ಮತ್ತಾಯ 28:18 - ಕೊಡವ ಬೈಬಲ್

¹⁸ ಯೇಸು ಅಯಿಂಗಡ ಪಕ್ಕ ಪೋಯಿತ್, ನಾಕ್ ಪರಲೋಕತ್‌ಲು ಬೂಲೋಕತ್‌ಲು ಎಲ್ಲಾ ಅದಿಕಾರ ನಾಕ್ ತಂದಿತುಂಡ್.

ಮತ್ತಾಯ 28:18 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 8:15

ನಾಡಗೊಂಡ್‌ ರಾಜಂಗ ರಾಜ್ಯತ್‌ನ ಆಳುವ, ನ್ಯಾಯವಾನ ಕಾನೂನ್ನ ಕೊಂಡ ಬಪ್ಪ.

ಮತ್ತಾಯ 11:27

ನಾಡ ಅಪ್ಪ ನಾಕ್ ಎಲ್ಲಾನ ಒಪ್ಪ್‌ಚಿಟ್ಟತ್; ಅಪ್ಪನ ಬುಟ್ಟಿತ್ ಬೋರೆ ದಾರ್‌ಕು ಮೋಂವೊನ ಗೊತ್ತಿಪ್ಪುಲೆ; ಇಂಞು, ಮೋಂವೊನು, ಮೋಂವೊ ದಾರ್‌ಕ್ ಅಪ್ಪನಾನ ದೇವನ ಕಾಂಬ್‍ಚಿಡ್‍ವಕ್ ಚಿತ್ತ ಉಂಡೋ, ಅಂವೊನಲ್ಲತೆ ಬೋರೆ ದಾರ್‌ಕು ಅಪ್ಪನ ಗೊತ್ತಾಪುಲೆ.

ಮತ್ತಾಯ 16:28

ಇಲ್ಲಿ ಉಳ್ಳ ಚೆನ್ನ ಜನ ಮನುಷ್ಯಕುಮಾರ ತಾಂಡ ರಾಜ್ಯತ್‍ಲ್ ಆಳುವಕಾಯಿತ್ ಬಪ್ಪದ್‍ನ ಕಾಂಬಕತ್ತನೆ ಚಾವ್‍ಲೇಂದ್ ನೇರಾಯಿತು ನಿಂಗಕ್ ಎಣ್ಣ್‌ವಿ.

ಮತ್ತಾಯ 26:64

ಅದ್ಂಗ್ ಯೇಸು: ಅಕ್ಕು, ನೀನ್ ಎಣ್ಣ್‌ನನೆಕೇಂದ್ ಯೇಸು ಎಣ್ಣ್‌ಚಿ. ಇಂಞು ಮಿಂಞಕ್ ಮನುಷ್ಯಕುಮಾರ ಸರ್ವ ಶಕ್ತಿಯುಳ್ಳಂವೊಂಡ ಬಲ್‌ತೆ ಬರಿಲ್ ಅಳ್‌ತಿತ್, ಬಾನತ್‍ರ ಮೋಡತ್‍ಲ್ ಬಪ್ಪದ್‍ನ ನಿಂಗೆಲ್ಲಾರು ಕಾಂಬಿರಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:22

ನಾಡ ಅಪ್ಪ ನಾಕ್ ಎಲ್ಲಾನ ಒಪ್ಪ್‌ಚಿಟ್ಟತ್; ಅಪ್ಪನ ಬುಟ್ಟಿತ್ ಬೋರೆ ದಾರ್‌ಕು ಮೋಂವೊನ ಗೊತ್ತಿಪ್ಪುಲೆ; ಇಂಞು ಮೋಂವೊನು, ಮೋಂವೊ ದಾರ್‌ಕ್ ಅಪ್ಪನಾನ ದೇವನ ಕಾಂಬ್‍ಚಿಡ್‍ವಕ್ ಚಿತ್ತ ಉಂಡೋ, ಅಂವೊನಲ್ಲತೆ ಬೋರೆ ದಾರ್‌ಕು ಅಪ್ಪನ ಗೊತ್ತಾಪುಲೇಂದ್ ಎಣ್ಣ್‌ಚಿ.

ಯೋಹಾನ 13:3

ಯೇಸುಕ್: ತಾಂಡ ಅಪ್ಪನಾನ ದೇವ ಎಲ್ಲಾನ ಮಾಡ್‌ವಕುಳ್ಳ ಶಕ್ತಿನ ಕೊಡ್‌ತಿತ್ ಉಂಡ್‍ೕಂದು, ತಾನ್ ದೇವಡಯಿಂಜ ಬಾತ್‍ೕಂದು, ದೇವಡ ಪಕ್ಕ ಪೋಯಂಡುಂಡ್‍ೕಂದು ಗೊತ್ತಾನಗುಂಡ್:

ಯೋಹಾನ 17:2

ನೀನ್ ಅಂವೊಂಗ್ ಎಲ್ಲಾ ಜನಡಮೇಲೆ ಅದಿಕಾರ ಕೊಡ್‍ತಿತುಳ್ಳಿಯ. ನೀಡ ಮೋಂವೊಂಗ್ ನೀನ್ ಕೊಡ್‍ತಿತುಳ್ಳ ಎಲ್ಲಾರ್‌ಕು ಅಂವೊ ನಿತ್ಯ ಜೀವತ್‍ನ ತಪ್ಪ.

