ಮತ್ತಾಯ 26:27 - ಕೊಡವ ಬೈಬಲ್

²⁷ ಅಲ್ಲಿಂಜ ಅಂವೊ ದ್ರಾಕ್ಷಿರಸ ಉಳ್ಳ ಪಾತ್ರತ್‍ನ ಎಡ್‌ಪಂಜಿ ದೇವನ ತುದಿಚಿತ್ ಅಯಿಂಗಕ್ ಕೊಡ್‌ತಿತ್: ನಿಂಗೆಲ್ಲಾರು ಇದ್‍ಯಿಂಜ ಕುಡಿಯಿರಿ,

ಮತ್ತಾಯ 26:27 ပူးပေါင်းရင်းမြစ်များ

ಮತ್ತಾಯ 15:36

ಯೇಸು, ಏಳ್ ಒಟ್ಟಿ ಪಿಂಞ ಮೀನ್‌ನ ಎಡ್‍ತಿತ್, ದೇವಕ್ ವಂದನೆ ಮಾಡಿತ್, ಒಟ್ಟಿನ ಪೊಳ್‌ಚಿತ್ ಶಿಷ್ಯಂಗಕ್ ಕೊಡ್‌ತಿತ್, ಇದ್‍ನ ನಿಂಗ ಎಲ್ಲಾರ್‌ಕು ಕೊಡೀಂದ್ ಎಣ್ಣ್‌ಚಿ; ಶಿಷ್ಯಂಗ ಜನಕ್ ಉಂಬಕ್ ಕೊಡ್‍ತತ್.

ಮತ್ತಾಯ 26:26

ಅಯಿಂಗೆಲ್ಲಾರು ಉಂಬಕಾಪಕ, ಯೇಸು ಒಟ್ಟಿನ ಎಡ್‌ಪಂಜಿ, ದೇವನ ತುದಿಚಿತ್, ಪೊಳಿಪಂಜಿ ಶಿಷ್ಯಂಗಕ್ ಕೊಡ್‌ತಿತ್: ಇದ್‍ನ ಎಡ್‌ತ್‌ ತಿನ್ನಿ, ಇದ್ ನಾಡ ತಡೀಂದ್ ಎಣ್ಣ್‌ಚಿ.

ಮತ್ತಾಯ 26:28

ಇದ್, ಪಾಪಕ್ ಮನ್ನಿಪ್ ಕ್‍ಟ್ಟ್‌ವಕ್, ದುಂಬ ಜನಕಾಯಿತ್ ಬೂಕ್‌ವ ಪುದಿಯ ಒಪ್ಪಂದತ್‍ರ ನಾಡ ಚೋರೆಯಾಯಿತುಂಡ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:20

ಉಂಡಿತ್ ಆನ ಪಿಂಞ, ಅಂವೊ ಅನ್ನನೆ ದ್ರಾಕ್ಷಿರಸತ್‍ರ ಕಪ್ಪ್‌ನ ಎಡ್‍ತಂಡ್: ಇದ್ ನಿಂಗಕಾಯಿತ್ ಬೂಕ್‌ವ ನಾಡ ಚೋರೆನಗುಂಡ್ ಮಾಡ್‍ನ ದೇವಡ ಪುದಿಯ ಒಪ್ಪಂದಾಂದ್ ಎಣ್ಣಿತ್ ಅಯಿಂಗಕ್ ಕೊಡ್‍ತತ್.

1 ಕೊರಿಂಥ 10:16

ನಂಗ ಆರಾದನೆ ಮಾಡ್‌ವಕ್ ಒಕ್ಕಚೆ ಕೂಡಿ ಬಪ್ಪಕ, ಕ್ರಿಸ್ತ ನಂಗಕಾಯಿತ್ ಚತ್ತ್ ಪೋನದ್‍ನ ಗೇನ ಮಾಡ್‌ವಕಾಯಿತ್, ನಂಗ ದೇವಕ್ ವಂದನೆ ಮಾಡಿತ್ ಕುಡಿಪ ದ್ರಾಕ್ಷಿರಸ, ನಂಗ ಆ ಚೋರೆರ ಪಾಲ್‍ದಾರಂಗಾಂದ್ ಕಾಟಿತಪ್ಪ ಅಲ್ಲಾ? ನಂಗ ತಿಂಬ ಒಟ್ಟಿ ಕ್ರಿಸ್ತಂಡ ತಡೀರ ಪಾಲ್‍ದಾರಂಗಾಂದ್ ಕಾಟಿತಪ್ಪ ಅಲ್ಲಾ?

1 ಕೊರಿಂಥ 11:28

ಆನಗುಂಡ್ ಈ ಒಟ್ಟಿನ ತಿಂಬಂವೊ, ಈ ಪಾತ್ರತ್‍ಲ್ ಕುಡಿಪಂವೊ, ಅದ್‍ನ ಮಾಡ್‌ವಕ್ ಮಿಂಞ ಅಂವೊ ಅಂವೊನ ಪರೀಕ್ಷೆ ಮಾಡಂಡು.