ಮತ್ತಾಯ 28:9 - ಕೊಡವ ಬೈಬಲ್

⁹ ಒಮ್ಮಕೆ ಯೇಸು ಅಯಿಂಗಕ್ ಕಾಂಬ್‌ಚಿಟ್ಟಂಡ್, ನಿಂಗಕ್ ಸಮಾದಾನ ಇಕ್ಕಡ್‍ೕಂದ್ ಎಣ್ಣ್‌ಚಿ. ಅಕ್ಕ ಅಯಿಂಗ ಅಂವೊಂಡ ಪಕ್ಕ ಬಂದಿತ್ ಅಂವೊಂಡ ಕಾಲ್‌ನ ಪುಡ್‌ಚಿತ್ ಅಂವೊನ ತುದಿಚತ್.

ಮತ್ತಾಯ 28:9 ပူးပေါင်းရင်းမြစ်များ

ಮತ್ತಾಯ 14:33

ಅಕ್ಕ, ದೋಣಿಲ್ ಇಂಜಯಿಂಗ ಬಂತ್: ನೀನ್ ನೇರಾಯಿತು ದೇವಡ ಮೋಂವೋಂದ್ ಎಣ್ಣಿತ್, ಯೇಸುನ ಆರಾದನೆ ಮಾಡ್‍ಚಿ.

ಮತ್ತಾಯ 23:7

ಚತ್ತೆಲ್ ಎಲ್ಲಾರು ಮರ್ಯಾದೆ ಕೊಡ್‌ಕಡ್ ಎಣ್ಣಿಯಂಡ್, ಎಲ್ಲಾರು ಅಯಿಂಗಳ ಉಪಾದ್ಯನೇಂದ್ ಕಾಕಂಡೂಂದ್ ಅಯಿಂಗ ಆಸೆ ಪಡುವ.

ಮತ್ತಾಯ 28:10

ಅಕ್ಕ ಯೇಸು ಅಯಿಂಗಳ ನೋಟಿತ್, ನಿಂಗಕ್ ಪೋಡಿ ಬೋಂಡ! ನಾಡ ತಮ್ಮಣಂಗಡ ಪಕ್ಕ ಪೋಯಿತ್, ಅಯಿಂಗಳ ಗಲಿಲಾಯಕ್ ಪೋಪಕ್ ಎಣ್ಣಿ, ಅಲ್ಲಿ ಅಯಿಂಗ ನನ್ನ ಕಾಂಬಾಂದ್ ಎಣ್ಣ್‌ಚಿ.

ಮತ್ತಾಯ 28:17

ಅಲ್ಲಿ ಯೇಸುನ ಕಾಂಬಕ ಅಂವೊಂಗ್ ಅಡ್ಡ ಬುದ್ದಿತ್ ಅಂವೊನ ಆರಾದನೆ ಮಾಡ್‍ಚಿ. ಆಚೇಂಗಿ, ಚೆನ್ನ ಜನ ಅನುಮಾನ ಪಟ್ಟತ್.

ಮತ್ತಾಯ 28:8

ಪೊಣ್ಣಾಳುವ ಪೋಡಿಲು ಅದೇ ಸಮಯತ್‍ಲ್ ದುಂಬ ಕುಶೀಲು ಆ ಜಾಗತ್‍ನ ಬುಟ್ಟಿತ್, ಈ ಸುದ್ದಿನ ಶಿಷ್ಯಂಗಕ್ ಎಣ್ಣ್‌ವಕ್ ಓಡಿ ಪೋಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:28

ಅವ ವಾಸ ಮಾಡಿಯಂಡಿಂಜ ಮನೆಲ್ ಆ ದೇವದೂತ ಪ್ರತ್ಯಕ್ಷವಾಯಿತ್ ದೇವಡ ಕರುಣೆಯುಳ್ಳವಳೇ ನೀಕ್ ವಂದನೆ! ಒಡೆಯ ನೀಡ ಕೂಡೆ ಉಂಡ್, ಪೊಮ್ಮಕ್ಕಡ ಮದ್ಯತ್‍ಲ್ ನೀನ್ ದುಂಬ ಆಶೀರ್ವಾದ ಪಡ್ಂದವಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:52

ಅಯಿಂಗ ಯೇಸುನ ಆರಾದನೆ ಮಾಡಿತ್, ದುಂಬ್‍ನ ಕುಶೀಲ್ ಎಲ್ಲಾರು ಯೆರೂಸಲೇಮ್‌ಕ್ ಪೋಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:38

ಯೇಸುರ ಬಯ್ಯ ನಿಂದಿತ್, ದುಂಬ ಮೊರಟಿತ್, ಅವಡ ಕಣ್ಣೀರ್‌ಲ್ ಯೇಸುರ ಕಾಲ್‌ನ ನಲಪಿತ್, ಆ ನೀರ್‌ನ ಅವಡ ಮಂಡೆರ ತಲ್‌ಮಿಯಿಂಜ ತ್‍ೕಟಿತ್, ಕಾಲ್‌ಕ್ ಮುತ್ತ್ ಕೊಡ್‌ತಿತ್, ಅಂವೊಂಡ ಕಾಲ್‌ಕ್ ಸುಗಂದ ತೈಲತ್‌ನ ಬೂಕ್‍ಚಿ.