ಯೋಹಾನ 3:31

ಕ್ರಿಸ್ತ ಪರಲೋಕತ್ಂಜ ಬಂದಂವೊ, ಅಂವೊ ಎಲ್ಲಾರ್ಕಿಂಜ ಬಲ್ಯಂವೊ. ಬೂಲೋಕತ್ಂಜ ಬಂದಯಿಂಗ, ಈ ಲೋಕತ್‍ರ ತಕ್ಕ್ ಪರಿಯುವ. ಆಚೇಂಗಿ, ಅಂವೊ ಪರಲೋಕತ್ಂಜ ಬಂದಂವೊ, ಆನಗುಂಡ್ ಅಂವೊ ಎಲ್ಲಾರ್ಕಿಂಜ ಬಲ್ಯಂವೊನಾಯಿತುಂಡ್.

ಯೋಹಾನ 3:35

ಅಪ್ಪನಾನ ದೇವ ತಾಂಡ ಮೋಂವೊನ ಪ್ರೀತಿ ಮಾಡಿತ್, ತಾಂಡ ಮೋಂವೊಂಡ ಕೈಕ್ ಎಲ್ಲಾನ ಒಪ್ಪ್‌ಚಿಟ್ಟತ್.

ಅಪೊಸ್ತಲ 10:36

ಎಲ್ಲಾ ಜನಕು ಒಡೆಯನಾನ ಯೇಸು ಕ್ರಿಸ್ತಂಡ ಮೂಲಕ ದೇವಡ ಕೂಡೆ ಸಮಾದಾನ ಉಂಡ್‍ೕಂದ್ ಉಳ್ಳ ಸುದ್ದಿನ ಇಸ್ರಾಯೇಲ್ ಜನಕ್ ದೇವ ಅರಿಚಿಟ್ಟ ನಲ್ಲ ಸುದ್ದಿ ನಿಂಗಕ್ ಗೊತ್ತುಂಡ್.

ಅಪೊಸ್ತಲ 2:36

ಆನಗುಂಡ್ ನಿಂಗ ಶಿಲುಬೇಕ್ ಇಟ್ಟ ಈ ಯೇಸುನ ದೇವ ಒಡೆಯನಾಯಿತು ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತನಾಯಿತು ಮಾಡಿತುಂಡ್‍ೕಂದ್ ಇಸ್ರಾಯೇಲ್ ಜನಕೆಲ್ಲ ಕಂಡಿತವಾಯಿತ್ ಗೊತ್ತಿರಂಡೂಂದ್ ಎಣ್ಣ್‌ಚಿ.

ರೋಮ್ 14:9

ಚತ್ತಯಿಂಗಕು, ಬದ್‍ಕಿಯಂಡುಳ್ಳಯಿಂಗಕು ಒಡೆಯನಾಯಿತ್‌ಪ್ಪಕಾಯಿತ್ ಕ್ರಿಸ್ತ ಚತ್ತ್ ಎದ್ದಿತ್ ಬದ್‍ಕಿಯಂಡ್ ಉಂಡ್.

1 ಕೊರಿಂಥ 15:27

ದೇವಡ ವಾಕ್ಯತ್‍ಲ್ ಒಳ್‍ದ್‍ನ ಪ್ರಕಾರ, ದೇವ ಎಲ್ಲಾನ ಅಂವೊಂಡ ಕಾಲ್‍ರ ಅಡಿಕ್ ಇಡ್‌ವ. ಆಚೇಂಗಿ ಎಲ್ಲಾನ ಅಂವೊಂಡ ಕಾಲ್‍ರ ಅಡಿಕ್‍ೕಂದ್ ಎಣ್ಣ್‌ವಕ, ಎಲ್ಲಾನ ಕ್ರಿಸ್ತಂಡ ಕಾಲ್‍ರ ಅಡಿಕ್ ಬೂವನೆಕೆ ಮಾಡ್‍ನ ದೇವನ, ಅದ್‍ಲ್ ಕೂಟ್‍ಲೆ.

