ಮತ್ತಾಯ 25:8 - ಕೊಡವ ಬೈಬಲ್

⁸ ಅಕ್ಕ ಬುದ್ದಿ ಇಲ್ಲತಯಿಂಗ ಬುದ್ದಿ ಉಳ್ಳಯಿಂಗಳ ನೋಟಿತ್: ನಿಂಗಡ ಪಕ್ಕ ಉಳ್ಳ ಎಣ್ಣೇಲ್ ನಂಗಕ್ ಚೆನ್ನ ತಾರೀಂದ್ ಕ್‍ೕಟತ್.

ಮತ್ತಾಯ 25:8 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 13:9

ನೀತಿವಂತಂವೊಂಡ ಬೊಳಿ ಪ್ರಕಾಶವಾಯಿತ್‌ ಮಿನ್ನ್‌ವ. ಆಚೇಂಗಿ ದುಷ್ಟಂಡ ಬೊಳ್‌ಚ ಆರಿಪೋಪ.

ಜ್ಞಾನತ್‌ರ ಪಡಿಮ 20:20

ತಾಂಡ ಅಪ್ಪನ ಆಡ್‌ ಅವ್ವೊನ ಆಡ್‌ ಶಾಪ ಮಾಡುವಂವೊಂಡ ಬೊಳ್‌ಚ ಇರ್‌ಟ್‌ಲ್‌ ಆರಿಪೋಪ.

ಮತ್ತಾಯ 25:1

ಅಕ್ಕ ಪರಲೋಕ ರಾಜ್ಯ, ತಂಗಡ ಬೊಳ್‌ಚತ್‍ನ ಎಡ್‍ತಂಡ್ ಮಂಗಲಕಾರನ ಕಾಂಬಕ್ ಪೊರಟ ಪತ್ತ್ ಕನ್ನಿ ಮೂಡಿಯಂಗಡನೆಕೆ ಇಪ್ಪ.

ಮತ್ತಾಯ 25:7

ಅಕ್ಕ ಆ ಬುದ್ದಿವಂತ ಕನ್ನಿ ಮೂಡಿಯ ಎದ್ದಿತ್ ಅಯಿಂಗಡ ಬೊಳ್‌ಚತ್‍ನ ಕತ್ತ್‌ಚಿಟ್ಟ್ ತಯಾರ್ ಮಾಡ್‍ಚಿ.

ಮತ್ತಾಯ 25:9

ಅಕ್ಕ ಬುದ್ದಿವಂತಯಿಂಗ ನಿಂಗಕ್ ಎಣ್ಣೆ ತಂದತೇಂಗಿ ನಂಗಕು ನಿಂಗಕು ಎಣ್ಣೆ ಪೋರತಾಪಾಂದ್ ಎಣ್ಣ್‌ಚಿ. ಆನಗುಂಡ್, ನಿಂಗ ಎಣ್ಣೆ ಮಾರುವಂವೊಂಡ ಪಕ್ಕ ಪೋಯಿತ್ ಎಣ್ಣೆ ಎಡ್‍ತಂಡ್ ಬಾರೀಂದ್ ಎಣ್ಣ್‌ಚಿ.

ಮತ್ತಾಯ 3:9

ಅಬ್ರಹಾಮ ನಂಗಡ ಅಪ್ಪಾಂದ್ ಎಣ್ಣುವಕ್ ಗೇನ ಮಾಡತಿ. ದೇವಕ್ ಇಲ್ಲಿ ಉಳ್ಳ ಕಲ್ಲಿಂಜ ಸಹ ಅಬ್ರಹಾಮಂಗ್ ಮಕ್ಕಳ ಪುಟ್ಟ್‌ಚಿಡ್‌ವಕ್ ಕಯ್ಯೂಂದ್ ನಾನ್ ನಿಂಗಕ್ ಎಣ್ಣ್‌ವಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:35

