ಮತ್ತಾಯ 27:42 - ಕೊಡವ ಬೈಬಲ್

⁴² ನೀನ್ ಬೋರೆಯಿಂಗಳ ಬಚಾವ್ ಮಾಡಿಯಾ, ಆಚೇಂಗಿ ನಿನ್ನ ನೀಕ್ ಇಕ್ಕ ಬಚಾವ್ ಮಾಡ್‌ವಕ್ ಕಯಿಂಜಿತ್‌ಲ್ಲೆ. ಇಂವೊ ಇಸ್ರಾಯೇಲ್‍ರ ರಾಜಾನಲ್ಲ? ಇಕ್ಕ ಅಂವೊ ಶಿಲುಬೆಯಿಂಜ ಇಳಿಂಜಿತ್ ಬರಡ್, ಅಕ್ಕ ನಂಗ ಅಂವೊನ ನಂಬಲೂಂದ್ ಎಣ್ಣ್‌ಚಿ.

ಮತ್ತಾಯ 27:42 ပူးပေါင်းရင်းမြစ်များ

ಮತ್ತಾಯ 2:2

ಯೆಹೂದ್ಯಂಗಡ ರಾಜನಾಯಿತ್ ಪುಟ್ಟ್‌ನ ಕುಂಞಿ ಎಲ್ಲಿ? ಕ್‍ೕಕ್ ದಿಕ್ಕ್‌ಲ್ ಅಂವೊಂಡ ನಕ್ಷತ್ರತ್‍ನ ಕಂಡಿತ್, ಅಂವೊನ ಆರಾದನೆ ಮಾಡ್‌ವಕ್ ನಂಗ ಬಂದಿಯೇಂದ್ ಎಣ್ಣ್‌ಚಿ.

ಮತ್ತಾಯ 27:37

ಯೇಸುಕ್ ಎನ್ನಂಗ್ ಈ ಶಿಕ್ಷೆ ಕ್‍ಟ್ಟ್‌ಚೀಂದ್ ಕಾಟ್‌ವಕಾಯಿತ್ ಅಂವೊಂಡ ಮಂಡೆರ ಮೇಲೆ ಇಂವೊ ಯೆಹೂದ್ಯಂಗಡ ರಾಜ ಯೇಸು ಎಣ್ಣಿಯಂಡ್ ಒಳ್‍ದಿ ಬೆಚ್ಚತ್.

ಮತ್ತಾಯ 27:40

ಆಹಾ! ದೇವಾಲಯತ್‍ನ ಪೊಳಿಪಂಜಿ ಮೂಂದ್ ದಿವಸತ್‍ಲ್ ಪುನಃ ಕೆಟ್ಟ್‌ವೀಂದ್ ಎಣ್ಣಿಯಲ್ಲಾ; ನೀನ್ ದೇವಡ ಮೋಂವೊನಾಚೇಂಗಿ, ನಿನ್ನ ಬಚಾವ್ ಮಾಡಿತ್ ಶಿಲುಬೆಯಿಂಜ ಇಳ್ಂಜಿತ್ ಬಾ! ಎಣ್ಣಿಯಂಡ್ ಹಿಯಾಳ್‍ಚಿಟ್ಟಿತ್ ಪೋಚಿ.

ಮತ್ತಾಯ 27:41

ಅನ್ನನೆ, ಮುಕ್ಯ ಯಾಜಕಂಗ, ನ್ಯಾಯಪ್ರಮಾಣತ್‍ರ ಉಪಾದ್ಯಂಗ ಪಿಂಞ ಪೆರಿಯಯಿಂಗ ಹಿಯಾಳ್‌ಚಿಟ್ಟಿತ್:

ಮಾರ್ಕ 15:31

ಅನ್ನನೆ, ಮುಕ್ಯ ಯಾಜಕಂಗ ಪಿಂಞ ನ್ಯಾಯಪ್ರಮಾಣತ್‍ರ ಉಪಾದ್ಯಂಗ: ನೀನ್ ಬೋರೆಯಿಂಗಳ ಬಚಾವ್ ಮ‌ಡಿಯ ಆಚೇಂಗಿ ನಿನ್ನ ನೀಕ್ ಇಕ್ಕ ಬಚಾವ್ ಮಾಡ್‌ವಕ್ ಕಯ್ಯುಲೆ ಎಣ್ಣಿಯಂಡ್ ಅಯಿಂಗಯಿಂಗಳೇ ಕೆಣಕಿಯಂಡ್ ತಕ್ಕ್ ಪರ್ಂದತ್.

ಮಾರ್ಕ 15:32

ಇಸ್ರಾಯೇಲ್‍ರ ರಾಜಾಂದ್ ಎಣ್ಣುವ ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತ ಇಕ್ಕ ಶಿಲುಬೆಯಿಂಜ ಇಳಿಂಜಿತ್ ಬಂದತೇಂಗಿ ನಂಗ ಅಂವೊನ ನಂಬಲೂಂದ್ ಎಣ್ಣ್‌ಚಿ. ಯೇಸುರ ಕೂಡೆ ಶಿಲುಬೇಕ್ ಇಟ್ಟ ದಂಡ್ ಕಳ್ಳಂಗಳು ಯೇಸುನ ಅದೇ ಪ್ರಕಾರ ನಿಂದನೆ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:38

