ಮತ್ತಾಯ 28:10 - ಕೊಡವ ಬೈಬಲ್

¹⁰ ಅಕ್ಕ ಯೇಸು ಅಯಿಂಗಳ ನೋಟಿತ್, ನಿಂಗಕ್ ಪೋಡಿ ಬೋಂಡ! ನಾಡ ತಮ್ಮಣಂಗಡ ಪಕ್ಕ ಪೋಯಿತ್, ಅಯಿಂಗಳ ಗಲಿಲಾಯಕ್ ಪೋಪಕ್ ಎಣ್ಣಿ, ಅಲ್ಲಿ ಅಯಿಂಗ ನನ್ನ ಕಾಂಬಾಂದ್ ಎಣ್ಣ್‌ಚಿ.

ಮತ್ತಾಯ 28:10 ပူးပေါင်းရင်းမြစ်များ

ಮತ್ತಾಯ 14:27

ಅಕ್ಕಣೆ ಯೇಸು ಅಯಿಂಗಡ ಕೂಡೆ ತಕ್ಕ್ ಪರಿಂದಿತ್: ನಿಂಗ ದೈರ್ಯ ಎಡ್‌ತೊಳಿ, ಇದ್ ನಾನೇ, ಪೋಡಿ ಬೋಂಡಾಂದ್ ಎಣ್ಣ್‌ಚಿ.

ಮತ್ತಾಯ 25:40

ಅಕ್ಕ ರಾಜ, ನಾಡ ಅಣ್ಣತಮ್ಮಣಂಡಡೆಲ್ ಚೆರಿಯಯಿಂಗಳಾಯಿತುಳ್ಳ ಒಬ್ಬಂಗ್ ಮಾಡ್‍ಚೇಂಗಿಯು, ಅದ್‍ನ ನಿಂಗ ನಾಕ್ ಮಾಡ್‌ನನೆಕೇಂದ್ ನೇರಾಯಿತು ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಮತ್ತಾಯ 25:45

ನಾಡ ಅಣ್ಣತಮ್ಮಣಂಡಡೆಲ್ ಚೆರಿಯಯಿಂಗಳಾಯಿತುಳ್ಳ ಒಬ್ಬಂಗ್ ಎಕ್ಕ ಸಹಾಯ ಮಾಡಿತ್‌ಲ್ಲೆಯೋ ಅಕ್ಕಲೆ ನಿಂಗ ನಾಕ್ ಮಾಡಿತ್‌ಲ್ಲೇಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ವ.

ಮತ್ತಾಯ 26:32

ಆಚೇಂಗಿಯು, ನಾನ್ ಚತ್ತಿತ್, ಚಾವ್‍ಯಿಂಜ ಎದ್ದಿತ್ ಬಂದ ಪಿಂಞ, ನಿಂಗಕ್ ಮಿಂಞ ಗಲಿಲಾಯಕ್ ಪೋಪೀಂದ್ ಎಣ್ಣ್‌ಚಿ.

ಮತ್ತಾಯ 28:16

ಪಿಂಞ ಅಂವೊಂಡ ಪನ್ನಂದ್ ಶಿಷ್ಯಂಗ ಗಲಿಲಾಯತ್‍ಲ್ ಯೇಸು ಅಯಿಂಗಕ್ ಎಣ್ಣಿತ್ಂಜ ಕುಂದ್‌ಕ್ ಪೋಚಿ.

ಮತ್ತಾಯ 28:5

ಅಕ್ಕ ದೇವದೂತ ಪೊಣ್ಣಾಳ್‍ರ ಪಕ್ಕ: ನಿಂಗ ಬೊತ್ತತಿ! ಶಿಲುಬೇಕ್ ಇಟ್ಟ ಯೇಸುನ ನಿಂಗ ತ್‍ೕಡಿಯಂಡುಳ್ಳಿರಾಂದ್ ನಾಕ್ ಗೊತ್ತುಂಡ್.

