ಮತ್ತಾಯ 26:5 - ಕೊಡವ ಬೈಬಲ್

⁵ ಆಚೇಂಗಿಯು ಈ ನಮ್ಮೆರ ದಿವಸತ್‍ಲ್ ಮಾಡ್‌ವಕ್ಕಾಗ, ಎನ್ನಂಗೆಣ್ಣ್‌ಚೇಂಗಿ, ನಮ್ಮೆರ ದಿವಸತ್‍ಲ್ ಮಾಡ್‍ಚೇಂಗಿ, ಜನ ನಂಗಡ ಮೇಲೆ ದಂಗೆ ಏವಾಂದ್ ಅಯಿಂಗ ತೀರ್ಮಾನ ಎಡ್‍ತತ್.

ಮತ್ತಾಯ 26:5 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 19:21

ಮನುಷ್ಯಂಡ ಮನಸ್ಸ್‌ಲ್‌ ಅನೇಕ ಯೋಜನೆ, ಆಚೇಂಗಿಯು ಯೆಹೋವಂಡ ಚಿತ್ತವೇ ನೆರವೇರುವ.

ಜ್ಞಾನತ್‌ರ ಪಡಿಮ 21:30

ಮನುಷ್ಯಂಡ ಜ್ಞಾನವು, ಬುದ್ದಿಯು, ಆಲೋಚನೆಯು ಯೆಹೋವಂಡ ಮಿಂಞ ನಿಪ್ಪುಲೆ.

ಮತ್ತಾಯ 14:5

ಹೆರೋದಂಗ್ ಅಂವೊನ ಕೊಲ್ಲುವಕ್ ಮನಸ್ಸ್ ಇಂಜತೇಂಗಿಯು, ಜನ ಯೋಹಾನನ ಪ್ರವಾದೀಂದ್ ಗೇನ ಮಾಡ್‍ನಗುಂಡ್, ಅಂವೊಂಗ್ ಜನಡಗುಂಡ್ ಪೋಡಿ ಇಂಜತ್.

ಮತ್ತಾಯ 21:26

ಅಂವೊಂಗ್ ಎಂತ ಉತ್ತರ ಕೊಡುಕಂಡೂಂದ್ ಅಯಿಂಗಯಿಂಗಳೇ ತಕ್ಕ್ ಪರ್ಂದತ್. ಇದೆಲ್ಲಾ ದೇವಡಯಿಂಜ ಬಂದಡ್‍ೕಂದ್‌ ಎಣ್ಣ್‌ಚೇಂಗಿ ನಿಂಗ ಎನ್ನಂಗ್ ಯೋಹಾನನ ನಂಬಿತ್‌ಲ್ಲೇಂದ್ ಕ್‍ೕಪ.

ಮತ್ತಾಯ 27:24

ಗಲಾಟೆ ಜಾಸ್ತಿ ಆಪದ್ ಅಲ್ಲತೆ ಅಂವೊಂಡ ಪ್ರಯತ್ನತ್ಂಜ ಒರ್ ಪ್ರಯೋಜನವು ಇಲ್ಲೇಂದ್ ಗೊತ್ತಾನ ಪಿಂಞ ಪಿಲಾತ ಚೆನ್ನ ನೀರ್‌ನ ಎಡ್‍ತಂಡ್ ಜನಡ ಮಿಂಞ ಕೈ ಕತ್ತ್‌ವಂಜಿ, ಜನಡ ಮಿಂಞತ್: ಈ ನೀತಿವಂತಂವೊಂಡ ಚಾವ್‍ಕ್ ನಾನ್ ಜವಾಬ್‍ದಾರನಲ್ಲ! ನಿಂಗಕ್ ಎಂತ ಬೋಂಡ್‌ವೋ ಅದ್‍ನ ನಿಂಗಳೇ ಮಾಡಿಯೊಳೀಂದ್ ಎಣ್ಣ್‌ಚಿ.

ಮಾರ್ಕ 14:12

ಪಸ್ಕ ನಮ್ಮೆಕಾಯಿತ್ ಕೊರಿಕುಟ್ಟಿ ಬಲಿ ಮಾಡಿ ಪುಳಿಯಿಲ್ಲತೆ ಒಟ್ಟಿ ತಿಂಬ ನಮ್ಮೆರ ಆದ್ಯ ದಿವಸ, ಯೇಸುರ ಶಿಷ್ಯಂಗ ಅಂವೊಂಡ ಪಕ್ಕ ಬಂದಿತ್; ನಿಂಗ ಪಸ್ಕ ತಿಂಬಕ್ ನಂಗ ಎಲ್ಲಿ ಪೋಯಿತ್ ತಯಾರ್ ಮಾಡ್‌ವಕ್ ನೀಕ್ ಕುಶಿಯುಂಡ್‍ೕಂದ್ ಕ್‍ೕಟತ್.

ಮಾರ್ಕ 14:2

ನಂಗ ಈ ನಮ್ಮೆರ ದಿವಸತ್‍ಲ್ ಮಾಡ್‌ವಕ್ಕಾಗ, ಅನ್ನನೆ ಮಾಡ್‍ಚೇಂಗಿ ಜನ ಅಯಿಂಗಯಿಂಗಳೇ ಜಗಳ ಮಾಡ್‌ವಾಂದ್ ಎಣ್ಣಿಯಂಡಿಂಜತ್.

