ಮತ್ತಾಯ 27:12 - ಕೊಡವ ಬೈಬಲ್

¹² ಮುಕ್ಯ ಯಾಜಕಂಗ ಪಿಂಞ ಪೆರಿಯಯಿಂಗ ಕುತ್ತ ಪರಿಯುವಕ ಯೇಸು ಒರ್ ತಕ್ಕು ಪರಿಂದಿತ್‌ಲ್ಲೆ.

ಮತ್ತಾಯ 27:12 ပူးပေါင်းရင်းမြစ်များ

ಮತ್ತಾಯ 26:63

ಆಚೇಂಗಿ ಯೇಸು ಒರ್ ತಕ್ಕು ಪರಿಯತೆ ಮುಂಡತೆ ಇಂಜತ್. ಪುನಃ ಮಹಾ ಯಾಜಕ ಯೇಸುಕ್: ನೀನ್ ದೇವಡ ಮೋಂವೊನಾನ ಕ್ರಿಸ್ತನಾಂದ್ ನಂಗಕ್ ಎಣ್ಣ್. ಇದ್‍ನ ಜೀವವಾಯಿತುಳ್ಳ ದೇವಡ ಪೆದತ್‍ಲ್ ಆಣೆ ಇಟ್ಟಿತ್ ನಾನ್ ಕ್‍ೕಟಂಡುಳ್ಳ್‌ಂದ್ ಎಣ್ಣ್‌ಚಿ.

ಮತ್ತಾಯ 27:13

ಅಕ್ಕ ಪಿಲಾತ ಯೇಸುನ ನೋಟಿತ್: ಈಂಗೆಲ್ಲಾ ನೀಕ್ ವಿರೋದವಾಯಿತ್ ಕುತ್ತ ಪರಿಯುವಾನೆಲ್ಲ ನೀನ್ ಕ್‍ೕಟಂಡಿಲ್ಲೆಯಾಂದ್ ಕ್‍ೕಟತ್.

ಮತ್ತಾಯ 27:14

ಆಚೇಂಗಿ ಯೇಸು ಒರ್ ತಕ್ಕು ಪರಿಂದಿತ್‌ಲ್ಲೆ. ಅಕ್ಕ ಅದಿಪತಿಕ್ ದುಂಬ ಆಶ್ಚರ್ಯ ಆಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:9

ಹೆರೋದ, ಯೇಸುಕ್ ದುಂಬ ಪ್ರಶ್ನೆ ಇಟ್ಟತ್. ಆಚೇಂಗಿ ಯೇಸು ಒಂದಾಂಗು ಉತ್ತರ ಕೊಡ್‍ತಿತ್‌ಲ್ಲೆ. ಮುಕ್ಯ ಯಾಜಕಂಗ ಪಿಂಞ ನ್ಯಾಯಪ್ರಮಾಣತ್‍ರ ಉಪಾದ್ಯಂಗ ಅಲ್ಲಿ ನಿಂದಂಡ್ ಯೇಸುರ ಮೇಲೆ ಜೋರಾಯಿತ್ ಕುತ್ತ ಪರ್ಂದಂಡಿಂಜತ್.

ಅಪೊಸ್ತಲ 8:32

ಅಂವೊ ಓದಿಯಂಡ್ ಇಂಜ ದೇವಡ ವಾಕ್ಯ ಇನ್ನನೆ ಇಂಜತ್: ಕೊಲ್ಲ್‌ವಕ್ ಕೊಂಡ್ ಪೋಪ ಒರ್ ಕೊರಿರನೆಕೆ ಅಂವೊನ ಕೊಂಡ್ ಪೋಚಿ; ಒರ್ ಕೊರಿ ಕುಟ್ಟಿರನೆಕೆ ತಾಂಡ ರೋಮತ್‍ನ ಮುರಿಪಂವೊಂಡ ಮಿಂಞತ್ ಮೌನತ್‍ಲ್ ಇಪ್ಪ, ಅನ್ನನೆ ಅಂವೊ ತಾಂಡ ಬಾಯಿನ ತೊರಕತಂವೊನಾಯಿತ್ಂಜತ್.

1 ಪೇತ್ರ 2:23

ಅಂವೊನ ಅಯಿಂಗ ಅವಮಾನಮಾಡ್‌ವಕ, ಬದ್‍ಲ್ ಬಜ್ಜಿತ್‌ಲ್ಲೆ, ಹಿಂಸೆ ಮಾಡ್‌ವಕ, ಅಯಿಂಗಕ್ ಪೋಡಿ ಬಪ್ಪನೆಕೆ ಮಾಡಿತ್‌ಲ್ಲೆ. ಅದ್ಂಡ ಬದ್‍ಲ್, ನೀತಿಯಾಯಿತ್ ತೀರ್ಪ್ ಮಾಡ್‌ವಂವೊಂಡ ಪಕ್ಕ ಅಂವೊನ ಒಪ್ಪ್‌ಚಿಟ್ಟತ್.