ಮತ್ತಾಯ 26:61 - ಕೊಡವ ಬೈಬಲ್

⁶¹ ಈ ದೇವಾಲಾಯತ್‌ನ ಪೊಳಿಪಕು, ಮೂಂದ್ ದಿವಸತ್‍ಲ್ ಇದ್‍ನ ಕೆಟ್ಟ್‌ವಕೂ ನಾಕ್ ಕಯ್ಯೂಂದ್ ಇಂವೊ ಎಣ್ಣ್‌ಚೀಂದ್ ಅಯಿಂಗ ಎಣ್ಣ್‌ಚಿ.

ಮತ್ತಾಯ 26:61 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 19:9

ಅದ್‌ಂಗ್‌ ಅಯಿಂಗ: ನಂಗಕ್‌ ಬಟ್ಟೆ ಬುಡ್. ಇಂವೊ ನಂಗಡಲ್ಲಿಕ್‌ ಪರದೇಶಿಯಾಯಿತ್‌ ಬಾತ್. ಇಕ್ಕ ಇಂವೊ ನಂಗಕ್‌ ನ್ಯಾಯ ತಕ್ಕ್‌ ಪರಿಯುವಕ್‌ ಬಂದಂಡುಂಡ್. ಇಕ್ಕ ಅಯಿಂಗಕ್‌ ಮಾಡುವ ಕ್‍ೕಡ್‌ಕಿಂಜ ನೀಕ್‌ ದುಂಬ ಕ್‍ೕಡ್‌ ಮಾಡ್‌ವಾಂದ್‌ ಎಣ್ಣಿತ್, ಲೋಟನ ತಳ್ಳಿಯಂಡ್‌ ಮನೆರ ಪಡಿನ ಒಡೆಪಕ್‌ ಬಾತ್.

ಮತ್ತಾಯ 12:24

ಫರಿಸಾಯಂಗ ಇದ್‍ನ ಕ್‍ೕಪಕ: ಇಂವೊ, ಕೂಳಿಯಡ ಮುಕ್ಯಸ್ತ ಬೆಲ್ಜೆಬೂಲನಗುಂಡ್ ಅಲ್ಲತೆ ಬೋರೆ ಏದ್ ಶಕ್ತಿಯಿಂಜಲು ಕೂಳಿನ ಬುಡ್‍ತಿಯಂಡಿಲ್ಲೇಂದ್ ಎಣ್ಣ್‌ಚಿ.

ಮತ್ತಾಯ 26:62

ಮಹಾ ಯಾಜಕ ಏವಂಜಿ, ಅಂವೊನ ನೋಟಿತ್: ಈಂಗ ನೀಕ್ ವಿರೋದವಾಯಿತ್ ಸಾಕ್ಷಿ ಎಣ್ಣ್‌ವಲ್ಲಾ? ಇದ್ಂಗ್ ನೀನ್ ಜವಾಬ್ ಕೊಡ್‍ಪ್‌ಲೆಯಾಂದ್ ಕ್‍ೕಟತ್.

ಮತ್ತಾಯ 26:71

ಪಿಂಞ ಅಂವೊ ಪೊರಮೆ ಬಾಯಿಕಂಡಿಕ್ ಪೋಚಿ. ಬಯ್ಯ ಇಂಞೊರ್ ಪಣಿಕರ್ತಿ ಬಂದಿತ್, ಈ ಮನುಷ್ಯ, ನಜರೇತ್‍ಕಾರನಾನ ಯೇಸುರ ಕೂಡೆ ಇಂಜತ್‍ೕಂದ್ ಎಣ್ಣ್‌ಚಿ.

ಮತ್ತಾಯ 27:40

ಆಹಾ! ದೇವಾಲಯತ್‍ನ ಪೊಳಿಪಂಜಿ ಮೂಂದ್ ದಿವಸತ್‍ಲ್ ಪುನಃ ಕೆಟ್ಟ್‌ವೀಂದ್ ಎಣ್ಣಿಯಲ್ಲಾ; ನೀನ್ ದೇವಡ ಮೋಂವೊನಾಚೇಂಗಿ, ನಿನ್ನ ಬಚಾವ್ ಮಾಡಿತ್ ಶಿಲುಬೆಯಿಂಜ ಇಳ್ಂಜಿತ್ ಬಾ! ಎಣ್ಣಿಯಂಡ್ ಹಿಯಾಳ್‍ಚಿಟ್ಟಿತ್ ಪೋಚಿ.

ಮತ್ತಾಯ 27:5

ಅಕ್ಕ ಯೂದ ನುಪ್ಪದ್ ಬೊಳ್ಳಿರ ನಾಣ್ಯತ್‍ನ ಆ ದೇವಾಲಯತ್‍ಲ್ ಚಾಡಿರುವಂಜಿ ತೂಂಗಿಯಂಡ್ ಚತ್ತತ್.

