ಮತ್ತಾಯ 27:24 - ಕೊಡವ ಬೈಬಲ್

²⁴ ಗಲಾಟೆ ಜಾಸ್ತಿ ಆಪದ್ ಅಲ್ಲತೆ ಅಂವೊಂಡ ಪ್ರಯತ್ನತ್ಂಜ ಒರ್ ಪ್ರಯೋಜನವು ಇಲ್ಲೇಂದ್ ಗೊತ್ತಾನ ಪಿಂಞ ಪಿಲಾತ ಚೆನ್ನ ನೀರ್‌ನ ಎಡ್‍ತಂಡ್ ಜನಡ ಮಿಂಞ ಕೈ ಕತ್ತ್‌ವಂಜಿ, ಜನಡ ಮಿಂಞತ್: ಈ ನೀತಿವಂತಂವೊಂಡ ಚಾವ್‍ಕ್ ನಾನ್ ಜವಾಬ್‍ದಾರನಲ್ಲ! ನಿಂಗಕ್ ಎಂತ ಬೋಂಡ್‌ವೋ ಅದ್‍ನ ನಿಂಗಳೇ ಮಾಡಿಯೊಳೀಂದ್ ಎಣ್ಣ್‌ಚಿ.

ಮತ್ತಾಯ 27:24 ပူးပေါင်းရင်းမြစ်များ

ಮತ್ತಾಯ 26:5

ಆಚೇಂಗಿಯು ಈ ನಮ್ಮೆರ ದಿವಸತ್‍ಲ್ ಮಾಡ್‌ವಕ್ಕಾಗ, ಎನ್ನಂಗೆಣ್ಣ್‌ಚೇಂಗಿ, ನಮ್ಮೆರ ದಿವಸತ್‍ಲ್ ಮಾಡ್‍ಚೇಂಗಿ, ಜನ ನಂಗಡ ಮೇಲೆ ದಂಗೆ ಏವಾಂದ್ ಅಯಿಂಗ ತೀರ್ಮಾನ ಎಡ್‍ತತ್.

ಮತ್ತಾಯ 27:19

ಪಿಲಾತ, ನ್ಯಾಯತೀರ್ಪ್ ಕೊಡ್‍ಪ ಜಾಗತ್‍ಲ್ ಅಳ್‌ತಿತ್ ಇಪ್ಪಕ ಪಿಲಾತಂಡ ಪೊಣ್ಣ್ ಅಂವೊಂಗ್: ನೀನ್ ಆ ನೀತಿವಂತಂವೊನ ಒಂದು ಮಾಡತೆ; ಎನ್ನಂಗೆಣ್ಣ್‌ಚೇಂಗಿ ನಿನ್ನಾಂದ್ ಬಯಿಟ್ ಅಂವೊಂಡ ವಿಷಯತ್ ಸ್ವಪ್ನತ್‌ಲ್ ದುಂಬ ಕಷ್ಟಪಟ್ಟಿಯೇಂದ್ ಸುದ್ದಿ ಅಯಿಚತ್.

ಮತ್ತಾಯ 27:23

ಅಕ್ಕ ಅದಿಪತಿ: ಎನ್ನಂಗ್? ಅಂವೊ ಎಂತ ತಪ್ಪ್ ಮಾಡಿತುಂಡ್‍ೕಂದ್ ಕ್‍ೕಟತ್. ಆಚೇಂಗಿ ಜನ ಇಂಞು ಜೋರಾಯಿತ್ ಅಂವೊನ ಶಿಲುಬೇಕ್ ಇಡೀಂದ್ ಕೂತ್ ಕೊಡ್‍ತತ್.

ಮತ್ತಾಯ 27:4

ನಾನ್ ಒರ್ ತಪ್ಪು ಮಾಡತ ಒಬ್ಬನ ಪುಡ್‍ಚಿ ಕೊಡ್‌ತಗುಂಡ್, ನಾನ್ ಪಾಪ ಮಾಡಿಯೇಂದ್ ಎಣ್ಣ್‌ಚಿ. ಅದ್ಂಗ್ ಅಯಿಂಗ: ಇದ್ ನಂಗಕ್ ಸಂಬಂದ ಪಟ್ಟದ್‌ಲ್ಲೆ. ಅದ್‍ನ ನೀನೇ ನೋಟಿಯಾಂದ್ ಎಣ್ಣ್‌ಚಿ.