ಇಂಞು ಯೇಸು ಇನ್ನನೆ ಎಣ್ಣ್‌ಚಿ: ಸೇವೆ ಮಾಡ್‌ವಕ್ ಬಟ್ಟೆ ಇಟ್ಟಿತ್ ತಯಾರಾಯಿತ್ ನಿಂಗಡ ಬೊಳ್‍ಚ ಕತ್ತಿಯಂಡ್ ಇರಡ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:24

ಅಕ್ಕ ಐಶ್ವರ್ಯವಂತಂವೊ: ಅಪ್ಪನಾನ ಅಬ್ರಹಾಮನೇ, ನಾಕ್ ಕನಿಕರ ಕಾಟ್! ಲಾಜರನ ಇಲ್ಲಿ ಅಯಿಚಿತ್, ಅಂವೊ ಅಂವೊಂಡ ತುದಿ ಬೆರತ್‌ನ ನೀರ್‌ಲ್ ಮುಕ್ಕಿತ್ ನಾಡ ನಾವ್‌ನ ತಣಿಚಿಡಡ್, ಈ ಉರಿಲ್ ನಾನ್ ಕಷ್ಟಪಟ್ಟಂಡ್ ಉಳ್ಳ್‌ಂದ್ ಕೂತ್ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:18

ಉಳ್ಳಯಿಂಗಕ್ ಇಂಞು ಕ್‍ಟ್ಟ್‌ವ, ಇಲ್ಲತಯಿಂಗಕ್ ನಾಕ್ ಚೆನ್ನ ಉಂಡ್‍ೕಂದ್ ಗೇನ ಮಾಡಿಯಂಡಿಪ್ಪದ್‍ನ ಸಹ ಎಡ್‌ತ್‌ರ್‍ವಾಂದ್ ಎಣ್ಣ್‌ಚಿ.

ಅಪೊಸ್ತಲ 8:24

ಅದ್ಂಗ್ ಸೀಮೋನ: ನಿಂಗ ಎಣ್ಣ್‌ನ ಒರ್ ವಿಷಯವು ನಾಡ ಮೇಲೆ ಬಕ್ಕತನೆಕೆ, ನಾಕಾಯಿತ್ ಒಡೆಯಂಡ ಪಕ್ಕ ಬೋಡಿಯೊಳೀಂದ್ ಎಣ್ಣ್‌ಚಿ.

ಇಬ್ರಿಯ 4:1

ದೇವ ತಪ್ಪ ಆರಾಮ್‍ರ ಜಾಗಕ್ ಪೋಪಕುಳ್ಳ ವಾಗ್ದಾನ ನಂಗಕ್ ಇಂಞು ಉಳ್ಳಗುಂಡ್, ನಿಂಗಡಲ್ಲಿ ಒಬ್ಬ ಸಹ ಅಲ್ಲಿಕ್ ಎತ್ತ್‌ವಕ್ ಆಪುಲೇಂದ್ ಗೊತ್ತಾಕತನೆಕೆ ಪೋಡಿಲ್ ಬದ್‍ಕಂಡು.

ಪ್ರಕಟನೆ 3:9

ಇದಾ, ಯೆಹೂದ್ಯ ಅಲ್ಲತಯಿಂಗಳಾಯಿತ್ ಇಂಜತೇಂಗಿಯು ಯೆಹೂದ್ಯಂಗಾಂದ್ ಪೊಟ್ಟ್ ಪರ್ಂದಂಡುಳ್ಳ ಸೈತಾನಂಡ ಸಬಾಮಂದಿರಕ್ ಕೂಡ್‍ನ ಚೆನ್ನ ಜನಳ ನೀಕ್ ತಪ್ಪಿ; ಇದಾ, ಅಯಿಂಗ ನೀಡ ಕಾಲ್‌ಕ್ ಬೂವನೆಕೆ ನಾನ್ ಮಾಡ್‌ವಿ. ನಾನ್ ನಿನ್ನ ಪ್ರೀತಿ ಮಾಡಿಯಂಡುಳ್ಳ್‍ೕಂದ್ ಗೊತ್ತಾಪನೆಕೆ ಇನ್ನನೆ ಮಾಡ್‌ವಿ.