ಮಾರ್ಕ 15:29

ಅಲ್ಲಿ ಪೋಯಂಡಿಂಜ ಜನ ಮಂಡೆನ ಕುಲ್‍ಕಿತ್ ಯೇಸುನ ಅವಮಾನ ಮಾಡಿತ್, ಆಹಾ! ದೇವಾಲಯತ್‍ನ ಪೊಳಿಪಂಜಿ ಮೂಂದ್ ದಿವಸತ್‍ಲ್ ಪುನಃ ಕೆಟ್ಟ್‌ವೀಂದ್ ಎಣ್ಣಿಯಲ್ಲಾ?

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:2

ಅಲ್ಲಿ ಯೇಸುರ ಮೇಲೆ ಕುತ್ತಪರಿವಕ್ ಸುರು ಮಾಡ್‍ಚಿ. ಇಂವೊ, ಕೈಸರಂಗ್ ಕಂದಾಯ ಕೊಡ್‌ಕತಿ, ನಾನೇ ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತ ಎಣ್ಣುವ ಯೆಹೂದ್ಯಂಗಡ ರಾಜಾಂದ್ ಎಣ್ಣಿತ್, ಜನಡ ಮನಸ್ಸ್‌ನ ಕಲಹ ಮಾಡಂಡೂಂದ್ ಪಾಳ್ ಮಾಡಿಯಂಡ್ ಇಂಜದ್‍ನ ನಂಗ ಕಂಡತ್‍ೕಂದ್ ಎಣ್ಣ್‌ಚಿ.

ಯೋಹಾನ 9:29

ಮೋಶೇರ ಕೂಡೆ ದೇವ ತಕ್ಕ್ ಪರ್ಂದತ್‍ೕಂದ್ ನಂಗಕ್ ಗೊತ್ತುಂಡ್. ಆಚೇಂಗಿ ಇಂವೊ ಎಲ್ಲಿಂಜ ಬಂದಂವೋಂದ್ ನಂಗಕ್ ಗೊತ್ತಿಲ್ಲೇಂದ್ ಎಣ್ಣ್‌ಚಿ.

ಅಪೊಸ್ತಲ 17:18

ಅಕ್ಕ, ಎಪಿಕೂರಿಯ ಪಿಂಞ ಸ್ತೋಯಿಕ ಎಣ್ಣುವ ತತ್ವ ಜ್ಞಾನಿಯಂಗಡ ಗುಂಪಿಂಜ ಚೆನ್ನ ಜನ, ಅಂವೊಂಡ ಕೂಡೆ ಚರ್ಚೆ ಮಾಡ್‍ಚಿ. ಅಯಿಂಗಡಲ್ಲಿ ಚೆನ್ನ ಜನ, ನಿಪ್ಪ್‌ಚಿಡತೆ ತಕ್ಕ್ ಪರಿವ ಮಾತ್‍ಮಲ್ಲ, ಇಂವೊ ಎಂತ ಎಣ್ಣ್‌ವಾಂದ್ ಕ್‍ೕಟತ್. ಪೌಲ ಯೇಸುರ ನಲ್ಲ ಸುದ್ದಿನ ಪಿಂಞ ಅಂವೊ ಚಾವ್‍ಯಿಂಜ ಜೀವವಾಯಿತ್ ಬಂದ ವಿಷಯತ್‍ನ ಪ್ರಚಾರ ಮಾಡ್‍ನಗುಂಡ್, ಚೆನ್ನ ಜನ: ಇಂವೊ ಬೋರೆ ದೇವನ ಎಣ್ಣಿಯಂಡುಂಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 18:13

ಈ ಮನುಷ್ಯ ನ್ಯಾಯಪ್ರಮಾಣಕ್ ವಿರೋದವಾಯಿತ್ ಮಾಡ್‌ವನೆಕೆ ಬೋರೆ ರೀತಿಲ್ ದೇವನ ಆರಾದನೆ ಮಾಡ್‌ವಕ್ ಒತ್ತಾಯ ಮಾಡಿಯಂಡುಂಡ್‍ೕಂದ್ ಕುತ್ತ ಪರ್ಂದತ್.

ಅಪೊಸ್ತಲ 22:22

ಈ ತಕ್ಕ್‌ಕತ್ತನೆ ಜನ ಕ್‍ೕಟಂಡಿಂಜತ್. ಬಯ್ಯ: ಇಂಥಂವೊನ ಬೂಮಿಯಿಂಜ ಎಡ್‍ತ್‍ರಿ; ಇಂವೊಂಗ್ ಬದ್‍ಕ್‍ವಕ್ ಯೋಗ್ಯತೆ ಇಲ್ಲೇಂದ್ ಕೂತ್ ಕೊಡ್‍ತತ್.