ಕೊಲೊಸ್ಸೆ 2:10

ನಿಂಗ ಕ್ರಿಸ್ತಂಡ ಕೂಡೆ ಒಂದಾನಗುಂಡ್, ನಿಂಗಕ್ ಪೂರ್ಣವಾನ ಬದ್‍ಕ್‍ನ ಅಂವೊ ತಂದಿತುಂಡ್. ಅಂವೊ ಎಲ್ಲಾ ಆತ್ಮೀಕ ಅದಿಕಾರಕು, ಎಲ್ಲಾ ಶಕ್ತಿಕು ಮಂಡೆಯಾಯಿತುಂಡ್.

ಇಬ್ರಿಯ 1:2

ಆಚೇಂಗಿ, ಕಡೆ ಕಾಲವಾನ ಇಕ್ಕ, ಅಂವೊಂಡ ಮೋಂವೊಂಡ ಮೂಲಕ ನಂಗಡ ಕೂಡೆ ತಕ್ಕ್ ಪರ್‌ಂದಿತುಂಡ್. ಇಂವೊನ ಎಲ್ಲಾಂಗು ಹಕ್ಕ್‌ದಾರನಾಯಿತ್ ನೇಮಿಚಿಟ್ಟಿತ್, ಇಂವೊನಗುಂಡ್ ಇಡೀ ಲೋಕತ್‍ನ ಸೃಷ್ಟಿ ಮಾಡ್‍ಚಿ.

ಇಬ್ರಿಯ 2:8

ಎಲ್ಲಾನ ಅಂವೊಂಡ ಕಾಲ್‍ರ ಅಡಿಕ್ ಇಟ್ಟಿತುಂಡ್‍ೕಂದ್ ಎಣ್ಣ್‌ನ ವಿಷಯತ್, ಅಂವೊ ಅಂವೊಂಡ ಕಾಲ್‍ರ ಅಡಿಕ್ ಇಡತೆ ವಸ್ತು ಒಂದು ಇಲ್ಲೆ; ಅನ್ನನೆ ಇಂಜತೇಂಗಿಯು, ಇಕ್ಕಲು ಸಕಲವು ಅಂವೊಂಡ ಕಾಲ್‍ರ ಅಡಿಕ್ ಬಂದನೆಕೆ ನಂಗ ಕಂಡಂಡಿಲ್ಲೆ.

1 ಪೇತ್ರ 3:22

ಅಂವೊ ಪರಲೋಕಕ್ ಪೋಯಿತ್, ದೇವಡ ಬಲ್‌ತೆ ಬರಿಲ್ ಅಳ್‌ತಿತ್ ಉಂಡ್; ದೇವದೂತಂಗ, ಅದಿಕಾರ, ಶಕ್ತಿ ಅಂವೊಂಡ ಅಡಿಲ್ ಅಡಕತ್‍ಲ್ ಉಂಡ್.

ಪ್ರಕಟನೆ 11:15

ಏಳನೆ ದೇವದೂತ ವಾಲಗತ್‍ರ ಕೊಂಬ್‍ನ ಊದ್‍ವಕಾಪಕ: ಲೋಕತ್‍ರ ರಾಜ್ಯಂಗ ನಂಗಡ ಒಡೆಯಂಗು, ಅಂವೊಂಡ ಕ್ರಿಸ್ತಂಡ ರಾಜ್ಯವಾಯಿತು ಆಚಿ. ಅಂವೊ ಕಾಲಕಾಲಕು ರಾಜನಾಯಿತ್ ರಾಜ್ಯಬಾರ ಮಾಡ್‌ವಾಂದ್ ಪರಲೋಕತ್ಂಜ ಒರ್ ಬಲ್ಯ ಸದ್ದ್ ಕ್‍ೕಟತ್.

ಪ್ರಕಟನೆ 17:14

ಈಂಗ ಕೊರಿಕುಟ್ಟಿಯಾನವೊಂಡ ಕೂಡೆ ಯುದ್ದ ಮಾಡ್‌ವ. ಆಚೇಂಗಿ ಅಂವೊ ದೇವಾದಿ ದೇವನು ರಾಜಾದಿ ರಾಜನು ಆನಗುಂಡ್ ಅಯಿಂಗಳ ಗೆಲ್ಲುವ; ಅಂವೊಂಡ ಕೂಡೆ ಉಳ್ಳಯಿಂಗಳ, ಅಂವೊ ಕಾಕ್‌ನಯಿಂಗಾಂದು, ಗೊತ್ತ್ ಮಾಡ್‍ನಯಿಂಗಾಂದು, ನಂಬಿಕಸ್ತಂಗಾಂದು ಎಣ್ಣುವಾಂದು ಎಣ್ಣ್‌ಚಿ.

ಪ್ರಕಟನೆ 19:16

ಅಂವೊಂಡ ತೊಡೇರ ಮೇಲೆ ಪಿಂಞ ಬಟ್ಟೇರ ಮೇಲೆ ರಾಜಾದಿ ರಾಜ ದೇವಾದಿ ದೇವಾಂದ್ ಒಳ್‍ದಿತ್ಂಜತ್.