ಮತ್ತಾಯ 26:37 - ಕೊಡವ ಬೈಬಲ್

³⁷ ಯೇಸು, ಅಂವೊಂಡ ಕೂಡೆ ಪೇತ್ರನ ಪಿಂಞ ಜೆಬೆದಾಯಂಡ ದಂಡ್ ಕ್‌ಣ್ಣ ಮಕ್ಕಳ ಕಾಕಿಯಂಡ್ ಪೋಚಿ. ಅಂವೊಂಗ್ ದುಂಬ ದುಃಖ ಆಯಿತ್, ಮನಸ್ಸ್‌ಕ್ ದುಂಬ ಬೇಜಾರಾಚಿ.

ಮತ್ತಾಯ 26:37 ပူးပေါင်းရင်းမြစ်များ

ಮತ್ತಾಯ 17:1

ಆರ್ ದಿವಸ ಆನ ಪಿಂಞ, ಯೇಸು ತಾಂಡ ಶಿಷ್ಯಂಗಳಾನ ಪೇತ್ರ, ಯಾಕೋಬ ಪಿಂಞ ಅಂವೊಂಡ ತಮ್ಮಣನಾನ ಯೋಹಾನನ ಕಾಕಿಯಂಡ್ ಅಯಿಂಗ ಮಾತ್ರ ಇಪ್ಪಕಾಯಿತ್ ಒರ್ ಉದ್ದವಾನ ಕುಂದ್‌ರ ಕೊಡಿಕ್ ಪೋಚಿ.

ಮತ್ತಾಯ 20:20

ಅಕ್ಕ ಜೆಬೆದಾಯಂಡ ಪೊಣ್ಣ್ ಅವಡ ದಂಡ್ ಮಕ್ಕಳ ಯೇಸುರ ಪಕ್ಕ ಕಾಕಿಯಂಡ್ ಬಂದಿತ್, ಅಂವೊಂಡ ಪಕ್ಕ ಒರ್ ಸಹಾಯ ಕ್‍ೕಪಕಾಯಿತ್ ಮೊಣಕಾಲ್ ಇಟ್ಟತ್.

ಮತ್ತಾಯ 4:18

ಯೇಸು ಗಲಿಲಾಯತ್‍ರ ಕೆರೆರ ಬರಿಲ್ ನಡ್ಂದ್ ಪೋಯಂಡಿಪ್ಪಕ, ದಂಡ್ ಅಣ್ಣತಮ್ಮಣಂಗಳ ಕಂಡತ್. ಅಯಿಂಗ ಬೆಸ್ತಂಗಳಾನ ಪೇತ್ರ ಎಣ್ಣುವ ಸೀಮೋನ ಪಿಂಞ ಅಂದ್ರೆಯ ಎಣ್ಣುವಯಿಂಗಳೇ. ದಂಡಾಳು ಬಲೆನ ಬೀಜಿತ್ ಮೀನ್ ಪುಡ್‍ಚಂಡ್ ಇಂಜತ್. ಯೇಸು ಅಯಿಂಗಕ್:

ಮತ್ತಾಯ 4:21

ಯೇಸು ಇಂಞು ಚೆನ್ನ ಮಿಂಞಕ್ ಪೋಯಂಡಿಪ್ಪಕ, ಅಲ್ಲಿ ಜೆಬೆದಾಯಂಡ ಮಕ್ಕಳಾನ ಯಾಕೋಬ ಪಿಂಞ ಯೋಹಾನನ ಕಂಡತ್. ಅಯಿಂಗ ಅಯಿಂಗಡ ಅಪ್ಪ ಜೆಬೆದಾಯಂಡ ಕೂಡೆ ದೋಣಿಲ್ ಮೀನ್ ಪುಡಿಪಕ್ ಬಲೆನ ಸರಿ ಮಾಡಿಯಂಡ್ ಇಂಜತ್. ಯೇಸು ಅಯಿಂಗಳ ಕಾಕ್‍ಚಿ;

ಮಾರ್ಕ 5:37

ಯೇಸು ಅಂವೊಂಡ ಕೂಡೆ ದಾರ್‌ನು ಬಪ್ಪಕ್ ಬುಡತೆ, ಬರಿ ಅಂವೊಂಡ ಶಿಷ್ಯಂಗಳಾನ ಪೇತ್ರ, ಯಾಕೋಬ ಪಿಂಞ ಅಂವೊಂಡ ತಮ್ಮಣನಾನ ಯೋಹಾನನ ಕೂಟಿಯಂಡ್ ಯಾಯೀರ ಮನೆಕ್ ಪೋಯಿತ್ ಎತ್ತ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:44

ಅಂವೊ ದುಂಬ ಮನಸ್ಸ್ ಕಷ್ಟಪಟ್ಟಿತ್ ಬೇಜಾರತ್‍ಲ್ ಪ್ರಾರ್ಥನೆ ಮಾಡ್‌ವಕಾಪಕ, ಯೇಸುರ ಬೆವರ್ ಚೋರೆರ ತುಳಿಯಾಯಿತ್ ನೆಲಕ್ ಬುದ್ದಂಡಿಂಜತ್.

ಯೋಹಾನ 12:27

ಇಕ್ಕ ನಾನ್ ಎಂತ ಎಣ್ಣಡ್? ನಾಡ ಆತ್ಮ ನೊಂಬಲತ್‍ಲ್ ಉಂಡ್. ಅಪ್ಪ! ನನ್ನ ಈ ಕಷ್ಟತ್‍ರ ಸಮಯತ್ಂಜ ಕಾಪಾಡ್‍ೕಂದ್ ಕ್‍ೕಪದಾ? ಆಚೇಂಗಿ, ಇದ್ಂಗಾಯಿತೇ ನಾನ್ ಬಂದಿಯೆ.