ಮತ್ತಾಯ 24:7 - ಕೊಡವ ಬೈಬಲ್

⁷ ಜನಕ್ ವಿರೋದವಾಯಿತ್ ಜನಳು, ರಾಜ್ಯಕ್ ವಿರೋದವಾಯಿತ್ ರಾಜ್ಯವು ಯುದ್ದ ಮಾಡ್‌ವ; ದುಂಬ ಜಾಗತ್‍ಲ್ ಬಲ್ಯ ಬೂಕಂಪ ಆಪ, ಬರಗಾಲ ಬಪ್ಪ.

ಮತ್ತಾಯ 24:7 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:11

ದುಂಬ ಜಾಗತ್‍ಲ್ ಬಲ್ಯ ಬೂಕಂಪ ಆಯಂಡಿಪ್ಪ, ಬರಗಾಲ ಬಪ್ಪ, ಪಬ್ಬ್‌ವ ಕಾಯಿಲ ಬಪ್ಪ, ಬಾನತ್ಂಜ ಬಯಂಕರವಾನ ಘಟನೆ ಪಿಂಞ ಬಲ್ಯ ಗುರ್‍ತ್‍ನ ಕಾಂಬಿರ.

ಅಪೊಸ್ತಲ 11:28

ಅಯಿಂಗಡಲ್ಲಿ ಅಗಬ ಎಣ್ಣುವ ಒಬ್ಬ ಎದ್ದಿತ್, ಪವಿತ್ರಾತ್ಮತ್‍ಲ್ ದುಂಬಿತ್, ಇಡಿ ಲೋಕತ್‍ಲ್ ಬರಗಾಲ ಬಪ್ಪಕುಂಡ್‍ೕಂದ್ ಎಣ್ಣ್‌ಚಿ. ಅದ್ ಅನ್ನನೆ ಕ್ಲೌದ್ಯ ಚಕ್ರವರ್ತಿರ ಕಾಲತ್‍ಲ್ ನಡ್ಂದತ್.

ಅಪೊಸ್ತಲ 2:19

ಅದಲ್ಲತೆ ಬಾನತ್‍ರ ಮೇಲೆ ಆಶ್ಚರ್ಯ ಕಾರ್ಯತ್‍ನ, ಕ್‍ೕ‍ದಲ್ ಉಳ್ಳ ಬೂಮಿಲ್ ಚೋರೆ, ತಿತ್ತ್, ಪಿಂಞ ಪೊಗೆರ ಮೋಡ ಈ ತರ ಗುರ್‌ತ್ ಕಾರ್ಯತ್‍ನ ಕಾಟುವಿ.

ಇಬ್ರಿಯ 12:27

ಇಂಞು ಒರ್ ಕುರೀಂದ್ ಎಣ್ಣುವಕ, ಸೃಷ್ಟಿ ಮಾಡ್‍ನದೆಲ್ಲಾ ಅನ್‌ಂಗಿತ್ ನೀಂಗಿ ಪೋಪದ್‌ನ ಪಿಂಞ ಅನಂಗತೆ ಇಪ್ಪದೆಲ್ಲ ಎಕ್ಕಾಲು ನಿಪ್ಪಕುಳ್ಳದ್‍ನ ಕಾಟಿತಪ್ಪ.

ಪ್ರಕಟನೆ 6:12

ಅಂವೊ ಆರನೆ ಮುದ್ರೆನ ಪೊಳಿಪದ್‍ನ ನೋಟಿಯೆ; ಇದಾ, ಬೂಮಿ ಬಲ್ಯದಾಯಿತ್ ಗ್‍ಡ್‍ಗ್‍ಚಿ, ಸೂರ್ಯ ಒರ್ ಕರ್ತ ಗೋಣಿಚೇಲೆರನೆಕೆ ಕರ್ತಿತ್ ಪೋಚಿ, ಚಂದ್ರ ಚೋರೆರನೆಕೆ ಆಯಿಪೋಚಿ.

ಪ್ರಕಟನೆ 6:5

ಅಂವೊ ಮೂಂದನೆ ಮುದ್ರೆನ ಪೊಳಿಪಕ: ಮೂಂದನೆ ಜೀವ ಪ್ರಾಣಿ: ನೀನ್ ಬಂದ್ ನೋಟ್‍ೕಂದ್ ಎಣ್ಣ್‌ನದ್ ನಾಕ್ ಕ್‍ೕಟತ್. ನಾನ್ ನೋಟ್‍ವಕ, ಇದಾ, ಒರ್ ಕರ್ತ ಕುದ್‍ರೆನ ಕಂಡಿಯೆ; ಅದ್ಂಡಮೇಲೆ ಇಂಜಂವೊ ಒರ್ ತಕ್ಕಡಿನ ಅಂವೊಂಡ ಕೈಯಿಲ್ ಪುಡ್‌ಚಂಡಿಂಜತ್.

ಪ್ರಕಟನೆ 6:6

ಅಕ್ಕ, ನಾಲ್ ಜೀವಿ ಪ್ರಾಣಿಯಡ ಮದ್ಯತ್ಂಜ, ಒರ್ ದಿವಸತ್‍ರ ಕೂಲಿರ ಪಣಕ್ ಒರ್ ಕಿಲೊ ಗೋದಿ, ಒರ್ ದಿವಸತ್‍ರ ಕೂಲಿರ ಪಣಕ್ ಮೂಂದ್ ಕಿಲೊ ಬಾರ್ಲಿ, ಎಣ್ಣೆ ಪಿಂಞ ದ್ರಾಕ್ಷಿರಸತ್‍ನ ನೀನ್ ಪಾಳ್ ಮಾಡತೇಂದ್ ನಾಕ್ ಒರ್ ವಾಣಿ ಕ್‍ೕಟತ್.

ಪ್ರಕಟನೆ 6:8

ನಾನ್ ನೋಟ್‍ವಕ, ಇದಾ, ಒರ್ ಮಂಗ್‍ನ ಕುದ್‍ರೆನ ಕಂಡಿಯೆ. ಅದ್ಂಡಮೇಲೆ ಇಂಜಂವೊಂಗ್ ಚಾವ್‍ೕಂದ್ ಪೆದ, ಪಾತಾಳ ಅಂವೊಂಡ ಬಯ್ಯಕ್ ಪೋಚಿ. ಬಾಳ್‍ರಗುಂಡ್, ಬರಕಾಲತ್‍ರಗುಂಡ್, ಬೂಮಿರ ದುಷ್ಟ ಮೃಗತ್‍ರಗುಂಡ್, ಬೂಮಿಲ್ ವಾಸ ಮಾಡಿಯಂಡುಳ್ಳ ನಾಲ್‍ಲ್ ಒರ್ ಬಾಗ ಜನತ್‍ನ ಕೊಲೆ ಮಾಡ್‌ವಕುಳ್ಳ ಅದಿಕಾರತ್‍ನ ಕೊಡ್‌ತಿತ್ಂಜತ್.