ಮತ್ತಾಯ 25:3 - ಕೊಡವ ಬೈಬಲ್

³ ಬುದ್ದಿ ಇಲ್ಲತಯಿಂಗ ಅಯಿಂಗಡ ಬೊಳ್‌ಚತ್‍ನ ಎಡ್‍ತಂಡ್ ಪೋಚಿ,

ಮತ್ತಾಯ 25:3 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 31:18

ಅವ ತಾಂಡ ವ್ಯಾಪಾರ ಪ್ರಯೋಜನ ಉಳ್ಳದಾಯಿತುಂಡ್‍ೕಂದ್‌ ಅವಕ್‌ ಅರ್‌ಂಜಿತ್‌ ಬೆಚ್ಚೊವ. ಬಯಿಟ್, ಸುಮಾರ್‌ ನೇರಕತ್ತನೆ ಅವ ಕೆಲಸ ಮಾಡುವ.

ಮತ್ತಾಯ 25:1

ಅಕ್ಕ ಪರಲೋಕ ರಾಜ್ಯ, ತಂಗಡ ಬೊಳ್‌ಚತ್‍ನ ಎಡ್‍ತಂಡ್ ಮಂಗಲಕಾರನ ಕಾಂಬಕ್ ಪೊರಟ ಪತ್ತ್ ಕನ್ನಿ ಮೂಡಿಯಂಗಡನೆಕೆ ಇಪ್ಪ.

ಮತ್ತಾಯ 25:2

ಅಯಿಂಗಡಡೆಲ್ ಅಂಜ್ ಕನ್ನಿ ಮೂಡಿಯಂಗ ಬುದ್ದಿ ಇಲ್ಲತಯಿಂಗಳು ಇಂಞು ಅಂಜ್ ಕನ್ನಿ ಮೂಡಿಯಂಗ ಬುದ್ದಿವಂತಯಿಂಗಳಾಯಿತ್ಂಜತ್.

ಮತ್ತಾಯ 25:4

ಆಚೇಂಗಿ ಬೋಂಡಿಯಚ್ಚಕ್ ಎಣ್ಣೆ ಎಡ್‍ತಂಡ್ ಪೋಯಿತ್‌ಲ್ಲೆ. ಆಚೇಂಗಿ ಬುದ್ದಿವಂತಯಿಂಗ ಬೊಳ್‍ಚ ಪಿಂಞ ಅದ್ಂಗ್ ಬೋಂಡಿಯಾನ ಎಣ್ಣೇನ, ಎಣ್ಣೆ ಪಾತ್ರತ್‍ಲ್ ಎಡ್‍ತಂಡ್ ಪೋಚಿ.

2 ತಿಮೊಥೆಯ 3:5

ದೇವಡ ಮೇಲೆ ಬಕ್ತಿ ಉಳ್ಳಯಿಂಗಡನೆಕೆ ವೇಷ ಇಡ್‌ವ, ಆಚೇಂಗಿ, ದೇವಡ ಶಕ್ತಿನ ಅಯಿಂಗಡ ಒಳ್‍ಲ್ ಕ್ರಿಯೆ ಮಾಡ್‌ವಕ್ ಬುಡುಲೆ. ಈಂಗಳ ಬುಟ್ಟಿತ್ ನೀನ್ ದೂರ ಇರ್.

ಇಬ್ರಿಯ 12:15

ದಾರ್ ಒಬ್ಬನು ದೇವಡ ಕೃಪೇನ ಕಳೆಂದ್ ಪೋಕತನೆಕೆ, ಏದ್ ಒರ್ ವಿಷವುಳ್ಳ ಬೇರೂ ಮೊಳಕೆ ಬುಟ್ಟಿತ್, ಜಗಳ ಉಂಟ್ ಮಾಡಿ ದುಂಬ ಜನ ಪಾಳಾಯಿ ಪೋಕತನೆಕೆ ನೋಟಿಯೊಳಿ.

ಪ್ರಕಟನೆ 3:1

ಸಾರ್ದಿಸಿ ಪಟ್ಟಣತ್‍ಲ್ ಉಳ್ಳ ಸಬೆರ ದೂತಂಗ್ ಒಳ್‍ದ್‍ವಕುಳ್ಳದ್ ಎಂತ ಎಣ್ಣ್‌ಚೇಂಗಿ: ದೇವಡ ಏಳ್ ಆತ್ಮತ್‌ನ ಪಿಂಞ ಏಳ್ ನಕ್ಷತ್ರತ್‍ನ ಪುಡ್‌ಚಂಡುಳ್ಳಂವೊ ಇದ್‍ನ ಎಣ್ಣಿಯಂಡುಳ್ಳ. ನೀಡ ಕ್ರಿಯೆ ನಾಕ್ ಗೊತ್ತುಂಡ್, ನೀನ್ ಬದ್‍ಕಿಯಂಡ್ ಉಂಡ್‍ೕಂದ್‌ ಎಲ್ಲಾರು ಎಣ್ಣಿಯಂಡಿಂಜತೇಂಗಿಯು ನೀನ್ ಚತ್ತ್ ಪೋನಂವೊಂಡನೆಕೆ ಉಳ್ಳಿಯ.