ಮತ್ತಾಯ 27:3 - ಕೊಡವ ಬೈಬಲ್

³ ಯೇಸುಕ್ ಮರಣ ಶಿಕ್ಷೇರ ತೀರ್ಪ್ ಕೊಡ್‍ತಿತುಂಡ್‍ೕಂದ್, ಅಂವೊನ ಪುಡ್‍ಚಿ ಕೊಡ್‍ತ ಯೂದಂಗ್ ಗೊತ್ತಾನ ಪಿಂಞ, ಅಂವೊ ದುಂಬ ಪಶ್ಚಾತಾಪ ಪಟ್ಟಿತ್, ಆ ನುಪ್ಪದ್ ಬೊಳ್ಳಿರ ನಾಣ್ಯತ್‍ನ ಮುಕ್ಯ ಯಾಜಕಂಗಡ ಪಕ್ಕ ಪಿಂಞ ಜನಡ ಪೆರಿಯಯಿಂಗಡ ಪಕ್ಕ ಕೊಡ್‌ತಿತ್,

ಮತ್ತಾಯ 27:3 ပူးပေါင်းရင်းမြစ်များ

ಯೋಹಾನ 13:2

ಆ ಬಯಿಟ್ ಅಯಿಂಗೆಲ್ಲಾರು ಉಂಡಂಡಿಂಜತ್, ಸೀಮೋನಂಡ ಮೋಂವೊನಾನ ಯೂದ ಇಸ್ಕರಿಯೋತಂಗ್, ಯೇಸುನ ಪುಡ್‌ಚಿತ್ ಕೊಡ್‍ಕಂಡೂಂದ್ ಉಳ್ಳ ಗೇನತ್‍ನ ಸೈತಾನ ಅಂವೊಂಡ ಮನಸ್ಸ್‌ಲ್ ಮಿಂಞಲೇ ಇಟ್ಟಿತ್ಂಜತ್.

ಯೋಹಾನ 13:27

ಯೂದ ಈ ಒಟ್ಟಿನ ಎಡ್‌ತ ಪಿಂಞ, ಅಕ್ಕಣೆ ಸೈತಾನ ಅಂವೊಂಡ ಒಳ್‍ಕ್ ಕೂಡ್‌ಚಿ. ಅಕ್ಕ ಯೇಸು ಅಂವೊನ ನೋಟಿತ್: ನೀನ್ ಎಂತ ಮಾಡಂಡೂಂದ್ ಉಳ್ಳಿಯ ಅದ್‍ನ ಬೆರಿಯ ಮಾಡ್‍ೕಂದ್ ಎಣ್ಣ್‌ಚಿ.

ಯೋಹಾನ 18:3

ಆ ಸಮಯತ್‍ಲ್, ಯೂದ ರೋಮ್ ರಾಜ್ಯತ್‍ರ ಸಿಪಾಯಿಯಂಗಳ, ಮುಕ್ಯ ಯಾಜಕಂಗ ಪಿಂಞ ಫರಿಸಾಯಂಗ ಅಯಿಚಿತ್ಂಜ ದೇವಾಲಯತ್‍ರ ಸಿಪಾಯಿಯಂಗಳ ಕಾಕಿಯಂಡ್ ಅಲ್ಲಿಕ್ ಬಾತ್. ಅಯಿಂಗಡ ಕೈಯಿಲ್ ಬೊಳ್‍ಚ, ತೂಡ್ ಪಿಂಞ ಆಯುದತ್‍ನ ಎಡ್‍ತಂಡ್ ಬಾತ್.

ಅಪೊಸ್ತಲ 1:18

ಅಂವೊ ಇನ್ನನೆ ಮೋಸ ಮಾಡ್‍ನಗುಂಡ್, ಕ್‍ಟ್ಟ್‌ನ ಪಣತ್‌ಲ್ ಒರ್ ಜಾಗ ಎಡ್‍ತಂಡತ್. ಅಲ್ಲಿ ಅಂವೊಂಡ ಮಂಡೆ ಅಡಿಕ್ ಬೂವಂಜಿ, ಅಂವೊಂಡ ಕೆಲ ಒಡಂದಿತ್ ಅದ್ಂಡ ಒಳ್‍ಲ್ ಉಳ್ಳ ಕರ್ ಎಲ್ಲಾ ಪೊರಮೆ ಬಂದಿತ್ ಚತ್ತ್ ಪೋಚಿ.

2 ಕೊರಿಂಥ 7:10

ದೇವಕಾಯಿತ್ ಉಳ್ಳ ದುಃಖ ಪಶ್ಚಾತಾಪ ಪಡುವನೆಕೆ ಮಾಡಿತ್ ರಕ್ಷಣೆನ ತಪ್ಪ. ಅದ್‍ಲ್ ದುಃಖ ಪಡುವನೆಕೆ ಒಂದು ಇಲ್ಲೆ. ಆಚೇಂಗಿ ಲೋಕತ್‍ರ ದುಃಖ ಚಾವ್‍ನ ಉಂಟ್ ಮಾಡ್‌ವ.