ಮತ್ತಾಯ 26:14 - ಕೊಡವ ಬೈಬಲ್

¹⁴ ಪನ್ನೆರಂಡ್ ಶಿಷ್ಯಂಗಡ ಕೂಟ್‌ಲ್ ಒಬ್ಬನಾನ ಇಸ್ಕರಿಯೋತ ಯೂದ ಎಣ್ಣ್‌ವಂವೊ ಮುಕ್ಯ ಯಾಜಕಂಗಡ ಪಕ್ಕ ಪೋಯಿತ್,

ಮತ್ತಾಯ 26:14 ပူးပေါင်းရင်းမြစ်များ

ಮತ್ತಾಯ 10:4

ದೇಶ ಪ್ರೇಮಿಯಾನ ಸೀಮೋನ ಪಿಂಞ ಯೇಸುನ ವಿರೋದಿಯಂಗಡ ಪಕ್ಕ ಪುಡ್‌ಚಿತ್ ಕೊಡ್‍ಪ ಇಸ್ಕರಿಯೋತ ಯೂದ ಎಣ್ಣ್‌ವಯಿಂಗಳೇ.

ಮತ್ತಾಯ 26:25

ಕಾಟಿ ಕೊಡ್‍ಪಕುಳ್ಳ ಯೂದನು ಯೇಸುನ ನೋಟಿತ್, ಉಪಾದ್ಯನೇ, ನಾನಾಂದ್ ಕ್‍ೕಟತ್. ಅದ್ಂಗ್, ನೀನೇ ಎಣ್ಣಿತುಳ್ಳಿಯಾಂದ್ ಯೇಸು ಎಣ್ಣ್‌ಚಿ.

ಮತ್ತಾಯ 26:47

ಯೇಸು ಇದ್‍ನ ಎಣ್ಣಿಯಂಡಿಪ್ಪಕಲೇ, ಪನ್ನೆರಂಡ್ ಶಿಷ್ಯಂಗಡ ಕೂಟ್‌ಲ್ ಒಬ್ಬನಾನ ಯೂದ ಬಾತ್. ಅಂವೊಂಡ ಕೂಡೆ ಮುಕ್ಯ ಯಾಜಕಂಗ ಪಿಂಞ ಜನಡ ಪೆರಿಯಯಿಂಗ ಅಯಿಚ ಬಲ್ಯ ಜನಡ ಗುಂಪ್ ಕತ್ತಿ ದೊಣ್ಣೆನೆಲ್ಲ ಎಡ್‍ತಂಡ್ ಬಂದಿತ್ಂಜತ್.

ಮತ್ತಾಯ 27:3

ಯೇಸುಕ್ ಮರಣ ಶಿಕ್ಷೇರ ತೀರ್ಪ್ ಕೊಡ್‍ತಿತುಂಡ್‍ೕಂದ್, ಅಂವೊನ ಪುಡ್‍ಚಿ ಕೊಡ್‍ತ ಯೂದಂಗ್ ಗೊತ್ತಾನ ಪಿಂಞ, ಅಂವೊ ದುಂಬ ಪಶ್ಚಾತಾಪ ಪಟ್ಟಿತ್, ಆ ನುಪ್ಪದ್ ಬೊಳ್ಳಿರ ನಾಣ್ಯತ್‍ನ ಮುಕ್ಯ ಯಾಜಕಂಗಡ ಪಕ್ಕ ಪಿಂಞ ಜನಡ ಪೆರಿಯಯಿಂಗಡ ಪಕ್ಕ ಕೊಡ್‌ತಿತ್,