ಒಡೆಯನಾನ ದೇವಡ ಪೆದತ್‍ಲ್ ಬಂದಂಡುಳ್ಳ ರಾಜ ಆಶೀರ್ವಾದ ಪಡ್ಂದಂವೊ, ಪರಲೋಕತ್‍ಲ್ ಸಮಾದಾನ ಇಕ್ಕಡ್, ಪರಲೋಕತ್‍ಲ್ ದೇವಕ್ ಮಹಿಮೆ ಕ್‍ಟ್ಟಡ್‍ೕಂದ್ ತುದಿಚತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:35

ಜನಡ ಗುಂಪ್ ಯೇಸುನ ನೋಟಿಯಂಡಿಂಜತ್. ಆಚೇಂಗಿ, ಯೆಹೂದ್ಯಂಗಡ ಅದಿಕಾರಿಯಂಗ: ಇಂವೊ ಬೋರೆಯಿಂಗಳ ರಕ್ಷಣೆ ಮಾಡ್‍ಚಿ, ಇಕ್ಕ ಇಂವೊನೇ ದೇವ ಗೊತ್ತ್ ಮಾಡಿತ್ ಅಯಿಚ ನೇರಾನ ಕ್ರಿಸ್ತನಾಯಿತ್ಂಜತೇಂಗಿ ಅಂವೊನ ಅಂವೊನೇ ಕಾಪಾಡಡ್‍ೕಂದ್ ಅಯಿಂಗಯಿಂಗಳೇ ಕೆಣಕಿಯಂಡ್ ತಕ್ಕ್ ಪರ್ಂದತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:37

ನೀನ್ ಯೆಹೂದ್ಯಂಗಡ ರಾಜನಾಚೇಂಗಿ ನಿನ್ನ ನೀನೇ ಕಾಪಾಡಿಯಾಂದ್ ಎಣ್ಣಿಯಂಡ್ ಪರಿಹಾಸ ಮಾಡ್‍ಚಿ.

ಯೋಹಾನ 1:49

ಅಕ್ಕ ನತಾನಯೇಲ: ಉಪಾದ್ಯ, ನೀನ್ ದೇವಡ ಮೋಂವೊ, ಇಸ್ರಾಯೇಲ್ ಜನತ್‍ರ ರಾಜಾಂದ್ ಎಣ್ಣ್‌ಚಿ.

ಯೋಹಾನ 12:13

ಆನಗುಂಡ್, ಅಯಿಂಗ ಎಲ್ಲಾರು ಖರ್ಜೂರ ಪಣ್ಣ್ ಮರತ್‍ರ ಕೊಂಬ್‍ನ ಎಡ್‍ತಂಡ್ ಯೇಸುನ ಕಾಂಬಕಾಯಿತ್ ಪಟ್ಟಣತ್‍ರ ಪೊರಮೆ ಪೋಚಿ. ಪಿಂಞ ಅಯಿಂಗ: ಹೊಸನ್ನ! ಒಡೆಯನಾನ ದೇವಡ ಪೆದತ್‍ಲ್ ಬಂದಂಡುಳ್ಳ ರಾಜ ಆಶೀರ್ವಾದ ಪಡ್ಂದಂವೊ. ಇಸ್ರಾಯೇಲ್ ಜನತ್‍ರ ರಾಜ ಆಶೀರ್ವಾದ ಪಡ್ಂದವೋಂದ್ ಜನಯೆಲ್ಲಾ ಜೋರಾಯಿತ್ ಕೂತ್ ಕೊಡ್‍ತಂಡಿಂಜತ್.

ಯೋಹಾನ 12:47

ಒಬ್ಬ ನಾಡ ತಕ್ಕ್‌ನ ಕ್‍ೕಟಿತ್ ಅದ್‍ನ ನಂಬತೆ ಪೋನಕ, ಅಂವೊನ ನಾನ್ ನ್ಯಾಯತೀರ್ಪ್ ಮಾಡುಲೆ, ನಾನ್ ಈ ಲೋಕಕ್ ನ್ಯಾಯತೀರ್ಪ್ ಕೊಡ್‍ಪಕಾಯಿತ್ ಬಂದಿತ್‌ಲ್ಲೆ, ಅದ್‍ನ ಕಾಪಾಡ್‌ವಕಾಯಿತೇ ಬಂದಿಯೆ.

ಯೋಹಾನ 9:24

ಆನಗುಂಡ್ ಕುರ್‌ಡನಾಯಿತ್ಂಜ ಆ ಮನುಷ್ಯನ ದಂಡನೆ ಕುರಿ ಕಾಕುವಂಜಿ: ನೀನ್ ದೇವಕ್ ಮಹಿಮೆ ಕೊಡ್; ನಿನ್ನ ವಾಸಿ ಮಾಡ್‍ನ ಆ ಮನುಷ್ಯ ಪಾಪೀಂದ್ ನಂಗಕ್ ಗೊತ್ತುಂಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 4:14

ವಾಸಿಯಾನ ಆ ಮನುಷ್ಯ, ಪೇತ್ರ ಪಿಂಞ ಯೋಹಾನಂಡ ಪಕ್ಕ ನಿಂದಂಡಿಂಜಗುಂಡ್, ಅಯಿಂಗಕ್ ವಿರೋದವಾಯಿತ್ ಒಂದು ಎಣ್ಣ್‌ವಕ್ ಕಯ್ಯತೆ ಆಚಿ.