ಮಾರ್ಕ 14:27

ಅಕ್ಕ ಯೇಸು ಅಯಿಂಗಳ ನೋಟಿತ್: ಕೊರಿ ಕಾಪಂವೊನ ಕೊಲ್ಲುವಿ, ಕೊರಿಯೆಲ್ಲ ಚದ್‌ರಿ ಪೋಪಾಂದ್ ಪುಸ್ತಕತ್‍ಲ್ ಒಳ್‌ದ್‌ನನೆಕೆ ನಿಂಗೆಲ್ಲಾರು ಇಂದ್ ಬಯಿಟ್ ನನ್ನ ಬುಟ್ಟಿತ್ ಓಡಿ ಪೋಪಿರ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 20:6

ಆಚೇಂಗಿ ಇದ್ ಮನುಷ್ಯಂಡಲ್ಲಿಂಜ ಬಾತ್‍ೕಂದ್ ಎಣ್ಣ್‌ಚೇಂಗಿ, ಜನ ಯೋಹಾನನ ಪ್ರವಾದೀಂದ್ ನಂಬಿತ್ಂಜಗುಂಡ್ ನಂಗಳ ಕೊಲ್ಲ್‌ವಕ್ ಕಲ್ಲ್ ಕನಿಪಾಂದ್ ಅಯಿಂಗಯಿಂಗಳೇ ತಕ್ಕ್ ಪರ್ಂದತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:7

ಕೊರಿಕುಟ್ಟಿನ ಬಲಿ ಕೊಡ್‌ತಿತ್, ಪುಳಿ ಇಲ್ಲತ ಒಟ್ಟಿ ತಿಂಬ ಪಸ್ಕ ನಮ್ಮೆರ ದಿವಸ ಬಾತ್.

ಯೋಹಾನ 18:28

ಪಿಂಞ ಅಯಿಂಗ, ಕಾಯಫಂಡಿಂಜ ದೇಶಾದಿಪತಿರ ಅರಮನೆಕ್ ಕಾಕಿಯಂಡ್ ಪೋಚಿ. ಅಕ್ಕ ಪೊಲಾಕ ನೇರತೆ ಆಯಿತ್ಂಜತ್. ಯೆಹೂದ್ಯ ಜನ ಅಯಿಂಗಡ ಪದ್ದತಿರ ಪ್ರಕಾರ ಅಶುದ್ದ ಆಕತೆ, ಪಸ್ಕ ನಮ್ಮೆರ ಪುಳಿಯಿಲ್ಲತ ಒಟ್ಟಿನ ತಿಂಬನೆಕೆ, ಅಯಿಂಗ ಅರಮನೆರ ಒಳ್‍ಕ್ ಪೋಕತೆ ಪಾರಕಾತಂಡಿಂಜತ್.

ಅಪೊಸ್ತಲ 19:29

ಅಚ್ಚಕ್ ಬೆರಿಯ ಇಡೀ ಪಟ್ಟಣತ್‍ಲ್ ಗಲಿಬಿಲಿ ಆಚಿ. ಪ್ರಯಾಣತ್‍ಲ್ ಪೌಲಂಡ ಕೂಡೆ ಪ್ರಯಾಣ ಮಾಡಿಯಂಜಯಿಂಗ ಮಕೆದೋನ್ಯತ್‍ರ ಗಾಯನ ಪಿಂಞ ಅರಿಸ್ತಾರ್ಕ ಎಣ್ಣುವಯಿಂಗಳ ಬಲ್‍ಚಂಡ್ ಒರೇ ಮನಸ್ಸ್‌ಲ್ ಜನ ಕೂಡಿತ್ ನಾಟಕ ಶಾಲೆರ ಒಳ್‍ಕ್ ನುಗ್ಗಿತ್ ಪೋಚಿ.

ಅಪೊಸ್ತಲ 21:38

ಚೆನ್ನ ದಿವಸತ್‍ರ ಮಿಂಞ ಸರ್ಕಾರಕ್ ವಿರೋದವಾಯಿತ್ ಗಲಾಟೆ ಮಾಡಿತ್ ಮುಕ್ಯಪಟ್ಟಯಿಂಗಳ ಕೊಲ್ಲ್‌ವಂತ ನಾಲಾಯಿರ ಉಗ್ರವಾದಿಯಳ ಮಣಬೂಮಿಕ್ ಕಾಕಿಯಂಡ್ ಪೋನ ಐಗುಪ್ತ ದೇಶತ್‍ರ ಮನುಷ್ಯ ನೀನ್ ತಾನೇಂದ್ ಕ್‍ೕಟತ್.

ಅಪೊಸ್ತಲ 4:28

ನೀಡ ಅದಿಕಾರತ್ಂಜ, ನೀಡ ಚಿತ್ತತ್‍ರನೆಕೆ ನೀನ್ ತೀರ್ಮಾನ ಮಾಡ್‍ನನೆಕೆ ಅಯಿಂಗ ಇದ್‍ನೆಲ್ಲ ಮಾಡ್‍ಚಿ.