ಮತ್ತಾಯ 26:40 - ಕೊಡವ ಬೈಬಲ್

⁴⁰ ಅಲ್ಲಿಂಜ ಅಂವೊ ಶಿಷ್ಯಂಗಡ ಪಕ್ಕ ಬಾತ್. ಅಯಿಂಗ ವರಿಯಂಡಿಂಜಾನ ಕಂಡಿತ್ ಪೇತ್ರಂಗ್: ನಾಕಾಯಿತ್ ಒರ್ ಗಂಟೆ ವರಿಯತೆ ಇಪ್ಪಕ್ ಕಯ್ಯುಲೆಯಾಂದ್ ಎಣ್ಣ್‌ಚಿ.

ಮತ್ತಾಯ 26:40 ပူးပေါင်းရင်းမြစ်များ

ಮತ್ತಾಯ 25:5

ಮಂಗಲಕಾರ ಬಪ್ಪಕ್ ಚೆನ್ನ ನೇರ ಆಚಿ. ಅಕ್ಕ ಅಯಿಂಗಕ್ ವರ್‌ಕ್ ಬಂದಿತ್ ವರೀರ್‌ತ್.

ಮತ್ತಾಯ 26:35

ಅದ್ಂಗ್ ಪೇತ್ರ: ನಾನ್ ನೀಡ ಕೂಡೆ ಚತ್ತ್ ಪೋಂಡೂಂದ್ ಇಂಜತೇಂಗಿಯು, ನಾನ್ ಅನ್ನನೆ ಎಣ್ಣುಲೇಂದ್ ಎಣ್ಣ್‌ಚಿ. ಅನ್ನನೆ ಎಲ್ಲಾ ಶಿಷ್ಯಂಗಳು ಅಂವೊ ಎಣ್ಣ್‌ನನೆಕೆ ಎಣ್ಣ್‌ಚಿ.

ಮತ್ತಾಯ 26:38

ಯೇಸು ಅಯಿಂಗಕ್: ನಾನ್ ಚಾವ್‍ರ ನೊಂಬಲತ್‍ರಚ್ಚಕ್ ನಾಡ ಆತ್ಮ ದುಃಖಪಟ್ಟಂಡುಂಡ್. ನಿಂಗ ಇಲ್ಲೇ ಇಂಜಿತ್ ವರಿಯತೆ ಎಚ್ಚರವಾಯಿತಿರೀಂದ್ ಎಣ್ಣಿತ್,

ಮತ್ತಾಯ 26:41

ನಿಂಗ ಪರಿಕ್ಷೇಕ್ ಒಳಪಡತನೆಕೆ ಎಚ್ಚರ ಎಡ್‍ತಂಡ್ ಪ್ರಾರ್ಥನೆ ಮಾಡಿ; ಆತ್ಮಕ್ ಕುಶಿ ಉಂಡ್ ಆಚೇಂಗಿ ತಡಿ ತಳ್ಂದಿತ್ ಉಂಡ್‍ೕಂದ್ ಯೇಸು ಎಣ್ಣ್‌ಚಿ.

ಮತ್ತಾಯ 26:43

ಅಂವೊ ಬಯ್ಯ ಬಂತ್ ನೋಟುವಕ, ಅಯಿಂಗ ಪುನಃ ವರಿಯಂಡಿಂಜಾನ ಕಂಡತ್. ಅಯಿಂಗಕ್ ಕಣ್ಣ್ ತೊರ್‌ಪಕ್ ಕಯ್ಯತಚ್ಚಕ್ ವರ್‌ಕ್ ಇಂಜತ್.

ಮಾರ್ಕ 14:37

ಯೇಸು ಇನ್ನನೆ ಪ್ರಾರ್ಥನೆ ಮಾಡ್‌ವಂಜಿ ಅಲ್ಲಿಂಜ ಅಂವೊ ಶಿಷ್ಯಂಗಡ ಪಕ್ಕ ಬಾತ್. ಅಯಿಂಗ ವರಿಯಂಡಿಂಜಾನ ಕಂಡತ್; ಪೇತ್ರನ ನೋಟಿತ್, ಸೀಮೋನನೇ, ನಾಕಾಯಿತ್ ಒರ್ ಗಂಟೆ ವರಿಯತೆ ಇಪ್ಪಕ್ ಕಯ್ಯುಲೆಯಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:45

ಅಂವೊ ಪ್ರಾರ್ಥನೆ ಮಾಡಿತ್ ಆನ ಪಿಂಞ ಎದ್ದಿತ್, ತಾಂಡ ಶಿಷ್ಯಂಗಡ ಪಕ್ಕ ಬಪ್ಪಕ, ಅಯಿಂಗೆಲ್ಲ ವೇದನೆಲ್ ಚೋತ್ ಪೋಯಿತ್ ವರಿಯಂಡಿಪ್ಪದ್‍ನ ಕಂಡಿತ್:

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:32

ಪೇತ್ರ ಪಿಂಞ ಅಂವೊಂಡ ಕೂಡೆ ಬಂದಯಿಂಗ ವರೀರ್‌ತ್ಂಜತ್, ಆಚೇಂಗಿಯು ಅಯಿಂಗ ಎದ್ದಿತ್ ಅಂವೊಂಡ ಮಹಿಮೆನ ಪಿಂಞ ಅಂವೊಂಡ ಕೂಡೆ ಇಂಜ ದಂಡ್ ಮನುಷ್ಯಂಗ ನಿಂದಂಡುಳ್ಳದ್‍ನ ಕಂಡತ್.