ಯೋಹಾನ 12:3

ಅಕ್ಕ, ಮರಿಯ ಒರ್ ಬಲ್ಯ ಕುಪ್ಪಿಲ್ ದುಂಬ ಬೆಲೆಯುಳ್ಳ ಸುಗಂದ ತೈಲತ್‌ನ ಕೊಂಡ್ ಬಾತ್. ಅದ್‍ನ ಯೇಸುರ ಕಾಲ್‌ಕ್ ಬೂಕ್‌ವಂಜಿ, ತಾಂಡ ತೆಲ್‌ಮಿಲ್ ಯೇಸುರ ಕಾಲ್‌ನ ತ್‍ೕಟ್‍ಚಿ. ಆ ತೈಲತ್‌ರ ವಾಸನೆ ಮನೆಯೆಲ್ಲಾ ಪಬ್ಬ್‌ಚಿ.

ಯೋಹಾನ 20:19

ಆ ದಿವಸ ವಾರತ್‍ರ ಆದ್ಯ ನಾಳಾನ ನಾರಾಚೆ ಆಯಿತ್ಂಜತ್. ಅಂದ್ ಬೈಟಾಪಕ, ಯೇಸುರ ಶಿಷ್ಯಂಗ ಒಟ್ಟ್ ಕೂಡಿತ್ ಇಂಜ ಜಾಗತ್‍ಲ್, ಯೆಹೂದ್ಯಂಗಕ್ ಬೊತ್ತಿಯಂಡಿಂಜಗುಂಡ್, ಪಡಿ ಇಟ್ಟಿತ್ ಒಳ್‍ಲ್ ಇಂಜತ್. ಅಕ್ಕ ಯೇಸು ಅಲ್ಲಿಕ್ ಬಪ್ಪಂಜಿ ಅಯಿಂಗಡ ಮದ್ಯತ್‍ಲ್ ನಿಂದಂಡ್: ನಿಂಗಕ್ ಸಮಾದಾನಾಂದ್ ಎಣ್ಣ್‌ಚಿ.

ಯೋಹಾನ 20:28

ಅಕ್ಕ ತೋಮ: ನಾಡ ಒಡೆಯನೇ ನಾಡ ದೇವನೇಂದ್ ಎಣ್ಣ್‌ಚಿ.

2 ಕೊರಿಂಥ 13:11

ಆಕೀರ್‌ಲ್, ನಾಡ ಅಣ್ಣತಮ್ಮಣಂಗಳೇ, ನಿಂಗ ಕುಶೀಲ್ ಇರಿ, ಪೂರ್ತಿಯಾಯಿತ್ ಇರಿ, ಒಬ್ಬಂಗ್ ಒಬ್ಬ ಪುರ್‌ಡ್ ಕೊಡಿ, ಒರೇ ಮನಸ್ಸ್ ಉಳ್ಳಯಿಂಗಳಾಯಿತಿರಿ, ಸಮಾದಾನತ್‍ಲ್ ಇರಿ, ಅಕ್ಕ ಪ್ರೀತಿರ ಪಿಂಞ ಸಮಾದಾನತ್‍ರ ದೇವ ನಿಂಗಡ ಕೂಡೆ ಇಪ್ಪ.

ಪ್ರಕಟನೆ 3:9

ಇದಾ, ಯೆಹೂದ್ಯ ಅಲ್ಲತಯಿಂಗಳಾಯಿತ್ ಇಂಜತೇಂಗಿಯು ಯೆಹೂದ್ಯಂಗಾಂದ್ ಪೊಟ್ಟ್ ಪರ್ಂದಂಡುಳ್ಳ ಸೈತಾನಂಡ ಸಬಾಮಂದಿರಕ್ ಕೂಡ್‍ನ ಚೆನ್ನ ಜನಳ ನೀಕ್ ತಪ್ಪಿ; ಇದಾ, ಅಯಿಂಗ ನೀಡ ಕಾಲ್‌ಕ್ ಬೂವನೆಕೆ ನಾನ್ ಮಾಡ್‌ವಿ. ನಾನ್ ನಿನ್ನ ಪ್ರೀತಿ ಮಾಡಿಯಂಡುಳ್ಳ್‍ೕಂದ್ ಗೊತ್ತಾಪನೆಕೆ ಇನ್ನನೆ ಮಾಡ್‌ವಿ.