ಮತ್ತಾಯ 3:17 - ಕೊಡವ ಬೈಬಲ್

¹⁷ ಅಕ್ಕ, ಪರಲೋಕತ್ಂಜ ಒರ್ ವಾಣಿ: ಇಂವೊ ನಾಡ ಕೊದಿರ ಮೋಂವೊ, ಇಂವೊಂಡ ಮೇಲೆ ನಾಕ್ ದುಂಬ ಕುಶಿ ಉಂಡ್‍ೕಂದ್ ಎಣ್ಣ್‌ಚಿ.

ಮತ್ತಾಯ 3:17 ပူးပေါင်းရင်းမြစ်များ

ಮತ್ತಾಯ 12:18

ಇದಾ, ಇಂವೊ ನಾನ್ ಗೊತ್ತ್ ಮಾಡ್‍ನ ನಾಡ ಸೇವಕ, ನಾಡ ಆತ್ಮತ್‌ನ ಕುಶಿಪಡ್‌ತ್‌ವ ನಾಡ ಕೊದಿರಂವೊ; ನಾಡ ಆತ್ಮತ್‌ನ ಅಂವೊಂಡ ಮೇಲೆ ಅಳ್‌ಪಕ್ ಮಾಡ್‌ವಿ, ಅಂವೊ ನಾಡ ನ್ಯಾಯತ್‍ನ ಎಲ್ಲಾ ಜನಕ್ ಅರಿಚಿಡುವ.

ಮತ್ತಾಯ 17:5

ಪೇತ್ರ ಅನ್ನನೆ ತಕ್ಕ್ ಪರ್ಂದಂಡ್ ಇಪ್ಪಕಲೆ, ಒರ್ ಮಿನ್ನುವ ಮೋಡ ಅಯಿಂಗಳ ಆವರಿಚಿಟ್ಟತ್. ಇಂವೊ ನಾಡ ಕೊದಿರ ಮೋಂವೊ, ಇಂವೊಂಡ ಮೇಲೆ ನಾಕ್ ದುಂಬ ಕುಶಿ ಉಂಡ್, ಇಂವೊ ಎಣ್ಣುವಾನ ನಿಂಗ ಕ್‍ೕಳೀಂದ್, ಆ ಮೋಡತ್ಂಜ ಒರ್ ವಾಣಿ ಬಾತ್.

ಮಾರ್ಕ 1:11

ನೀನ್ ನಾಡ ಕೊದಿರ ಮೋಂವೊ, ನೀಡ ಮೇಲೆ ನಾಕ್ ದುಂಬ ಕುಶಿ ಉಂಡ್‍ೕಂದ್ ಪರಲೋಕತ್ಂಜ ಒರ್ ವಾಣಿ ಬಾತ್.

ಮಾರ್ಕ 9:7

ಅಕ್ಕಣೆಕ್ ಮೋಡ ಬಂತ್ ನೆಳ ಅಯಿಂಗಳ ಆವರಿಚಿಟ್ಟಿತ್: ಇಂವೊ ನಾಡ ಕೊದಿರ ಮೋಂವೊ, ಇಂವೊ ಎಣ್ಣುವಾನ ನಿಂಗ ಕ್‍ೕಳೀಂದ್ ಒರ್ ವಾಣಿ ಬಾತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:22

ಪವಿತ್ರಾತ್ಮ ಅಲ್ಲಿಂಜ ಒರ್ ಪಾರಿವಾಳ ರೂಪತ್‌ಲ್ ಅಂವೊಂಡ ಮೇಲೆ ಇಳ್ಂಜಿತ್ ಪಿಂಞ ಪರಲೋಕತ್ಂಜ: ನೀನ್ ನಾಡ ಕೊದಿರ ಮೋಂವೊ, ನೀಡ ಮೇಲೆ ನಾಕ್ ದುಂಬ ಕುಶಿ ಉಂಡ್‍ೕಂದ್ ಒರ್ ವಾಣಿ ಬಾತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:35

ಅಕ್ಕ: ಇಂವೊ ನಾನ್ ಗೊತ್ತ್ ಮಾಡ್‍ನ ನಾಡ ಕೊದಿರ ಮೋಂವೊ, ಇಂವೊ ಎಣ್ಣುವಾನ ನಿಂಗ ಕ್‍ೕಳೀಂದ್ ಒರ್ ವಾಣಿ ಮೋಡತ್‍ರ ಒಳ್‌ಳಿಂಜ ತಕ್ಕ್ ಪರ್ಂದತ್.

