ಮತ್ತಾಯ 26:10 - ಕೊಡವ ಬೈಬಲ್

¹⁰ ಯೇಸುಕ್ ಇದ್ ಗೊತ್ತಾಯಿತ್, ಅಯಿಂಗಳ ನೋಟಿತ್: ನಿಂಗ ಎನ್ನಂಗ್ ಆ ಪೊಣ್ಣಾಳ್‍ನ ತೊಂದರೆ ಮಾಡ್‌ವಿರ, ಅವ ನಾಕ್ ನಲ್ಲ ಕಾರ್ಯತ್‍ನ ಮಾಡಿತುಂಡ್.

ಮತ್ತಾಯ 26:10 ပူးပေါင်းရင်းမြစ်များ

ಮತ್ತಾಯ 26:11

ಗರೀಬಂಗ ಎಕ್ಕಾಲು ನಿಂಗಡ ಕೂಡೆ ಇಪ್ಪ. ಆಚೇಂಗಿ ನಾನ್ ನಿಂಗಡ ಕೂಡೆ ಎಕ್ಕಾಲು ಇಪ್ಪುಲೆ.

ಮತ್ತಾಯ 26:9

ಇದ್‍ನ ಜಾಸ್ತಿ ಬೆಲೇಕ್ ಮಾರಿತ್, ಆ ದುಡ್ಡ್‌ನ ಗರೀಬಂಗಕ್ ಕೊಡ್‍ಪಕಿಂಜತಲ್ಲಾಂದ್ ಎಣ್ಣ್‌ಚಿ.

ಮಾರ್ಕ 14:6

ಅವಳ ಮುಂಡತೆ ಬುಟ್ಟ್‌ರಿ: ನಿಂಗ ಅವಳ ಎನ್ನಂಗ್ ತೊಂದರೆ ಮಾಡ್‌ವಿರ? ಅವ ನಾಕ್ ನಲ್ಲ ಕಾರ್ಯತ್‍ನ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:49

ಯೇಸು ಇನ್ನನೆ ತಕ್ಕ್ ಪರ್‌ದಂಡ್ ಇಪ್ಪಕ ಯಾಯೀರಂಡ ಮನೇಯಿಂಜ ಒಬ್ಬ ಬಂದಿತ್: ನೀಡ ಮೋವ ಚತ್ತ್ ಪೋಚಿ! ಯೇಸುಕ್ ಇಂಞು ತೊಂದರೆ ಕೊಡ್‌ಕತೇಂದ್ ಎಣ್ಣ್‌ಚಿ.

2 ಕೊರಿಂಥ 9:8

ನಿಂಗ ಎಕ್ಕಾಲು ಎಲ್ಲಾ ವಿಷಯತ್‍ಲು ಪೂರ್ತಿಯಾಯಿತ್ ಇಪ್ಪಕು, ಎಲ್ಲಾ ನಲ್ಲ ಕ್ರಿಯೇಲ್ ಬೊಳಿಯುವಕು ದೇವ ನಿಂಗಕ್ ಎಲ್ಲಾ ಕೃಪೇನ ದಾರಾಳಾವಾಯಿತ್ ತಪ್ಪಕ್ ಶಕ್ತಿವಂತಂವೊನಾಯಿತುಂಡ್.

ಗಲಾತ್ಯ 1:7

ಆಚೇಂಗಿ ಇದ್‍ನ ಬುಟ್ಟಿತ್ ಬೋರೆ ನಲ್ಲ ಸುದ್ದಿ ಏದ್ ಉಂಡ್? ಚೆನ್ನ ಜನ, ನಿಂಗಡ ಮನಸ್ಸ್‌ನ ಕಲ್‍ಕಿತ್ ಕ್ರಿಸ್ತಂಡ ನಲ್ಲ ಸುದ್ದಿನ ತಿರ್‌ಕ್‍ವಕ್ ಪ್ರಯತ್ನ ಪಟ್ಟಂಡುಳ್ಳದಲ್ಲತೆ ಬೋರೆ ಒಂದು ಮಾಡಿಯಂಡಿಲ್ಲೆ.

