್ ಬಲ್‍ಚಂಡ್ ಪೋಪ ಪಾಪತ್‍ರ ಕೆಲಸತ್‍ನ ಕಳೆಯುವ ಪಶ್ಚಾತಾಪ, ದೇವಡ ಮೇಲೆ ಇಡ್‌ವ ನಂಬಿಕೆ,

2 ಪೇತ್ರ 3:9

ಚೆನ್ನ ಜನ ಎಣ್ಣ್‌ವನೆಕೆ, ಒಡೆಯ ತಾಂಡ ವಾಗ್ದಾನತ್‍ನ ನೆರೆವೇರಿಚಿಡುವ ವಿಷಯತ್‍ಲ್ ತಡೆ ಮಾಡಿಯಂಡಿಲ್ಲೆ. ಒಬ್ಬ ಸಹ ನಾಶ ಆಕತೆ ಎಲ್ಲಾರು ಪಶ್ಚಾತಾಪ ಪಟ್ಟಿತ್ ದೇವಡ ಪಕ್ಕ ಬರಂಡೂಂದ್ ಕುಶಿಪಟ್ಟಿತ್ ನಿಂಗಳ ಗೇನಮಾಡಿಯಂಡೇ, ದುಂಬ ತಾಳ್ಮೇಳ್ ಉಳ್ಳಂವೊನಾಯಿತುಂಡ್.

ಪ್ರಕಟನೆ 2:21

ಅವ ಪಶ್ಚಾತಾಪ ಪಟ್ಟಿತ್ ಮನಸ್ಸ್ ತಿರ್‌ಗ್‌ವಕ್ ನಾನ್ ಅವಕ್ ಅವಕಾಶ ಕೊಡ್‌ತಿಯೆ; ಆಚೇಂಗಿ, ತಾಂಡ ವ್ಯಬಿಚಾರತ್‍ನ ಬುಟ್ಟಿತ್ ಪಶ್ಚಾತಾಪ ಪಟ್ಟಿತ್ ಮನಸ್ಸ್ ತಿರ್‌ಗ್‌ವಕ್ ಅವಕ್ ಕುಶಿಯಿಲ್ಲೆ.

ಪ್ರಕಟನೆ 2:5

ಆನಗುಂಡ್, ನೀನ್ ಎಲ್ಲಿ ಬುದ್ದ್ ಪೋಯಿತುಳ್ಳಿಯಾಂದ್ ಗೇನ ಮಾಡಿತ್, ಪಶ್ಚಾತಾಪ ಪಟ್ಟಿತ್, ಸುರುಲ್ ಮಾಡಿಯಂಡಿಂಜ ಕ್ರಿಯೇನ ಮಾಡ್; ಇಲ್ಲತೆಪೋಚೇಂಗಿ, ನಾನ್ ಬೆರಿಯ ನೀಡ ಪಕ್ಕ ಬಂದಿತ್, ನೀನ್ ಪಶ್ಚಾತಾಪ ಪಡತೆ ಪೋನಕ, ನೀಡ ಬೊಳ್‍ಚತ್‍ರ ತಂಡ್‍ನ ಆ ಜಾಗತ್ಂಜ ಎಡ್‍ತ್‍ರ್‍ವಿ.