ಮತ್ತಾಯ 28:7

ಇಕ್ಕ ನಿಂಗ ಬೆರಿಯ ಪೋಯಿತ್ ಅಂವೊಂಡ ಶಿಷ್ಯಂಗಕ್ ಅಂವೊ ಚಾವ್‍ಯಿಂಜ ಎದ್ದತ್‍ೕಂದ್ ಎಣ್ಣಿ. ಇಕ್ಕ, ನಿಂಗಕ್ ಮಿಂಞ ಅಂವೊ ಗಲಿಲಾಯಕ್ ಪೋಯಂಡುಂಡ್. ಅಲ್ಲಿ ಅಂವೊನ ನಿಂಗ ಕಾಂಬಿರಾಂದ್ ಅಯಿಂಗಕ್ ಎಣ್ಣ್‌ಚಿ.

ಮತ್ತಾಯ 28:9

ಒಮ್ಮಕೆ ಯೇಸು ಅಯಿಂಗಕ್ ಕಾಂಬ್‌ಚಿಟ್ಟಂಡ್, ನಿಂಗಕ್ ಸಮಾದಾನ ಇಕ್ಕಡ್‍ೕಂದ್ ಎಣ್ಣ್‌ಚಿ. ಅಕ್ಕ ಅಯಿಂಗ ಅಂವೊಂಡ ಪಕ್ಕ ಬಂದಿತ್ ಅಂವೊಂಡ ಕಾಲ್‌ನ ಪುಡ್‌ಚಿತ್ ಅಂವೊನ ತುದಿಚತ್.

ಮಾರ್ಕ 16:7

ಅಂವೊಂಡ ಶಿಷ್ಯಂಗಕ್, ಪೇತ್ರಂಗ್ ಈ ಸುದ್ದಿನ ಪೋಯಿತ್ ಎಣ್ಣಿ. ನಿಂಗಕ್ ಮಿಂಞ ಅಂವೊ ಗಲಿಲಾಯಕ್ ಪೋಯಂಡುಂಡ್. ಅಂವೊ ನಿಂಗಕ್ ಎಣ್ಣ್‌ನನೆಕೆ ನಿಂಗ ಅಂವೊನ ಅಲ್ಲಿ ಕಾಂಬಿರಾಂದ್ ಅಯಿಂಗಕ್ ಎಣ್ಣುವಿರ.

ಯೋಹಾನ 20:17

ಯೇಸು ಅವಳ ನೋಟಿತ್: ನೀನ್ ನನ್ನ ಮುಟ್ಟತೆ, ಎನ್ನಂಗೆಣ್ಣ್‌ಚೇಂಗಿ, ನಾನ್ ನಾಡ ಅಪ್ಪಂಡ ಪಕ್ಕ ಇಂಞು ಪೋಯಿತ್‌ಲ್ಲೆ; ನೀನ್ ನಾಡ ತಮ್ಮಣಂಗಡ ಪಕ್ಕ ಪೋಯಿತ್, ನಾನ್ ನಾಡ ಅಪ್ಪಂಡ ಪಕ್ಕವು ನಿಂಗಡ ಅಪ್ಪಂಡ ಪಕ್ಕವು, ನಾಡ ದೇವಡ ಪಕ್ಕವು, ನಿಂಗಡ ದೇವಡ ಪಕ್ಕವು ಪೋಯಂಡುಳ್ಳ್‌ಂದ್ ಎಣ್ಣ್‍ೕಂದ್ ಎಣ್ಣ್‌ಚಿ.

ಯೋಹಾನ 6:20

ಯೇಸು ಅಯಿಂಗಕ್: ಪೋಡಿ ಬೋಂಡ. ಇದ್ ನಾನೇಂದ್ ಎಣ್ಣ್‌ಚಿ.

ರೋಮ್ 8:29

ದೇವ ತಾಂಡ ದುಂಬ ಮಕ್ಕಡಲ್ಲಿ ತಾಂಡ ಮೋಂವೊ ಆದ್ಯಂವೊನಾಯಿತಿಪ್ಪಕಾಯಿತ್, ದೇವ ದಾರ್‌ನ ಮಿಂಞಲೇ ಗೊತ್ತ್ ಮಾಡ್‍ಚೋ, ಅಯಿಂಗಳ ತಾಂಡ ಮೋಂವೊಂಡ ರೂಪತ್‍ರನೆಕೆ ಇಪ್ಪಕಾಯಿತ್ ಮಿಂಞಲೇ ತೀರ್ಮಾನ ಮಾಡ್‍ಚಿ.