ಗಲಾತ್ಯ 5:12

ನಿಂಗಳ ಕಲವಳ ಮಾಡಿಯಂಡ್ ಉಳ್ಳಯಿಂಗಡದ್‌ನ ಇಲ್ಲತನೆಕೆ ಮುರಿಚ್‍ತೇಂಗಿಯು ಚಾಯಾಪ.

ಗಲಾತ್ಯ 6:17

ಕಡೇಕ್ ಇನ್ನನೆ ಎಣ್ಣ್‌ವಿ: ಇಂಞು ಮಿಂಞಕ್ ನಾಕ್ ದಾರೂ ತೊಂದರೆ ತರಂಡ, ಎನ್ನಂಗೆಣ್ಣ್‌ಚೇಂಗಿ ನಾಡ ಮೇಲ್‌ಲ್ ಉಳ್ಳ ಗಾಯ ನಾನ್ ಯೇಸುರ ಆಳ್‍ೕಂದ್ ಕಾಟ್‍ವ.

ಎಫೆಸ 2:10

ಎನ್ನನೆ ಎಣ್ಣ್‌ಚೇಂಗಿ, ನಲ್ಲ ಕೆಲಸ ಮಾಡ್‌ವಕಾಯಿತ್ ನಂಗಳ ಪುದಿಯದಾಯಿತ್ ಕ್ರಿಸ್ತ ಯೇಸುರಲ್ಲಿ ಸೃಷ್ಟಿ ಮಾಡ್‍ನ ದೇವಡ ಕ್ರಿಯೇಯಾಯಿತುಂಡ್; ಅದ್‍ಲ್ ನಂಗ ನಡ್‍ಕಂಡೂಂದ್ ದೇವ ಮಿಂಞಲೇ ತಯಾರ್ ಮಾಡಿತುಂಡ್.

ಕೊಲೊಸ್ಸೆ 1:10

ಅಕ್ಕ, ನಿಂಗ ಒಡೆಯಂಗ್ ಯೋಗ್ಯವಾನ ಬದ್‍ಕ್ ಬದ್‌ಕಿತ್, ಎಲ್ಲಾ ರೀತಿಲ್ ಅಂವೊನ ಕುಶಿ ಪಡ್‍ತಿತ್, ಎಲ್ಲಾ ತರತ್‍ರ ನಲ್ಲ ಕೆಲಸತ್‌ರ ಫಲತ್‍ನ ಕೊಡ್‌ತಿತ್, ದೇವನ ಗೊತ್ತಾಪಕುಳ್ಳ ಅಂವೊಂಡ ಬುದ್ದಿಲ್ ಬೊಳಿವಿರ.

2 ಥೆಸಲೊನೀಕ 2:17

ನಿಂಗಡ ಹೃದಯಕ್ ಒತ್ತಾಸೆ ಮಾಡಿತ್, ಎಲ್ಲಾ ನಲ್ಲ ಕೆಲಸ ಮಾಡ್‌ವಕ್ ಪಿಂಞ ನಲ್ಲ ತಕ್ಕ್ ಪರಿಯುವಕ್ ಬಲಪಡ್‍ತಡ್.

1 ತಿಮೊಥೆಯ 3:1

ಸಬೆರ ಪೆರಿಯಯಿಂಗಳಾಯಿತ್ ಇಪ್ಪಕ್ ಒಬ್ಬಂಗ್ ಮನಸ್ಸ್ ಉಂಡೇಂಗಿ, ಅಂವೊ ಒರ್ ಗೌರವ ಪದವಿಕ್ ಕುಶಿಪಟ್ಟಂಡುಂಡ್‍ೕಂದ್ ಎಣ್ಣುವ ತಕ್ಕ್ ನೇರಾನದ್.