ಯೋಹಾನ 12:4

ಬಯ್ಯಕ್ ಯೇಸುನ ಕೊಲ್ಲ್‌ವಕಾಯಿತ್ ಪುಡ್‌ಚಿತ್ ಕೊಡ್‍ಪ ಅಂವೊಂಡ ಶಿಷ್ಯನಾನ ಯೂದ ಇಸ್ಕರಿಯೋತ,

ಯೋಹಾನ 13:2

ಆ ಬಯಿಟ್ ಅಯಿಂಗೆಲ್ಲಾರು ಉಂಡಂಡಿಂಜತ್, ಸೀಮೋನಂಡ ಮೋಂವೊನಾನ ಯೂದ ಇಸ್ಕರಿಯೋತಂಗ್, ಯೇಸುನ ಪುಡ್‌ಚಿತ್ ಕೊಡ್‍ಕಂಡೂಂದ್ ಉಳ್ಳ ಗೇನತ್‍ನ ಸೈತಾನ ಅಂವೊಂಡ ಮನಸ್ಸ್‌ಲ್ ಮಿಂಞಲೇ ಇಟ್ಟಿತ್ಂಜತ್.

ಯೋಹಾನ 13:26

ಯೇಸು ಅಂವೊಂಗ್: ನಾನ್ ಈ ಒಟ್ಟಿನ ಮುಕ್ಕಿತ್ ದಾರ್‌ಕ್ ಕೊಡ್‍ಪಿ, ಅಂವೊನೇಂದ್ ಎಣ್ಣಿತ್, ಚೂರ್ ಒಟ್ಟಿನ ರಸತ್‍ಲ್ ಮುಕ್ಕುವಂಜಿ ಸೀಮೋನಂಡ ಮೋಂವೊನಾನ ಯೂದ ಇಸ್ಕರಿಯೋತಂಗ್ ಕೊಡ್‍ತತ್.

ಯೋಹಾನ 13:30

ಯೂದ ಒಟ್ಟಿನ ಎಡ್‍ತಂಡ್ ಅಕ್ಕಲೆ ಪೊರಮೆ ಪೋಚಿ. ಅಕ್ಕ ಬಯಿಟ್ ಆಯಿತ್ಂಜತ್.

ಯೋಹಾನ 18:2

ಅಲ್ಲಿಕ್ ಯೇಸು ಅಂವೊಂಡ ಶಿಷ್ಯಂಗಡ ಕೂಡೆ ಅಕ್ಕಕ್ಕ ಪೋಪಕಿಂಜತ್. ಆನಗುಂಡ್ ಯೇಸುನ ಪುಡ್‌ಚಿತ್ ಕೊಡ್‌ಪಕಿಂಜ ಯೂದಂಗ್ ಸಹ ಆ ಜಾಗ ಗೊತ್ತ್ಂಜತ್.

ಅಪೊಸ್ತಲ 1:16

ನಾಡ ಅಣ್ಣತಮ್ಮಣಂಗಳೇ, ಯೇಸುನ ಪುಡ್‌ಚಿತ್ ಪೋಪಯಿಂಗಕ್ ಬಟ್ಟೆ ಕಾಟಿ ಕೊಡ್‍ತ ಯೂದಂಡ ವಿಷಯತ್‍ನ ದಾವೀದಂಡ ಮೂಲಕ ಪವಿತ್ರಾತ್ಮ ಮಿಂಞಲೇ ಎಣ್ಣ್‌ನ ದೇವಡ ವಾಕ್ಯ ಒಳ್‍ದಿತುಳ್ಳದ್ ನೆರೆವೇರಂಡೂಂದ್ ಇಂಜತ್.

ಅಪೊಸ್ತಲ 1:18

ಅಂವೊ ಇನ್ನನೆ ಮೋಸ ಮಾಡ್‍ನಗುಂಡ್, ಕ್‍ಟ್ಟ್‌ನ ಪಣತ್‌ಲ್ ಒರ್ ಜಾಗ ಎಡ್‍ತಂಡತ್. ಅಲ್ಲಿ ಅಂವೊಂಡ ಮಂಡೆ ಅಡಿಕ್ ಬೂವಂಜಿ, ಅಂವೊಂಡ ಕೆಲ ಒಡಂದಿತ್ ಅದ್ಂಡ ಒಳ್‍ಲ್ ಉಳ್ಳ ಕರ್ ಎಲ್ಲಾ ಪೊರಮೆ ಬಂದಿತ್ ಚತ್ತ್ ಪೋಚಿ.