ಮತ್ತಾಯ 27:54

ನೂರ್ ಸಿಪಾಯಿಯಂಗಡ ಅದಿಕಾರಿ ಪಿಂಞ ಅಂವೊಂಡ ಕೂಡೆ ನಿಂದಂಡ್ ಯೇಸುನ ನೋಟಿಯಂಡಿಂಜ ಜನ ಬೂಕಂಪ ಪಿಂಞ ಅಲ್ಲಿ ಆಪಾನೆಲ್ಲಾ ಕಂಡಿತ್, ಬೊತ್ತಿತ್: ಈ ಮನುಷ್ಯ ನೇರಾಯಿತ್ ದೇವಡ ಮೋಂವೊನಾಯಿತ್ಂಜತ್ ಎಣ್ಣಿಯಂಡ್ ಎಣ್ಣ್‌ಚಿ.

ಮತ್ತಾಯ 27:9

ಅಯಿಂಗ ಇನ್ನನೆ ಮಾಡ್‌ವಕ ಪ್ರವಾದಿಯಾನ ಯೆರೆಮೀಯ: ಅಯಿಂಗ ನುಪ್ಪದ್ ಬೊಳ್ಳಿರ ನಾಣ್ಯತ್‍ನ ಎಡ್‍ತಂಡತ್, ಇಸ್ರಾಯೇಲ್ ಜನ ಅಂವೊಂಡ ಜೀವಕ್ ಕೊಡ್‍ತ ಬೆಲೆ ಅಚ್ಚಕೇ.

ಯೋಹಾನ 13:9

ಅಕ್ಕ ಅಂವೊ: ಒಡೆಯನೇ, ನೀನ್ ನಾಡ ಕಾಲ್‌ನ ಮಾತ್ರ ಅಲ್ಲ, ನಾಡ ಮಂಡೆನ, ಕೈಯಿನ ಸಹ ಕತ್ತ್‍ೕಂದ್ ಪೇತ್ರ ಎಣ್ಣ್‌ಚಿ.

ಯೋಹಾನ 19:4

ಪಿಲಾತ ಪುನಃ ಪೊರಮೆ ಜನಡ ಪಕ್ಕ ಬಂದಿತ್, ನೋಟಿ, ಇಂವೊಂಡ ಮೇಲೆ ಒರ್ ತಪ್ಪು ನಾನ್ ಕಂಡಂಡಿಲ್ಲೆ. ಇಂವೊನ ಇಕ್ಕ ಪೊರಮೆ ಕಾಕಿಯಂಡ್ ಬಪ್ಪೀಂದ್ ಎಣ್ಣ್‌ಚಿ.

ಅಪೊಸ್ತಲ 3:14

ಪವಿತ್ರವಾನ ಪಿಂಞ ನೀತಿವಂತಂವೊನಾಯಿತ್ಂಜ ಅಂವೊನ ನಿಂಗ ಬೋಂಡಾಂದ್ ಎಣ್ಣಿತ್, ಅಂವೊಂಡ ಬದ್‍ಲ್ ಕೊಲೆಗಾರನ ಬುಡುಗಡೆ ಮಾಡ್‌ವಕ್ ಎಣ್ಣಿರ.

2 ಕೊರಿಂಥ 5:21

ಎನ್ನಂಗೆಣ್ಣ್‌ಚೇಂಗಿ, ನಂಗ ಅಂವೊಂಡಲ್ಲಿ ದೇವಡ ನೀತಿನ ಪಡೆಯುವಕಾಯಿತ್, ಪಾಪ ಗೊತ್ತಿಲ್ಲತ ಅಂವೊನ ನಂಗಡ ಪಾಪತ್‍ರ ಬಲಿಯಾಯಿತ್ ಮಾಡ್‍ಚಿ.

1 ಪೇತ್ರ 3:18

ಎನ್ನಂಗೆಣ್ಣ್‌ಚೇಂಗಿ, ಕ್ರಿಸ್ತ ಸಹ ನಂಗಳ ದೇವಡ ಪಕ್ಕ ಕೊಂಡ್ ಬಪ್ಪಕಾಯಿತ್, ಅನೀತಿ ಉಳ್ಳಯಿಂಗಕ್ ಬದ್‍ಲಾಯಿತ್ ನೀತಿಯುಳ್ಳಂವೊನಾಯಿತ್ ಒರೇ ಕುರಿ ಪಾಪತ್‍ರಗುಂಡ್ ಕಷ್ಟಪಟ್ಟತ್; ಅಂವೊ ತಡೀಲ್ ಚತ್ತತ್, ಆತ್ಮತ್‍ಲ್ ಜೀವವಾಯಿತ್ ಬಾತ್.