ಮತ್ತಾಯ 28:1 - ಕೊಡವ ಬೈಬಲ್

¹ ಸಬ್ಬತ್ ದಿವಸ ಆನ ಪಿಂಞ ನಾರಾಚೆ ಪೊಲಿಂಜಿತಾಪ ನೇರತ್ ಮಗ್ದಲ ಮರಿಯಳು ಬೋರೆ ಮರಿಯಳು ಗೋರಿನ ನೋಟ್‍ವಕ್ ಪೋಚಿ.

ಮತ್ತಾಯ 28:1 ပူးပေါင်းရင်းမြစ်များ

ಮತ್ತಾಯ 27:56

ಅಯಿಂಗಡ ಕೂಡೆ, ಮಗ್ದಲ ಮರಿಯ, ಯಾಕೋಬ ಪಿಂಞ ಯೋಸೇಯಂಡ ಅವ್ವ ಮರಿಯ ಪಿಂಞ ಯಾಕೋಬ ಪಿಂಞ ಯೋಹಾನಂಡ ಅವ್ವಳು ಇಂಜತ್.

ಮತ್ತಾಯ 27:61

ಮಗ್ದಲ ಮರಿಯಳು ಪಿಂಞ ಇಂಞೊರ್ ಮರಿಯಳು ಗೋರಿರ ಮಿಂಞತ್ ಅಳ್‍ತಂಡಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:56

ಪಿಂಞ ಅಯಿಂಗ ಯೇಸುರ ತಡೀನ ಪೂಪಕ್ ಮಿಂಞ ಇಡ್‌ವಕಾಯಿತ್ ಪರಿಮಳದ್ರವ್ಯ ಪಿಂಞ ನಲ್ಲ ವಾಸನೆ ಉಳ್ಳ ಸುಗಂದ ತೈಲತ್‌ನ ತಯಾರ್ ಮಾಡಿತ್, ದೇವಡ ಕಾನೂನ್‌ರ ಪ್ರಕಾರ ಸಬ್ಬತ್ ದಿವಸತ್‍ಲ್ ಆರಾಮಾಯಿತಿಪ್ಪಕ್ ಅಯಿಂಗಡ ಮನೆಕ್ ವಾಪಸ್ ಪೋಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:1

ವಾರತ್‍ರ ಆದ್ಯ ದಿವಸ ನಾರಾಚೆ ಪೊಲಾಕ ನೇರತೆ ಸೂರ್ಯ ಉದಿಪಕ್ ಮಿಂಞಲೇ ಆ ಪೊಣ್ಣಾಳ್‍ಂಗ ತಯಾರ್ ಮಾಡ್‍ನ ಸುಗಂದ ವಾಸನೆರ ಮದ್ದ್‌ನ ಎಡ್‍ತಂಡ್ ಗೋರಿಕ್ ಪೋಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:22

ನಂಗಡ ಕೂಟ್‍ಕ್ ಕೂಡ್‍ನ ಚೆನ್ನ ಪೊಣ್ಣಾಳುವ ಇಂದ್ ಪೊಲಾಕ ನೇರತೆ ಅಂವೊಂಡ ಗೋರಿಡ ಪಕ್ಕ ಪೋಯಿತ್ ನೋಟ್‍ವಕ, ಅಲ್ಲಿ ಅಂವೊಂಡ ತಡೀನ ಕಂಡಿತ್‌ಲ್ಲೇಂದ್ ಎಣ್ಣಿತ್ ನಂಗಕ್ ಆಶ್ಚರ್ಯವಾನ ಸುದ್ದಿನ ಕೊಡ್‍ತತ್.