ಮತ್ತಾಯ 26:25 - ಕೊಡವ ಬೈಬಲ್

²⁵ ಕಾಟಿ ಕೊಡ್‍ಪಕುಳ್ಳ ಯೂದನು ಯೇಸುನ ನೋಟಿತ್, ಉಪಾದ್ಯನೇ, ನಾನಾಂದ್ ಕ್‍ೕಟತ್. ಅದ್ಂಗ್, ನೀನೇ ಎಣ್ಣಿತುಳ್ಳಿಯಾಂದ್ ಯೇಸು ಎಣ್ಣ್‌ಚಿ.

ಮತ್ತಾಯ 26:25 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 30:20

ವ್ಯಬಿಚಾರಿಯಡ ನಡತೆಯು ಇನ್ನನೆ ಉಂಡ್. ಆಕೆ ಉಂಡಿತ್, ತಾಂಡ ಬಾಯಿನ ತ್ಟಿತ್, ನಾನ್‌ ಓರ್‌ ತಪ್ಪು ಮಾಡಿತ್‌ಲ್ಲೆಂದ್‌ ಎಣ್ಣುವ.

ಮತ್ತಾಯ 23:7

ಚತ್ತೆಲ್ ಎಲ್ಲಾರು ಮರ್ಯಾದೆ ಕೊಡ್‌ಕಡ್ ಎಣ್ಣಿಯಂಡ್, ಎಲ್ಲಾರು ಅಯಿಂಗಳ ಉಪಾದ್ಯನೇಂದ್ ಕಾಕಂಡೂಂದ್ ಅಯಿಂಗ ಆಸೆ ಪಡುವ.

ಮತ್ತಾಯ 23:8

ನಿಂಗಳ ದಾರೂ ಉಪಾದ್ಯನೇಂದ್ ಕಾಕ್‍ವಕ್ ಬುಡತಿ. ಕ್ರಿಸ್ತ ಒಬ್ಬನೇ ನಿಂಗಕ್ ಉಪಾದ್ಯನಾಯಿತುಂಡ್. ನಿಂಗ ಎಲ್ಲಾರು ಅಣ್ಣತಮ್ಮಣಂಗಳಾಯಿತುಳ್ಳಿರ.

ಮತ್ತಾಯ 26:14

ಪನ್ನೆರಂಡ್ ಶಿಷ್ಯಂಗಡ ಕೂಟ್‌ಲ್ ಒಬ್ಬನಾನ ಇಸ್ಕರಿಯೋತ ಯೂದ ಎಣ್ಣ್‌ವಂವೊ ಮುಕ್ಯ ಯಾಜಕಂಗಡ ಪಕ್ಕ ಪೋಯಿತ್,

ಮತ್ತಾಯ 26:49

ಉಪಾದ್ಯನೇ, ಯೂದ ಯೇಸುರ ಪಕ್ಕ ಬಂದಿತ್, ಉಪಾದ್ಯನೇ ನೀಕ್ ವಂದನೇಂದ್ ಎಣ್ಣಿತ್ ಅಂವೊಂಗ್ ಮುತ್ತ್ ಕೊಡ್‍ತತ್.

ಮತ್ತಾಯ 26:64

ಅದ್ಂಗ್ ಯೇಸು: ಅಕ್ಕು, ನೀನ್ ಎಣ್ಣ್‌ನನೆಕೇಂದ್ ಯೇಸು ಎಣ್ಣ್‌ಚಿ. ಇಂಞು ಮಿಂಞಕ್ ಮನುಷ್ಯಕುಮಾರ ಸರ್ವ ಶಕ್ತಿಯುಳ್ಳಂವೊಂಡ ಬಲ್‌ತೆ ಬರಿಲ್ ಅಳ್‌ತಿತ್, ಬಾನತ್‍ರ ಮೋಡತ್‍ಲ್ ಬಪ್ಪದ್‍ನ ನಿಂಗೆಲ್ಲಾರು ಕಾಂಬಿರಾಂದ್ ಎಣ್ಣ್‌ಚಿ.

ಮತ್ತಾಯ 27:11

ಯೇಸು ಅದಿಪತಿಕ್ ಎದಿಕೆ ನಿಂದಿತ್ಂಜತ್. ಅದಿಪತಿ ಅಂವೊನ ನೋಟಿತ್: ನೀನ್ ಯೆಹೂದ್ಯ ಜನಡ ರಾಜನಾಂದ್ ಕ್‍ೕಟತ್. ಅಕ್ಕು, ನೀನ್ ಎಣ್ಣ್‌ನನೆಕೇಂದ್ ಯೇಸು ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:70

ಅಕ್ಕ: ನೀನ್ ನೇರಾಯಿತು ದೇವಡ ಮೋಂವೊನಾಂದ್ ಕ್‍ೕಟತ್; ಅದ್ಂಗ್ ಅಂವೊ: ನಿಂಗ ಎಣ್ಣ್‌ನನೆಕೇಂದ್ ಎಣ್ಣ್‌ಚಿ.

ಯೋಹಾನ 18:37

ಅಕ್ಕ ಪಿಲಾತ: ಅಕ್ಕ ನೀನ್ ರಾಜನಾಂದ್ ಕ್‍ೕಟತ್. ನಾನ್ ರಾಜನೇಂದ್ ನೀನ್ ಸರಿಯಾಯಿತ್ ಎಣ್ಣಿಯ. ಸತ್ಯತ್‍ರ ವಿಷಯತ್‍ನ ಜನಕ್ ಸಾಕ್ಷಿ ಕೊಡ್‍ಪಕಾಯಿತ್ ನಾನ್ ಈ ಲೋಕತ್‍ಲ್ ಪುಟ್ಟಿಯೆ, ಅದ್ಂಗಾಯಿತೇ ಈ ಬೂಲೋಕಕ್ ಬಂದಿಯೆ, ಸತ್ಯತ್‍ನ ಕ್‍ೕಪಕ್ ಕುಶಿ ಉಳ್ಳಯಿಂಗ ನಾಡ ಬೋದನೆನ ಕ್‍ೕಪಾಂದ್ ಯೇಸು ಅಂವೊಂಗ್ ಎಣ್ಣ್‌ಚಿ.

ಯೋಹಾನ 4:31

ಇದ್ಂಡ ಮದ್ಯತ್‍ಲ್, ಅಂವೊಂಡ ಶಿಷ್ಯಂಗ: ಉಪಾದ್ಯನೇ, ನೀನ್ ಉಣ್ಣ್‌ಂದ್ ಅಂವೊನ ಬೋಡಿಯಂಡತ್.