ಯೋಹಾನ 5:20

ಅಪ್ಪ ಮೋಂವೊನ ದುಂಬ ಪ್ರೀತಿ ಮಾಡಿತ್, ಅಂವೊ ಮಾಡ್‌ವಾನೆಲ್ಲಾ ಮೋಂವೊಂಗ್ ಕಾಟಿ ಕೊಡ್‍ಪ; ನಿಂಗ ಆಶ್ಚರ್ಯ ಪಡುವನೆಕೆ ಇದ್‌ಂಗಿಂಜ ಬಲ್ಯ ಬಲ್ಯ ಕಾರ್ಯತ್‍ನ ಮೋಂವೊಂಗ್ ಕಾಟಿತಪ್ಪ.

ಯೋಹಾನ 5:37

ನನ್ನ ಅಯಿಚ ಅಪ್ಪನೇ ನಾಕ್ ಸಾಕ್ಷಿ ಕೊಡ್‌ತಿತುಂಡ್; ನಿಂಗ ದಾರೂ ಅಪ್ಪನಾನ ದೇವಡ ಸ್ವರತ್‍ನ ಕ್‍ೕಟಿತು ಇಲ್ಲೆ, ಅಂವೊಂಡ ರೂಪತ್‍ನ ಕಂಡಿತು ಇಲ್ಲೆ.

ಎಫೆಸ 1:6

ಅನ್ನನೆ, ದೇವ ಪ್ರೀತಿ ಮಾಡ್‌ವ ಅಂವೊಂಡ ಮೋಂವೊಂಡಲ್ಲಿ ನಂಗಡ ಮೇಲೆ ಇನಾಮಾಯಿತ್ ಬೂಕ್‌ನ ಅಂವೊಂಡ ಮಹಿಮೇರ ಕೃಪೆಕಾಯಿತ್ ಅಂವೊನ ತುದಿಪನೆಕೆ ಮಾಡ್‍ಚಿ.

ಕೊಲೊಸ್ಸೆ 1:13

ಪಿಂಞ ಇರ್‌ಟ್‌ರ ಅದಿಕಾರತ್ಂಜ ನಂಗಳ ಬುಡುಗಡೆ ಮಾಡಿತ್, ತಾಂಡ ಪ್ರೀತಿರ ಮೋಂವೊಂಡ ರಾಜ್ಯಕ್ ಕೊಂಡ್ ಬಂದ ಅಪ್ಪನಾನ ದೇವಕ್ ವಂದನೆ ಎಣ್ಣಿಯಂಡಿರಿ.

2 ಪೇತ್ರ 1:17

ಇಂವೊ ನಾಡ ಕೊದಿರ ಮೋಂವೊ, ಇಂವೊಂಡ ಮೇಲೆ ನಾಕ್ ದುಂಬ ಕುಶಿ ಉಂಡ್‍ೕಂದ್ ಎಣ್ಣುವ ಆ ಸದ್ದ್ ಮಹತ್ವವಾನ ಮಹಿಮೇಯಿಂಜ ಅಂವೊಂಗ್ ಬಂದಿತ್, ಅಪ್ಪನಾನ ದೇವಡ ಕಡೇಯಿಂಜ ಅಂವೊಂಗ್ ಗನ ಪಿಂಞ ಮಹಿಮೆ ಕ್‍ಟ್ಟ್‌ಚಿ.

1 ಯೋಹಾನ 5:9

ನಂಗ ಮನುಷ್ಯಂಡ ಸಾಕ್ಷಿನ ನಂಬುವ. ಆಚೇಂಗಿ ದೇವಡ ಸಾಕ್ಷಿ ಎಲ್ಲಾಗಿಂಜ ವಿಶೇಷವಾಯಿತುಳ್ಳಗುಂಡ್ ಅದ್‍ನ ಎಚ್ಚಕ್ ನಂಬಂಡು! ದೇವ ತಾಂಡ ಮೋಂವೊಂಡ ವಿಷಯತ್ ಎಣ್ಣ್‌ನ ಸಾಕ್ಷಿ ಇದ್.

ಪ್ರಕಟನೆ 14:2

ಇದ್‍ಲ್ಲತೆ, ಬಲ್ಯ ನೀರ್ ಚಾಡಿತ್ ಬಪ್ಪ ಸದ್ದ್‌ರನೆಕೆ, ಬಲ್ಯ ತೆಡ್‌ರ ಸದ್ದ್‌ಲ್ ಒರ್ ವಾಣಿ ಪರಲೋಕತ್ಂಜ ಬಂದದ್ ನಾಕ್ ಕ್‍ೕಟತ್; ನಾನ್ ಕ್‍ೕಟ ಸದ್ದ್, ವೀಣೇಲ್ ಸಂಗೀತ ಮಾಡ್‌ವ ಅಯಿಂಗಡ ವೀಣೇರ ಸಂಗೀತವಾಯಿತ್ ಇಂಜತ್.