1 ತಿಮೊಥೆಯ 5:10

ಮಕ್ಕಳ ಚಾಯಿತೆ ಚಾಕ್‍ನವ, ಮನೆಕ್ ಬಂದಯಿಂಗಳ ಚಾಯಿತೆ ಸತ್ಕಾರ ಮಾಡ್‍ನವ, ಯೇಸುನ ನಂಬ್‍ನಯಿಂಗಕ್ ಸೇವೆ ಮಾಡ್‍ನವ, ಕಷ್ಟತ್‍ಲ್ ಉಳ್ಳಯಿಂಗಕ್ ಸಹಾಯ ಮಾಡ್‍ನವ, ಎಲ್ಲಾ ನಲ್ಲ ಕೆಲಸತ್‍ನ ಎಚ್ಚರತ್‍ಲ್ ಮಾಡ್‍ನವ, ನಲ್ಲ ಕೆಲಸ ಮಾಡ್‍ನವ, ಈ ಎಲ್ಲಾಂಗು ನಲ್ಲ ಪೆದ ಎಡ್‍ತವಳಾಯಿತ್ ಉಳ್ಳವಳ ನೀನ್ ಈ ಕೂಟ್‍ಕ್ ಕೂಟಂಡು.

2 ತಿಮೊಥೆಯ 2:21

ಆನಗುಂಡ್, ಒರ್ ಮನುಷ್ಯ ಪಾಪತ್‍ರ ಕೆಲಸತ್‍ನ ಬುಟ್ಟಿತ್ ಅಂವೊನ ಪವಿತ್ರವಾಯಿತ್ ಮಾಡ್‍ಚೇಂಗಿ, ಅಂವೊಂಡ ಎಜಮಾನಂಡ ಗೌರವ ಕಾರ್ಯಕ್ ಉಪಯೋಗಿಚಿಡುವ ಪಾತ್ರವಾಯಿತ್ ಇಪ್ಪ. ಅಂವೊ ಪವಿತ್ರವಾಯಿತ್ ಪಿಂಞ ಏದ್ ನಲ್ಲ ಕೆಲಸಕೂ ಉಪಯೋಗಿಚಿಡುವಕ್ ತಯಾರಾಯಿತ್‌ಪ್ಪ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:16

ಅಯಿಂಗ ದೇವನ ಗೊತ್ತುಂಡ್‍ೕಂದ್ ಎಣ್ಣುವ, ಆಚೇಂಗಿ ಅಯಿಂಗ ಮಾಡ್‌ವ ಕ್ರಿಯೆ ಅಯಿಂಗಕ್ ದೇವ ಗೊತ್ತ್‌ಲ್ಲೇಂದ್ ಕಾಟಿತಪ್ಪ. ಅಯಿಂಗ, ಜನ ದ್ವೇಶ ಮಾಡ್‌ವಯಿಂಗಳಾಯಿತು, ಏದ್ ಅದಿಕಾರಕು ಬಗ್ಗಿತ್ ನಡ್‍ಕತಯಿಂಗಳಾಯಿತು ಉಂಡ್. ಆನಗುಂಡ್ ಅಯಿಂಗ ಏದ್ ನಲ್ಲ ಕ್ರಿಯೆ ಮಾಡ್‌ವಕು ಯೋಗ್ಯತೆ ಇಲ್ಲತಯಿಂಗಳಾಯಿತುಂಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:14

ಅಂವೊ, ನಂಗಳ, ನಂಗಡ ಎಲ್ಲಾ ಪಾಪತ್ಂಜ ಬುಡ್‍ಗಡೆ ಮಾಡಿತ್, ಅಂವೊಂಡ ಸ್ವಂತ ಜನವಾಯಿತ್ ಮಾಡ್‌ವಕಾಯಿತ್, ಎಲ್ಲಾ ನಲ್ಲ ಕೆಲಸತ್‍ನ ಕುಶೀಲ್ ಮಾಡ್‌ವಕ್ ಅರ್ಪಿಚಿಟ್ಟಯಂಗಳಾಯಿತ್ ಪಿಂಞ ನಂಗಳ ಶುದ್ದ ಮಾಡ್‌ವಕಾಯಿತ್ ಅಂವೊನ ಅಂವೊನೇ ನಂಗಕಾಯಿತ್ ಒಪ್ಪ್‌ಚಿಟ್ಟತ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:1

