ಮತ್ತಾಯ 27:62 - ಕೊಡವ ಬೈಬಲ್

⁶² ಪಿತ್ಯಾಂದ್ ಸಬ್ಬತ್ ದಿವಸ ಆಯಿತ್ಂಜತ್. ಮುಕ್ಯ ಯಾಜಕಂಗ ಪಿಂಞ ಫರಿಸಾಯಂಗ ಪಿಲಾತನ ಕಾಂಬಂಜಿ,

ಮತ್ತಾಯ 27:62 ပူးပေါင်းရင်းမြစ်များ

ಮತ್ತಾಯ 26:17

ಪುಳಿಯಿಲ್ಲತ ಒಟ್ಟಿ ತಿಂಬ ನಮ್ಮೆರ ಆದ್ಯ ದಿವಸತ್‍ಲ್ ಯೇಸುರ ಶಿಷ್ಯಂಗ ಅಂವೊಂಡ ಪಕ್ಕ ಬಂದಿತ್: ನಿಂಗ ಪಸ್ಕ ತಿಂಬಕ್ ನಂಗ ಎಲ್ಲಿ ಪೋಯಿತ್ ತಯಾರ್ ಮಾಡನಾಂದ್ ಕ್‍ೕಟತ್.

ಮಾರ್ಕ 15:42

ಸಬ್ಬತ್ ದಿವಸಕ್ ಮಿಂಞತ್‍ರ ದಿವಸ ತಯಾರ್ ನಾಳಾಯಿತ್ಂಜಗುಂಡ್, ಅಲ್ಲಿಯತ್‍ರ ಸಬೆರ ಒರ್ ಮರ್ಯಾದೆ ಉಳ್ಳ ಮನುಷ್ಯ ಇಂಜತ್. ಅಂವೊ ದೇವಡ ರಾಜ್ಯ ಬಪ್ಪಕ್ ಪಾರಕಾತಂಡಿಂಜತ್. ಅರಿಮಥಾಯ ಊರ್‍ಂಜ ಬಂದ ಯೋಸೇಫ ಎಣ್ಣುವ ಇಂವೊ ಒರ್ ಪೋಡಿಯು ಇಲ್ಲತೆ ಪಿಲಾತ ರಾಜಂಡ ಪಕ್ಕ ಪೋಯಿತ್ ಚತ್ತ್‌ಪೋನ ಯೇಸುರ ಚಾವ್ ತಡೀನ ಕ್‍ೕಟತ್.

ಯೋಹಾನ 19:14

ಅಕ್ಕ ಮಜ್ಜಣತ್‍ರ ನೇರ ಆಯಿತ್ಂಜತ್. ಆ ದಿವಸ ಪಸ್ಕ ನಮ್ಮೆಕ್ ತಯಾರಾಪ ನಾಳಾಯಿತ್ಂಜತ್. ಇಲ್ಲಿ ನೋಟಿ, ನಿಂಗಡ ರಾಜಾಂದ್ ಪಿಲಾತ ಯೆಹೂದ್ಯಂಗಕ್ ಎಣ್ಣ್‌ಚಿ.

ಯೋಹಾನ 19:31

ಅಂದೆತ ದಿವಸ ನಮ್ಮೆಕ್ ಮಿಂಞತ್‍ರ ದಿವಸವಾಯಿತ್ಂಜತ್. ಪಿತ್ಯಾಂದ್ ಯೆಹೂದ್ಯಂಗಡ ಮುಕ್ಯ ಸಬ್ಬತ್ ದಿನವಾಯಿತ್ಂಜಗುಂಡ್, ಆ ದಿವಸತ್‍ಲ್ ಶಿಲುಬೇಲ್ ಚಾವ್ ತಡಿ ಇಪ್ಪಕ್ಕಾಗಾಂದ್, ಶಿಲುಬೇಲ್ ಉಳ್ಳಯಿಂಗಡ ಕಾಲ್‌ನ ಪೊಳಿಕಡಾಂದ್ ಯೆಹೂದ್ಯಂಗ ಪಿಲಾತನ ಕ್‍ೕಟತ್. ಎನ್ನಂಗೆಣ್ಣ್‌ಚೇಂಗಿ ಅಕ್ಕ ಅಯಿಂಗಕ್ ಬೆರಿಯ ಚಾವ್ ಬಪ್ಪ, ಪಿಂಞ ಶಿಲುಬೆಯಿಂಜ ಚಾವ್ ತಡೀನ ಆ ದಿವಸವೇ ಎಡ್‍ಪಕಾಪ.

ಯೋಹಾನ 19:42

ಸಬ್ಬತ್ ದಿವಸ ಸುರು ಆಪಕಿಂಜಗುಂಡ್, ಪಿಂಞ ಆ ಗೋರಿ ಪಕ್ಕತ್‍ಲ್ ಇಂಜಗುಂಡ್, ಯೇಸುರ ತಡೀನ ಅಲ್ಲಿಕ್ ಬೆಚ್ಚಿತ್ ಪೋಚಿ.