ಮತ್ತಾಯ 28:6 - ಕೊಡವ ಬೈಬಲ್

⁶ ಅಂವೊ ಇಲ್ಲಿ ಇಲ್ಲೆ. ಅಂವೊ ಎಣ್ಣ್‌ನನೆಕೆ ಚಾವ್‍ಯಿಂಜ ಜೀವವಾಯಿತ್ ಎದ್ದತ್. ಅಂವೊಂಡ ತಡಿ ಇಂಜ ಜಾಗತ್‍ನ ಬಂದ್ ನೋಟೀಂದ್ ಎಣ್ಣ್‌ಚಿ.

ಮತ್ತಾಯ 28:6 ပူးပေါင်းရင်းမြစ်များ

ಮತ್ತಾಯ 12:40

ಯೋನ ಪ್ರವಾದಿ ಮೂಂದ್ ಬಯಿಟ್ ಮೂಂದ್ ಪೋಲ್ ಬಲ್ಯ ಮೀನ್‌ರ ಕೆಲತ್‌ಲ್ ಇಂಜನೆಕೆ, ಮನುಷ್ಯಕುಮಾರನು ಮೂಂದ್ ಬಯಿಟ್ ಮೂಂದ್ ಪೋಲ್ ಬೂಮಿರ ಅಡಿಲ್ ಇಪ್ಪ.

ಮತ್ತಾಯ 16:21

ಅಕ್ಕಯಿಂಜ ಯೇಸು ಅಯಿಂಗಕ್: ನಾನ್ ಯೆರೂಸಲೇಮ್‌ಕ್ ಪೋಪಕ ಅಲ್ಲಿಯತ್ ಪೆರಿಯಯಿಂಗ, ಮುಕ್ಯ ಯಾಜಕಂಗ, ನ್ಯಾಯಪ್ರಮಾಣತ್‍ರ ಉಪಾದ್ಯಂಗಡಗುಂಡ್ ಕಷ್ಟಪಡಂಡೂಂದ್ ಎಣ್ಣ್‌ವಕ್‌ ಸುರು ಮಾಡ್‍ಚಿ. ಅಲ್ಲಿ ಪೋಪಕ ನನ್ನ ಕೊಂದ್‌ರ್‌ವ, ಆಚೇಂಗಿಯು ಮೂಂದನೆ ದಿವಸತ್‍ಲ್ ಚಾವ್‍ಯಿಂಜ ಜೀವವಾಯಿತ್ ಏವೀಂದ್ ಯೇಸು ಎಣ್ಣ್‌ಚಿ.

ಮತ್ತಾಯ 17:23

ಮನುಷ್ಯಕುಮಾರನ ಜನಡ ಕೈಯಿಕ್ ಪುಡ್‍ಚಿ ಕೊಡ್‍ಪ ಸಮಯ ಬಾತ್, ಅಯಿಂಗ ಮನುಷ್ಯಕುಮಾರನ ಕೊಲ್ಲುವ. ಆಚೇಂಗಿಯು, ಅಂವೊ ಮೂಂದ್ ದಿವಸ ಆನ ಪಿಂಞ ಚಾವ್‍ಯಿಂಜ ಜೀವವಾಯಿತ್ ಏವಾಂದ್ ಎಣ್ಣ್‌ಚಿ. ಅದ್‍ನ ಕ್‍ೕಪಕ ಶಿಷ್ಯಂಗಕೆಲ್ಲ ದುಂಬ ಬೇಜಾರ್ ಆಚಿ.

ಮತ್ತಾಯ 17:9

ಅಯಿಂಗ ಕುಂದಿಂಜ ಅಡಿಕ್ ಇಳ್ಂಜಿತ್ ಬಂದಂಡ್ ಇಪ್ಪಕ ಯೇಸು ಅಯಿಂಗಳ ನೋಟಿತ್: ಮನುಷ್ಯಕುಮಾರ ಚಾವ್‍ಯಿಂಜ ಪುನಃ ಜೀವವಾಯಿತ್ ಬಪ್ಪಕತ್ತನೆ ಅಯಿಂಗ ಕಂಡದ್‍ನ ದಾರ್‌ಕು ಎಣ್ಣ್‌ವಕ್ಕಾಗಾಂದ್ ಆಜ್ಞೆ ಕೊಡ್‍ತತ್.

ಮತ್ತಾಯ 20:19

ಅಯಿಂಗ ಕೊಲ್ಲ್‌ವಕ್ ಒಪ್ಪ್‌ಚಿಡ್‌ವ. ಅಯಿಂಗ ಅಂವೊನ ನಾನಾತರ ಬೈಗಳ ಬೈಯುವ, ಚಾಟಿಲ್ ಪೊಯ್ಯುವ, ಪಿಂಞ ಶಿಲುಬೇಕ್ ಇಡ್‌ವಕಾಯಿತ್ ಯೆಹೂದ್ಯಂಗಲ್ಲತಯಿಂಗಡ ಕೈಯಿಕ್ ಒಪ್ಪ್‌ಚಿಡ್‌ವ. ಆಚೇಂಗಿ ಮೂಂದನೆ ದಿನ ಚಾವ್‍ಯಿಂಜ ಜೀವವಾಯಿತ್ ಅಂವೊ ಏವಾಂದ್ ಎಣ್ಣ್‌ಚಿ.

ಮತ್ತಾಯ 27:63

ಅಂವೊಂಗ್: ಎಜಮಾನನೇ, ಆ ಮೋಸಗಾರ ಬದ್‌ಕಿತ್ ಇಪ್ಪಕಾಪಕ, ನಾನ್ ಮೂಂದ್ ದಿವಸ ಆನ ಪಿಂಞ ಚಾವ್‍ಯಿಂಜ ಎದ್ದ್ ಬಪ್ಪೀಂದ್ ಎಣ್ಣಿಯಂಡ್ ಇಂಜದ್ ನಂಗಕ್ ಗೇನ ಉಂಡ್.

