ಮತ್ತಾಯ 26:52 - ಕೊಡವ ಬೈಬಲ್

⁵² ಅಕ್ಕ ಯೇಸು ಅಂವೊಂಗ್: ನೀಡ ಕತ್ತಿನ ಅದ್ಂಡ ಕೊತ್ತೆಲ್ ಇಡ್. ಎನ್ನಂಗೆಣ್ಣ್‌ಚೇಂಗಿ ಕತ್ತಿನ ಎಡ್‍ಪಯಿಂಗ ಕತ್ತಿಯಿಂಜಲೇ ಚಾವಾಂದ್ ಎಣ್ಣ್‌ಚಿ.

ಮತ್ತಾಯ 26:52 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 9:6

ದೇವ ಮನುಷ್ಯನ ತಾಂಡ ರೂಪತ್‌ಲ್‌ ಸೃಷ್ಟಿ ಮಾಡ್‍ನಗುಂಡ್, ಒರ್‌ ಮನುಷ್ಯ ಇಂಞೊರ್‌ ಮನುಷ್ಯನ ಕೊಂದತೇಂಗಿ, ಅಂವೊಂಡ ಜೀವ ಸಹ ಒರ್‌ ಮನುಷ್ಯಂಡ ಕೈಯಿಂಜಲೆ ಪೋಪ.

ಮತ್ತಾಯ 5:39

ನಾನ್ ಇಕ್ಕ ಎಣ್ಣ್‌ವಿ. ನಿಂಗಕ್ ಮೋಸ ಮಾಡ್‍ನಯಿಂಗಡ ಮೇಲೆ ಪಗೆ ಬೆಕ್ಕತಿ. ಒಬ್ಬ ನೀಡ ಬಲ್‌ತೆ ದವಡೆಕ್ ಪೊಜ್ಜತೇಂಗಿ, ಅಂವೊ ನಿಂಗಡ ಎಡ್‍ತೆ ದವಡೆಕ್ ಸಹ ಪೊಯ್ಯುವಕ್ ಕಾಟಿಕೊಡಿ.

ರೋಮ್ 12:19

ನಾಡ ಪ್ರೀತಿರ ಜನಳೇ, ಪಗೆ ತ್‍ೕಪದ್ ನಾಡ ಕೆಲಸ, ನಾನೇ ಪಗೆ ತ್‍ೕಪೀಂದ್ ಒಡೆಯ ಎಣ್ಣಿತುಂಡ್‍ೕಂದ್ ಒಳ್‍ದಿತುಳ್ಳಾಂಗ್, ನಿಂಗ ದಾರ್‌ಕು ಪಗೇನ ತ್‍ೕಕತೆ, ದೇವಡ ಬಲ್ಯ ಚೆಡಿಕ್ ಬುಟ್ಟ್ ಕೊಡಿ.

1 ಥೆಸಲೊನೀಕ 5:15

ಕೆಟ್ಟದ್ ಮಾಡ್‍ನಯಿಂಗಕ್ ದಾರೂ ಕೆಟ್ಟದ್ ಮಾಡ್‌ವಕ್ ಬುಡತಿ; ನಿಂಗಡ ಮದ್ಯತ್‍ಲ್ ಉಳ್ಳ ಒಬ್ಬೊಬ್ಬಂಗಕು, ಬೋರೆಯಿಂಗಕು ನಲ್ಲದ್ ಮಾಡ್‌ವಕ್ ಪ್ರಯತ್ನ ಪಡಿ.

1 ಪೇತ್ರ 3:9

ಕ್‍ೕಡ್ ಮಾಡ್‌ವಯಿಂಗಕ್ ಕ್‍ೕಡ್ ಮಾಡತಿ, ಅವಮಾನ ಮಾಡ್‌ವಯಿಂಗಳ ಅವಮಾನ ಮಾಡತಿ, ಆಚೇಂಗಿ, ನಿಂಗ ಆಶೀರ್ವಾದ ಪಡೆಯುವಕ್ ದೇವ ನಿಂಗಳ ಕಾಕಿತುಂಡ್‍ೕಂದ್ ಗೇನ ಮಾಡಿತ್ ಅಯಿಂಗಳ ಆಶೀರ್ವಾದ ಮಾಡಿ.

ಪ್ರಕಟನೆ 13:10

ದಾರ್ ಜನಳ ಪುಡ್‌ಚಿತ್ ಅಡಿಯಾಳಾಯಿತ್ ಕೊಂಡ್ ಪೋಪ, ಅಯಿಂಗಳ ಸಹ ಅಡಿಯಾಳಾಯಿತ್ ಪುಡ್‍ಚಂಡ್ ಪೋಪ; ಬಾಳ್‌ಯಿಂಜ ಕೊಲ್ಲ್‌ವಂವೊ ಬಾಳ್‍ರಗುಂಡ್ ಚಾವಂಡು. ಇದ್‍ಲ್ ದೇವಡ ಮಕ್ಕಡ ಪೊರುಮೆ ಪಿಂಞ ನಂಬಿಕೆ ಗೊತ್ತಾಪ.

ಪ್ರಕಟನೆ 16:6

ಅಯಿಂಗ ದೇವಡ ಮಕ್ಕಡ ಚೋರೆನ, ಪ್ರವಾದಿಯಡ ಚೋರೆನ ಚೆಲ್ಲ್‌ನಗುಂಡ್, ನೀನ್ ಅಯಿಂಗಕ್ ಕುಡಿಪಕಾಯಿತ್ ಚೋರೆನ ಕೊಡ್‍ತಿಯ; ಅದ್ಂಗ್ ಅಯಿಂಗ ಯೋಗ್ಯವಾಯಿತುಂಡ್‍ೕಂದ್ ಎಣ್ಣ್‌ನದ್ ನಾಕ್ ಕ್‍ೕಟತ್.