ಯೇಸುನ ನಂಬ್‍ನಯಿಂಗ, ಸರ್ಕಾರಕೂ ಅದ್ಂಡ ಅದಿಕಾರಿಯಂಗಕು ಒಳಪಟ್ಟಿತ್ ನಡ್‍ಕಂಡೂಂದ್ ಇಂಞೊಮ್ಮ ಅಯಿಂಗಕ್ ಎಣ್ಣಿತ್, ಏದ್ ನಲ್ಲ ಕೆಲಸ ಮಾಡ್‌ವಕು ತಯಾರಾಯಿತ್ ಇಪ್ಪಕ್ ಎಣ್ಣಿ ಕೊಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:14

ನಂಗಡ ಜನ, ನೇರಾಯಿತ್ ಕೊರತೆ ಉಳ್ಳಯಿಂಗಕ್ ಬೋಂಡಿಯಾನದ್‍ನ ಪೂರೈಚಿಡುವ ನಲ್ಲ ಕಾರ್ಯತ್‍ನ ಮಾಡ್‌ವಕ್ ಪಡಿಕಡ್. ಅಕ್ಕ ಅಯಿಂಗಡ ಬದ್‍ಕ್ ಪ್ರಯೋಜನ ಇಲ್ಲತೆ ಪೋಪುಲೆ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:8

ಇಲ್ಲಿಕತ್ತನೆ ನಾನ್ ಎಣ್ಣ್‌ನದ್ ಸತ್ಯತ್‍ರ ತಕ್ಕ್. ದೇವಡ ಮೇಲೆ ನಂಬಿಕೆ ಉಳ್ಳಯಿಂಗ, ನಲ್ಲ ಕೆಲಸ ಮಾಡ್‌ವಕ್ ಅರ್ಪಿಚಿಟ್ಟಯಿಂಗಳಾಯಿತ್ ಇರಂಡೂಂದ್ ಉಳ್ಳ ಈ ತಕ್ಕ್‌ನ ನೀನ್ ಕಂಡಿತವಾಯಿತ್ ಬೋದನೆ ಮಾಡಂಡೂಂದ್ ನಾಡ ಆಸೆ. ಈ ತರ ಬೋದನೆ ಸರಿಯಾನದು, ಎಲ್ಲಾರ್‌ಕು ಪ್ರಯೋಜನವಾಯಿತು ಉಂಡ್.

ಇಬ್ರಿಯ 13:21

ಯೇಸುರ ಮೂಲಕ ತಾಂಡ ಮಿಂಞತ್ ಕುಶಿಯುಳ್ಳದ್‍ನ, ನಿಂಗಡ ಮದ್ಯತ್‍ಲ್ ಮಾಡಿತ್, ನಿಂಗ ಅಂವೊಂಡ ಚಿತ್ತತ್‍ರನೆಕೆ ಮಾಡ್‌ವಕ್, ನಿಂಗಳ ಎಲ್ಲಾ ತರತ್‍ರ ನಲ್ಲ ಕ್ರಿಯೇರಗುಂಡ್ ಪೂರ್ತಿ ಮಾಡಿತ್ ಬಲಪಡ್‍ತಡ್; ಅಂವೊಂಗ್ ಎಕ್ಕಾಲು ಮಹಿಮೆ ಬರಡ್. ಆಮೆನ್.

1 ಪೇತ್ರ 2:12

ದೇವಡ ಮೇಲೆ ನಂಬಿಕೆ ಇಲ್ಲತ ಜನ, ನಿಂಗ ತಪ್ಪ್ ಮಾಡ್‌ನಯಿಂಗಾಂದ್ ಕುತ್ತ ಪರ್ಂದತೇಂಗಿಯು, ಅಯಿಂಗ ನಿಂಗಡ ನಲ್ಲ ಕ್ರಿಯೇನ ಕಂಡಿತ್, ಅಂವೊ ನಂಗಳ ಕಾಂಬ ದಿವಸತ್‍ಲ್ ಅಯಿಂಗ ದೇವನ ತುದಿಪನೆಕೆ, ಅಯಿಂಗಡ ಮದ್ಯತ್‍ಲ್ ನಲ್ಲ ನಡತೆ ಉಳ್ಳಯಿಂಗಳಾಯಿತ್ ಬದ್‍ಕಂಡು.