ಮಾರ್ಕ 16:6

ಅಂವೊ, ನಿಂಗ ಬೊತ್ತತಿ! ಶಿಲುಬೇಕ್ ಇಟ್ಟ ನಜರೇತ್‍ರ ಯೇಸುನ ತ್‍ೕ‌ಡಿಯೇಂಡುಳ್ಳಿರ. ಅಂವೊ ಇಲ್ಲಿ ಇಲ್ಲೆ. ಅಂವೊ ಚಾವ್‍ಯಿಂಜ ಜೀವವಾಯಿತ್ ಎದ್ದತ್. ನೋಟಿ! ಅಂವೊನ ಈ ಜಾಗತ್‍ಲ್ ಬೆಚ್ಚಿತ್ಂಜತ್.

ಮಾರ್ಕ 8:31

ಅಲ್ಲತೆ, ಮನುಷ್ಯಕುಮಾರ ದುಂಬ ಕಷ್ಟಪಟ್ಟಿತ್, ಪೆರಿಯಯಿಂಗಡ, ಮುಕ್ಯ ಯಾಜಕಂಗಡ, ನ್ಯಾಯಪ್ರಮಾಣತ್‍ರ ಉಪಾದ್ಯಂಗಡ ಮಿಂಞತ್‍ಲ್ ತ್‍ಕ್ಕಾರ ಆಕಂಡು. ಎಲ್ಲಾರು ಕೂಡಿತ್ ಅಂವೊನ ಕೊಂದ್‌ರ್‌ವ, ಆಚೇಂಗಿ ಮೂಂದ್ ದಿವಸ ಆನ ಪಿಂಞ ಚಾವ್‍ಯಿಂಜ ಅಂವೊ ಜೀವವಾಯಿತ್ ಏವಾಂದ್ ಅಯಿಂಗಕ್ ಉಪದೇಶ ಮಾಡ್‌ವಕ್ ಸುರು ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:12

ಆಚೇಂಗಿ ಪೇತ್ರ ಚಾಡಿ ಏವಂಜಿ ಗೋರಿಕ್ ಓಡಿ ಪೋಚಿ. ಅಂವೊ ಗೋರಿರ ಒಳ್‍ಕ್ ಬಗ್ಗಿ ನೋಟ್‍ವಕ, ಯೇಸುರ ತಡಿಕ್ ಸುತ್ತ್‌ನ ಬಟ್ಟೆನೆ ಮಾತ್ರ ಕಂಡತ್. ಪಿಂಞ ನಡ್ಂದ ಘಟನೆನ ಗೇನ ಮಾಡಿಯಂಡ್ ಆಶ್ಚರ್ಯತ್‍ಲ್ ಮನೆಕ್ ಪೋಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:23

ಅಲ್ಲಿ ಅಯಿಂಗ ದೇವದೂತಂಗಳ ಕಂಡಿತ್, ಆ ದೇವದೂತಂಗ ಯೇಸು ಚಾವ್‍ಯಿಂಜ ಜೀವವಾಯಿತ್ ಎದ್ದಿತ್ ಬದ್‍ಕಿಯಂಡುಂಡ್‍ೕಂದ್ ಎಣ್ಣ್‌ಚೀಂದ್ ನಂಗಕ್ ಬಂತ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:44

ನಾನ್ ನಿಂಗಡ ಕೂಡೆ ಇಪ್ಪಕಲೆ, ಮೋಶೇರ ನ್ಯಾಯಪ್ರಮಾಣತ್‍ಲ್, ಪ್ರವಾದಿಯಂಗಡ ಪುಸ್ತಕತ್‍ಲ್ ಪಿಂಞ ದೇವಡ ಪಾಟ್‍ಲ್ ಒಳ್‍ದಿತುಳ್ಳ ನಾಡ ವಿಷಯವೆಲ್ಲ ಆಂಡೂಂದ್ ಎಣ್ಣಿಯೆ.

ಯೋಹಾನ 10:17

ನಾನ್ ನಾಡ ಜೀವತ್‍ನ ಪುನಃ ಪಡೆಯುವಕಾಯಿತ್, ನಾನ್ ನಾಡ ಜೀವತ್‍ನ ಕೊಡ್‍ಪಗುಂಡ್ ನಾಡ ಅಪ್ಪ ನನ್ನ ದುಂಬ ಪ್ರೀತಿ ಮಾಡ್‌ವ.

ಯೋಹಾನ 2:19

ಅದ್ಂಗ್ ಯೇಸು: ಈ ದೇವಾಲಯತ್‍ನ ನಿಂಗ ಪೊಳಿರಿ, ನಾನ್ ಇದ್‍ನ ಮೂಂದ್ ದಿವಸತ್‍ಲ್ ಎಪ್ಪ್‌ಚಿಡ್‌ವೀಂದ್ ಎಣ್ಣ್‌ಚಿ.

ಅಪೊಸ್ತಲ 2:24

ಆಚೇಂಗಿ ದೇವ ಅಂವೊನ ಮರಣತ್‌ರ ಅದಿಕಾರತ್ಂಜ ಬಲಿಪಂಜಿ, ಚಾವ್‍ಯಿಂಜ ಎಪ್ಪ್‌ಚಿ. ಎನ್ನಂಗೆಣ್ಣ್‌ಚೇಂಗಿ ಚಾವ್‍ಕ್ ಅಂವೊನ ಪುಡ್‌ಚಿತ್ ಬೆಪ್ಪಕ್ ಕಯಿಂಜಿತ್ತ್‌ಲ್ಲೆ.